الأمهات اللي شروا طلبات المدرسة حق عيالهم

[أبرار84]

السلام عليكم غالياتي
كل عام وانتوا بخير وعيدكم مبارك ، ياريت كل وحدة تقولنا شنو أحسن مكان من حيث السعر والجودة نشتري منا حق عيالنا للمدارس لأني بصراحة أول سنة أجهز حق بنوتي ومتوهقة موعارفة وين أروح أشتري ياريت تفيدونا حبايبي وشكرا :wqedqw:​

 

[الماسه الفضية]

وعليكم السلام

وانتي بخير .. وعقبال يا أبرار ما تشوفين بنتج متخرجه من الجامعه


واتمنى البناات يفيدونااااا

لانه بصراحه للحيييييييين ماشريت شئ حق اعيالي

 

[حلم الطفولة]

السلام عليكم //
جمعية مشرف وجمعية القادسيه كل سنه يسوون معرض لوازم المدرسه والقرطاسيه و ينادون الشركات والمكتبات المشهوره ويعرضون الأغراض : مكتبة البدر // مكتبة العجيري // مكتبة سي أن أن // وغيرهم ....
أبضا حق الصغار سنتر بوينت عندهم شغلات تونس ،، مكتبة جرير تشكيله حلوه ،، وأكو فوق بالأفنيوز والله مو عارفه اسمه محل يم فانتازي وورلد كله جناط إيست باك المعروفه بقوتها وجودتها ..
حولي : مكتبة العجيري ومكتبة البدر دايما كنت أروح لهم .. عندهم ايست باك وجان سبورت وشغلات دزني وغيرها

بس والله عموم الجمعيات عندهم دايما هالوقت عروض وشغلات حلوه وآنا أفضل الجمعيات لأنها أقرب وكل شي فيها .

 

[البسمه العذبه]

اذا قصدج قرطاسيه عندج فاشن مل حلوه اشيائه وكل جديد كل سنه غير وتلقين طقم كااامل من جنطه ودفاتر واقلام والوان وكل شي يخص القرطاسيه بنفس الرسمه
واذا ملابس وماملابس عندج الايوب اعتقد نص الكويت يشترون منه
وجواتي تكرمين انا خذيت لولدي العام من المثني روعه ومااخترب ولين وهو اهم شي عشان مايعوره فديته
ادعولي بالجنه انا واياكم ومن نحب

 

[ريحة الكويت]

كل عام وانتو بخير ان شاءالله
انا شريت حق بنتي الملابس من مجمع الايوب كل شي فيه واكشخ واحد فيهم واغلاهم محل اسمه موديلوس حتى شغله مختلف عنهم والجواتي من سنتر بوينت وجنطتها من هالو كاتي طقم كامل من دبي اعتقد المحل موجود بالافنيو ،،، اما القرطاسية لحد الحين اما الصبيان مدرستهم امريكية ننطر تفتح علشان نشتري الملابس من عندهم

 

[الفنانه79]

رد : الأمهات اللي شروا طلبات المدرسة حق عيالهم

شوفي ياقلبي بالنسبه للقرطاسيه مركز سلطان وعندنا جمعيتنا مشرف فوق امسويه عروض وشغلات اتهببببببببل عجيبه غريبه ونفس ماقتلج مركز سلطان عنده شغلات اتهبل اتهبل وعنده جنااااط كل ماتشتهي نفسج تلقين فيه اشكال وانواع

اما بالنسبه للملابس عندج للبنات الايوب ومؤيد المير شغله ايهبل
والصبيان انا خذيتلهم من ماركس سبنسر ايهبل شغلهم والقمصان ايونج ثلاث مع بعض سواء الخام العادي او التيشيرتات القطن

والدلاغات والملابس الداخليه انا نوعتلهم من سنتر بوينت ايهبلووون الاندرويرات والدلاغات من ماركس سبمسر وسوق الديره بعد شريت منه دلاغات ايهبلووون

الجواتي عنج ايكوو ايهبل ايهبل ومريح وصحي وطبي بعد وعندج جواتي الرياضه اختي شرت من النصر وفي سنتر بوينت بعد جواتي سوده ورياضه بس انا احب الطبي الاصلي يكون مريح وسعره فيه
وانا شريت حق اعيالي جواتي الرياضه من ذي اثليتس فوووت شريتلهم ماركة بومه بس بدون خيوط علشان ماتأذيهم

لبس الرياضه عند النصر وسنتر بوينت وانا الصراحه امفصلتلهم لبس رياضه لان كاتبه عليه اساميهم

وان شااااء الله اكوون فدتج

 

