الارتجاااااااااع بليز الله يوفقك الي تدخل وتجاوب

[نونااا2020]

أنا عندي ارتجاااااااع مرئئ عندي غصه الم بالحلق أسناني فكي مدري وشووووو الم بالصدر كن صخره وللجبل فوق صدري غير الإحساس الي يجي حراره مدري يؤوده بجسمي بليز الي عنده يقولي يحس بنفس الإحساس وش اسوي وش اكل هل مزمن يطول علاجه عندي وسواس موطبيعي الفله يريح الي يريحني

 

[نونااا2020]

إيه غير الكحه الي تجي بعد الاكل هل هي طبيعي ولا لا

 

[مولاي الفرج]

مادري انتي قلتي اشياء متشابكه

 

[نونااا2020]

وشلون متشابكة بليز قولي لي وش الي عندك

 

[مظلومة حيل]

مو عارفة بس ما حبيت اطلع بدون رد
اب اب لعيونج

 

[ASOMA]

اب

الله يشافيج في حبوب المص تلقينهم بالصيدليه على نعناع وليمون واول ما تقعدين عليج بعصير الليمون

لأن يزيل البكتيرا اللي بالبلعوم واللوز

اتمنى فدتج روحي الطبيب سوي تحاليل اشعه شوفي شنو يصيرمعاج

 

[Miss sensitive]

روحي الطبيب افضل

 

[شندوخه]

شوفي حبيبتي الارتجاع شي مألوف وهذا بسبب يا انه يكون التهاب بالمعده او ارتخاخ في صمام المرئ
في حبوب للحموضه تشترينهم من الصيدليه اسمها قيزك
بس انا مانصحج تاكلينهم من نفسج افضل انج تروحين استشاري جهاز هضمي عشان يقيم وضعج ويعطيج الدوا المناسب

 

[شندوخه]

نسيت اقولج هالفتره هذي ابتعدي عن الحوامض والفلفل والبهارات واكلي روب وشربي حليب بارد
وشربي عصير تفاح وايد مفيد وزين للحارج والمعده المتهيجه واكلي بسكوت مالح مثل تك ورتز هذا يساعد على انه يمتص الاحماض الزائده من المعده وان شاءالله مالج شر

 

[ريناداا]

يمكن عندج حساسيه من الأكل أنصحج تراجعين الراشد للحساسيه عشان يسوولج فحص



أما المرئ يمكن عندج ضيق بالمرئ يسسبب لج اغلب هالاعراض أنصحج تراجعين مستشفى الصدري قسم جراحه الصدر



وموفقه

 

[نونااا2020]

الله يعطيكم العافيه وماقصرتو كل الي ردوو علي أنا مااكتشفت الارتجاع الا بعد منظار وسويت فحوصات واشعه قالي ارتجاع مرئئ والاخت الي قالت الصدريه هذي الأعراض ماله في الصدريه هذا من الارتجاع بس أنا حابه الي تعرف وحده عندها ولاهي عندها تحاول تقولي وش سوت والف شكر خواتي على الرد والمشاركه ويعطيكم الف عافيه

 

[أحبج يمه]

سلامات حبيتي
آنا معاي الارتجاع المريئي وارتخاء بعضلة المريء والتهاب بالمعدة والحمدلله واكتشفته بالمنظار نفسج بالضبط وأخذت له (حبوب نيكسيوم 40 وموتيليوم وبعدين نيكسيوم 20 وموتيليوم ) والحمدلله ارتحت عليهم بس آنا واايد طولت بفترة العلاج تقريبا سنة وانا اكلهم كل يوم وطبعا دكتورتي كانت تزيد وتخفف بالجرعة لين الحمدلله وقفتها عني

انتي استشيري دكتورج واكييد اهو راح يكتب لج الادوية
واللي لازم تسوينه الحين انج لمن تاكلين تقعدين على طول مو تنسدحين لا على قنفة ولا شي نطري لين تحسين ان تهضم الاكل ذيك الساعة انسدحي

ولمن تنامين حاولي مخدتج تكوون رفيعة شوي ولا تاكلين فلفل ولا حوامض ولا تشربين غازات واايد

وعادي خلي أكلج طبيعي بس مثل ما قتلج اهم شي انج ماتنسدحين عقب الكل او الشرب حتى لو ماي يعني موتشربين واايد وتنسدحين على طول لانج راح تحسين ان الاكل والشرب قاام يرد لي فوق

وبس أتمنى اكوون أفدتج وماتشوفين شر يارب ولا تحاتين ان شاء الله ماعليج الا العافية

 

[ترف بابا]

حبيبتي

روحي فحصي أو استشيري طبيب متخصص

لان الاعراض اذا تشابهت مع شخص ثاني موشرط لهم نفس العله

ما شر انشالله

 

[نونااا2020]

الف شكر اخت أجبج يمه على النصائح الحلوه يعني كل الأعراض الي قلته من الارتجاع يجيك مثلي شي طبيعي ؟ أنا استخدم باريت ودومبي وقالي بعدوالمنظار التهاب في المرئ والمعده مثلج

 

[كريستال]

اب اب

 

[كريستال]

انا اخذ للارتجاع حبوب بارييت وميتيلوم والله يشفيني ويشفيج اختي ولو في اخت تنصحنا بالاكلات المناسبه او اي نصيحه الله يجعلها في ميزان حسناتها

 

[كريستال]

سبحان الله وبحمده


سبحان الله العظيم

 

[Om.GhmaZaT]

حبيبتي انا فيني ارتجاع وللحين اكل حبوب نكسيوم 20 مرتين في اليوم واذا هديتها يوم او يومين اتعب حيل كان في شي ثقيل على صدري واختنق وايد وفي بعض الاكلات تتعبني مثل البيبسي والككاو والفلفل والليمون والبهارات والجاي والقهوه بس المشكله انا احاتي شي واحد انه زوجي يبي عيال وعندي عيال انا بس يبيني احمل وخايفه احمل واتعب ... اشرايكم ؟
يأثر هالمرض عالحمل من ناحية الاكل ؟ ومن ناحيه لي كبر البطن ومع الثقل والولاده وهل اقدر اولد طبيعي ولا اتعب لان بصراحه الطبيب مانعني اشيل اي شي ثقيل او اتعسر موزين علي لان فيني فتاق بسيط بعد وهل حبوب النكسيوم تأثر عالجنين اخاف يطلع موكامل او شي

 

[miss swan]

حالتج نفس حالت زوجي بالضبط سكت على نفسه لين صار فيه تقرحات
اقول روحي راجعي احسن
وفي حبوب للارتجاع اسمها
premperan​

 

[Om.GhmaZaT]

حالتج نفس حالت زوجي بالضبط سكت على نفسه لين صار فيه تقرحات

اقول روحي راجعي احسن
وفي حبوب للارتجاع اسمها

premperan​

انا عطاني حبوب نكسيوم وبس
والحين قالي لازم تقطعينهم بالتدريج وخايفه يردلي مره ثانيه العوار