البدلة البيضه وهمها الكبير عند العرايس :)

[مشتطـه]

السلام عليكم بنات

انا يعورني قلبي لما اقرا بنات شايلين هم البدلة البيضه

وللأسف كل ماندش عرس نطلع واحنا نقول وع هذي بدلة تنلبس !


بنات ياقلبي انتو لا تفكرون حيل بالبدلة البيضه

انا اقولكم شلون


حطو في بالكم ان :


مو كل غالي حلو ولا كل رخيص ويع


يعورني قلبي لما اقرا البنات كاتبين انا حاطه ميزانية 2000 دينار للبدلة البيضه والمصيبه أجار

والمصيبه الأكبر تلقينها على قد حالها وماعندها غير مهرها


ليش كل هذ1 يا بنات

في وايد أماكن تبيع الرخيص


انا طحت لي على وحده في بيت تصمم بدل عرايس بأوربا ( فرنسا - ايطاليا) وتييب البدل

تسويها مخصوص لج ت
اخذ شهرين على ما تيي

والحمدلله ربي رزقني فيها لاني فكرت بعقل وما احب الاسراف ( آنـا مو بخيله بس أفكر بعقلي حيل )

الاجار عندها ب600 بعد المكاسر لبسه اولى لج وتصميم راقي اوربي ولا أحلى
كانت توها مبلشه تجارتها
الحين مادري عنها

المهم انا بدلتي ما بغيتها اجار شريتها وخليتها عندي



( بليز لحد يسأل عن رقمها لان بجهاز امي ومالي خلق اطلعه وادش المنتدى وأكتب )



وخالاتي لما قلنا لهم انها طلبية من اوربا وجذي بّين عليهم ان مو جايززلهم الوضع


دشيت العرس والحمدلله المدح كان فوق فوق فوق فوق ماتصورت الحمدلله

ولو ابيعها راح يرد لي نص السعر او اقل بشوي

وبجذي فكرت عدل



نصيحه يا بنات لا تاخذون الغالي نصيحه من قلب

واخر شي اجار وبتردين البدلة ونص العرس بيقولون ويع وملبّخ

مصممين الكويت استغلاليين


دورو الاماكن الي مو مشهورة


تلقون الزين وبسعر جدآ معقول

لا تروحين لمصممين كبار دامكم على قد حالكم


بنت خالتي راحت لمصصممم مو متخصص بالعرايس سوت بدلتها بـ 900 وماشاءالله تهبل






للي ميزانيتهم وسط او اقل من الوسط ومعتبره البدلة البيضه هم كبير


هدفي لـ هالفئه من الموضوع :

أتمنى تفكرون زين ماتاخذون غالي ولوعه وانتي ما كنتي قادرة عليه بس مضطرة

دوري عدل وبتلقين والله صفّي نيتج




والله اول ما ييت بيت زوجي

قالت لي خالتي رفعتي راسي كنتي احلى عروس بهالسنه

قلت شدعوه !!!:rgewrg:

قالت والله ما اجاملج عرايس هاليومين يلوعوون الجبد يا مشتطه
ذبحوننا أوف وايت وضيج ولا كأنها عروس حالها حال الموجودين


بس المنفوش والابيض صار نادر وراقي وخاص بالعروس




الله يوفقكم يارب


بنات ترى العرس والتجهيز كله سهالات لا تحاتين والله

:ggdw::ggdw::ggdw::ggdw::ggdw::ggdw::ggdw:​

 

[7bebt 3bod]

حبيبتي كلامج عين العقل انا معاج 100%
بس بغيت اسألج حابه تبيعين بدلتج؟

 

[مشتطـه]

تسلمين حبيبتي


اي والله في وحده شافت الصور
وعندها ظرف واهي جاده وراح تمرني قريب

اذا ماحصل نصيب معاها كلميني

 

[baby qa6wa]

upup

 

[بنت الاحلام]

معاج حق والله ومو معني انه غالي يكون حلو انا احب النعومه والبساطه

 

[anaconda]

مشتطة صح لسانج انا عروس ويوم نويت اخذ بدلتى البيضا صج صج انصدمت ​

اسعار حدها خيالية وعلى شنو صج الناس اذواق بس هلاقة وغالى ​

ماخليت مصممين والحريم الى فى البيوت العن من المصممين نفس الموديل ​

لقيته عند وحدة بسعر وبيت ثانى نفس البدلة 4 اضعاف السعر اشدعوااااا ​

هاذى تجارة والا نصب ؟ اما المصممات حدث ولا حرج ما يكلمونج الا بالالاف ​

احس صار فينى اكتئاب والله واحاتى ضاق خلقى مادرى الغلط فينى ولا فى السوق ​

اذا انا مهرى 6 الاف اشلون تصير بدلتى 3 الاف و4 الاف اشلووووون ​

بس وانا فى عز هالمعمعة رحت عند مصممة بدلها ناعمة بس فخمة صج صج غيرت فكرتى ​

ان المصممات كلهم استغلاليات حدها متواضعة وذوق راقى واخذت بدلتى تاجير600 دينار ​

ترى فعلا يا بنات لوخليت خربت فى مصممين قنوعين وفى استغلاليين وفى حريم​

الى فى البيوت صادقين وفى غشاشين نفس الى احلفت لنا الف يمين البدلة هذا سعرها ​

ومافى منها فى الكويت وكنت على وشك انى اخذها بس مادرى وايييييد غالية والوقت يمر​

وسبحان الله شلون رحت البيت الثانى وشفت بعينى نفس البدلة والتكت الى عليها والسعر ​

