البريعصي عقدني هيء هيء مقرف

[النويرة]

مرحبا ياحلوات يا سنعات
سمعوا قصتي مع البريعصي الحقير :eh_s(2):
أنا وحدة خوافة وما أتجرأ اطقه وأفقصه وتلوع جبدي منه وووع
وصار له أيام يتجول مرة على الدرج ومرة ألقاه بالممر ومرة بالحمام
وطبعا ولا احذفه ولا أطقه شوفوا السنع مالي :
حطيت لزاق الفيران وكل ماشفته بمكان لحقته وقربت اللزقة عنده علشان يطيح فيها
احده منيه يبعد عن لزقتي ويدور طريج ثاني اطالع بمنشر الملابس خايفة يروح ينخش ويوصخ الملابس النظيفة :eh_s(11): والله لو أشوفه صوب الملابس المغسولة بتلوع جبدي منهم ويمكن اقطهم>>>>>>>>>rolleyes:لا شاطرة عفية عليج يا أم السنع والنظافة )
وطبعا أنا ما أستخدم شي اسمه مبيدات حشرية ولا أعترف فيهم لأنها بتخنقني وتمرضني قبل ما تقضي على البريعصي
عاد شوفوا أفكاري الغريبة العجيبة >>>>>>> فضايح طلعت هههههههههه
رشيت عليه معقم الجو ديتول علشان بس يروح صوب اللزقة :eh_s(3): بس ماكوا فايدة قام يتجول على الطوفة وينخش تحت الأثاث طبعا لما يختفي امل منه واروح بس اقرب اللزقة عند المكان اللي انخش عنده وعند باب غرفتي علشان امنع دخوله لأن لو لقيته بالغرفة كاااااااااااارثة :eh_s(11):
لقيته اليوم الثاني وبدت الجولة معاه مرة ثانية وطبعا خلص معقم ديتول مالقيت جدامي إلا مضاد الأستاتية :eh_s(9):والاحقه فيه من مكان لمكان واللزقه معاي وللمرة الثانية فشلت
اليوم الثالث بالحمام قلت بس اليوم بحكره عدل واوريه شغل الله جان احط اللزقة عند الباب علشان اذا طلع يمر عليها وادش الحمام ومعاي منظف الزجاج >>>>> ياحلاوة وش هالسنع كله
واقعد ارش واحكره صوب اللزقه علشان ينحد ويطلع عليها
المفاجأة الخطيرة اللي صار انه طلع مسرعا على اللزقة وانا في قمة وناستي لكن :eh_s(16): مالزق عليها >>>>>>>>> مصيبة صابتك وأنا أقول معقولة طول هالأيام ماطاح فيها !!!!!!!!!!!! أثاريه يمشي عليها عادي ولا هامه هههههههه
وسيده ركضه صوب الغرفة وللحين مختفي ولا ادري وينه
شنو حلولكم يا سنعات مع هذا المخلوق المقرف ؟

 

[ريفيل]

الله يعينج انا بس قريت لاعت جبدي .. على فكره البريعصي من الحيوانات الملعونه اللي بيث السم بالاكل يعني يتفل بالاكل بقصد يسم اصحاب البيت وذبحة تاخذين عليه اجر ترى اهو من مسببات البرص وسلامتج اتمنى اني ما صدمتج بس هذا الواقع رشي مبيد حشري جيبي شركة تنظيف لا تقعدين الزهيوي الوصخ انظف منه

 

[ورد الاوركيد]

السلام عليكم حبيبتي والله قلبي وياج الله ياخذه ويفكج منه ويييييييييييييع اكرهه اكرهه اكرهه بس ديري بالج يقولون اذا طقوه وانفصل العصعص ماله عادي يمشي وتطلع له اجزاء ثانيه ( مادري مدى صحتها بس سمعت ) الله ياخذه ويفكج منه يارب

 

[خبيرة اعشاب]

و الله يا حبيبتي انا اصلا لاعت جبدي من البريعصي و عجزت عنه ...

الله يسلمج انا الي عندي بالبيت بريعصي معضل ..جنه سحلية يعني حيل حيل كبير و يخرررع ..يعني حتى ما اقدر اطقه او احذفه بشي ...
و من كثر ما غسل يده مني قام يتمشى بالبيت عادي ...

جبت شركة مكافحة حشرات و هم بعد ما اثرت فيه ...

