الاتهابات؟؟؟ تأخر الحمل؟؟؟

["مغروره بس معذوره"]

السلام عليكم ورحمه الله




كيف الحال




بنات انا ماكنت اعرف اللتهابات


بس من تزوجت صرت ام التهابات تخيلو اتعالج من بكتيريا تحاميل وعلاج


واول ما اخلص على طول احلل ويطلع فيني بكتيريا ثاني


واتعالج واحلل ويطلعلي بكتيريا من نوع ثاني واكل من هالحبوب واحط هالتحاليل



صارلي تقريبا 6 شهور على هالحال




هل عشان كذا ماحملت ؟؟؟ ولا الاتهابات مالها شغل؟؟؟


ياليت تفيدوني



يعطيكم العافيه

 

[أنفاسي دخون]

اللي اعرفه ان الالتهابات تمنع الحمل بس اذا كان التهاب بالبول وانتي بكرامه عادي

اذكر فيه موضوع بقسم العلاج بالاعشاب وحده كاتبه موضوع فيه علاج شعبي حق اختها تمدحه حيل ادوره واجيبه لش

وعسى الله لايخيب تعبش ويشفيش ويرزقنا وياش بالذريه الصالحه

 

["مغروره بس معذوره"]

يعطيج الف عافيه حبابه عالمرور



اللهم امين يعل ربي يرزقنا بالذريه الصالحه



تسلمين فديتج

 

[كويتيه مذهله 87]

اذا الالتهااابات قويه اي حبيبتي تمنع الحمل


ربي يرزقج هالشهر يااااارب

 

[أنفاسي دخون]

جبت لش الموضوع اخيرا

الله وكيلش فتحت 67 صفحه من قسم الطب البديل والاعشاب ومالقيت شي واخرتها طلع الموضوع مثبت :krkrkr:

اللي كاتبه الموضوع العضوة cherry اللي يجزاها خير

وهذا هو ::
السلام عليكم ..


اول شي هذا الموضوع من تجربه ..

قبل فتره كنت حاطه موضوع عن اختي الصغيره .. انه فيها تكرمون افرازات بسبب التهابات من قلة الماي..


و امي عيزت توديها الطبيب ماكو فايده كله يقولون بسبب قلة الماي ..

المهم انا مابي اطول عليكم بالشرح .. لكن ما شاء الله ما شاء الله ما شاء الله الافرازات صار مالها وجود عند اختي ..

و ريحة المنطقه الحساسه وايد حلوه و هالشي راح تشمينه حتى على الملابس الداخليه لما تغيرينها ..وعلى الفوطه اليوميه ..

وانا تابعت اختي اسبوع سويتها حقل تجارب لول بس طبعا الوصفه كانت من دكتور احمد هذا خبير بهالشي و يداوي بالاعشاب وعارف انه لها فايده هالوصفه .. وفعلا جربتها على اختي و فادت وايد الحمدلله


المهم بعد كل هالقرقه اقولكم شي واحد اللي عندها مشكله مع الافرازات و الالتهابات و المنطقه فيها احيانا ريحه كريهه بسبب البكتيريا .. استمروا عليها اسبوووووووووووووووووع و قولولي النتيجه ..
وبعدها استمروا عليها ليما تلاحظون انه اختفت .. و اذا اختفت بين فتره و فتره سوو هالطريقه كنوع من العنايه الشخصيه ..

و ان شاء الله بتودعون هالمشكله العويصه ..


