الاحساس بالتعب .... وعدم الرغبه بالاستمرار بالحياة .. جربتوه

[جوري - q8]

انا اعيش الاحساس هذا لي اسنين الاحساس هذا جا ورا صدمات واقرب الناس لي ولحد الان مو مستوعبه الشخص الي صدمني لاني مو متوقعه واجذب عليج اذا اقول صرت زينه الا زادت حالتي كأبه وكارهه الحياة والمجتمع الي فيه لحد يقولي مو كلهم الاغلبيه مو زينين مادري الاوادم متغيره محد له خلق للثاني ومايساعدون الواحد يواصلهم انا مسالمه ومالقيت ناس يقدرون الاحترام والله يستر من الجاي لاني الحمدلله واصلي بس مو راضي الاحساس يتركني كارهه الحياة واحس تعبانه مافيني طاقه نشاط وفرح مثل اول كله خايفه ومترقبه استغفررالله الاشياء الي احبها قبل اكرها الحين بشده وماأثق بحد واحس ماكو مصداقيه حتي من اقرب الناس لي انشالله الجاي احسن يارب قولو امين

 

[دلوعة أبوهآ]

آلله يفرج همك

 

[أم حورية]

يقول الامام علي عليه السلام : اعمل لدنياك كانك تعيش ابدا واعمل لآخرتك كانك تموت غدا

وهذا يعني انج ما توقفين حيياتج او تيأسين من رحمة ربج

يمكن اللي صارلج مو شوية بس صدقيني يمكن هذا ابتلاء من رب العالمين لان حاابج

واحيانا ربج اذا احب العبد يبتليه عشان يغفر له ذنووبه

يمكن لما تحوشنا مشاكل فعلا نحس ان الدنيا ماتسوى شي ونتمنى المووت

بس مرة قريت حديث ماني ذاكرته بس بما معناه ان لو الانسان يعرف شنو بعد الموت جان ما تمنى الموت ابد

لان لو شيصييير لابن ادم يكون ارحم من الموت واهوواله

بس اللي عليج تستغلين حياتج بالعبادة والدعاء والاستغفار والصلاة والقران

والله يفرج همومج ويمسح على قلبج ويشرح لج صدرج ويوفقج يااارب يا كريم

*

 

[نرجسيهـ]

أعرف وحده مرت بنفس حالتك لدرجه انها معاد قامت تهتم بنظفتها الشخصيه تمر الاسابيع ماتستحم ولا تمشط شعرها
نصحتها تدرس بمعهد تحفيظ القران والحين حياتها من احسن مايكون وسبحان الله انفتحت لها ابواب الرزق

مالنا غير ربنا هو نعم الملجأو ونعم النصير

اكيد انتي مارة بتجربه عاطفيه وانصدمتي لكن صدقيني الحب الحرام ماوراه غير الشقى

ارجعي لربي سجلي بمعهد او حلقة تحفيظ قران لا تجلسين بروحك ابد

 

[قاهره عذالي]

أعرف وحده مرت بنفس حالتك لدرجه انها معاد قامت تهتم بنظفتها الشخصيه تمر الاسابيع ماتستحم ولا تمشط شعرها
نصحتها تدرس بمعهد تحفيظ القران والحين حياتها من احسن مايكون وسبحان الله انفتحت لها ابواب الرزق

مالنا غير ربنا هو نعم الملجأو ونعم النصير

اكيد انتي مارة بتجربه عاطفيه وانصدمتي لكن صدقيني الحب الحرام ماوراه غير الشقى

ارجعي لربي سجلي بمعهد او حلقة تحفيظ قران لا تجلسين بروحك ابد

لا حبيبتي
مو اكيد
ان بعض الظن اثم
لاعندي حب حرام ولا عندي غرام ولا عندي هالسوالف
لا اعشق ولا انعشق هالسوالف مو اهتماماتي ولا عمري حبيت ولا انحبيت
بس اللي صارلي
صدمات بالحياة الاجتماعيه
ومو حابه افسر اكثر

وشكرا لنصيحتج
حيل بداية ردج حسيت انج فهمتي على وصفي لهالشعور وهالحاله

 

[اثنينا خنا بعض]

