الأكاديمية الكويتيه ثنائية اللغه

[om-3abood]

رد : رد: الأكاديمية الكويتيه ثنائية اللغه

كلمه تلوع الكبد شويه في حقها لو مسمينها الأكاديميه الكويتيه الأهليه أحسن لأنها بمعنى الكلمه مدرسه فاشله ماتستاهل ثنائيه لغه تأسيس يلوع الكبد وأنا عيالي كانوا بالرؤيه سنه أولى منتهى القمه صج صج ثنائيه لغه بعدين يوم فتحوا الأكاديميه قلت قريبه لي وأنا من النوع إلي ماخلي عيالي يروحون بمواصلات أنا وأودي وأجيب المهم نقلت بنتي وولدي سنه ثانيه عندهم وناويه أكمل وااااااي لوعه بس شغله المدرسه تشتكي هذا سوى وهذا قال وكل إلي خذوه عيالي بالرؤيه انمسح منهم صراحه مدرسه هبل بهبل ماصدقت تخلص السنه لاوحفله تخرج حمدلله والشكر حسافه الشريط إلي شريته منهم وشوفي يالغاليه أنا وحده عندي عيال وراح اتحاسب من الله على كل كلمه قلتها وإنتي كيفك بس حتى رفيجاتي بالدوام حيييل يسبونها مو بس أنا سجليهم بأجيال ولا حكومتنا تهبل مافيها إلا العافيه واسألي مجرب ولا تسأل طبيب وموفقين خي[
هذا اللي كنت راح اقوله ...مدرسه فاشله واكثر من فاشله أنا كان ولدي فيها ولا استفاد ونقلته منها

 

[%RooBee%]

بنات....والله خرعتوناااااااااااااا
يعني شنو اسوي؟؟؟؟بنتي اول سنه فيها ودفعت فلوس وخلصت....بنتي باولى ابتدائي...
والله تخرعت من كلامكم................
بنات شسوي؟؟
اطلع بنتي؟؟منها
واذا ما تابعتها وسالت عنها يعني ماراح تستفيد...؟
نصحوني الله يخليكم....والي عيالها في المدرسه شتو سلبياتها عشان اعرف اتصرف...
:ssssso:

 

[om-3abood]

رد : الأكاديمية الكويتيه ثنائية اللغه

هلا روبي
شوفي أنا ولدي كان فيها من كي جي ون لي اولى ابتدائي وكانو دائما يقولون لي لا تدرسينه وانا اهملته بس اللي صدمني شهاداته اخر شهاده كانت نسبته ١٠٠ب١٠٠ يعني ولدي عبقري صح!!!!بس لما اختبرته وجبت له ابله أثق فيها كانت الصدمه ان ولدي ما يعرف كل الأحرف وانه ضعيف بالعربي وانا يهمني حيل العربي ...بس بالنجليزي ولدي ممتاز ..حولت للحكومه والله المستعان
انتي دام سجلتييها توكلي على الله بس تابعيها
ولا تحضرين حفلت التفوق لانه كانت ام المسخره

 

[روبالوا]

شوفي اختي انا بتكلم عن تجربتي الشخصية من ناحية المدرسين متفاهمين ومتعاونين وتدريسهم ممتازة وطريقه شرحهم لدروس مبسط ودايما في متابعة مع الطالب ومع واولياء الامر ومعاملة المدرسين مع الطلاب معاملة ممتازة ومتقاربة تسودة

 

[*نور الكويت*]

مدرسسة حالها حال باجي المدارس فيها الزين وفيها الشين
رفيجاتي عيالهم فيها ماشاالله لغة ممتازة بس الشطارة عاد هذا حد مستوى عقل الطفل
يعني اللي يدخلل عياله مدرسه سواء امريكية او انجليزية او ثناىية اللغة لااااايتوقع انه ولده او بنته من المتفوقين

مثال :

ولد اخوي بمدرسة البيان ثناىية اللغه وطبعا كلكم عارفينها اقوى مدرسة بالكويت
دخل فيها من الروضه الى الثالث الابتدائي قالوا لامه طلعي ولدج كله يسقط مستواه ضعييف ومومستوعب شي
مع العلم انه مرت اخوي من يطلع وهي مجابلته بس هذا حد عقله لكن لغته الانجليزية ممتاااازة
وانقلته مدرسة ثانيه
هذا اللي اقصده انه البيان ماخلت ولد اخوي متفوق

