البريطانيه

[مرايم2009]

السلام عليكم بنوتات​

حابه اسالكم عن الطياران البريطاني انا حاجزه عليه شهر 9 انشا الله وبصراحه مااعرف عن الطياران اي شي بس يقولون زين بس تكفو خواتي الي تعرف عنه اي شي تقولي ابي اعرف عن :

الخدمه/طيا راتهم يديده ولا قديمه/وشلون اكلهم / واشلون مستوى الطياره عاديه ولا متطوره

ماعليكم امر الله لايهينكم تكفووون :yaaaaaarb:​

 

[مرايم2009]

افااااااااا بنااات وينكم ولا رد

 

[سماء الشرقية]

ياليت اقدر افيدك
انا حاجزة على القطرية وخايفة منها مواعيدها مش مضبوطة
ان شاء الله البنات يفيدونك

 

[DALA3.RA8EY]

آن ششـآآء البنـآآت يفيدوونج .., مـآ آقدر الا آرفع لج الموضضـوع ..,وآن ششـآآء الله تتهنين بالسسفره موفققه ..


Up Up Up Up ..

 

[دلع86]

والله انا جربتها بالروووحه كانت حلوووه الطياره والشاشه تج سكرين وفيها افلام عربيه واجنيه والاكل لا بأس كان حلوو وطبعا انا احجز بالنت واحط طلبي ابي اكل اسلامي واول شي اييبولنا احنا الوجبات الاسلاميه يكوون ذبح حلال وخدمتهم زييينه وساعات يصادفج مضيفات ومضيفين عرب
وبالرده كانت الطياره شوي قديييمه الشاشه بدوون تج
كراسيهم شوي ضيجه بس تقزر عاااادي
بس بشكل عااااام زيييينه ومرييييحه

 

[reemreem1974]

الطيران على البريطانية روعة من ناحية الخدمة والهدواء والطيارة مريحة والطيران منتاز وشكرا

 

[ام برنس]

الطيران عادي جدا جدا الكويتية احسن منها بكثير

 

[LuLiTa]

اتهبل ,,, احنا لي رحنا لندن ما نحجز الا عليها ,,, خدماتهم حلوة و اكل زوين و الافلام اتونس يديدة و في العربي والانجليزي و المسلسلات و الخ ,,, و مواعيدهم مضبوطة اكثر من الساعة ,,

 

[q8tiaa81]

طيران حلو وممتاز بس مو فخم والميديا فيه اوكي وحلو ومواعيده مضبوطة وانتي طالعه من الكويت وجبتج حلال لانه من مطابخ الكويت بس بالردة خليها وجبة اسلامية وسلامتج بس لاتحاتين كله اوكي

 

[مرايم2009]

مشكوووورييين حبايبي والله ماقصرتو يعطيييكم العافيه كلكم من دون استثناااااء​

 

[مرايم2009]

الله يسلمكم كلكم حبااايبي والله مالي غنى عنكم انزين ابي اعرف عن الوزن اشلوونهم يتساهلون ولا عسرين وجم الوزن حق كل شخص

 

[بخـــارى]

قصدج البريتش
انا توني مسافره فيها
مواعيدها 100بالميه
كل مسافر له جنطه وحده 23 كيلو وتقدرين تشترين جنطه ثانيه احنا بالرده شرينا وللعلم عالميا ارخص شي بالوزن لانه اغب الطيران تشترين الوزن الكيلو اب 10 دناير
اهما تشترين جنطه 23 كيلو اب 14دينار للوجهه الوحده بالنت بالمطار تطلع 18 دينا

طبعا انصدمنا بالروحه عطونا ريوق عصير وكيك مافن فقط فعملي حسابج انج تتريقين بالمطار
انا الغدا كان حلو
الرده عطونا عشا وريوق بس هم ماعجبني ريوقهم
من ناحية الوزن كل جنطه 23 مايطوفون ولا كيلو زياده

 

[بخـــارى]

كراسيهم حلوه
وخدمتهم بعد

 

[q8tiaa81]

شوفي انا اتكلم عن لندن بس انا رحت سنة 2009 وسنة 2010 وكانوا بالنسبة للوزن الزايد يا انج تبطلين الجنطة وتشيلن اغراض منها عشان تكمل 23 كيلو او انج تدفعين عالجنطة 25 باوند جن اقولهم وانا اضحكم هاكم الفلوس وعليكم بالعافية خوش سعر ولله ويكتبون عليه very heavy

 

[دلع86]

كل شخص له 23 كيلو بالضبط
وقبل لاتردييين الدييره وزني جناطج بالفندق وتاكدي احسن بدال لا تتبهذليين بالمطار وقبل السفره بليله اذا عندج جنطه زايده دفعي لها بالنت 14 دينار و400 فلس

 

[مرايم2009]

مشكوووريييين يا احلى بنوتات بالدنيا كلهااااا عسى الله يوفقكم ويسر اموركم:eh_s(9)::aha:

 

[خيال الشعر]

بنات شلون ادفع للوزن بالنت ماعرف فيدوني تكفون لان معاي وزن

 

[London2011]

its very good

 

[London2011]

el 5edma wayed zeena ow moree7a

 

[أم أنور]

على طوول اروح عالبرتش احب مواعيدها الروحه الساعه 9 الصبح والرده 10:20 تقريبا والاهم من هذا كلا انها دااااااااااااااااااااايركت وبروحه توصلين عال12 بتوقيتهم يعني مايروح عليج اليوم
ومن ناحية الوزن ترا وايد سلسين بالمعامله