البنات اللي بس يتهاوشون تعالوا شوي

[كراميلا مرة]

الموضوع مفيد
فعلا اغلب البنات صايرين يبن يفرضون رايهم غصب
واللي يخالفهم في الراي معناته بيحاربونه
ولا صايره حركه ان اذا تناقشوا مع بنت في موضوع وصار اختلاف في الاراء
بعدين انتهى الموضوع
خلاص تبدا نلاحقها في كل موضوع عشان تغلطها
خلاص شالعقليه بحقد عليها وبدور عليها الزله بس لانها خالفتني

وحتى بامور الدين صج التشريع واضح بس في النهايه
كل وحده كيفها انتي نصحي بس لاتكفرينها وتسبينها
وتتهجمين عليها على جان بتنصحينها
ترى الدين المعامله

 

[رورو 88]

^

انا بعد ملاحظه هالحركه تصير بلاك ليست خلاص

او ادش على بروفايلها يعني تبي تجكها بشغله

امبيه يعني انا مو 100 بالاميه مع شخص ولا 100 بالاميه ضده

اشوف الموقف واحكم مو عشان عارضتني قبل خلاص انا ضدها بدوون تفكير

 

[PuPa^^SWeeT]

هذا المنتدى يجمع شريييحة من المجتمع الكويتي ةالعربي







لذلك اختلاف الاراء ووجهات النظر جائز بل و واجب حصووله


لكن اسلوب الحوار هو الذي يميز صاحبة الرد او الطرح


التي تتغنى بالالفاظ السوقية و الشتم ماذا يمكن وصفها بغير قلة الاحترام و الادب ؟؟؟


الذي يميز اي انسان و اي شخص و اي مواطن هو لسانه



لسانك حصانك

تاتينا اوقات ناخذ المواضيع بحدة ممكن و ممكن بروية


لكن لا يمنع لو احتدينا بالنقاش ان نتمسك بخيط الادب والسنع و الاحترام في الطرح والرد


لأننا عيال ديرة خير و سنع و احترام


من يمثل ديرتنا غيرنا


ومن يمثلنا غير لساننا ...



عض اللسان مؤلم


لكنه واجب في بعض الاحيان لئلا ننساق وراء الشتم و الاسلوووب السقييم بالنقاش

 

[لحظآتَ]

من اجمل المواضيع اللي مُمكن الواحد يقراها
الحين الناس صارت حتى بحياتهم العامة هواش وصراخ !
اي زين ليش ؟
خـ نتناقش و نتفاهم بأسلوب راقي وحضاري وهادي ؟!
شحقه الصراخ و المراء والمُنكافات اللي ما منها فايده ؟!
بالنهايه محد بيقتنع برأي الثاني .. بسبب الصراخ والصوت العالي !
ايضاً الهواش والصراخ .. حجة من لا حجة له !!
بمعنى [ خذوهم بالصوت تغلبوهم ] .؟!

أحب حيل اتناقش مع ناس رايقه وراقيه وهاديه ^^ أحس براحه نفسيه وبالأخير كل طرف يفهم وجهة نظر الثاني
حتى لو ما يتفقون المهم يفهمون شنو اللي بوصله وبقوله ؟!


,


شُكراً أختي صاحبة الموضوع

 

[manoooram]

العفو رورو تستاهلين يا قلبي
نهى ما قصرت و موضوعج مهم للكل
على الأقل بعض العضوات ينتبهون لملافظهم وأسلوب نقاشهم مع الكل

 

[الزورق222]

اتمنى من الصبايا وانا منهم عدم تدمير منتدى كويتيات فجامليته بنقاش الصبايا للمواضيع حتى لو كنا ضد بعض المفروض الكل يعطى رايه وبكل حرية وعدم التطاول لابسب ولابتجريح .. احيانا عصبيتى تخرج بطريقة كرييه لكنى احاول ان اضبطهاا ..اتمنى من الجميع المحاولة فى ضبط العصبية ..وان شاءالله مانشيل على بعض ..
عاد انا اقوولكم من الحين رأى انا حرة فيه ناوية على هجوم من اولهااا ..

 

[حبي بيرين]

اولا اشكرك ع الطرح
ثانيا ليت البنات اللي من النوعيه يشرفون موضوعك عسى الله يهديهم ويعقلون
ثالثا مومعقوله الى الان مافيه شئ اسمه تقبل الراي الاخر هل الى اان ماعرفوا الشئ اشك لكن اللي اتوقعه البنت اللي تتهاوش وتتلفظ باقبح الالفاظ والشئ هذا قرايته وانصفق وجهي بصراحه اتوقع انها تعاني كبت وتحقير من الاهل ( اعوذبالله وين عايشات معقوله بيئتهم سئيه للدرجه والكلام هذا ينقال عندهم عادي)
صراحة المنتدى احس سمعته راح تروح بسبب النوعيه لاني بكل صراحة صرت انغث واقول ليتني ماسجلت بس للامانه فيه بنات الله يكملهم بعقلهم

 

[بنت العقربيه]

كل بنت تتهاوش اعرفي انها مراهقه او عقلها صغير

والله يهدي الجميع

 

[رورو 88]

منورين بنات

بنت العقربيه انا انصدمت ان في وايد منهم امهات ومعيلين والاسلوب

نو كومنت @@

 

[ام سعود ديكسون]

