البدلة البيضه وهمها الكبير عند العرايس :)

[ضحاوي الديره]

هااا مشتطه اجرتي بدلتج ولا بعد ؟؟؟
صج صج صج يابخت اللي بتلبسهااا بناات ترا كلامي مو دعايه لمشتطه لا والله اصلا البنيه ماعرفهاااا خير شر بس كلمتها ع الواتس اب وشفت بدلتها بالصور كنت ابيها لعرس اختي المفروض ان عرسها اخر هالسنه بس تأجل عندنا ظروف
واااااااااي البدله موووو طبيعيه اقل شي ينقال عنها اسطووووووريـــــه خراااااااافيـــــه وربي شوف عيني البدله رووعه شوي عليها
اختي انهببببببلت ع البدله بس كانت مشغوله بتسافر تجهز فقلنا بنحدد موعد مع مشتطه عقب ماترد اختي من السفر بس للأسف ردت اختي منيه وتأجل العرس منيه يالله كل تأخيره وفيها خيره
وبنات ترا البدله مو اووفر ودفشه اللي ستايلها ناعم وراقي راح تعجبها وتنهبل عليها بعد
ومعاها جيبون وطرحه خيااااااليه وتاج بعد يهبل .. اختي استخفت ع التاج من حلاته كله شوارفسكي ولولو ويبررررررق
حتى الشوارفسكي اللي ع البدي والتنوره يهببببل صج عاد شغل راقي وعمررري ماشفت مثله

دعواتكم لأختي حبيبتي يتحدد عرسها قريب

 

[ضحاوي الديره]

بناااتااات بليز لحد يدش بمخي دعاياات ما دعايااات انا قلت ترا حتى البنيه ماعرفهااا ماعرف غير نك نيمها
بس كلمة حق وبغيت اقولهااا ..

 

[معزوفه حنين]

^^^^

ضحااوي اذا ماصدقنااج نصدق منووو

يعطيج العاافيه

 

[موناليزا مطير]

اهم شي التووووفيق
مشكوووووورهـ

 

[la Rose]

الله ايوفقكم بنات

انا عندي بدلتين سهره بس مو لاول يوم
يعني للملجه او اليوم الثاني من العرس او تصلح لاخت العروس او اخت المعرس

اهي بدلتي وبدلة اختي من هيا الحوطي البدلتين عجيبااااات حدهم ولو حابين اتشوفونهم بالواتس اب ماراح اقصر معاكم

والبدله الوحده ماخذتها ب 1200 وابي بس ابيعها وحياكم الله لو حابين اتشوفونها ع الطبيعه راح اتبين لكم وايد
وراح اروايكم صور العرس
تقدرين اتشوفينهم ع اليوتيوب كتبي haya 2011 NY


اهو كان عرس اخوي

وعندي بعد بدلة رييييييييش لاختي كله ريش بس الصدر مافيه ريش لونها زهري عجيبه عجيبه
لوحده اضعيفه وقابله للتعديل البدله من ناحية التوصيه او التضيج هذي البدله ماخذتها من الرايه مول ب 700
ابي فيها 350 دينار

والصور بالواتس اب اذا حاااابين
وعسى الله يوفقكم حبيباتي ​

 

[ملكة الفن]

صح كلامج بس اذا كان انتي عندج حلم من و انتي صغيره ان اذا صرتي عروس تبين نفنوفج يكون نفس الاميرات كت و منفوش و الطرحه الطويله
الي تسحب من وراج و التاج علشان يكمل الحلم و المسكه الصغيره المدوره و الله اني فريت كل الكويت علشان الاقي النفنوف الي اتحلم فيه ما لقيت كانوا كل النفانيف الضيج و لما رحت لبرونوفياز لقيتها البدله و لقيت الحلم و نفسه بالضبط بس قالتلي طلبيه. و بطول يبيلهااربع شهور و الحمد الله طلبتها و وصلت قبل العرس بشهر و الحمد الله كاهي البدله عندي و كل ما اشوفها ادمع لان هذا حلمي من كنت اصغيره كنت اخذ ملفع امي و اخليه يسخب وراي و البس كعبها و امسك اي ورد بالصاله و اغني هب السعد و الحمد الحمد الحمد لله ان صار الحلم كله حقيقه
*

