::الاسئله المحرجه :: (( خاص للبنات ))

[انصار]

اهي المانيه بس مابي اقول شنو اخاف احد يعرفني ومالي خلق احد يراقب كلامي لوول

وصلتلج الرساله عالخاص ؟؟

وشنو اكثر مكان تحبين تروحين له ؟

 

[أمونة الحلوة]

اي حياتي وصلت ماتقصرين ياروحي ربي ان شاء الله يرزقج بالزوج الصالح ان شاءالله اللي يسعدج وهنيج

البحر

شنو ودج تسوين الحين ؟

 

[انصار]

مشكوره حبيبتي

ودي انا هالحزة اروح البحر وانطر لما تطلع الشمس وارد البيت

شنو شهادتج؟

 

[بسمة خجل]

ودي اركض بالشارع بس لابسه ملفع وبجامه ههههههه ....

شنو تحلمتي فيه امس؟ قولي قولي

 

[أمونة الحلوة]

شهادتي دبلوم


والله حلمت اني ريلي خايني مع وحده لوووووووووول مت من الحره ماجنه حلم جنه صج والله


شنو تعشيتي ؟

 

[انصار]

عسى الله ماييب هاللحظه لوول حلمج يخرع
تعشيت نفيش مع ككاوين

شنو غداج ؟ ومنو الي طابخه؟

 

[أمونة الحلوة]

غداي مطبق هامور واللي طابخه خالتي ام ريلي


افاله شعرج الحين ؟

 

[انصار]

اي فالته ورافعه القذله
شنو برجج ؟؟

 

[pure feminine]

لا رابطته


تحبين ؟؟

 

[pure feminine]

وييييييييه انصار سبقتيني

برجي الدلو

 

[انصار]

لااااااااا ماحب

متزوجه ؟ وله انسه ؟ حق حياويه
واذا امونه شنو برجج ؟

 

[أمونة الحلوة]

الدلو


وانتي ؟

 

[انصار]

الجوزاء

تصوتين بالانتخابات وله لا ؟

 

[أمونة الحلوة]

لا والله ولا مره محد يستاهل مايسون لنا شي بس حجي


شنو تخصصج ؟

 

[عســوله]

ماعندي تخصص للحين بس انشالله بدش كليه طب

 

[أمونة الحلوة]

الله يوفقج ان شاء الله

بس وين سؤالج انا بسال بدالج


اخوج اللي اكبر منج يزفج؟

 

[Eng.shosha]

اي مرات >> شفتي شلون صريحه لوول


شنو ترتيبج بيت أخوانج ؟؟

 

[أمونة الحلوة]

اكبر وحده؟

شنو الميزه اللي ماتحبينها بنفسج او ودج تغيرينها؟

 

[Eng.shosha]

مو ميزه اهوا شي ما أحبه بنفسي

اني مو جرييييييييييئه يعني أكثر شي أستحي


شنو لون الاندر وير مالج ألحين ؟؟ لووووول

 

[الاخلاص]

هههههههههههههههههههههههه واي عيب شهالسؤال