اقل من ربع السعر لين طاب خاطرى منها ويمكن لو اكمل الاقى سعر غير بمكان غير​

خالاتى شافوا البدلة فى الاتيليه والله ماصدقوا سعرها تعودوا يسمعون السعر بالالاف ماتتخيلون اشكثر ارفعوا​

معنوياتى يوم قالولى بدلتج زووووغة والسعر بلااااش هههههه ​

ماينلامون الى شفناه مو شوية ​

 

[أميـِـِره]

كلامج عييين العقل

بس الله يعينناا ع الفراره علشان نلاقي الرهيص و الذرب

يسسلموو

 

[رتبه دبلوماسيه]

معااج حق

 

[ع ـبدليه]

صح كلامج مو كل غاالي حلو ولا كل رخيص ويع
انا قاطه على بدلتي مايهمني السعر اهم شي عاجبتني

 

[كتكات احمر]

اي والله وايد احاتي هالنقطة عالجرح والله

 

[(*ام عهــــد *)]

يعطيج العافيه صاجه والله

 

[Mrs_Orchidia]

صح الغالي مو كل شي

و الحمدلله الديرة كل شي فيها

بس يبيلها من يعرف يدووور

 

[كلي لكـ]

صح مشتطه عين العقل

والله انا قبل لا اروح واختار بدلتي استخرت ورحت
والله من اول مارحت للاتيليه وقبل لا افتر بكل مكان لقيت اللي دخل خاطري ونفس اللون اللي ابيه واخذتها

وانا مايناسبني الابيض نهائيه اخذت الاوف وايت ع لؤلؤي قريب من الابيض بس روعه

وسبحان الله كله توافيق من رب العالمين

 

[بنت احلى ديرة]

بناات نصيحة وخاصةة للي تحب الناعم تروح برونوفياز الي بمول ٣٦٠ لو تدورون فيه تلقوون اشياء فخمة وعلى الاقل ماركة وسعر معقول تشوقينه بالبدله روحو وشوفو ما راح تخسرون شي

 

[&&.. فزاعه ..&&]

اي والله صادقه دايم ااقرا البنات حاطيين مزانيه ٢٠٠٠ حق البدله شدعووووه عليهم كلها ساعتين وقاطتها وناسيتها وناسينها الناس

والله انا مافكرت حتى اخذلي بدله ١٠٠٠ وكنت حاطه فبالي بدلتي ماتتعدا ٦٠٠ او ٧٠٠ والحمدالله لقيت البدله الي ابيها ٦٠٠ ومن رشا شيك

بصراحه موديلاتها اغلبها نااعمه وذرربه والحمدالله افتكيت من هم البدله البيضا

*

 

[مُـترفـَہ]

أحس تتكلمين عني

باقي شهرين ومالقيت بدله بيضا للحين

بنات اللي يعرفون اماكن ذربه وناعمه يدلوني صج طاب خاطري من السوق من كثر الفراره
وياليت عجبني شي

 

[•Brown•Sugar•]

اي والله مشكله بس تنخطب وحده ع طول تلاقينها اختارت المصمم
ليش؟
والله انا ماطرى ع بالي اسويها عند مصمم =\
رحت السوق وشفت بدلات يمااااااااي خبه خبه
والاسعار نار وشرار
اخترت بدله كريميه فاتحه قريب من الابيض وموديلها نافش من تحت الخصر واااايد
والشغل على الصدر حلووووو فيه شك ناعم وحركه بالخام
وبعد ماخلص العرس قالتلي خالتي طلعتي احلى من العروس اللي راسمتها في بالي
الحمدلله التوفيق من الله وتفكيري وتخطيطي حق المهر ساعدني وايد

 

[مخلصة للاسلام]

بنات نصيحة نصيحة روحو اللي فوق بالصالحية المرة الكويتية ويتشغلون فيلبينيات لابسين ازرق صاير بالنص اسمة غريب

انا كانو مادحينة لي بس ماتوقعت جذي اسعارها اغلى شي 1300 ومعاها الطرحة تخيلوو

انا ان شاء الله باخذ منهم

وكل موديل وقصه صدر او خصر او نافش او في يد او كت موجود اللي في بالج تبينه تلقينه

والله انصدمت والبدله لج حقج


((((((((بس مافيها شغل واجد لان من اسبانا مدري ايطاليا يعني ناعم بس دانتيل ((((نفس 360 ))) بس انتي وشغلج والشوارفسكي اللي تحطينة )))بس شنو عجيب



انا ابي منكم الدعااااء بس لان اللي بتروحله صج بتدعيلي


والله يوفقكم يااارب ويرزقكم ويباركلكم بالمهر يارب ولا يضيع تعبكم ويسخرلكم ازواجكم

 

[حآلية الذوق ~]

كلامج عين العقل

وكل وحده و ميزانيتها في بنات وايد يخلون اهلهم يتدينون عشان ليله وحده


يعطيج العافيه*

 

[يالبيه 17]

اي والله مصممين الكويت نار طاروا الاجار صار ب2000 شدعوووا