 

[ملكة الفن]

ييووووه انا عشت الاحلام و نسيت لا اقولج انا هذا الحلم عشان يصير حقيقه كلفني 2500
بس عادي لو اقط كل الفلوس عشان اعيشه لان مراح اعيشه الا مره وحده و بس

 

[مشتطـه]

ضحاوي الديرة بعد عمري تسلمين ماقصرتي يالغاليه هذ1 من ذوقج الراقي والله :$
عسى الله يحدد عرس اختج بأقرب وقت إن شاءالله


لا والله لي الحين وصلتني شكثر رسايل وما فظيت هاليومين تدرين رمضان وروحات وردات

والحين قاعده اشوف الجاده فيهم
لان انا ما وريت صوري غيرج
لانج كنتي جاده
وعسى ربي يحدد عرس اختج بأقرب وقت ويسهل عليهاااا تسلمين

 

[anaconda]

السلام عليكم بنات الى دزولى رسايل عالخاص سوووورى

تونى اشوفهم وماقدر ارد لأن مشاركاتى قليله

شواقه الغلا الملكه فكتوريا الله يوفقكم كلكم يارب

وانا بدلتى من خلود الروضان تأجير وهذا رقمها 22653843​

 

[نآعِمْ آلعُود]

مآ شآءْ الله عليج

كلآمج سليممُ و عيّن آلعَقل

و الحمدلله أنآ يوم شريت نفنوفي فكرت بنفس آلطريّقة

والله سهل لي و حصلت آللي فبآلي و بِسعر همْ مُنآسبْ

و بآلعَكس أنآ أشوف رحلة آلبَحث عن آلنفنوُف ، ونآآسَة مُو هَمْ !

 

[الهامه2]

والله صادقه
انا اللحين ادور ثوب العرس واحاتي ميزانيتها

 

[عروس كل يوم]

حبيبتي مشتطه وينج ردي علي بالخاص :eh_s(8):

 

[catwiti]

بنات هذا يوومكم شلون يعني 600 دينار بدلة عروس ما تدش العقل نفس سعر البدله العاديه

انا عند بشرى العيدان ب 3800 ولبسه اولى

@@ بس عشان سعرها مايكون مثل سسعر بدله عاديه تقطين عليها هالسعر انزين جان كملتيها ب 200 وشريتي بدله ايلي صعب من برونوفياس عالاقل اسمه ايلي صعب
حرام بناتت لايصير تفكيركم جذي والله حراام بتنسيييييييييييييييييييييييييي البدله وفلوسها ببتتبخرررررررر حته البركه تروووح في شي اسمه بركه سبحان الله ميخالف ليلة فالعمر بس مو تبالغوون شدعوه

 

[catwiti]

مشتطه بعد عممريي يارييت تفيدينا ويين فصلتي البدله لاتقولين ماالي خلق اطلع الرقم خليييييينا نستفييد تلاقين وايد بنات محتارين
فيدينا بلييز

 

[حلوى كويتيه]

بنات عندي بدلة عروس من برا حيل راقيه ويبيلها جسم منيكان
وموديلها غريب وراقي تصلح اكثر شئ لعرس ذرب وراقي
واللي تبي تشوفها تراسلني على الخاص

بالتوفيق لجميع العرايس

 

[♥ SWeeRa ♥]

انا باخذها من السعوديه ان شاء الله
الكويت نار وعلى شنو
لانه من المصمم الفلاني صممها
شفت من سنتين بالرياااااض نفانيف عرايس زوووووغه

 

[تـ،،ـوتـه]

انا عندي بدله عروس لبسه وحده ووابي ابيعها او ءاجرها واللي تبي تشوفها تراسلني ع الخاص

 

[غلآوي .~]

معآج حق : )

 

[مشتطـه]

حياكم اللـه

 

[Grƌphic DǝigŊǝЯ]

إأإأي والله ’, صـاج ـــه
زيــن س ـويتي عـين العـقل ,,