الإنتخااابااات هالسنه ...!!!

[[المهندسة]]

ماراح اصوت الا اللي يسويلي واسطه سريعه

 

[مطيريه ماركه]

طيب يوم تقولون ملوا ومدري شنو؟!

سؤال ؟.!

طيب من راح يصوت لهم .؟!

والأشكال المكرره بالمجلس من جابهم .؟!

ابي افهم .!

يقولون شئ ويفعلون شئ آخر .!

آنآ مآ صوت عشآن جذي أعضآء المجلس مو شي الانتخآبآت الجآية يصير كل شي تمآم :ggdw:

 

[sara al3soola]

اي والله احس الانتخابات هذي مالها اي طعم كللش وعايلتنا كلها مقاطعه الانتخابات هذي


زهقنا والله

 

[ام العيون السود]

انا عن نفسى لا راح انتخب ولا واحد

مايسوى اللجه والدور يوم الانتخاب وآخرتها -------

بس تدرون انا ودى كل الحريم يتعاونون ونرشح مراه يمكن تصير احسن من هالى قاعدين بس يصرخون

 

[ام فطوم وحمود]

خل يولوووووووووووووووووون زين محد يستاهل فيهم مادري شنو سوولنا عاد :0bee2e8d89:

 

[غروري ضروري]

ماعليج بس خلي يتحدد وقتها
راااااااح تلقين الكل مشتط لها..
والناااااااس حنه وررررررنه

 

[~سما~]

أنا أقول صح ملينا و مانا خلق

بس كل ماأتذكر بابا جابر و شلون حافظ على الكويت والله يضيق خلقي و أقول إذا إحنا مافينا خير لها منو له خير؟؟

ف قلت هالسنه بشتغل و من قلب بعد لأن إذا كلنا قلنا مالنا خلق راح ياخذوونها اللي ما يستاهلون و يلعبونها صح!!!!!!!!!!!!!!!

 

[بنوته86]

اي والله ملينا
ومصخوها .. كل اهلي قالو محد فينا راح يصووت

 

[sss119]

أنا أقول لا تصيرون سلبيين لو يحلون المجلس مية مره لازم انروح ونصوت ونختار الافضل عشان نغير هالمجلس المتخلف ولازم للمرأه يكون لها راي ولاتسمعون كلام اهلكم انتو تابعو المرشحين واختارو ولا تستسلمون لكلام الجرايد السلبي لازم نصوت للأفضل ونغير:ggdw::ggdw:

 

[ام السيف1]

أنا أقول لا تصيرون سلبيين لو يحلون المجلس مية مره لازم انروح ونصوت ونختار الافضل عشان نغير هالمجلس المتخلف ولازم للمرأه يكون لها راي ولاتسمعون كلام اهلكم انتو تابعو المرشحين واختارو ولا تستسلمون لكلام الجرايد السلبي لازم نصوت للأفضل ونغير:ggdw::ggdw:

كلامج صح وانا معاج

 

[بنت بابا جابر]

أنا أقول لا تصيرون سلبيين لو يحلون المجلس مية مره لازم انروح ونصوت ونختار الافضل عشان نغير هالمجلس المتخلف ولازم للمرأه يكون لها راي ولاتسمعون كلام اهلكم انتو تابعو المرشحين واختارو ولا تستسلمون لكلام الجرايد السلبي لازم نصوت للأفضل ونغير:ggdw::ggdw:

100%​

 

[ورده بنفسجيه]

انا مطنقره وما ابي ارشح احد بصراحه مو كفووووووووووووووووووووووووووووووو

يوم رحت ابي توظيف شغل بنت بنت خاله وهي بالنفاس ونا عيزت اروح يقولي ماكو تعيين والعين القويه يدري اني من طرف بنتبنت خاله

خل يولوووووووووووووووووووووووووووووووون

 

[leopard5kw]

للاسف انتشرت كلمة ماراح نصوت وفكرة الورقة البيضاء ....هذه وجهة نظر لكن لي وجهة نظر ثانية

تقول وجهة النظر ...(الكلمة مقتبسة من احدى المرشحات)....التعليم في الكويت متدهور هل يعني هذا ان نعتزل التعليم او نطالب بالغائة؟؟؟؟

طبعا لا ...مستحيل

هذا هو الحال مع الديموقراطية...لازم نشارك في الانتخابات ونختار على قناعة الكفاءات ...مايصير نعتزل الانتخابات او نطالب بالحل الغير دستوري ... لو احنا ما شاركنا في هذا العرس الديموقراطي ...او اعتمدنا الورقة البيضاء ... راح يكون الوصول للي تسببو ومازالو يتسببون بالتفرقه بين الكويتيين من طائفية وقبلية وواسطات ورشوة... لازم نشارك باختيارنا عشان نمنع هذه الناس من الوصول للبرلمان

لازم ما نيأس هذا الصوت امانه والكويت امانه لازم نحاول مرة واثنين والف

امير القلوب ما يأس شهدائنا ما يأسو اجدادنا ما يأسو وكلهم كافحو عشان تظل الكويت هي الكويت ونعيش احنا فيها

لازم نرد الدين للي راحو ونشتغل لاجيالنا القادمة ...وتظل الكويت درة الخليج


وسلامتكم,,,