الام ( اليده ) منو تحب اكثر بنت ولدها ولا بنت بنتها ؟

[مستثمره]

انا الاحظ انه الام ( اليده ) تحب بنت بنتها اكثر من بنت ولدها مادري انتوا اشرايكم ولماذا

 

[Little Things]

و الله انا توقع بنت او ولد ولدها

 

[مستثمره]

و الله انا توقع بنت او ولد ولدها

شكرا على المشاركه بس ممكن تشاركينا الاستطلاع

 

[جنون العشق]

صح توقعك بنت البنت وهذا الي اشوفه دايم

 

[A7la-SmiLe]

من اللي اشوفه بنت بنتهاا يعني عيال بناتها اكثر ..​

 

[دانة الكون]

اي صح كلامج من اللي اشووفه من امي انت عيال اختي تحبهم اكثر اتوقع الانهم ويانا 24 ساعة بكل مكان ينامون عندنا يتعشون يتغدون ..
اما عيال اخووي لا كلا بيت اهل زووجته ؟؟

 

[بنت السعوودية]

انا بنسبة ليه ولامي
نحب اولاد وبنات اخوي
لان اولاده وبناته اهم يحملون اسم عايلتنا وهم لي نرتبط فيهم اكثر
بس بنت وولد اختي نحبهم ونعطف عليهم ونتمنى لهم الخير بس مايرتبطون بعائلتنا..
مشكورة حبيبتي على موضوعك..

 

[noo7a]

كلهم عزيزين و غاليين
بس عيال البنت اكثر شوي نوعا ما لان يكونون اقرب لها
معاها اكثر من عيال ولدها

 

[الصمت@]

أنا معاج أمى الله يخليها لى تحب عيالى وتعطيهم فلوس بدون لا يقولين لها
تهتم فينا حيل وحتى وأنا فى بيتى تلقينها دازتلى مع أخوي كاكاو وشيبس وعصير
أدق عليها يمه الله يخليج لى ليش
تقول فرحيهم
يومى قبل يومها الغاليه الله يخليها لى ولايحرمنى منها
قولو أمين ويخلى كل أم انشالله

 

[أمانيQ8]

اعيال بنتها طبعا
حاسه انا بالفرق لان خالتي ام زوجي اتميل لعيال بنتها اكثر من اعيال ولدها اللي اهم اعيالي
والتفرقه عيني عينك حتى عيالي قاموا يحسون بهالشي

 

[دريم ويب]

اللي اشوفه عيال البنت
بس اذا الله اراد بحب عيال اخوي ان شالله>>اذا الله رزقه بالزوجه الصالحه

 

[$الـــحـــلاوه$]

انا ما صوت صراحه
لاني اشوفها على حسب مااابعرررف

 

[الآنسة الشحرورة]

الله يرحم جداتي بس الكل غالي

 

[مجنونة نت]

طبعا عيال البنت

أشوف أمي تحب ولدي أكثر من بنت أخوي مع إني بعيدة واخوي معاها بنفس البيت

وجدتي اللي هي أمها تحبنا احنا وعيال خالاتي اكثر من عيال خوالي

 

[عنزية والهيبه وايليه]

المفرووووووض انها تحب بنت ولدها اكثر

بس شنقول ..كيفهم

وتم التصويت

 

[soseta]

انا صوت , حسب اللي شفته ان مهما كانوا عيال البنت زينين وقراب من اليده ويحاولون يرضونها هم اهما مو زينين , وكله عيال ولدها سواء بنات او اولاد اهما احسن ومكانتهم اعلى بقلبها وتفضلهم على عيال بناتها , للاسف مع ان المفروض مايكون في احد احسن من احد والمفروض كل الاحفاد تكون مكانتهم وحده ..

وطبعا تصويتي كان حسب تجربه عشتها واستنتجت هالشي :

ان البعيد عن العين قريب على قلب اليده , يعني كل ماكانوا الاحفاد قراب من اليده ويزورونها كل ماكانوا بعاد عن قلبها ..
وكل ماكانوا بعاد عنها ويزورنها بالسنه مره ومن عيد لي عيد ومن مناسبه لي مناسبه يكون قلبها عليهم وتموت فيهم وماترضى عليهم ..


للأســــــــــــــــف


تصدقون يابنات بما ان الموضوع تصويت وفيه شويه نقاش فبقولكم شي صارلي

يدتي ام امي مره من المرات كلمها زوج خالتي وولد خالتي وقالولها ان ولد خالتي يبي يتزوجني بس ناطرني اخلص دراستي , وطبعا يدتي واتوقع اغلب اليدات يستانسون اذا عيالهم تزوجوا بعض

المهم صارت كل ماتشوف ولد خالتي وبنت خالي قاعدين , تقعد وتلمح حق ولد خالتي عشان يتزوج بنت خالي !!!!!!!!!!!!!! والا تلمح حق خالتي اللي اهيا امه عشان ياخذون بنت خالي !!

مع انها تدري ان ولد خالتي يبيني وكان ناطرني بس تتمناه حق بنت خالي , لانها تحب عيال خوالي اكثر ووايد احس بالتفرقه باشياء وايد , لدرجه احيانا احس انها تكرهنا !!


عساني مااصير ام او يده جذي , ياحلو اليده اللي ماتفرق بين احفادها ويكونون احفادها كلهم بقلبها ومكانتهم وحده ..

 

[ياوحشة غيابك]

تم التصويت

اللي اشوفه يحبون عيال البنت اكثر

 

[Ocean]

تم التصويت بس مو مقتنعه بتصويتي.... اعتقد اللي بعيد عن العين يكون قريب على القلب

 

[اموره وحلوه]

نفس المستوى والحمد لله ماعمري شفت تفرقه

 

[ديما(f)]

بنات واولاد البنت