الاعاقة الحركية

[BlackRose]

السلام عليكم

مبروك افتتاح هالقسم الرائع

بدخل بالموضوع على طول

انا بنتي عندها اعاقة حركية

معاها شد في عضلات الرجل

وحاليا اسويلها علاج طبيعي بس وماتحتاج عملية لان عمرها صغير 4 سنوات

اللي يشوفها يقول طبيعية

بس بنتي ماتقدر توقف ولا تمشي

سؤالي

منو عندها احد نفس حالتي

بنتي حاليا تمشي على مشاية او يسمونها ووكر

تتوقعون بالمستقبل تقدر تمشي؟؟؟؟؟

والا راح تحتاج كرسي متحرك

سؤال ثاني

حبيت ادخلها مدرسة طبعا قالوا لي وديها الرجاء وانا ماابي ادخلها الرجاء لان الرجاء يخلون الطفل على الكرسي المتحرك يعني بالنالي راح تتعلم على الكرسي المتحرك طول عمرها وانا خاطري ادخلها مدرسة عادية

في مدارس بالكويت متخصصة حق المعاقين بالاعاقة الحركية اللي نفس حالة بنتي؟؟؟؟؟

وديتها كذا مدرسة خاصة ماقبلوها

بس ناظرة الروضة اللي يم بيتنا رضت فيها
الله يوفقها ويعطيها الف عافية

طمنوني بنات على حالة بنتي

بليز اللي تعرف احد عنده نفس الحالة جان زين تفيدني​

 

[ريحانة_14]

هلا فيج بعد قلبي بلاك روز
الله يعطيها العافيه ناظرة المدرسة ..

وإن شالله يفيدونج البنات

 

[Emanova]

والله مادام الروضه اللي يم بيتكم رضت دخليها اهناك شنو المشكله....احسن لها اتوقع

 

[^~^بنت البولندية ^~^]

حبيبتي انت متى بديتي علاج طبيعي لها ؟

و هل قعدت مبجر ؟

وفي مدارس وايد تلقين لستة عند نادي المعاقين و مستشفى الفهد


&سلملم&
^~^بنت البولندية^~^

 

[الصابرة المحتسبة]

بالعلاج المبكر والمتابعة بتحسن الحاله
ولاتخلينها سجليها بالحضانة

 

[مباركيه]

السلام عليكم أنا مريت على إعاقة حركية وقريت قصة بلاك روز مع بنتها شوفي ياحبيبتي لما تسجلين بنيتج في مدرسة الرجاء أول شي أنتي بترتاحين وتطمنين عليها وفي المدرسة ناس يعرفون أشلون يتعاملون مع مثل هاالحالات وأكيد عندهم حصة مخصصة للعلاج الطبيعي وأنتي إن شاء الله ما تقطعين العلاج الطبيعي لأنه مهم لحالات الإعاقة الحركية والله أعلم مع البلوغ يمكن تحتاج عملية ويمكن تتحسن بدون العملية بإذن واحد أحد وأنا شخصيا مرت بالمرحلة هذى تميت أمشي بالجهاز لين صار عمري 9 سنين ومع العلاج الطبيعي وعملية وحدة الحمد الله قمت أدوس على ريلي واسغنيت عن الجهاز والحمد الله على كل حال

 

[الصابرة المحتسبة]

رد : الاعاقة الحركية

بشرينا عن بنيتج