الاستئناف أيدت إعدام حارقة عرس الجهراء

[MiSsY HottY]

أيدت محكمة الاستئناف امس برئاسة المستشار فيصل خريبط وعضوية المستشارين نجيب الملا ومحمد فريد وبحضور رئيس الدوائر الجزائية سامي العنزي حكم محكمة اول درجة القاضي باعدام المتهمة نصرة حارقة خيمة عرس الجهراء.
وصرح المحامي زيد الخباز «باننا سنقوم بتمييز حكم محكمة الاستئناف وسنركز على عدم وجود نية القتل العمد». وكانت محكمة الاستئناف قد وجهت اسئلة للمتهمة نصرة وجاءت اجاباتها عنها بالايماء بالرأس ولم تتكلم مع هيئة المحكمة نهائيا رغم محاولة هيئة المحكمة اقناعها بالحديث لان السكوت لن يكون في صالحها.


http://www.alraimedia.com/alrai/Article.aspx?id=205873&date=27052010


صرااااااحة هذا الحق ​

 

[حلمي اكون ام Q8]

لاحول ولا قوه الا بالله


هذا بلاء من رب العالمين

 

[frutti]

يارب يعجولون بالاعدام علشان يبردون حره اهل الضحايا الله يرحمهم
حسبي الله ونعم الوكيل

 

[brettey]

قبل اسبوع في قناه العداله حطوا مقابله مع جم وحده من الضحايا واهلهم قابلهم المحامي عادل اليحى واااااااي عوروا قلبي والله ابجي وانا اسمعهم وياهل عمره تقريبا 7 سنين والله عيالي تاثروا وخنقتهم العبره يوم شافوه وعيالي صغار واحد بثالثه ابتدائي وواحد باولي ابتدائي
والله يكسر الخاطر مشوه مسكين من الحروق ومره يتكلم ومره يبجي يعور القلب بس اثنين شيوخ من الاسره الحاكمه ماقصروا جزاهم الله خير عالجوه بلبنان بس محتاج بعد علاج باوربا او امريكا لان هناك العلاج احسن بس محتاج فلوس بس ادري عيال الخير ماراح يقصرون
ياربي هذا الحق تستاهل الاعدام لو ذابحه زوجها بالطقاق ولو انه ماتسوى ان الوحده تدخل السجن عشان واحد مايستاهل امرمطه بالمحاكم واخذ حقي بالنفقات واعيش حياتي
بس هالناس شذنبهم ؟لاحول ولا قوه الا بالله

 

[Flower20]

خلاص يعني حكم نهائي؟؟ ولا في بعده حكم محكمة التمييز؟؟

 

[طموحه بزياده]

لاحول ولا قوه خسرت كل شي بدنيتها....باعت عمرها عشان رجال ما يسوى شدعوه!!

الحمدلله الذي عافانا

 

[أحبه موت]

القاتل يقتل ولو بعد حين
لازم تاخذ جزاها لأنها اذا طلعت من السجن راح تصير مذبحة بالكويت بسبتها أهالي الضحايا والله ماراح يخلونها
شفت صورة رشدي أباظة الي حرقت عيال الناس عشانه على شنو اهي سوت كل هذا والله ماكو رياااال بالدنيا يسوى ان أضيع عمري وشبابي له شنو استفادت ضيعت عمرها واعيالها تشتتوا وريلها ولايدري عنها ولاهي مع العروس اليديدة

 

[*((كـارينـا))*]

لا حوله ولا قوة إلا بالله

اهي كاسره خاطري لانها ملقوفه وما فكرت وبالعواقب الغيره عمت عينها عن الحق واهل ريلها بعد حسبي الله عليهم لهم يد بهالمصيبه
ومحد اكلها غيرها وغير هالمساكين إلي راح ضحية زوج وزوجه مستهتره ... وفوق هذا كاسرين خاطري عيالها الله يسامحها بهذلتهم وافضحت اهلها معاها .. والله يا بنات مافي وحده تبي تحط نفسها بهالموقف بس قدرها جذي .. الله يرحم حالها وحال الناس إلي راحو بسببها

 

[*((كـارينـا))*]

تخيلوا ... العذاب النفسي إلي عايشته الحين ؟؟؟؟؟؟؟

تترقب الأعدام بأي لحظه .. ويلها على نفسها وويلها على عيالها وويلها على غضب رب العالمين ..

تلاقونها فكرت بهالشي مرات ومرات .. وتخيلت عذابها وتخيلت لحظة ما يلفون حبل المشنقه على رقبتها وتخيل دمعة ولدها

الله يعينها على بلوتها ويغفرلها ربنا

اللهم لا شماته

 

[* ليــــدي *]

القاتل يقتل

 

[Maryomah_q8]

حسبي الله عليهاا والنعم الوكيل ..

 

[MiSsY HottY]

ايه والله بنات صدقتوا بكل شي قلتووووووه

 

[ام محمد..]

لا حول ولا قوة الا بالله
المفروض يعدمونها اهي وزوجها واهل زوجها بعد

 

[قدساويه!!]

الحمدلله الذي عافانا

الحق حق

هذا جزاها في الدنيا بالاخره شلون!!

 

[Marka Store]

ولكم في القصاص حياة

 

[masoo 511]

لاحول ولاقوة الاباالله العظيم اذبحت الناس وشوهت الباقي ليش لان عقلها ونفسها الامارة بالسوء ودروها منزين ريلها واهله ضيعت عيالها صج العقل نعمه والشيطان اعوذ بالله منه:0bee2e8d89:

 

[الباحثات عن الجمال]

لا حول ولا قوة إلا بالله.

 

[سرى اليل]

وش اسمها نصرة العنزى قبل تشوة سمعتها شوت سمعة قبيلة مثل الى عندنا الى فى الرياض الى فى سيلية اعتقد اسمة احمد العنزى بعدين هى مطلقة وش ذنب طليقها خلاص هو مايبيها ليش تسوى جذى ماقول اذ هى قاتلة الله بيخاذ حقهم اذ ماهى الى مسويها بياخذ حقها ربى العلم عند رب العالمين اتمنى عدم اطلاق اسم القبيلة رجاء لانهم مايمثلون القبيلة

 

[makhroosha]

لا حول ولا قوة الا بالله
والله كل ما اذكر السالفة تخنقني العبرة أشلون اقدرت تسوي جذي !!!
ادري انه نيتها بس تبي تقث وتحر ريلها واهله مو قصدها شي بس بالأخير اذبحت الناس كلها بالغلط !!! واااي استغفرالله ماقدر أتخيل

 

[وردة-الكويت]

الله يعينها على ماالله بلاها واهي مو قصدها تذبح الناس بس الغيره عمتها وسبب اهل زوجها حروها وقهروها

لاحول ولا قوة الا يلله