والله يهدي بعض الامهات تدخل عيالها مدرسة خاصه عشان لاتتعب ولاتدرسهم تكتفي بالمدرسة
لاااا المدارس الخاصه حالها حال المدرسة الحكومية حل واجبات وتحضير دروس ومراجعه

 

[nurse m]

حبيباتي آنا عندي بنتين فيها أول سنتين حلوه معاملتهم بس للأسف العام أهمال مو طبيعي وأكثر من مره أشتكي
للناظره بسبب التصحيح في الامتحانات كله أخطاء وابلة الانجليزي 20 صفحه من كتاب الواجب مو مصلحته ولما أشتكيت للناظره تخيلو الرد بانها مشغوله بامتحانات آخر السنه اللي باقيلها شهر ونص وكل امتحان ما يحلونه عدل يعيدونه ومره بنتي قالت لي يبت 7 من 10 والابله عطتنا هالورقتين وقالت درسوها عدل بعيد لكم الامتحانت ويابو الامتحان نفس الورقتين بالضبط والمدرسات هيلق بحفلت التفوق بنتي بتوزع عليهم كاكاو ولا كل الابلات يهجمون على الكاكاو وبنتي طاحتلي بجي وما عطت صديقاتهم غير كل يوم الابلات يسوون عيد ميلاد لهم وكل ابله تقول ييبوا فطاير بنسوي لكم حفله ريوق وتحمل السيارة للبيت وطراره اشكرى والمصيبه المنهج اللي ما ادري على اي اساس مسوينه افعال مثل صفة الفاعل بالنجليزي تاخذها بنتي قبل اختها اللي اكبر منها وغير الوسايط اللي اشكثرها وحتى البنات والاولاد قليلين ادب يتطاولون على المدرسات مره بنت بصف بنتي الابله هاوشتها وسبت الابله ولما الابله سحبتها وقالت لها روحي للأخصائيه قامت اطق الابله وتصارخ عليها وتقولها اذا ما خليت ابوي يفنشج يالحقيره وبالذات الصبيان بالهده اشوفهم كله هواش وصدقيني ولله العظيم فاشله حتى صديقتي طلعت عيالها وسألي عدل قبل لأ تخسرين مثلي واذا تبين مدارس سنعه عندج البريطانيه روعه بس جنه ما يقبلون الا من الروضه والله يعيييييييييييييينج وبالتوفييييييييييق

 

[همس الجــليــد]

رد : الأكاديمية الكويتيه ثنائية اللغه

انا من ناحيتي لما كانت امال الذيب ماسكتها كانت في قمه الروعه
اما العام مانقدر انحكم عليهم صج كان فوضه يمكن الان كان المنهج متكدس عليهم بسبب( انفلونزا الخنازير ) وبدو متاخر

 

[nurse m]

ما أدري (منو آمال الذيب)آنا من3سنين فيها بناتي وناظرتهم نديمه فايز لا اتحل ولا تربط وبناتي لما سويتلهم اختبار قبول في الامريكيه بخيطان ارسبو في الامتحان مع انهم متفوقات واقبلوهم الباكستنيه وبصراحه فرق بالمنهج منهجهم اكسفورد وانجليزي قوي ورفيجتي ولدها مسكت بالانجليزي بثانيه والفلوس اللي كنت ادفعها على وحده من بناتي اللحين ادفع لثلاثه900 واحط لهم مدرسه بالبيت بالشهر100 أكيييييييييييد بيتحسنون وولله اللي قاهرني خسارة فلوسي بالاكاديميه بدون فايده ومدرستهم كشخه على الفاضي وبناتي مو متأقلمين بالباكستانيه لأن الطلبه مصريين وباكستانيين بس على الاقل راح يتعلمون منهم الشطاره وتدرون الاجانب قلوبهم هلكبر ما شاءلله عليهم بالتوفيق

 

[همس الجــليــد]

رد : الأكاديمية الكويتيه ثنائية اللغه

امال الذيب اهي ناظره الروضه بس يالغاليه على حد علمي

 

