الابره التفجيريه وتحديد جنس المولود

[بحرينيه كوول21]

السلام عليكم ​

اتمنى كل وحدة عندها معلومة عن الابرة التفجيرية ولها تجربة
فيها تسدح تجربتها وتجاوب على الاسئلة

الاسئلة
متى يحدث الجماع بعد اخذ الابرة التفجيرية بكم ساعة 24ساعة 36ساعة

وكم مرة يحدث الجماع

وماهو جنس مولودك بعد استخدام الابرة التفجيرية

وماهي اثار الابرة التفجيرية التي سببتها لكي

وماذا احسستي عند انفجار البويضة

 

[بحرينيه كوول21]

يلا حبااايبي كل وحده جربت تقول ترجبتها
بقول لكم عن نفسي
انه خذتها باليوم ال12 من الدوره وقالت لي ان يوم ثاني انام مع زوجي
وطبعا حسيت بالالام نفس الدوره والى يومكم وانتظر الى تاريخ 4
ومن كثر ما الالم زايد اقول لا هذي اكيد الدوره بتنزل
والحمدلله مانزل مني شي بس الالام ذبحتني

 

[اماراتية لاتنسى]

والله حبيبتي انا استخدمت الابرة التفجيرية قبل 4 سنوات تقريبا واذكر ان صارت لي حمى فضيعة وما صار جماع ...وان شاء الله نسمع خبر حملج جريب...والي اعرفة الابرة مالها خص في تحديد نوع الجنين..هي بس تنزل البويضة عشان تكون جاهزة للتلقيح.

 

[شقرا كويتيه]

ماجربتها حبيبتي عسى الله يرزقج

 

[بحرينيه كوول21]

انشاء الله حبايبي الله يسمع منكم واكون حامل
ويرزقكم ويرزق كل محروومه يااارب

 

[ابدا يالغالي مانساك]

حبيبتي اا اول المره اخذ التفجريه
طبعا نفس ماقلتي اخذتها من 12 الدوره
وطقيتها علي حسب ماقالنا الدكتور ممكن 11 الصبح
وصار الجماع ثاني يوم 11 باليل
عاد العوار ماحسيت في ولا عوار
بس كان معي الالام الدورررررررره
وصرفلي دكتوري حبوب برليموت نور
اخذهم
من 16 للدوره لمدة عشر اياااام

والحين صارللي
بقي يومين
واشوف ممكن تنزل او حمل عاد ان شالله خير يارب
واكون حامل
هذا شرحتللج حالتي باوصف وان شالله يارب قوللي امين
تكونين حامل
ونفرح فيج وفي باجي بنات القسم يارب

 

[بحرينيه كوول21]

اختي ابد يالغالي ما انساك مشكروه على مشاركتج ودعوتج وياارب تكونين حاامل
انه ماوصفت لي الدكتوره بعدها ولا حبوب مادري ليش

 

[لا تجرح احساسى]

اذكر انى اخذتها وما صار معاى عوار ولا شى والدكتوره قالت الجماع عادى ما حددت يوم بس انا زوجى كان مسافر يعنى ماصار شى خخخ وفى نفس موعد الدوره انزلت المحروسه حمدلله على كل حال

 

[laaloo]

انا جذيت ابرة التفجيرية باليوم 12 و قالتلي يعد 36 ساعة ايصير جماع .. ويكون الجماع شكل طبيعي قالتلي كل يووم تقريبا
واللي اعرفة حبيبتي الابرة التفجيرية مالها شغل بجنس الجنين ,,, و ما حسيت ابشي بس بعوار خفيف صوب المبيض

اللهم لا تذرني فرداً وانت خير الوارثين

 

[يا عيون سمي]

حبيبتي ماله شغل بتحديد جنس الجنين هذا كل بايد رب العالمين
اهي وضيفتها انها نتزل البويضه حتي تعرفين متي وقت تبويضج بس وبعدها يصير جماع واللي الله كاتبه لج ولد او بنت نعمه من رب العالمين

 

[بحرينيه كوول21]

نزلت الدوره اليوم بالرغم من ان موعدها تاريخ 4 بس جدمت
الحمدلله رب العالمين على كل حال

 

[وَرْدَة الْقُلُوْب]

ولايهمج
ان شاء الله ترزقين بالحمل عاجلا غير اجل

 

[بحرينيه كوول21]

مشكوره حبيبتي ورده القلوب
حبايبي قلت باسالكم انه الحين ينزل مني دم لونه اسوووود هل هاي طبيعي من بعد الابره؟

 

[شقرا كويتيه]

اخاف مو دوره هاذي تجي علامه للحمل الدم الاسود ان شاءالله ياارب حامل

 

[بحرينيه كوول21]

وااايد مووو شووي
والالام ذبببببببببببحه

 

[مواصله]

مايخالف حبيبتي معووضه والدوره تنزل بعد اسبوعين من الابره حتي لو مو موعدها

انا اخذتها اكثر من مره وهي تنضرب وقت اللي تكون هناك بويضه جاهزه وحجمها مناسب

عشان تفجر البويضه من غشاءها اللي احيانا يكون قاسي ع الحيامن

اذا صار التلقيح بعد ماتاخذ الابره مفعولها وتنفجر الاغلب ولد لانه خفيف وسريع والبويضه جاهزه للاختراق

واذا صار التلقيح قبل ماتنفجر البويضه الاغلب بنت لانها بطيئه لكنها تعيش اطول وتقدر تخترق الغشاء

وكله بأمر الله اكييييد