البطاله شسوت فيج @@

[6moo7]

السلبيات :
نوووووم وسهر وهالات ولا المدمنين استغفر الله
وبلع بلع بلع ومـتـن مو صج
وكراف بالبيت :eh_s(16):

الايجابيات :
متابعة مباريات على كيف كيفج
ومسلسلات
وبرامج ولقاءات .. مايطوفج شي
وماكو قعدة الصبح المليقة
ولا تعب نفسي وجسدي من الدراسة والامتحانات

والحمدلله على كل حال​

 

[الوردة المظلومة]

رد : البطاله شسوت فيج @@

طفح الكيييييييييييييييييييييييييل

والله تعبت وادورررررررررررررررررررررررررررررر

 

[one two 3]

صاير فيني خموووووووووووووووووووول مو طبيعــــــي و صداع


ياربي ملل

يارب فرج امري ويسره يارب

 

[شيطووونه]

انا صارلي سنه بالبيت حاشني كل انواع الاكتئاب من اول شهر لانه رفيجاتي كلهم تعينوا بسرعه ماشاءالله
وانا متعوده اداوم فجأه شفت نفسي بروحي بالبيت زههههههههقت
وحاليا بديت اتأقلم عالموضوع مقزرتها عالنت والنووم :/
والحمدالله على كل حال موفقين بنات

 

[one two 3]

الله كريم ربي يفرجها انشالله يارب

 

[نـعـومـه]

رد : البطاله شسوت فيج @@

انا مانطرت وايد بالوظيفه لانه تخصصي مافيه وايد بنات عشان جذي بسرعه نتوظف

بس لما تخرجت من الثانويه ارتحت كورس كامل بعدين دشيت المعهد صج صج صج صج لووووووووووووووووووعه بغيييت اموت استغفر الله حياتي نوم غدا اقعد مع امي شويه اشبك بليل انام بسسسسسسسسسس

وطلعات ماكو لانه الناس كلها دوامات وامتحانات بس كنت اطلع الخميس ومرات ماطلع واليمعه زواره

صج صج كان ارف

بس الحين انا موظفه واتمنى اصير بطاليه 6 شهور ارتاح بعدين اداوم هههههههههه لانه صج غثه قعده الصبح وشغل مشاكل الشغل مسؤوليه ولويه لاحقين بنات ريحو والله الفراغ فرصه ماتعوض استغلوها بعدين ادامون تنحكرون

 

[ام جبولي]

ااااااه يالبطاله ملل وزهقه وماكوو شغل بس اكل ونووم والله زهقنااا صارلي 8 شهوور وانطر هالديوان الزفت

 

[one two 3]

رد: رد : البطاله شسوت فيج @@

انا مانطرت وايد بالوظيفه لانه تخصصي مافيه وايد بنات عشان جذي بسرعه نتوظف

بس لما تخرجت من الثانويه ارتحت كورس كامل بعدين دشيت المعهد صج صج صج صج لووووووووووووووووووعه بغيييت اموت استغفر الله حياتي نوم غدا اقعد مع امي شويه اشبك بليل انام بسسسسسسسسسس

وطلعات ماكو لانه الناس كلها دوامات وامتحانات بس كنت اطلع الخميس ومرات ماطلع واليمعه زواره

صج صج كان ارف

بس الحين انا موظفه واتمنى اصير بطاليه 6 شهور ارتاح بعدين اداوم هههههههههه لانه صج غثه قعده الصبح وشغل مشاكل الشغل مسؤوليه ولويه لاحقين بنات ريحو والله الفراغ فرصه ماتعوض استغلوها بعدين ادامون تنحكرون

شنو تخصصج @@

 

[HapPineSs]

انا توني متخرجه كورس اول .. يعني تقريبا ... من 27-1 ...
حياتي ... لووووووووووووووووووووووووعه بمعنى الكلمه
اقوم بالليل وانام بالنهار ...
يعني قولي اقوم عال 4 العصر !!
نوم
افلام
انترنت
بي بي
يومين او 3 بالاسبوع اطلع ...
نادي --->> ساحبه عليه !
اقرا روايات

