البحرين

[me :)]

مرحبا خواتي ..

بحاول افيدكم ..

الرفاع :​

بوكواره كله محلات عبايات غريبه وحلوه .. وجلابيات ..وكفتيريات ومطاعم فاست فود ومحلات حلويات وتغليف هدايا .. وفيه محل اسمه برهاني عنده بجامات وقطنيات حق البيت اسعارها حلوه ..
وفي الرفاع الغربي مجمع الرفاع مول ( سنتر بوينت ).. وعلى فكره وانتي رايحه الرفاع الغربي من بوكواره على يمينك محل لاسيرا عندها اكسسوارات وشنط وشغلات حلوه خاصه حق البنوتات ..

وإذا اتدلين دواعيس الرفاع روحي ورى بوكواره صوب مطعم النواخذه سابقاً والحين اسمه مطعم الشيوخ تلقين محلات عباياتهم حلوه ومحل اكسسوارات اسمه gusto

ومحلات خرابيط وشغلات رخيصه في بوكواره الشاهين وخمس دوائر ..

وبويوسف ( حلويات) ..

وإذا تبين محلات اكسسوارات العبي في بوكواره [/u]: كوخ الكرستال / وأزياج / وماي كرستال / وطراده ..

مدينة عيسى :​

السوق الشعبي وهوم الكترونكس ودايســــــــو كلهم جنب بعض .. ولا تطوفين دايسو اذا اتحبين حركات تغليف الهدايا والشغلات الغريبه (اهو محل ياباني)..

المنامه :​

المجمعات : السيف والعالي ومجمع البحرين(جيان) والدانه ..وأهمها الستي سنتر << جديد وحلو وأغلب المحلات فيه : محلات الماركات / شرف دي جي ( الكترونيات ) / جنيد واصغر علي والرصااااصي ( جربي منه عطر إغراء حق زوجك أو أبوج وبخور المجلس ريحته وايد حلوه حق البيت ) / المتحجبه وحناين والاختيار الأول .... ( عبايات ) / محل الألعاب حق اليهال ( العابهم حلوه ) ......... الخ المجمع كبير وشامل كل شي ..

شنط الماركات >> مـــــــودا مــــــــول ( فندي / غوتشي / lv / أرماني / فرساتشي / مارك جاكوب / كنزو ...... )

المطاعم مايحضرني الحين غير الــ لانترنز >> مطعم هندي على شارع البديع .. وعلى فكره شارع البديع كله محلات يشبه بوكواره وعندهم شغلات حلوه .. والوافي في الستي سنتر >> إذا اتحبين اتعشين في البلكونه واتطلين على الشارع الأملح خخخخخ :eh_s(6):. و فندق الخليج
امممم .. ماذكر الباقي الحين

وان شاء الله بنات المحرق يفيدونا لأن يمدحون سوقهم

 

[me :)]

؟؟!!! :080402ask_prv:

 

[اميرة الغيد]

احلى شي عبي المحرق واسعارهم مناسبه ماتتعدى 35 دينار

 

[om MaRyooM]

خوش موضوع ..

 

[منتهـى الرقه]

انا بروح البحرين تاريخ 15/4 الى 17/4 وخذيت من البنات ماقصرتوا وانشالله اذا رديت بكتب لكم شنو شريت،،موفقين