الارقام بالمواضيع شنو رايكم ضروري الدخول لانجاح المنتدى اكثر

[شطانه طفله]

شلووونكم بنوتات حبايبي

بدش بالموضوع على طول واتوقع ان انتو بعد راح توافقوني الراي انشالله

الموضوع
الارقام

مثلا وحده تبي رقم صالونه تيي البيت
مثلا وحده تبي رداده
مثلا وحده تبي رقم وحده تغلقف هدايا
وغيرهم وااايد بس كمثال انا قلت هذيل اللي طروا على بالي
بنات حبايبي كلنا ندري وعلى يقين ان في شباب يدشون المنتدى صح ولا لا ؟:rgewrg:

والعضوه اذا مثلا طلبت وحده من العضوات ان يعطونها رقم وحده تطبخ اكل كويتي مثال انا قاعده اقول

ماشاءالله اشوف العضوات ما يقصرون يعطونها على طول

حبيباتي انتو الحين عطيتوا الرقم تضمنون ان هالرقم ما ياخذه شاب ويستعبط او يستهبل عليها ؟:eh_s(4):
فليش نوهق روحنا ونوهق صاحبه الرقم

شنو الحل


من رايي
اذ وحده طلبت رقم رداده مثلا

نرد بموضوعها مثلا تابعيني على الخاص واعطيج الرقم ودزيلها الرقم على الخاص وانتهت السالفه بس لا تحطينه على الملأ العام :eh_s(4):

راح تقولون هني التاجرات عادي يحطون بس التاجرات يحطون اهما يبون ومقتنعين
واكيد مو حاطين رقمهم الشخصي يمكن رقم المندوب او غيره

فياريت كلنا نتعاون على هالشي وما نشوف بالمواضيع ارقام نقاله

واسفه ان طولت عليكم وانشاء الله وصلت الفكره

 

[ليلو جبريت]

هو افضل على الخاص بس لو فرضا الريال خذ الرقم واتهبل عليها اقرب مركز شرطة ويسحبونه من اذونه ​

 

[يا عيون جدي]

اي والله كلامج عدل

شذنبهم مساكين يترزقون الله وعيال الرام يأذونهم

يسلموو ع التنبييه وياليت الكل يطبق

 

[~|.. رحبآنيه]

ماادري احسس عاادي
ولو فرضنا صار رياال .. عاادي مثل لو تغلطين بالرقم سكري بويهه وانتهى الموضوع

يعطيج العافيه

 

[بنت الجاسر]

كلامج صحيح وأأيده
حرام يمكن هي ماترضى
وبعدين شيضركم اذا ارسلتوا على الخاص

 

[Tutti-Frutti]

اممم لا ما اوافقج
فيه ناس مثلا مو مسجلين بالمنتدى او ما يقدرون يدزون رساله خاصه او يستحون مثلي لول
فـ لمن يحطون الرقم عـ العام يقدرون ياخذونه وبالعكس يستفيدون

اما عن الشباب
فـ اذا مثلا بيستهبلون ولا يستعبطون على صاحبه الرقم هني عاد اهيه وتصرفها معاهم

 

[امولة الخليج]

صح حبيبتي معاك حق واشكرك على حرصك

 

[lovely jojo]

نفس الشي ممكن الرجال اللي داش المنتدى مسجل فيه ..
واتطرشيله الرقم عالخاص ..؟
ماكو فايده نفس الشي ..
اللي عندها مشغل او تاجره او او طبيعي تبي تشتهر ...
واذا دق عليها واحد تقدر تتصرف معاه ..

 

[شطانه طفله]

حبايبي انا شفت ردودكم في موافق في معارض
وفرضا شاب مو متربي يدق ويصكه وسوالفهم حق الاذيه والازعاج جاهزين
واذا على سالفه عضوة مو مشاركه ليش ماتشارك بالعكس خنشجع بناتنا يشاركون خيبادلونا افكارهم
واذا سالفه الريال مشارك وادز الرقم عالخاص عاد هني لازم اكون حريصا
اول شي اشوف عدد مشاركاته اذا شوي دشيت وشفت ردوده ومواضيعه واكيد كلنا نعرف الشاب من البنت اللي طالب
واذا غلطنا وعطيناه عالخاص عالاقل واحد ولا درن يشوفونه

فليش نوهق صاحبه الرقم ونفسنا دزوا عالخاص وارتحنا
وسامحوني عالقصور

 

[~DeeM~]

يا بنات عادي .. إذا دق واحد فاضي .. فية خدمة حظر مكالمات وحضر الأرقام

وفيه تصرفات وااااايد ممكن نتصرف وياه

كل تاجرة تتمنى إن رقمها ينتشر وتنعرف بين البنات

ينحط الرقم على العام عادي ما فيه خوووف إن شاء الله

 

[شطانه طفله]

^^^
حبيبتي انا ما اقصد التاجرات
اقصد العضوات العاديات نفسي
ان يحطون ارقام طباخه او رداده او معالجه شعر او غيره وايد واهيا مو مشاركه بالمنتدى او مو مشاركه مع التاجرات يمكن بدون علمها بعد

 

[شطانه طفله]

اب اب