حياااااااااااااااااة ممله .. زهقققققققه
اهلي دوام وانا بروحي بالبيت بس مجابله هالثلاجة وزت 3 كيلو !
ويييييييييييييع !! ابي ارجع الجامعه والله

 

[q8_84]

لاجبتيها على الجرح :eh_s(2):

اخاف ابدي اوصف البطاله شسوت فيني تخلص الصفحات وانا ماخلصت واقلبها فلم هندي وهات يابجي لاتلوميني صارلي ثلاث سنين قاعده بالبيت

امممم نفسيه زفت والله خواتي صارو يكرهون يكلموني صرت جبريت

وحسااااااااااااااااااسه ومن اتفه الامور اتضايق واقلب السالفه فلم هندي بعد ماكنت مرحه وقويه

صرت ابجي كثيرررررر خصوصا لما اقعد بداري بروحي خصوصا قبل البطاله ما اعرف البجي صعب تطلع دموعي اكبت كلشي داخلي لا الحين فليتها

وصرت كسووووله و ما اطلع واكره الطلعات واذا طلعت احس اني مغبره و يحوشني احساس غريب ماني عارفه اوصفه الزبده ان احساس مو حلو ويصكني
صداع

واحس اني كبرت عشر سنين والله طلع بشعري ثلاث شيبات وكله انقد نفسي خصوصا بالبس وحارمه نفسي من شغلات كثير اقول لاعيب ماتصلح لعمري وخواتي كله يهاوشوني يقولون حرام الي تسوينه بعمرج

بس مقدر اكمل احس جتنيي البجيه كسرت خاطر نفسي بروح ابجي ولا خلصت بجي ارد اكمل


<<<<< الحين one tow 3 تقول ولي شخلاني انزل الموضوع لووووول فديتج والله مشكوره انج فتحتيلي مجال اعبر بالي بداخلي لناس تفهمني وتحس فيني

 

[السحابيه]

طفش وكارهه نفسي والكل
من كثر النوم مليت من النوم وإذا قعدت ما عندي شي اسويه حتى القنوات بالتلفزيون مليت وانا اقلبها. مافي الا كل يوم اطالع شهادتي ودرجاتي واقتهر واخلي القهر على زوجي .

والمشكله اقوله ييب لي ادوات حق المطبخ علشان اضيع وقت يقولي ماتعرفين تطبخين ويزيد في تحطيمي . انزين حتى لو ما اعرف اطبخ على الاقل اطبخ حق قطاوه الفريج واعتبره صدقه لوجه الله بس حتى هالصدقه مرفوضه .

 

[كشخة عروس]

اووووووووووف موصج معقوله يصير جذي بالكويت ومو لاقين وظايف مااصدق طيب ليش ؟؟

:bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu:

 

[chakletaA]

بس الحين انا كنت موظفه من بعد زوبعه من المشاكل الدوام وقدمت استقالتي بطاليه 6 شهور ارتاح بعدين اداوم

 

[عجمانيه]

انا مليت زهقت ...احس اني درست عالفاضي..
انام للظهر>>>>جسمي صار فيه خمول
اكل>>>>>بس ما امتن,
تي في, وبي بي >>>ودوم سخيفه
وبسسسسسسسسسسس تعبت من هالحياه الممله,, ابي ادااااااااوم

 

[السحابيه]

آنا عني يقولون بحرينيه وما نوظف إلا كويتيين حتى القطاع الخاص كلما اودي لهم اوراقي قطوهم :rgewrg:

طيب وظفونا وموب ولاتعطونا مثل معاشات الكويتيين ما قلنا شي بس لا حياه فمن تنادي :krkrkr:

والمصيبه دافعه فوق 17 الف دينار على الدراسه بالجامعه لو فاتحه لي مشروع فيها احسن لي من شهاده آخر شي بحرقها . :eh_s(14):