الألعاب الشعبية مثل شنو

[عالي مستواها]

السلام عليكم

أكيد الألعاب الشعبية تراااث لازم ما ينقطع من هذا المنطق << متعوووب عليها ترا :ggdw:

أقول من هالمنطلق الألعاب الشعبية لازم ندخلها خاصة بالرياض عندنا عن طريق فقرات بالنشاط الصباحي أو بالحلقة أو بأي نشااااط نسويه يعني شغلة حلوة

المشكلة أنا ما أعرف شنو الألعاب الشعبية :tomato2: فشلللله والله كويتيه وما أعرف ألعااابنا أول بس يمكن لاني من الجيل الجديد يعني مواليد آخر الثمانينات تقريبًا فما مرت علي كنت ألعب نيتندو وسيجا يوم كنت صغيرة :dddds: وبعدين تطورت وقمت ألعب بلي ستيشن << حدي إلكترونية هههههههههههههههههههه

ما علينا .. أبيكم تقولون لي بالتفصيل الألعاب الشعبية أو أفكاار شعبية وأغااااني أهم شي الأغااني الشعبية ... أبي كل شي حدي غشيمة خذوا فيني أجر <<< طرااارة هههههههههههههههههه

أعتبروها صدقة لوجه الله :0bee2e8d89: أكسر الخاااطر والله

دورت بالكتب بس ما حصلت شي يبرد القلب

 

[شندوخه]

لقيت هالموضوع وان شاء الله يفييدج


---------------------

لعبة عربانة الحديد :

تتكون عربانة الحديد من عجلة الدراجة الهوائية حيث يتم إدخال قضيب
حديدي طويل في الثقب الذي يتوسط العجلة وتقوس مؤخرة القضيب
الحديدي عند مقبض اليد ويقوم الطفل بدفع العجلة وهو يجري.



---------------------

لعبة طاق طاق طاقية أو الثعلب فات :

يجلس مجموعة من الأطفال على الأرض بشكل دائري
ويتولى احدهم عملية الجري حولهم وهو يحمل قطعة
قماش ويردد اهزوجة خاصه باللعبة.



---------------------

لعبة الصبة :

يلعبها طفلان فقط حيث يقوم كل طفل بجمع ثلاث حصيات
ووضعها في أماكن مختلفة على رسم مربع الشكل مرسوم
على أرض رملية وتبدأ اللعبة بحيث يحاول كل طفل تكوين
خط مستقيم على الرسمة ومن يفعل ذلك أولاً يعتبر هو الفائز.



---------------------

لعبة الدسيس :

ويلعبها ثلاثة اطفال او أكثر حيث يتم اختيار واحد منهم يتولى
عملية البحث عن زملائه فإذا امسك بأحدهم يضع يده فوق
رأس الطفل الذي تم الإمساك به.



---------------------

لعبة الشقحة ( النطة ).

لعبة بناتية جماعية حيث تتقابل طفلتان على الأرض
وتمد كل واحدة رجلها للأمام وتقوم بقية البنات
بالقفز دون الملامسة.



---------------------

 

[زلابيا]

شوفي هالموضوع ..

كاتبه في عن اسماء بعض الالعاب الشعبيه وكلماتها وانشاءالله يفيدج

http://www.q8yat.net/showthread.php?t=34479

 

[لانا]

حبوبه الالعاب الشعبيه وااااايد وفي كتب متخصصه بهالشي
أحسن لج يصير عندج كتاب كمرجع والمعلومات اللي فيها صح
يعني يمكن احد يقولج عن لعبه وتقدمينها وتطلع غلط ماتسوا عليج الفشله
روحي المكتبه (مكتبة كتب ) وطلبي كتاب عن الالعاب الشعبيه القديمه بالكويت
اسفه طولت عليج بس انا هذي طريقتي ومعتمده على الكتب بدون لا أسأل أحد
والله يوفقج يازميلة المهنه

 

[عالي مستواها]

شندووخه يعطيج العافية

زلابيا مشكورة على الرابط

لانا .. إذا عندج أسماء كتب بهالخصوص ياليت تذكرين لي

 

[.]

لعبة طاق طاق طاقية أو الثعلب فات :

ويغنون فيها طاق طاق طاقيه رين رين يالجسر والثعلب فات فات بيدينه 7 لفات عندي مكتوب لصاحبتي لي صاحيتي وحده منكم اخذته ووو ترترترتر..

صح بنات..

فيه الحيله اتوقع تعرفينها..

في لعبت انا الذيب باكلكم ان امكم بحميكم ..

بقول كل الالعاب اللي اعرفه اتوقع لعبتيهم..

امينه بنت الشلبي..

فتاحي ياورده..

بنياتي..

لعبت الالوان..

لعبت حركه حركه ستوب..

لعبت احنا العمال العماليه..

مادري هالالعاب من تراث ولا لا بس كنت العبها قبل واحبها

 

[كبرت وراحت على]

فيه كتاب بمكتبة الروضه اسمة الالعاب الشعبيه واحد عند ابله الموسيقى استعيريه واستفيدى