الالام الراس بدون سبب !! ممكن يكون تجلط بالراس !! تعرفون دكتور شاطر ؟؟

[Om_Ksha]

السلالالالالالالالالام

بنااااااااات عندي خدامتي زينه وبنت حلال المهم فقيره صارلها شهررررر راسها يعورها وتييها دووخه .. سوينا لها فحوصات وكل شي .. وكل شي اوكي مافيها شي !! الا اللهم الضغط ينزل ويصعد وساعات زين..

الممممممممممممهم كل شي فكرنا فيه اللي يقول اخاف فيها بدايه الشين واللي يقول سوولها حجامه واللي يقول فيها تجلط بالراس !!

فابي دكتوووووووور شاطر لتجلط الراس نكشف عليها يمكن الله لا يقوله فيها !!

تتوقعون من شنو عوار الراس والدوخه !!!!!!!!!:eh_s(2):

 

[جمرة غضى اضمها بكفي]

يمكن برد داش براسهاا

بعلمج طريقه سويهااا اذا تحسنت بيكون برد وغدى الشر

دفي زيت زيتووون على النار ولا صار دافي موو حار
خل تدهن فيه راسها كلها وبعدها جيبي كيس نايلون مال البقاله او الجمعيه وخل تغطي راسها كله فيه
راسها من فووق موو مع وجها بعد تختنق وتمووت
يعني نفس الطاقيه
وخل تقعد فيه ساعه و ساعتين او عند النومه
ولما تشيله تكوون مسكره التكيف عشان مايدشها البرد وتغسله وتنشف شعرها

وووبس

اوو يمكن فيهااا فررري ترى

 

[مدام فراوله]

الله يشفيها تصدقين عندي نفس الاعراض بس كيف تجلط

 

[Vous jamais]

الله يشافيها يارب ..

 

[Om_Ksha]

ومشكوووره جمره عالرد وانثى ,,

مداااااام فراوله اسمالله عليج انشالله مافيج شي ولا اهيا ..
والله ماندري شنسوي فيها ابتلشنا !! تحس مثل وخز ابر ابراسها وانه راسها يصير حاااااااار والدنيا تلف فيها ..


الحين في تقشف بالخدم ولا جان رديناها ..ريلي يقول رديها حرام اقول دام مااااااااااشتكت وطلبت خلاص نخليها عادي .. حلاته نردها واهيا تبي تشتغل تروح عند غيرنا !!
واحنا ورانا رمضاااان ووراي ولاده لوووووووووويه الله يعين !!!

ادعووو لها الله يشافيها

 

[مولاي الفرج]

ماتشوف شر مو شرط يمكن صداع نصفي او شقيقه العين

ويمكن بس من سالفه الضغط لما ينزل تتعب

ان شاءالله تحصلين دكتور زين

 

[سويت لاتيه]

الانسان لازم يتعالج بطريقتين \1 طريقه دوائيه وعلاج مستشفيات 0
2\طريقه روحانيه
يمكن تكون انحسدت في شغله هي شاطره فيها لان الانسان المعيون كل مصدع والاام على الاكتاف واسفل الظهر0
عالجيها اقري عليها الفاتحه 7 مرات والمعوذات والرقيه الشرعيه وتسبح بماء مالح
لان مريت شخصيا بهذا الشي وحاولي منتي بخسرانه 000 وبشريني بالنتيجه0
ترى الناس تصيب الخدامات بالعين فيمرضون او يشردون او يكرهون البيت

 

[أحلى شمريه]

هذي معاها الفري
علاجها عند الحريم بالطب الشعبي
ماراح يفيدها المسكنات
يكون عوار قوي بالراس والم عند الحاجب
ماتحب الازعاج ولا الصوت ولا النور ودايم تدوخ والم بالاذن

 

[Om_Ksha]

سويت لاتيه والله قالولي عين لانه الكل يمدحها .. بس مسيحيه هههه احس ماينفع القراي لها !!

الله يعين الواحد مايصدق يلقى وحده زينه ويبتلش فيها !!