و الحين صار لي اكثر من 5 ايام ما شفته يمكن فطس ههههه ( فاقدته الاخت )

 

[قايد الغزلان]

انا ماعندى مشكله اذبح بريعصي ولا اتجرأ اذبح ووووع زهوي
اقول ريفيل اول مره اعرف ذبحه له اجر ؟ ممكن تعطينى معلومات عن سببه
الاجر في ذبحه

 

[النويرة]

الله يعينج انا بس قريت لاعت جبدي .. على فكره البريعصي من الحيوانات الملعونه اللي بيث السم بالاكل يعني يتفل بالاكل بقصد يسم اصحاب البيت وذبحة تاخذين عليه اجر ترى اهو من مسببات البرص وسلامتج اتمنى اني ما صدمتج بس هذا الواقع رشي مبيد حشري جيبي شركة تنظيف لا تقعدين الزهيوي الوصخ انظف منه

هلا فيج ريفيل وأنا عارفة انه خبيث وذبحه فيه أجر وكنت أترجى أموته وآخذ هالأجر لكن يقولون من أول ضربة وأنا فاقدة الأمل في اني أضربه حتى

الخبيث أثاري يتفل بعد ههههههههههههه

 

[النويرة]

السلام عليكم حبيبتي والله قلبي وياج الله ياخذه ويفكج منه ويييييييييييييع اكرهه اكرهه اكرهه بس ديري بالج يقولون اذا طقوه وانفصل العصعص ماله عادي يمشي وتطلع له اجزاء ثانيه ( مادري مدى صحتها بس سمعت ) الله ياخذه ويفكج منه يارب

ياعمري تسلمين على دعواتج
بالنسبة لصحة كلامج فهو فعلا صحيح لأني في زماني ( أيام الطفولة الغابرة هههههههههه) كنت ما أشوف بريعصي في البيت إلا اتسلح بالمخمة واحذف عليه النعال ويطيح ذيله ويقعد يتحرك بروحه واقع اطق فيه ليما يموت >>> الله يرحم أيام الطفولة والشجاعة مو الحين صرنا نخاف من الحشرات والفيران )

 

[النويرة]

و الله يا حبيبتي انا اصلا لاعت جبدي من البريعصي و عجزت عنه ...

الله يسلمج انا الي عندي بالبيت بريعصي معضل ..جنه سحلية يعني حيل حيل كبير و يخرررع ..يعني حتى ما اقدر اطقه او احذفه بشي ...
و من كثر ما غسل يده مني قام يتمشى بالبيت عادي ...

جبت شركة مكافحة حشرات و هم بعد ما اثرت فيه ...

و الحين صار لي اكثر من 5 ايام ما شفته يمكن فطس ههههه ( فاقدته الاخت )

ههههههههههههههههههههههه والله حتى البريعصي عرفنا خوافين
باجر ياخبيرة أعشاب بتجرأ ويتفل عليج :eh_s(9): طلع يتفل مالت عليه

انا البريعصي مالي من آخر مرة غاب فيها صار له اربع ايام واليوم ظهر الحبيب ولونه غامج فعرفت انه كان في مكان ظلمة ههههههههههههه

 

[رمانه كويتيه]

والله انا سمعت انه ذبحه تاخذون عليه اجر لانه كان ينفخ على النار اللى كان فيها سيدنا ابراهيم كان البريعصى ينفج ليزيد اللهب




والله اعلم

 

[النويرة]

انا ماعندى مشكله اذبح بريعصي ولا اتجرأ اذبح ووووع زهوي
اقول ريفيل اول مره اعرف ذبحه له اجر ؟ ممكن تعطينى معلومات عن سببه
الاجر في ذبحه

ياليتني مثلج وأعرف اموته
علميني شلون تذبحينه من غير قرف .. مابيه ينفقص علي ووووع تلوع جبدي

أما السبب في ان ذبحه في أجر . لأنه ملعون وكان من الحيوانات اللي تنفث على النار اللي اشعلوها لإبراهيم عليه السلام . كان ينفث بالنار علشان تشتعل أكثر

 

[فراولة^فوشيا]

والله انا سمعت انه ذبحه تاخذون عليه اجر لانه كان ينفخ على النار اللى كان فيها سيدنا ابراهيم كان البريعصى ينفج ليزيد اللهب




والله اعلم

حتى انا سمعت نفس الكلام

يبيي شركة خل ترش دار مدار البيت عشان مايدخل
يمكن ايي من بره اذا عندكم حديقه والا زرع

ويع ويع اكرهه

 

[زخارف]