[miss f]

رد : الأكاديمية الكويتيه ثنائية اللغه

امم انا بالعربيه خوش مدرسه والله والابلات زي العسل لوووول
وفي باصات وجذي
بس عيبها ان قاعدين يبنون مبنى فزحمه بالمصافط وجذي لووووووول
وبالعكس المدرسه حيل حلوه بس انتو قصدكم عن الي بالرقعي ولا غيرها

واحلى شي الي فيها يمها ماكدونالز لوووووووووووووول

 

[RaaHaF]

رد : الأكاديمية الكويتيه ثنائية اللغه

المدرسات صج روعه انا بنات اختى هناك والمستوى صعب اى علشان من امريكا المنهج بس تاسيسهم حلو خصوصا بالانجليزى والرياضيات وعلى حفله التفوق العام حدى مصخره وهيلق وكافى العقد الى بالمدرسه وناظرتهم شايفه عمرها على شنو مادرى واهى كلها زباله فى زباله اذا اشتكتى لها يابت المدرسه وفشلتها وبس طلعت اختى عند الباب وردت تاخذ مفتاح سيارتها نسته تسمعها اتقول حق المدرسه انسى شو حكيت مالك دعوه فيها بس المصيبه عيالها تعودوا على المدرسات وارفيجاتهم الى هناك

 

[اثمان]

رد : الأكاديمية الكويتيه ثنائية اللغه

بنات

المهم وضع المدرسه حاليا

شنو وضعها هالسنه نفس الشىء والا تحسن؟؟

 

[اثمان]

رد : الأكاديمية الكويتيه ثنائية اللغه

بنات فيدونى بمدرسه انجليزى تكون زينه للمدارس الخاصه

 

[RaaHaF]

رد : الأكاديمية الكويتيه ثنائية اللغه

هالسنه وضعها مو شى وكل شوى مغيرين المدرسه المدرسات ينحاشون حق مدارس ثانيه الاجيال زينه والكنديه زينه بعد بس اغلى شوى من الاكاديميه

 

[فراولــة]

رد : الأكاديمية الكويتيه ثنائية اللغه

ااااااااااااب

 

[سمردحه]

انزين انصحونننا بروضه خاصه زينه وسعرها زين
احط ولدي فيها عشان يكمل بعد ابتدائي؟؟؟؟؟؟؟

 

[Noura122]

رد : الأكاديمية الكويتيه ثنائية اللغه

ناظرتهم هذي نديمه الفايز طراره حدها والله والله الموقف اللي صار جدامي صدمنى كنت مره عندها بشتكي وجان يدخل ولي امر عندها ولده بالصف 11 يقوم يعطيها تذكرة سفر مفتوحة من الجزيرة حق لبنان ويقول لها اتوصي بولدنا طبعا هذا قبل الامتحانات جان تستانس وتقوله ايه من عيوني صدمت وطلعت وحلفت اني بطلع عيالي من ها المدرسة اللي ناظرتهم ها الشكل ومن حرتي رحت قلت الموقف حق احد اثق فيه بالمدرسة جان يقول شبي نسوي حتى الهيئة التدريسة يتقون شرها بالهدايا ويا ويله اللي ما يهيدها شي
تحط كل العلل فيه وتترصدله الله يعافينا زين وين الوزارة عن مثل ها النوعيات

 

[Noura122]

رد : الأكاديمية الكويتيه ثنائية اللغه

شوفوا كلامي اللي كتبته بصفحة 3 والله ما راح اسكت مدرسة تفشل وناظرة تفشل اكثر ​

 

[كيكة دارسين]

اقولكم شي انا ولدي خلص الكورس هذا والحمد لله مستواه زين بس التعليم فيها فوق الممتاز
بس مشكله الزحمه فيها طلبه كثير انا قاعده اشوف ولدي تعلم بسرعه ماشاء الله عليه
بس المشكله تعامله مع الطلبه كبار وصغار وماكو تنظيم بالفرص هذي مشكلتها الوحيده

 

[امي عائشة]

رد : الأكاديمية الكويتيه ثنائية اللغه

افيدونا يابنات ننطر ردودكم