الأقارب عقارب ....!!!!

[louraa]

حداااااااااااااااااا 100%

ما يت عبط هالمقوله

اول شي لان الاهل بحكم القرابه عارفين كل شي
يعني المستوى المادي الاجتماعي المهني ............... الخ
ف اهني تبدي سالفه المقارنه والغيره والحسد

ومومعناته انهم عقارب خلاص مامنهم فايده بالعكس بوقت الشده تلقينهم يمج بس ابين اللي مضايق عشانج

وعسى الله يبعدنا عن الحسد والغيره

 

[Mazyoona]

واااااي اكره هالسالفه

اقولكم شي بما انكم خواتي
و الله ما اجذب لا شي بس تقريباً كل بنات عمامي يكرهووني
الا ثنتين و لا هالثنتين ليش ما يكرهووني لانهم بنات خالتي بعد
مره بالزواره اببيت عمتي طبعا احنا زوارتنا الكبار بصاله
و الشباب و البنات بصاله و اليهال بالسرداب .. المهم دش اخوي
الوسطي عمره 21 يا و قعد يمي عاد انا تسندت عليه و غمظت عيني
يومها تعباانه سولف شوي مع الشباب و بعدها باسني و قاللي بروح البيت
اخذج قلتله لا انطر امي و ابوي شوي و نمشي قاللي اوكي و راح
بنات تخيلوا اول ما طلع من الغرفه شقالوا بنات عمامي و عماتي" وااااي
يعني اخووي يحبني وااي يعني لازم تتفيخر بأخوها انه يدرس بره و يحبها
وااي اشكره كلهاذا فيلم" عااااد انا صرت جذي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بس عيال عمامي الصبيان سكتوهم قالولهم جذي " كل هذا غيره منها لانه
عندها ثلاثه يحبونه و يدلعونها" و الثاني قاللي" ما عليج منهم غييييييره"

بردوا قلبي بس بصرااحه انقهرت ليش يكرهوني انا شسويت لهم كل هذا لانه اخواني
االكبار يدلعوني!!!!


تخيلوا مره وحده منهم من زمان يتلي و قالت "انا احب اخووج و ابيج تظبطيني معااه" قلتلها "انتي قليلة ادب"
قالتلي بؤكل وقااحه "ادري انج بتظبطينه حق بنت خااالتج"
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!

تخيلوا الوقاحه


بس صج لييييييييش يكرهووونني

 

[kekat kakaw]

حيااااااااااااااااكم الله و شااااااااااااااكرتلكم مرووووركم

 

[happy&single]

لو خليت ،، خربت
والناس فيهم الشين والزين
حتى انتي بعينهم تكونين شريرة ومن العقارب
فعاادي هذي الدنيا ،، بس وقت الصجية محد يوقف معاج الا اهلج
واللي ماله ظهر ينطق على بطنه ،، وما تعينك إلا يمينك ،، وما لك إلا خشمك لو كان عوي
جني اندمجت :dddds:
يا حلو أمثالنا​

 

[سنافية مطير]

<< إي والله إسأليني أنا ..... الأقـــارب = عقــــارب >>​

 

[MaSOo]

الناس انواع ،،
والاقارب هم انواع يعني ،،

فيهم اللي يوقف يمج وقت الضيج ..
و فيهم اللي ينقال عنهم ((عقااااااارب )) >>و اقولها عن واقع اعيشه ،،

تسلمين يا الغلا

 

[ησΘηα]

.
.

أنا معاج بهالمقوله ،،
وايد ناس قراب منا و نفتح لهم قلبنا و نثق فيهم ..
و للأسف ننصدم منهم
بإختصار ..
" أحذر عدوك مره و أحذر صديقك ألف مره "

قواج الله حبيبتي ،

 

[kekat kakaw]

حيااااااااااااااااااااااكم الله

 

[soseta]

كل واحد راح يجاوبج على حسب اللي شافه وجربه ..

انا اقولج صحيحه هالمقوله مليون % واكثر بعد ..

محد يحفرلج غيرهم , وحسودين وحقودين اعوذ بالله ..

الله يفكنا من شرهم , بكل صلاه ادعي ان ربي يفكني من شرهم ويبعد شرهم عني وعن اهلي واخواني ..