و ادري تعبتوا من التجارب وانا بعد مابقى شي ماجربته لها بعد عمري توها صغيره و التهابات و بلاوي .. بس الحمدلله الله شفاها ..وبعد هالتجربه وعدتكم احطلكم الحل و الحين وفيت بوعدي



اول شي الادوات اللي تحتاجونها شغلات مافي اي وحده تستغنى عنها :



1- فوطة كير فري اليوميه ريحتها وايد حلوه (عشان تمتص البلل اللي بالمنطقه و تقدرين تغيرينها كل ما دخلتي تكرمين الحمام و بنفس الوقت تشوفين الافرازات و تتابعين اذا في لون او لأ الفوطه نظيفه)





2- غسول كير فري (لا تستخدمينه الا مره باليوم .. لانه راح نستخدم غسول خاص ثاني يزيل الالتهابات)





3- مناديل كير فري ( تمسحين المنطقه بعد الغسول الخاص)






4- زهرة البابونج الي بعض الناس يسونه مثل الجاي (واهوه مطهر ومنظف للمنطقه الحساسه)






5- عسل اصلي اهم شي يكون اصلي ( العسل مضاد قوييييييي للالتهابات والافرازات)






6- خل التفاح ( معقم ومطهر للمنطقه الحساسه )






الحين طريقة الاستخدام :


اول شي نسوي الغسول الخاص بسمي الغسول السحري عشان نفرق بينه و بين غسول كير فري ..
المهم نعبي في بطول فاضيه عشان نستخدمه كل يوم ..


1- اغلي ماي و حطي في الماي قفشتين بابونج و خلي يغلي شوي ..

بعدين صفي الماي بقطنه نظيفه و صبي في بطول فاضيه هم تكون نظيفه ..



2- في كل بطل حطي راس خل التفاح (براس البطل مال خل التفاح حطي شوي خل و صبي في كل بطل من بطول اللي عبيناها بابونج)

لازم شوي خل تفاح مو وايد .. عشان جذي استخدمنا راس واحد بس ..



3- حطو عسل تقريبا 5 او 6 قفاش كبار في البطل .. لانه اللي نصحني في الخلطه قال الكـــــــثـــــــيــــــر من العسل .. والعسل معروف في شفاء سبحان الله ..



الحين الخلطه صارت جاهزه .. خظيها عدل ليما العسل كله يذوب مع الخلطه ..

و قبل كل استخدام هم خظي البطل و استخدمي..


الحين صار عندنا غسولين ..

الاول: غسول كير فري
الثاني الغسول السحري ( اللي ان شاء الله راح يزيل اي التهاب و افراز و ريحه بالمنطقه )



باقي اخر شي اقولكم طريقة استخدام الشغلات كلها بالترتيب..


طبعا اهم شي تغير الملابس الداخليه باستمرار .. و حاولو تلبسون قطن بوقت العلاج .. و في كل وقت بعد احسن .. bhs عندهم في اشكال عجيبه و حلوه و كلها قطن هذا اهم شي ..

و يفضل انه تقطون كل الاندرويرات اللي عندكم و استخدمو اندروير يديد ..

يعني غيروا المجموعه كلها ..


و كلما يتي تغسلين الاندرويرات .. بعد الغسيل اغليهم في ماي حار .. عشان اي صابون او اي جراثيم و اي شي يطلع ..


هالطريقه ينصحون فيها الاطبه ..



و لا تنسون لازم المنطقه تكون نظيفه من الشعر الغير مرغوب فيه عشان النظافه ..


الحين خطوات استخدام الشغلات اللي ذكرتها فوق بالترتيب:


1- اول ما تدخلين تكرمين الحمام وغسلتي بالماي .. اشطفي المنطقه بالغسول السحري .. حاولي انه يحوش كل المنطقه.. وبعدها غسليها بالماي عدل ..


2- بعد ما تنشفينها من الماي بفوطه خاصه لهالمنطقه ..استخدمي مناديل كير فري و مسحي المنطقه عدل واهتمي في ثنايه المنطقه لانه بهالاماكن تتركز البكتيريا اللي تسبب الريحه و السواد وتأكدي انه ما توقفين من مسح المنطقه بالمناديل الا بعد ما تمسحين ويطلع المنديل ابيض نظيف من غير اي لون جذي تتأكدين انه نظفت المنطقه لانه هذي البكتيريا المسببه للسواد على طول تتكون في المنطقه لانها منطقه مكتومه .. لهالسبب ينصحون باستخدام الفوطه اليوميه و الملابس القطنيه ..



