الالام شبيه بالالام الدوره بفترة التبويض شالسبب

[ابدا يالغالي مانساك]

السلام عليكم خواتي

حبيت افتح موضوع لتبادل الخبرات و للاستفاده


انا قريت في مواقع اجنبيه وااااايد و منتديات اجنبيه ان في حريم تيهم الالام بعد التبويض...

(يعني بعد يومين و رايح من التبويض تيييهم الالام لين موعد الدوره و حد توقف الالام قبل الدوره)

و بعدين يطلعون حوامل

يقولون هالالام هي الالام يوم تنغرس البويضه و احيانا حد ينزل عليه قطر دم خفيفه (دليل على الانغراس)


يعني بعد التبويض بيوم يومين او اكثر تبدا تيي الالام و تقلصات في البطن من تحت و عالجوانب

الالام شبيهه بالدوره بس الدوره بعدها باجيلها فوق ال 10 ايام.

حد صار له هالشي و طلعت حامل؟؟؟


ملاحظه: حبيت اكتب هالموضوع لاني لاحظت ان الاجنبيات يلاحظن الاعراض في جسمهم و كل شي يسجلونه عندهم عسب اذا ساروا المستشفى يعرفون يجاوبون اسألة الدكاتره

بس احنا يوم الدكتوره تسأل شو حسيتي و متى بدت الاعراض ما نعرف نجاوب لاننا ما نركز


شو رايكم؟؟؟

م ن

 

[حبيبه حبيبي:$]

حلو الموضوع يعطيج العافيه
كشخه اول وحده ارد عالموضوع
اللي اعرفه اذا جتج آلام بالمبايض معناته تبويض اوكي
عااد الله العالم

 

[قمر 777]

انا صار معاي جذي بالضبط
وحللت حامل ولكن حملي كان خارج الرحم
والحمدالله ع كل حال ..

 

[&هند&]

اي انا صارت معاي بحمالي كنت ميته من الم الدوره بعد التبويض مباشره حتى كنت رايحه احلل قبل الدوره بيومين لاني تعبت من الالم وسبحان الله طلع حمل ،،،،

 

[ابدا يالغالي مانساك]

تسلمووون بنااات

 

[BaЯBya]

اي انا حاليا امر بهالشي طاف موعد التبويض واحس بالالام هاذي بس مادري حامل ولا لا .؟

ومادري اهيا من حبوب منظم الدوره ولا حمل .. الله يكتب الي فيه خير

شكرا على الموضوع الي خلانا نتفائل

 

[Atooofi]

انا صار معاي نفس هالشي بالضبط وطلعت حامل الحمد الله

 

[بدوية بملامح كشميرية 86]

ماعندي فكره ..

اب لعيونج

 

[متوترة]

ابوده يارب تصيرين حامل يارب ياكررررررررررررررررررررررررررررررررريم
انتي وكل الي يتمنون الحمال وانا اولهم يارب العالمين


ربي لاتذرنا فردا وانت خير الوارثين ..

يارب يارب يارب
مدري شفيني هاليومين متفائله لدرجه اني بقول للي عندي انا حامل بدون ما احلل < مدري مقلب قوي بنفسي ولا فعلا انا حامل
يارب العالمين .. امين

 

[KOKO_284I]

ماعندي فكره كافيه بساهو التنبييض يسبب لالام

 

[sosowaty]

ااااب تسلمين ع الموضوووع حبيبتي

 

[Model Look]

انا يتني دوووخه بس الم بالبطن لااااااا

 

["*آآآنؤؤؤقهـ*"]

الام مثل الدوره

هذا يدل ان تبويضج زيييين هالشهررر ...

والبويضه جاهزه للتلقيح ... كلام دكتور ....

والحمل بيد الله سبحانه ...

 

[Australia girl]

نفس اعراضي هالشهر وبطني حده منفوخ وزدت فجاه 3 كيلو

 

[ابدا يالغالي مانساك]

بعد عمري متووتره فديتج يارب ياكريم تكوونين حامل يارب وتبشريناااااا

 

[ابدا يالغالي مانساك]

حبيبتي بنت ستراليا ان شالله يارب تكونين حامل يارب وكل اللي تبي

 

[بحرينيه كوول21]

يااارب نطلع حمل كلنا فهالشهر
انه احس الحين ان فيني الأعراض الي صادتني يوم كنت حامل البول عزكم الله مركز وو مثل ماقلتي الآلام طبعا هالالام توها صايدتني بالرغم من ان قبل كان ينزل مني الوسخ واذا بنظف حدي خمسه ايام ويرد ينزل مني الوسخ
الله كريم ان شاءالله

 

[مروة الكندري]

انا هم قريت نفس الكلام .. وماجربت هالأعراض
وودي هالشهـر اكون حامل .. وعموما فترة التبويض عندي هاليومين اللي طافو وبعد يومين
ويااااارب نكون انا وانتي وكل من تبي تحمل بإذن الواحد الأحد
وعن سالفة انها تسجل كل شي تحسة .. هذا شي ممتاز .. وشكلي بسويها إذا حسيت بشي

دعواتكم يا جماعه الخير

 

[ابدا يالغالي مانساك]

بعد عمرري بحرنيه ان شالله حامل وتبشرينااااااا حووووبي مروه الكندري ربي يرزقج ياااكريم ان شالله بالحمال يارب

 

[عادي بدون نك]

عوار الدوره بأيام التبويض ونزول افرازات شفافه كثيفه وغزات خفيفه بأحد المبايض واحياناً ينزل معاها دم خفيف وردي
يعني الخصوبه زينه ومبايض مافيها مشاكل بأذن الله تعالى
وانا لما حملت في ولدي الاول ياني عوار الدوره امبجرر بعد التبويض بجم يوم
وطبعاً تبويضج يبين من هالاعراااااض لا قبلها ولا بعدهاااا
والله يرزق الجمييييع انشالله