حبيبتي ارقي نفسك برقيه شرعيه انا كنت مثلك بالتمام وتوى بديت برقيه شرعيه وطلعت تعبانه والحين قاعده اتعالج وحمدلله

 

[قاهره عذالي]

صدمه عادي
بعدها صدمه هم عادي
بعدها صدمه وصدمه
وصدمه وصدمه

وتتالى الصدمات
بكل قوتها تمزق أرواحنا الضعيفه
الى أن نوصل مرحلة حزن عميق
عدم أحساس بالسعاده
تجمد عن ممارسة أي عمل
عدم رغبه بالحياة
أنا فاهمه شعورج لأن مجربه هالشعور ومدمرني مثلج ويمكن أكثر
أصعب شي ان الحياة تكون كلها مرارة

بالضبط احساسي
وحالي نفس وصفج
فهمتيني عدل
فعلا احس بتجمد وماني حاسه بالفرح بأي شي
ربي لك الحمد على كل حال


حضورك بموضوعي ومشاركتك اثرت موضوعي
اسعدني حضورك:eh_s(7):

 

[قمر بيت أبوها]

الطلقه اللي ماتذبحك تقويك
المفروض تنهضين للحياه بشكل اقوي شي طبيعي الالم والحزن وعدم الرغبه بالحياه والمشاركه فيها
بس الشي الافضل والمنطقي انك تفكيرين بس بنفسك
اللي صدموك بالحياه توقفت حياتهم ؟!
أكيد لا
فالاولي انك انتي تعيشين حياتك أكثر منهم لان المظلوم مظلوم بس الظالم كيف يظلم ويرتاح
مالا راح اقول صلي وأقري قرآن لانك مهتمه من هالجانب بس راح أقول لك اطلعي والعبي رياضه واطبخي شي جديد ماعمرك طبختيه
ملازمتك للالم والصدمه ترا راح تطول لو ماتخلصتي منها
وخلي حياتك ساعات وقسميها ورب البيت راح ترتاحين والموضوع لا تذكرتيه قومي من المكان واطلعي لغرفه ثانيه اطلعي لصاله اهم شي غيري المكان وانشغلي كلمي ولا سولفي مع اي احد اهم شي انتي قولي اللي اذاني حسابهم علي ربي وانا واثقه بالله وانا ماعندي شي يخليني أحزن لأني ماظلمت ولا أذيت
والله يفرج همك ويسعدك كل البنات يارب

 

[عسل سل]

انا حاشني هالشعور فتره لمدة جم شهر عيشي عالنيه وقوي ايمانج وطنشييي انا تخلصت من هالشي بالتطنيش يعني لو تفكرين (المشكله خلصت )انتي قاعده تجلدين نفسج بنفسسسسسسسسسسسسسج تعبتي نفسج والمشكله راحت بدوون رده انتي الي خليتي توابع تخلصي منها مثل ما انتي حطيتيها فيج الي ظلموج يبووون لج هالتواابع الي بعد المشاكل <<ركزي بكلامي عدددددددددل لاتحققين مرادهم
المشكله انتي حتى ماتناامين ناامي ارتااحي اخذي وقتج بالنوووم وعقب عيشي بين الناس طبيييييييعي جدا النااس محد خاالي من الهمووم الذكي الي يعرف يتناااسى هموومه وانا خصيا جربت هالطرق وتغيرت الحمد لله وبشريني عنج بعد فتره

 

[عسل سل]

نصيحه شوفي دكتور بشير الرشيدي على اليوتيوب وشوفي دكتور ابراهيم على الراي كل سبت 9 ونص بالليل عجيييييييبييين حيييييييييييييييييييل اختاري لنفسج السعااده حتى لو الظروف ماتسااعد انا قبل نفسسج وتغييرت حييييييل للافضل اي استفسار خااص

 

[أم النووفي]

أختي عاشقة عذالي وكل من يمر على هالموضوع..

قربوا شوي .. نبي أجابة صريحة لها السؤال منو مامرت.. بأزمات .. وصدمات.. ومشاكل.. ومصايب .. مستحيل وحده تقول أنا مامريت .. الكل مر..
*
وهذي هي الدنيا .. المؤمن مبتلى .. وعلى قدر إيمانج تكون مصيبتج .. نسأل الله أن نكون جميعاً من الصالحين..
ويكفينا عزائاً قول الله تعالى ولقد خلقنا الإنسان في كبد) ..
لولا الشقا ماعرفنا *طعم السعاده ..

إذا كنا مؤمنين وجتنا المصايب كفرت ذنوبنا ورفعت درجاتنا عند الله ..
وإذا كنا العكس ممكن تكون عقوبة من ربي ويبيلنا مراجعة حسابتنا *وأعمالنا..

الدنيا حبيبتي مافيها راحه إلا مع ذكر الله والعمل الصالح ..

ترا حنا عايشين وماندري متى بنموت ( ساعات قليله) خلينا نعيشها بوناسه ونطالع الأشياء الحلوه اللي فينا ونميها .. نطالع النعم اللي عندنا ونشكر الله عليها *لتديم هذه النعمه ...
*
زين تعالي أبسألج أسئله وجاوبي عليها في نفسج ...!*
*عندج أهل غيرج ماعنده... تقدرين تفضفين وتقرين وتكتبين وغيرج أصم أبكم أعمى ..
أنتي بصحة ( إن شاء الله تكونين بأتم صحة) غيرج عايش على الإبر وعل السرير الأبيض والمهدئات ..أنتي بأمان ولله الحمد والمنه غيرج ماينام من الصورايخ ووالمدفعيات ...

أدري راح تقوليلي طلعتي من الموضوع لا بس أنا أقولج أنا بصلب الموضوع..
أبيج تطالعين الحياة من جوانب ثانية ..

لاتقوقعين عل نفسج وتقولين أنا .. وأنا.. وتكبرين همج ..
عيشي الحياة وأنا أختج .. تأقلمي على واقعج .. أستانسي فرفشي .. أطلعلي من أجوائج *.. وكل ماذكرتي اللي فيج قولي أنا بنعمه وغيري أكود ...

أنا بعض الأحيان أشتاق للوالد وأقعد أبجي بس لما أذكر أمي الله يطول بعمرها على طاعته أحمد الله وأستغفر ربي أقول لاأبكي على المفقود حتى لاأفقد الموجود..*

ماحد سلم من المشاكل *والهموم *..
أبيج تضحكيييين وتستانسين لاتهتمين أبد ..

وهذا دعاء الهم والحزن والكرب كرريه كلما ضاق صدرج:*
اللهم إني عبدك ابن عبدك ابن أمتك ناصيتي بيدك،ماضِ في حكمك ، عدل في قضاؤك ،أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري ،وجلاء حزني وذهاب همي "

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال "

دعاء الكرب:::

"لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات ورب العرش الكريم"

" اللهم رحمتك أرجو فلا تكلني إلى نفسي طرفة عين ِ وأصلح لي شأني كله لا إله إلا أنت "

" لا إله إلا أنت سبحانك إني كنت من الظالمين"
" الله الله ربي لا أشرك به شيئاً "
----------------*
أنا هذرت واجد وطلعت اللي بقلبي

الله يفرج همج ويشرح صدرج ويرزقج من حيث لاتحتسبين ...
*

 

[شافوك بحساسي]

ايه جربنااااه ولله الحمد والتفكير الايجاابي بيبعدناااا عن الاكتئاب

 

[ميس المشاعر]

حبوووو حبيت اقولج شي وااحد
خلي علاقتج بالنااااااااس كلهم علاقة سطحيه وابتعدي عن المشاكل
ووطدي علاااقتج وزيديهاااا برب النااااس ...........بترتاااحين راحه عجيبه تقربي من الله بالنوافل وحفظ القرآن وبينشرح صدرج

الله يفرج همج ياااااااااااارب

 

[Ms LeNa]

حبوووو حبيت اقولج شي وااحد
خلي علاقتج بالنااااااااس كلهم علاقة سطحيه وابتعدي عن المشاكل
ووطدي علاااقتج وزيديهاااا برب النااااس ...........بترتاااحين راحه عجيبه تقربي من الله بالنوافل وحفظ القرآن وبينشرح صدرج

الله يفرج همج ياااااااااااارب

صح 100%%
غيري روتينج غيري ااستااايلج ابدي حيااه يديده ووطنشي الحياه بتمشي لاتخلين تفكريج سلبي