ان شاء الله راح اساعدج انا قريت في منتدى ثاني وحدة خوافه مثلك ومثلى ما تحبه سوت طريقه حلوة اخذت علبة السبريه مالت الزجاج الفاضيه واترستها منظف الفلاش والديتول ويمكن كلوركس بس انتبهى لا يفور عليك 0000000000وكل ما شافت واحد رشته عن بعد يعني الرجل العنكبوت لا الست العنكبوتية 000واهى ياحرام انفكت العقدة عندها00000000بس ديري بالك وانت ترشين على مكان ما فيه معادن لان الفلاش ياكل المعدن ياويل البريعصي 0راح فيها

 

[dmayer]

على فكرة أود أضافة معلومات من واقع المعايششة 1- البريعصي يلزق في اللزقة مالت الفيران بس الظاهر من كثر ما ترشين على ه يترطب ويصير المادة الصمغية بلا فائدة.
2- البريعصي اللى يلزق عقب كم يوم يستطيع أن ينسلخ من جلدة ليتجدد له الجلد الجديد ويمكنه من الفرار (سبحان الله)
3- المهم هنية لازم يكون عند كل مبلية بهذا الحيوان كمية من الكاز ينكب على مكان الجحر وما هي ألا دقايق ويطلع الحبيب من مكانه وما يدل الدرب ثم الله يسلمكم الباقي من إختصاص النعل مالت الحمام يكرم القاري

 

[ريفيل]

لقييييييييييييييييييت لج الحل ... رشي البيت بدوا الجرب مال الحيونات عند الصيدليه

 

[النويرة]

مشكورات يا الغاليات تسلمون وخلاص تخلصت منه :eh_s(9):
آخر مرة شفته فيها كان بالحمام ودشت الخدامة السنعة تغسل الحمام وطبعا انا لاهية ولا ادري متى دشت وكانت اللزقة قريبة من الباب وبعد ماطلعت من الحمام المحروسة راوتني اللزقة والبريعصي لازق فيها ويتمصع يبي يطلع مو قادر وتقول لي بنبرة بريئة : بريعصي تاح اقته ؟؟ ..>>>>> ياحلاوة ههههه قلت على الشارع على الطول
لكن راحت وقعدت افكر شمعنى طاح معاها !!!!!!!:eh_s(10):
الظاهر انها الحبيبة لقته بالحمام ومسكته وحطته على اللزقة
شعوب مقرفة

 

[أم وضاحي]

الحل
( الديــــــــــــــــــــــــــتـــــــــــــــــــــــــــــــــــــــــــــــــــــول )
حطيه في غرشة البخاخ وأول ما تشوفينه رشي عليه
بخ بخ بخ
و حياتج دقيقة إلا وهو منسدح على ظهره و مسلم الروح

 

[مكنتوشه]

هذا المخلووووووووووق اسميه عدوي اللدود
عما بعينه بس يخز ما يوخر .
واذا خبيرة الاعشاب عندها بريعصي معضل انا عندي تمساح مو بريعصي

 

[AwradAli]

والله صار لي موقف مع البريعصي عمري ما أنساه وانا من النوع اللي امووووووت من الخرعه من الحشرات .. لو اقولج بشنو ذبحته تضحكين علي

من بعيد ليه بعيد رشيت عليه سبراي الشعر لما خلصت العلبه عليه وتيبس بمكانه وفيه شي ثاني بعد يخليه يموت .. الصابون السائل هههههههه
جد مو غشمره

 

[Raveena]

وعععع ذكرتيني بالبريعصي ... مرة بالدوام كنت اتكلم بالتلفون جان عيني تطيح على باب مكتب رئيس القسم ولا بريعصي ميت و منفقص على الباب وعععععع شنو لاعت جبدي و قعدي اضحك حتى اللي بالتلفون تقوللي شفيج قلت لها بريعصي ميت و مصارينة طالعة وييييييييييع ناديت الفراش ايي يشيلة لأن منظره مقرف

قبل اسبوعين كان فيه بريعصي يحوم عند باب شقتي كا ما ابي اطقه ينحاش طبعا ما احب اطقه كنت اقول للخدامة لأني انقرف من شكله و على يوم دخلت الشقة ولا فجأة اخترعت ولا اهو تحتي وقاعد يمشي على طووول يبت البف باف و رشيت عليه و انحشت الغرفة و ريلي كمل رش عليه لما دخل غرفتنا و را الباب اشوف داااخ جان ريلي اييب المكنسة و يسحبه وعععع لاااااااعت جبدي بعدها قلت للخدامة بطلي المكنسة و غسلي الجيس اللي داخله في ديتول

 

[Raveena]

اول مرة اسمع المعلومات عن البريعصي


AwradAli ... ههههه حلوة طريقة سبراي الشعر بس مايسوى تخلصينه على واحد ما يسوى لووول