هاااي حلوات يا رب تكونون بخير
اكيد تتسائلون شنو اوكل قطوتي ؟ من اي عمر ابدي اوكلها ؟ انا بالبيت و بوكلها من اكل البيت لكن شنو اللي يفيدها و شنو اللي يضرها ؟ حياكم هذا الموضوع بيساعدكم ان شاء الله
اول شي الأطعمه المضره :
1-توابل-فلفل اسود-كمون-طماط بكثره-سكريات بكثره
2-البصل و الثوم ابتعدي عنه لكن اذا تبين شربيهم ماي البصل و الثوم الانه يطهر المعده
3- الفواكه و العسل مفيد لكن لا تكثرين
:001:
من عمر 21 يوم الى شهر
-حليب بودر قليل الدسم (كوب ماي مع ثلاث ملاعق حليب )
-توست
تدرجي بالاكل معاها اول يوم عطيها وجبه وحده و ثاني يوم وجبتين و الثالث ثلاث وجبات و بعدين ثبتي على الثلاث وجبات لين تكمل الشهر
:001:
من شهر الى شهر و نص
-تقدرين تعطينها جبن مثلث-حليب بالخبز او بالتوست-عيش و ضيفي عليه حليب-محلبيه-كريم كرامل-بيض مفيوح
-تدرجي بالوجبات اول يوم وجبه وحده و الثاني وجبتين و بعدين يثبت على الثلاث لين تكمل شهر و نص
:001:
من شهر و نص الى شهرين
-تعطينها خمس وجبات باليوم
-شوربة دجاج-خبز-دجاج مفيوح-سمك-لحم مفروم
- الوجبات اللي عطيتيها من اول تقدرين ادخلينها يعني توسته و الجبن و الحليب و .........
:001:
من شهرين الى 5 اشهر
-كل انواع الخضار و الفواكه و السمك مع الوجبات اللي ذكرناها اول
5 اشهر و فوق
- تقدرين توكلينها كل الاكلات اللي ذكرتها
:stars:ملاحظات:stars:
-اذا حبيتي توكلينها دراي فود تبدين من عمر 3 اشهر و تكون مخصصه للعمر هذا
-من 5 اشهر وكليها الدراي فود الخاصه للكبار
-حاولي دايما تعطينها لحم و دجاج و سمك مطبوخ لانها حيوان اليف و عشان ما تتعود على الشراسه
سلامتكم و تعيشون
ان شاء الله تستفيدون من الموضوع
هذا الموضوع منقول لعيونكم و لعيون لولوه
:bye22:
