البشرة المختلطة

[Q8Lady]

مساء الخير .......


:68_asmilies-com:


مابي أثقل عليكم بنات ....

بقولكم باختصار

أنا بشترتي مختلطة ، صوب الجبهه و الخشم والحنج دهنيه حيييييييييييييييييييييييييييييييييييييييييييييييييل

جبهتي وخشمي كأني داهنتهم بدهن !!!!!!

حتى لما اغسل بالصابون بعد ساعه ترجع الدهون

أما خدودي فهي حساااااااااااااااااااسه وعاديه يعني مو جافه بس تجيلها عرات تصير جافه وتتقشر وتحرقني !!!

ويطلعلي حبوب ساعات قبل الدورة تحت صوب الحنج وصوب الخدود من تحت يعني منطقة اللحية باختصار :krkrkr:

ومرات يطلعلي حبوووووووووووب بعد الحف ( أنا احف بالشمع مرة كل شهر ) وهالشي يضايقني لانه شهر احف واستانس ماطلعلي حبوب وشهر احف طلعت الحبوب الحمرة الصغيرة او اللي لها راس ابيض !!!!

بنات بليز منو بشرتها نفسي ؟؟؟ وشنو تستخدم حق هالنوع من البشرة

خل نستفيد ونفيد كل وحده بشرتها مختلطة تقول عنايتها وتجاربها ب
1- الغسول اليومي
2- المرطب المناسب
3- حماية الشمس
4- علاجات للتحكم بالدهون واللمعان أو الحبوب

أنا بقولكم أنا شنو استخدم ...
غسول يومي نيتروجينا او هملايا الاخضر او صابون ديتول العادي
مرطب ما استخدم لاني مادري شنو استخدم
حماية روك 50 % مو عاجبتني تخلي الوجه يلمع وانا مو ناقصه
علاجات استخدم كريم شجرة الشاي مال بودي شوب حق التحكم بالدهون

وسلامتكم

يالله ان شاء الله نستفيييييييييد منكم لا تحقروني كالعادة :dddds:

ناطرتكم

 

[اميرة الغيد]

اول شي حبيبتي اعتقد بدي شوب مو طبي
انا كانت بشرتي جذي قبل وتصدقين ما ادري صدفه والا لأ كنت احف ويهي بشمع لما كانت بشرتي جذي
وكانت حساسه حيل
رحت لدكتورة الجلديه كتبت لي غسول روك للبشره الحساسه ومرطب روك وحماية svr ماشاء الله كلهم طلعوا بيرفكت على ويهي مع ان كان ويهي مايتقبل اي نوع صابون ولا مرطب قبل وغيرت عن الشمع وسويت ليزر
بس اهيا قالت لي في مجموعه من روك اسمها انيدريل للبشره الحساسه وبدون عطور اهيا اللي كتبت لي منها الغسول والمرطب وبعدين تعدل توازن الدهون ببشرتي وصارت طبيعيه

 

[Q8Lady]

مشكووورة حبيبتي
بنااااااااااااااااات شدعوة .................. كل هالمشاهدات ورد واحد بس !!!!!!!!!!!!!!!!!!!!!!!!!!!!!!!!!!!!!!
شنو محد بشرته مختلطة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تحقرووووووووون بنات باجر لما تحتاجين محد بيرد على سؤالج وتذكري الحديث
عامل الناس كما تحب أن يعاملوك
!!!!!!!!!!!!!!!!!!!!!!!

 

[الحلآآآ]

رفــــــــــــــــع

 

[7andoosa]

:eh_s(6):hello
انا بشرتي مختلطة نفس الي قلتية بالظببببببببببببببببببببببببببط .... صوب الجبة وو الخشم وو الحنج ,,, وو لما احط مكياج اول شي يكون حدى اينن بس خل تمر ساعة .. لووووووووووووووووووووووعة :cxxxp:
فتلقيني كلة معاي الكومبكت (البودرة المضغوطة) ادش الحمام امسح الدهن شوشوي بالكلنكس وو احط فوقة الكومباكت,,,,
انا استخدم ماركة طبية soskin واايد زينة ,,, الغسول وو التونك ... بس ما استخدم مرطب كلششششششششششش.... استخدم vitamine Cمن نفس الماركة .... وو ما استغني عن ماء الورد اشد وو انشف ... امممممممشنو بعد اقدر افيدج.....كل ما حسييت ويهي oily اروح اغسلة ,,, اي اي اي تذكرت اليمون عجيييييييييييييييييييب و اللة ينشف و يقبض المسامات ,,,, اعصر الليمونة وو بقطنة امسح علي ويهي وو اقعد شوي وو اغسلة ....
:eh_s(6)::sfg:

 

[ابله رشا]

انا جربت كلينيك المجموعه الكامله حتى مع الفونديشن وايد روعه و حتى اخذي من عندهم مجدد للبشره و السنفره و الماسك يهههههبل
و همن راجعي دكتور جلديه
انصحج بطلال العلي وايد شاطر و عن تجربه

 

[Q8Lady]

يعطيكم العافية
بنات وينكم نبي تجارب بعد شدعوة !!!!!!!!!!!!!

 

[ريح الخزامى]

- الغسول اليومي
على حسب اذا بشرتي تحتاج غسول او لا, لان اذا غسلتها بالصابون وماكان في حاجه اني اغسلها على طووووووووووووووووووووووووووووووووووووووووووووووووول تحبب
فأستعمل مناديل جونسون للبشرة الحساسه
اما غسولاتي اذا غسلت ويهي: غسول جونسون الوردي حددددده خفيف و ماينشف وايد
غسول كلين اند كلير للتحكم باللمعان<< للامانه صارلي ثلاث ايام استخدمه فما اقدر احكم اذا زين او لا
2- المرطب المناسب
اولاي للبشره الحساسه , جربت اولاي للبشره الدهنيه و المختلطه كلش مافادني
3- حماية الشمس
بيوديرما 100 روووووووووووووووووووووووعه
4- علاجات للتحكم بالدهون واللمعان أو الحبوب
اذا حسيت انه اكو حبه بتطلع استخدم كريم للبشره المتهيجه
استخدم تونك لوريال pure zone عجيييييب للتحكم باللمعان الصبح قبل كريم الحمايه
وبعد ما ارد من بره علشان يصكر المسامات << وحده بالمنتدى مادحته حددده ناسبني
والحين استخدم كريم كلين اند كلير للتحكم باللمعان و صارلي ثلاث ايام استخدمه بعد فما اقدر احكم اذا زين او لا

و لاتنسون اهههم شي للي بشرتهم دهنيه او مختلطه

استخدموا مقشر فيه حبيبات كل يوم صبح لان الدهون تتجمع وايد و بسرعه فلازم نتخلص منها قبل لاتعفس ويوهنا


<<<<امانصيحتي للبنات لا تستعملون منتجات وايد على بشراتكم استخدمي بس الي يناسبج
و لا تغسلينها بالصابون اكثر من مره باليوم احسنلج تترششين ماي وبـــــس:eh_s(6):

واي تعبت وانا اكتب

 

[Q8Lady]

مشكووورة وماتقصرين

 

[Q8Lady]

ويييييييييييييييييييييييييينكم بنااااااااااااااااااااااااااااااااااات

 

[dla3_princess]

انا نففسج بالضبط ويهي بشرتي مختلطه واااي حددي اتضاايق

خدوودي حساسين و يميلوون بسرعه للجفاف ما يدهنوووون كللللش

بس جبهتي و خشمي و تحت حلجي بسررعه يدهن

و ترا جو الكويت ومع الحر اكييد بيزيد افرااز الدهون بالويه و اكلنا فيه اشيااء تحفز افراز الدهوون ..


المهم تجربتي و

اللي مشى معاي غسوول سووسكين و همن حمايه سوسكين وايد مشت معاي الحمددلله

بس المرطب حاليا قاع\ه استخدم من سيليكس سي بس ماادري يعني عاادي

ووووودي استخدم مجمووعه تحل لي هالمشكله للأبد و يصير ويهي كله نضااره ..


بس انصحج بشي يهبببببل و واايد مفعووله حلو معاااااي حطي ماسك بس على المناطق الدهنه ( سدر وروب)

سدر مطحوون شكله جنه بوودر و خلطيه مع رووب و اقري الفاتحه 7 مرات بنية الشفاااء و حطيه على ويهج

المناطق الدهنيه خليه نص سااعه و غسليه و شووووفي اشلووون يتحكم بالدهوون مشالله يهبببببببل



مووووووووووفقه و يالله نبي تجاااااارب زياااده

 

[رحلة امل]

انا بشرتى مختلطة وكنت تعبانه نفسيا منها والحين صارت مو طبيعيه كل الايشوفها يحسدنى عليها مااتركت منتج باعالم الاجربته بعدين يائست وقالت لى وحدة جربي كل الروب وماء الورد غسليها بااي صابون للبشرة الحساسة وبعدين ماء ورد وتحطى كل يوم ساعة روب
فعلا الحين كل الايشوفنى طالعه مثل القمر بشرتى تجنن وتغيرت والحبوب مااافي ولااي شيء حتى ميك اب مااحب احط لماااطلع
لان بشرتى بياض وصفاء بدون شيء بس لازم تتقيدى كل يوم ماتنسي
وصدقينى راح تدعين لى بس اصبر عليها وطبعا الروب لو صلاحيتها منتهيه افضل

 

[Q8Lady]

مشكووووووووووووووووووووورين بنات ، يبيله انجرب الروب انا سمعت عنه ويوم كنت بالثنويية كنت احطه وصج كنت احس ويجهي ينتعش ماقصرتوا
بس ياليت نشوف مشاركات اكثر