اشكرج اول شي علي الطرح الراقي مثل صاحبته

و ثاني شي أنا عندي سلف كنترول علي نفسي
من ادش موضوع فيه خناق اقب ما احب ارفعه بردودي

بس حرااااام اكو مواضيع حلوة
او مواضيع فضفضة واستفسار
النية منها صافية و بيننا كبنات
بعد جم رد تشوفين الموضوع اخترب
والا العضوة انحاشت من كثر ما فشلوها

والا انغلط علي الجنسيات الثانية
والا نحصر العيوب فيهم
و إحنا ندري ان هالشي جارح
و في عضوات من هالجنسيات بالمنتدي


هذا غير مواضيع الفتنة الدينية و السياسية
وأقولهم اتقوا الله بالكويت وبالإسلام و بالبشر

 

[صمتها ونه]

مشكوووووووووووره يالغلا

 

[caramil]

بردتي جبدي بصراحه..
المنتدى يفتقر إلى الاسلوب الحضاري الحواري..
تكرهين حتى انج تقولين رايج الشخصي... يعني كل وحده تبي تغير قناعات الناس غصصصصصصب ومبادئها
وتتهم البعض و اللي مايأيدها يا تكفره يااا تجرحه ..همممممممج..غصب غصب لازم تقولين عن كلامها صح
..هالاشكال انا اقولهم لا تقولون رايكم
احسن



سألوني مره من المرات عن دكتور لي بالجامعه..اذا كان زين او مو زين..
قلت لهم افضل دكتور بالقسم !

بعد فتره سألوني وقالولي شلون تقولين افضل دكتور واهو مايعطي درجات !
قلتلهم انا شخصيا" معطيني f

قالولي عيل ليش تقووولين عنه ززززززين !!

قلت لهم : خساره كبيره اذا حكمكم على الشخص او الدكتور من خلال ( يعطي درجات او لأ)
انا من هذا الدكتور تعلمت امور كنت احلم اني اتعلمها.. او مجرد اني افهمها.. الدرجه ماترفعني الا درجه
اما المعرفه ترفعني درجاااااااااااااااااااااات..


قالولي لا مووو زيين ويع وساعه بس تحاول تقنعني انه مو زين
وغصب تبي تغير قناعاتي ..ولما ما اقتنعت قالتلي انتي ماتفهمين !!!!

لي متى الجهل لي متى.. ويع احس ساعات ودي اغسل عقول البعض بتيزاب
مجتمع 99% منه عقول سخيـــــــــــفه

يعطيج العافيه حبيبتي على الطرح الرائع

 

[مطلع النـور ~]

كلام موزون ومنطقي

فعلا .. لازم في كل موضوع تصير هووشه !!
ليش ماأدري
وكل وحده شادّه حيلها بالألفاظ الغير لائقه
و تظن أن كل ما زادت العيار أنها هي : الاقوى واللي محد يسكتها !!!


والله يابنات مو بس بالمنتدى
حتى بالاسواق والدوام والصالونات
ياكثر مااشوف هوشات قدّامي بدأت من كلمة بسيطة ونقاش وانتهت بالسب والصرااااخ !!


وين الأدب والاتيكيت !!
وين حياء الأنثى ؟؟؟


بصراحة شي يعوّر القلب حيييل لما أشوف بنات ديرتي يتعاملون بهالطريقه !!




الله يهدي الجميع

 

[أغلى من العقد]

صراحه انا كل ما اكتب رد قالولي خلج في قسم اللوكات ههههه

على العموم اهديهم توقيعي

الاختلاف في وجهات النظر لايعني ان تتشاجر مع من يخالفك الرأي وتنعته بالصفات السيئة فربما تكون انت على حق وانا على حق وفي النهاية كل شخص ينظر للامر بطريقته الخاصة كهذه الصورة

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 720x402 21kb

توقيعك عجيب والله
هذا يشوفه3 الثاني يشوفه 4
حلو عجبني

 

[غلا،،]

ايه والله صدقتي

بصرااحه استغرب من بعض الردود

لدرجه في بعضها توصل للوقاحه ..

شئ اتضايق منه بصراحه

مرات اشك ان هذيلا بنات ديره وحده خخخخ

اعوذ بالله جنهم عدوات ..


الله يهديهم

 

[غداً القاك]

الله يهدي الجميع ويألف قلوبهم يابنات والله كلنا خوات عسى ربي يجمعنا على الخير بالدنيا وبالجنه بالاخره قولوا امين

 

[نهى الأحمد]

عسى ربي يهدي الجميع


وكلنا خوات هني والمفروض تكون قلوبنا على بعض

ونرتقي شوي في ردودنا

 

[رورو 88]

معاكم حق مو بس بالمنتدى بكل مكان

ينسون نفسهم

منورين بنات

 

[المرتاحة]

موضوعج وايد عجبني

بعض الحريم مشكله!!

انا احيانا ما احب ابدي رايي والسبه هالالفاظ اللي بحياتي محد تلفظ علي فيها

استغفر الله تحسين البنت اللي قاعده ترد عليج شايله بيدها سيف و لو يحصل لها تقطع رقبتج

يمه يمه!! ما تحسين فيها انوثه كلش والرحمه ممسوحه من قلبها

مشكورة حبيبتي وياليت الكل يتعض

 

[رورو 88]

وتستمر الماساه :eh_s(1)::jumpon:

ماكو فايده عند البعض ..