 

[رشــــة مطــــر]

((( أَلَا بِذِكْرِ اللَّهِ تَطْمَئِنُّ الْقُلُوبُ )))
هالحالة مرت بناس كثيرين وماعليهم الا الصبر ومابعد الصبر الا الفرج من رب العالمـين .. افتحـي صفحة جديده انسي ماضيً فآت وهذا حال بني آدم لازم يحصله ظروف وعقبـآت في حيـآتة وهذا أختبــآر من الله يختبر عبده في أمور حيـآته .. ترى الحيـآه حلوة بس احنا نتشاائم ماعندنا شيء بحياتنا اسسمه تفآآؤل ابدآآ ..لازم وضروري هالشيء يكون بحايتنا معانا وين ماكنا عشان نحس ونشعر بالسعاده وطعم الحياه ... وماله دااعي نكدر خواطرنا ونعيش حياتنــآ عيشة نكد وهم وغم لا غلــط هالتصرف لابد نغير من نفسنا نغير من حياتنـآ نفتح صفحة جديده مع ربنـــآآآ .. .. حيآآتي انتي لاتنظرين للحيــآه بهالنظرة المتشآئمـة .. لاتفكرين بالمستقبــل تتعبين عيشي يومك وعسى الله يحلي اياامك بالطآآعات .. لاتنسين ترى السعاده ورآآحة البآآل وانشرآآح الخآآطر والونآآآسة حب الحيآآه في التقرب من الله تقربي من الله بالذكر والصـــــــــــــــــلآه والاستغفــآر والقرآآن وصدقيني بتتغير حيـآآآتك مليــون درجة بتحسين بالرآآآحة والطمآآنينة .. طبقي هالشيء وشوفي مابتندمين ... والله ييسر أمرك ويشر صدرك ويسعدك فالدآآآرين !

 

[شسالفه]

دايما يجيني هذا الاحساااااااااااس

كله افكر اقول وبعدين؟؟؟
ارقد اكل اقوم اطلع اسولف استانس احزن
وبعديييييييييين؟؟
؟؟

اسميه ملل من الحياه

اللي مصبرني اقول ان شاء الله في الاخره بستانس
ربي بيفرحني
و اعمل لاخرتي
والله بيجازيني كل خير ان شاء الله

 

[dalo0oa121]

اعتقد حالتج هي الاكتئاب استنتجتها من عدم رغبتج بالاكل
وفي اشياء واييد حاولي تسافرين تغيرين روتينج يمكن تتحسن نفسيتج

 

[أإلع ـشق دلع ـهـأإ]

تعوذي من الشيطآن حبيبتي

وقومي صلي لج ركعتين وحمدي ربج إنج عآيشه ..

حبيبتي اللي تحسين فيه كله نآتج عن الآلآم اللي صآرتلج بالمآضي

تبين تعيشين .؟!

لآ تتلفتين للمآضي كلشششش

قومي وقولي الحيآه حلوه والدنيآ بتروح لآزم آستآنس فيهآ

وعندنآ رب كبيييييييير سميييع مجيييييب

إبدئي حيآتج من جديد شدي حيلج بدرآستج ورتبي وقتج

حددي سآعه بالليل تصلين فيه وتدعين وقرين البقره فيهآ

وبعد كل صللآة تستغفرين

وإبتسمي للحيآه 

 

[Vous jamais]

الله يفرج همج

وثقي كلن همه على قده

والحياة اختبار للمؤمن و كل مصيبة فيها أجر و رفع للدرجات

والله إذا أحب عبدا ابتلاه كما في الحديث

كل ما جاج وساوس قومي صلي وادعي من قلبج

ثقي أن ربج يعلم بحالج و ثقي أنه بيده ملكوت كل شيء

اكثري من الاستغفار

واحسني الظن بالله

و احضري مجالس للعلم حتى لو تشوفينها باليوتيوب فيها راحة عجيبة

 

[راقية بذوقها]

مدري شقووووول ربي يفرجها عليج انا ابي من يخفف علي بس حبيت ادعيلج بالفرج انا مو بس تعبانه انا منهاره وابي من ينقذني بس ماتعودت اشتكي الا لرب العالمين فعلا الدنيا يبي لها صبر وقوه وعزم