 

[lolo-lilo]

حياااااااااج الله حبيبتي



و قووولي فضفضي .. [

افااا عليج اقولج انا الله يسلمج من وعيت علا هالدنيا وبنات خالاتي اربع مايواطنوني اي ليش ماادري والله مابالغ من كنا صغار يتعمدون ياذوني بكل طريقة وبعدين يتهم فترة تعدلو معاي وفجاة من كبرنا وقمت اروح استقبال والاعرس يشبون نار وتخيلي الكل يمدح لبسي وتسريحتي جدامهم ومرة يت وحده ومدحت لبسي يتني وحده من بنات خالتي وتقول علا فكرة ترى حسافة لولابسة لون ثاني احلا يعني لازم يطلعون فيني شي موزين والله الله يشهد علا كل اللي اقوله اني ولابيوم ضريتهم وامي تقولي غيرة وماعليج منهم بس بصراحة مااقدر اعيش وياهم وبيني وبينج انا كنت ضعيفة شخصية وكل امشي وراهم يوم كنا صغار ومااعارضهم قلت اضاهر من جذي مستقوين علي قاطعتهم وماقمت احاجيهم والحين يتشفقون علي يبوني ايهم للحين احس القلوب موصافية وبالعكس انا اتمنى يكون عندي بنات خالات سنعين وقلبنا واحد بس وين تلقين جذي الحين خليها علا الله

 

[kekat kakaw]

حياج الله سوسيتااااااااا



و لولو حبيبتي الله يهديهم انشاء الله

 

[Virginia-Rose]

ee wallah el ahal akthar nas ya7sdon o ma ebaynon bas 6ab3an i dont mean el e5wan !! el e5wan 3al 3ain o el ras

 

[brettey]

وحده من خالتي واهي خليصه امي تموت قهر من امي حسوده وحقوده للاسف اهي وامي بينهم وحده من خالاتي متوفيه الله يرحمها وانا بالثانويه كانت حيل مع امي سفرات وطلعات وعزايم جنهم توام امي ماياها السكر الا من وفاه خالتي الله يرحمها وهذه تغار منهم مع ان خالتي الكبيره الله يشافيها ذهبه تهبل عصبيه بس ماكو انظف من قلبها
وخالاتي الي مو خليصات امي حليوات بس هذه الله يهديها مع ان بناتها يهبلون ويحبون امي ويحترمونها بس اهي مو صاحيه
وهم في كذا وحده تصير لي الي مربطات عصاعص والي تنافق والي تغار والي تحسد بس اشوه انهم اقليه
وعماتي الحمدلله ذهبه وطيبات

 

[حرم الحوت]

آنا معاها مليووون فالمية
ما شفت أعداء وناس يكرهنا آنا وخواتي إلا هالأقارب
ما شفنا من وراهم إلا الحسد والحقد والشماته

 

[Lonly Girl]

أنا مع هالمقووولة وصحيحة ماتييي العين والحقد والكراهية إلا من الأقاااااااااااارب
تقبلي مروووري وماقلت هالكلام إلا من ألف موقف

 

[EGO WOMEN]

معاها ونص وربع بعد

لو اقعد اقول لكم ما بتخلص المواقف اللي صارت لي

بس على قولتهم خليها بالقلب تجرح ولا تطلع بره وتفضح

شكراً اختي للموضوع الرائع ......

 

[الليدي جيجي]

ايوالله اكثر الحجي اللى يجيني من الاقربيييييييييييييييييييييييييييييييين فرقاهم ....:0bee2e8d89:....

 

[حكاية شهرزاد]

90% من الاقارب مو عقارب

الآ

حيايه .. الآ وحوش ..


وتعالو لو شافو شي على الوحده او قلتي سر بالماضي لهم .. امبيه .. ولا تقدرين تهاوشين الآ فضحوج وفصحو امج ..


الله لايشمت علينا الاهل يارب .. يارب .. بعد عينهم وشماتتهم عني وعن بيتنا يارب يا سامع دعوه المظلوم يا قهار ..

 

[kekat kakaw]

حيااااااااااااااااااااااااااااكم الله


أمبيييييييييييييييييييييييه يعني مووووبس انا اعاااااااااااااااااااااااااااني

 

[الريادة]

أحيانا صح .
لانهم كل شي يعرفون عنج ..
انا اللي يبط جبدي المقارنات.