البدون....

[noorq8]

اذا انتي من نجد فليش مو قادرين تاخذون التابعيه ؟؟خل اقولج شغله أنا مو جد جدي لالالا جدي من نجد ويا الكويت من 100 سنه تقريبا أو أقل ومع ذلك لو أبي الجنسيه السعوديه يكفي اني أقدم اسمي الكامل وأسماء أهلي هناك ويشهدون اني فلانه بنت فلان بن فلان وأحصل التابعيه وبيت جدي بعده هناك. السعوديه ماتظلم أحد لو اصولكم واضحه بكل سهاله تاخذون التابعيه اذا أنا الكويتيه اقدر مع اني ماطلبتها لكن لو بطلبها ماراح تصعب علي منسبي واضح فليش انتوا متعقده الامور معاكم ؟

 

[رانزي]

والله كلامج عجبني اختي

هذا مو كلامي هذا حجي الصج كل من قال انتو طلعتو واحنا ضفيناكم بالغزو ويمنون علينا اهو فعلا في ناس طلعت مانقول لا بس مانحاشو يعني احنا ناس نعرفهم طلعو الي امهم تعبانه ودوها السعوديه تكمل علاجها واقولج بعد انا خوالي كلهم طلعو من الكويت ثاني اسبوع لانهم بالجيش وراحو السعوديه عشان يدشون الحرب مو عشان الخوف والصيف مثل ماقلت اغلب الكويتيتن خليني اقول الاكثريه واحنا كما بنسافر تاريخ 5-8 وكنا بنلحق خالتي الي كانت مسافره من نص 7 وغيرها وايد
والسعودييييين الي خذو جناسي كويتيه اهم الي انحاشو وخافو ورجعو ديرتهم وقطو الجناسي الكويتويته عشان مايقتلونهم

 

[fajer-85]

جوفي اختي احنا كنا بمريكا بفرة الصيف علاج وعقب لمن صار الغزو رجعنا السعوديه ورحنا جده ومن جده رحنا البحرين حق الاهل لأن امي بحرينينه لكن هاذه مومعناته منحاشين من الغزو لا حشا اصلا ابوي ماقدر يدخل

 

[بشتخته]

انا مستغربه ليش قضية البدون موجوده عندنا بالكويت بس ..!! :gr4uu:


تدرين ليش

لأن الكل يحلم يعيش بديرة الخير والبركة
وكلهم قطوا جوزاتهم وجناسيهم .. وقالوا ما عندنا على أمل ياخذون الجنسية الكويتية
واللي تتميز بغيرها من الجناسي بوايد شغلات .. وهذا السبب للأسف يتبرون من أصلهم
وحتى مافكروا اذا قطوا جناسيهم شنو بيكون مصير عيالهم .. وبجذي زادواا وهم بدون
حرام عليهم اهم اظلموا نفسهم بنفسهم ( قصدي الأباء أظلموا عيالهم )مو الحكومة ظالمتهم

 

[بشتخته]

اتمنى كلامي ما يزعلج
لأن هذا الصج

والله يفرج كربكم

 

[طوق البنفسج]

الموضوع سبق طرحه اكثر من مره