3-حطي الفوطه اليوميه مالت كير فري ويفضل تمسحين شوي عليها مسك


4- قبل النوم اشطفي بالغسول السحري و بعدها غسلي في غسول كير فري .. وتأكدي انه تغسلين المنطقه كلها يعني بين ثنايه المنطقه و حتى بين الفخوذ خط البيكيني .. هالشي مهم وايد لانها قريبه من المنطقه .. وعشان تتأكدين انه ما في اي باقي حق اثر الخلطه السحريه ..
وطبعا حطي الفوطه اليوميه و نامي



ملاحظه: في كل مره تدخلين تكرمين الحمام بعد ما تغسلين في الماي اشطفي المنطقه بالغسول السحري و بعدها غسلي بعد مره في الماي و بعدين نشفي المنطقه من الماي عدل .. و بعدها حطي الفوطه و اهم شي تمسحين المنطقه كلها بمناديل كير فري ولا تنسين بعد مسح منطقة المؤخره (سوري بس مالقيت كلمه ثانيه لول) المهم يوصل المعنى وكلنا خوات اهم شي نستفيد ..

بالنسبه حق غسول كير فري بس مره وحده تستخدمينه قبل النوم .. اما باقي الوقت استخدمي الغسول السحري و يفضل انه تشطفين في المنطقه عالاقل 10 مرات باليوم .. عشان جذي لازم تشربين ماي واااايد عشان تروحين تكرمين الحمام وايد .. و يطرد جسمج السموم .. و تتشافين بإذن الله ..




وهذي تجربه اكيده 100% و انا جربتها على اختي والله انه اضبطت الحمد لله .. و اختي الثانيه بعد طلبت اسويلها من الغسول و سويتلها و قامت تستخدمه الحين ..


مابي شي غير انه افيدكم لانه ادري هذي معاناااات و شي بايخ وايد ..



وان شاء الله تستفيدون و ابي ردودكم و تطبيقكم عفيه اللي تجرب خل تقولنا شنو صار و لو في فرق ..

عشان الكل يستفيد ..


و في ملاحظه نسيت اقولها .. انه هذي الخلطه تستخدم حق البنات والمتزوجات ..

لكن المتزوجات ممكن يستخدمونها للغسيل الداخلي والخارجي .. اما البنات فقط شطف خارجي ..


و شي ثاني بعد هم نسيت اقوله ..


ممكن مره بالاسبوع تنقعون في بابونج .. تترسون البانيو ماي او يبي طشت خاص لج فقط .. و نقعي في البابونج ربع ساعه .. يفضل انه يكون دافي ..


والله مفيد و هالشي ما اقوله الا بعد ما جربته على اختي ..

و اختي الحمدلله طابت .. من بعد ما الالتهابات كانت تنزل عليها تكرمون ساعات نفس الدم من كثر ما غامجه ..


بس الحمد لله والشكر انها تعافت و حبيت افيدكم ..

لا تنسوني انا و خواتي بالدعاء ..


والله يشافي الجميع

 

[أنفاسي دخون]

حبيبتي روحي قسم الطب البديل اول موضوع مثبت لان فيه صور وما طلعوا عقب النسخ

 

[m e m e]

اي حياتي اتأخر بس علاجهه سهل باذن الله

و خلي ريلج يحلل قبل لاتبدين اب اي علاج

 

[دمثة]

صح الافرازات تأخر الحمل

 

[هيونه الكويت]

حبيبتي حافظي على نظافه الحمام
وانتي بكرامه

بديتول
وملابسج الداخليه شريهم بالشمس وبعدين ضربيهم بالاوتي

وسوري اذا ضايقتج بكلامي
بس هذي نصايح الوالده
وتاخر الحمل طبعا