 

[خبزة و جبنة]

up up


نبي بعد اقتراحاتكم حبوبات ~ انا بشرتي مختلطه و حساسه بنفس الوقت ... مادري شنو استعمل .. عن نفسي اغسل ويهي بصابون ديتول او جونسون بالعسل .. وادهنه بفازلين .. وبعض المرات استعمل مقشر كلين اند كلير .. وادهن ويهي بكريم جونسون الطبي مال اليهال .. يعني على حسب المزاج .. بس هالايام صايره تييني حبوب مادري ليش


بليزز انا سمعت عن ماركه ( كلينك ) .. اللي تقدر تفيدنا .. شنو احسن المستحضرات للبشرة المختلطة وشلون اسعارهم ..؟


















ويعطيكم العافيه ~~~~~~

 

[Q8Lady]

يعطيكم الف عافية ,,,, هل من مزيـــــــــــد ؟

 

[Dr.6obayzah]

استخدم صابونه ديتول و مااستخدم مرطب

 

[شـهد]

غسول اكسفولياك يوم استخدمته خفت الدهون عندي



ومااستخدم ترطيب عشان لايدهن ويهي

 

[Q8Lady]

مشكورين على الرد
انا جربت صابونة ديتول حلوة ماشي حالها وماقمت احط مرطب كلش
بس المسامات على خشمي وحواله ملوعين جبدي !!!

 

[ســكره ورديه]

نفس بشرتي نفسهااااا بتمااااااااااااااااااام ونفس مشكلتي بالتماااام

تعالي ياحلوه اولا عالجيها بعدين حافظي واهتمي

تخيلي انا شلت شعر وجعي بالشمع من صوب الذقن اللحيه على قولتك:dddds: شوووفي البلاوي اللي طلعت ياويلي حبوووووب ورا حبوب كانها جمعات حبوب

وهذي تروح وتطلع ثلاث بعدها او بجنبها شي فظيييييع كل من شافني قال سلامات اش فيك عن جد تشوه المكان

رحت عند الدكتوره قالت هذا التهاب بكتيري او شي زي كذا

المهم اعطتني كومة ادويه غسول وحبوب واشياء مدري اش هي

استفدت من حاااجه وحده

في دواء مثل الاصبع وفيه منه بس بشكل ثاني اللي هو علبه مربعه واللي يطلع منها سايل ابيض وثنينهم صغاااار هذا ياحلوه اول ماتشوفي الحبه اقصد الحب الكبير اللي يطلع مع التوتر ولا الدوره حطيه عليه مرتين في اليوم

وقولي للحبه باي باي بعد يوم او يومين وبدون اثر:ggdw: واصبعك هذي لاتقربينها جنب الحبه ابد هذا سبب الأثار

ايه نسيت اسم الدواء واذا فادك او اي وحده هنا تجربه تدعي لي وهي على سجادتها بدعوه حلوه ولها المثل ان شاء الله

Dalacin T

وعلى طاري بودي شوب انا نفسك تمام بس اخذت رغوة الشاي الاخضر خطيييييييييييييييره وربي اذا حسيت وجهي طالعه في حبوب او مدهن بزياده استخدمه في الصبح والليل روعه قليله فيه

وكمان استخدم رغوة بوندس صح ماله دخل بالعلاج بس اخذت للتفتيح انا بيضاء لدرجه الأورده مدري العروق الحمرااااء الصغييييييره واضحه >وباقي بطرح هالمشكله هنا< بس احس وجهي مو موحد لونه يمكن انتي نفس الشي احسه درجات اخذت هالرغوه وجالسه استخدمها مره في اليوم احسها تفتح
وحلوه الصراحه:eh_s(15):

اما الاثار القديمه مدري اش اسوي فيها بس جالسه اجرب من ذا ومن ذا والله يحلها بس الحبوب مثل ماقلت لك دلاسين وبس حطيه على الحبه وبإذن الله تختفي ولا لها اثر

واذا تذكرت اي شي بسدحه هنا على طوووول:eh_s(8):

 

[Q8Lady]

يعطيج الف عافية على مشاركتج الحلوة
وربي يشفي بشرتج من كل مشاكلها ويشفينا معاج
بالنسبة للدلاسين انا جربت دوا نفسه تقريبا بس من شكرة ثانية من شركة ابوت
نفس الطريقة مثل الاصبع المسح و ريحته تصرع نفااااذة وجذي عقب جم يوم يوخر الحبة
بس مو على طول يشيلها لكن بعضض الحبوب المستعصية مابقدر عليها تغلبه ههههههههههههه
انا الحين مشكلتي الكبرى مو بالحبوب
مشكلتي بالمساااااااااااااااااااام و الدهوووووون اللي بالخشم والجبهة والجفوووون
ودي اجرب النشا مع الليمون بس مدري مترددة
شرايكم