[رمانة الكويت]

رد : الأمهات اللي شروا طلبات المدرسة حق عيالهم

الملابس شريتهم من الايوب

واغراض المدرسة شريتهم من مكان كل شي فيه وكل ما جيت اشتري اغراض المدرسة رحت له لقيته فااااضي وشريت على راااحتي

بس الحين يمكن تلاقينه زحمة >> كل شي صار زحمة


انا رحت حق مركز العائلة اللي بالفحيحيل >> اقرب شي عند بيتنا


باجي لي شباصات ودلاغاات

 

[ابلة رسم كتكوته]

روحي رامز من غير ما تفكرين
كل شي فيه ورخيص
نفس اغراض المكتبه العاديه
بس السعر واايد يفرق
تحسفت شريت من المكتبه
وشريت مره ثانيه من رامز عن الحسافه
نفس الاغراض بالضبط

 

[الأماكن]

رد : الأمهات اللي شروا طلبات المدرسة حق عيالهم



للبنات أحلى شي مجمع الايوب محل اسمه مودليوس

والدلاغات والاندرويرات من سنتر بوينت

الشوز اخذي لها من ايكو ... أو أي مكان بس انتبهي له لازن يكون مريح ومايعورها من ورا ... << إخذي بنتج معاج

والقرطاسية ... ترس الاسواق الشعبية ... ,,, روحي رامز شي عجيب و رخيص

الجنطة شووفي بنتج شنو تحب واخذي لها

الحين هابين في سبونج بوب و دورا ... سأليها بالأول ... عشان تاخذ اللي بخاطرها ولاتجبرينها انتي

وموفقة ... وان شاء الله تجهزينها عروووس يارب

 

["GloRia"]

انا من يوم كنت صغير لما تخرجت وانا اغراضي يا من جمعية الروضه أو العديليه ... والله شغلاتهم تهبل

 

[كبرياء ومهابه]

رد : الأمهات اللي شروا طلبات المدرسة حق عيالهم

حبيبتي روحي اي سوق بالكويت تلقين حاطين اغراض المدارس وكلها حلوه ,, وكله نفس الشي بس الموديلات تختلف ,,,,

 

[اطياب طيبه.أم عبدالله]

اي والله جان زين يفيدوننا البنات اللى شروا
حالتي حاله هذي بجري واول مره

 

[ديرتي الغاليه]

لرفع

 

[<<لمار>>]

كل الجمعيات فيها عروض المدارس وانا العادة اخذ من الروضة

 

[((صاحبة السمو))]

بصراحه بنت اخوي سوت لها جنطه على اسمها من تك تك
وبنت اخوي الثانيه من قو سبورت صج موديلاتهم حلوه
بالافنيوز

 

[أم حمودي**MALL**]

شكلي بروح رامز اهو نفسه اللي باسواق القرين بنات؟
وبالنسبه للملابس بشتري حق بنتي من الايوب بعد مايبيله
وولدي ملابسه من المدرسه

 

[عشق]

رد : الأمهات اللي شروا طلبات المدرسة حق عيالهم

الملابس من الايوب اشكال والوان حتى الشباصات عندهم

بس انا بنتي ملابسها من المدرسه بلاي قروب عطوني كل شي حتى الجنطه نفس ملابسها
باقي اخذ لها جنطه الاكل
شريت لها بعد جنطه على سبونش وطلبت لها جنطه ومقلمه من الامازون على شخصيات افتح يا سمسم
الجواتي عزكم الله لفيت السوق ما حصلت لها لون كحلي بس لقيت بسنتر بوينت واحد وجوتي الرياضي من النصر وهم مو عاجبني بغيره
والداخليه والدلاغات من فاشن مل ومذركير

 

[Um_3boud]

انا خذيت حق بنتي من سنتر بوينت النفانيف وملابس الداخليه والجنطه وغراضها من مركز سلطان
والقرطاسيه من كويت ستار في الري وايد ارخيص واسعاره نفس رامز.

 

[لـولـو الحلوه]

روحي رااامز اللي بأسواق القرين والله رخيص وحلووو ..

 

[شواهد]

كل عام وانتم بخير
وربي يوفق جميع يارب
انا نفسج ولدي وحيد اليوم رحت مدرسة كيمبردج، وشتريت من عندهم ملابس ،باجي عليه باقي محتاره وربي،بس تسلمون خوات عضاء
علي امكان روعه ،يعطيكم العافيه،
صحيح محتاره ونفس وقت احاتي زحمه مااحب زحمه،الله يعين
ع عموم ربي يوفقج والخوات ماااقصروا علي إفاده
سلام عليكم.