البنات اللي راحو لماليزيا تكفون عطوني خبرتكم

[العطر 87]

السلام عليكم تكفون بنات انا بسافر ماليزيا بس المشكله ماعرف هناك شي واللي معاي انا وزوجي 1،500 تهقون يكفون تذاكر واقامه وتسوق وابيكم تقولون لي اماكن التسوق اللي الواحد يلقا فيها اشياء غريبه وشنو اشتري من هناك وشلون الجو هناك وشلون عملتهم بالختصار عطوني معلومات ولادشون وطنشون لو تقولون لي لو معلومه وحده وشنو احسن اروح عن طريق سفريات ولا عادي واللي تعرف سفريات معماتكم وخدمتهم زينه وثقه لاطنشون اكتبو رقمه وانا بنطر ردودكم ومساعدتكم

 

[May81]

وعليكم السلام اختي
صج انه ماليزيا ارخيصه بس 1500 ماأظن تكفي حق تذاكر وسكن وتسوق !!!
الجو اهناك رطويه ومطر وحر .. في محلات وااايد منها لرخيص و الغالي .. في مجمع اسمه BeBe رخيصصصص وزحمه ولويه.. هذا اللي اذكره وعندهم اسواق شعبيه ... اعتقد اذا حجزتي عن طريق الانترنت ارخص ولا شوفي سفريات عندها باكج كامل..
وانشاء الله البنات بيفيدونج

 

[العطر 87]

وعليكم السلام اختي
صج انه ماليزيا ارخيصه بس 1500 ماأظن تكفي حق تذاكر وسكن وتسوق !!!
الجو اهناك رطويه ومطر وحر .. في محلات وااايد منها لرخيص و الغالي .. في مجمع اسمه BeBe رخيصصصص وزحمه ولويه.. هذا اللي اذكره وعندهم اسواق شعبيه ... اعتقد اذا حجزتي عن طريق الانترنت ارخص ولا شوفي سفريات عندها باكج كامل..
وانشاء الله البنات بيفيدونج

صراحه ضاق خلقي بس مشكوره على مرورج وردج

 

[حاااايره]

شوفي حبوبه انا وزوجي سافرنا بال 2005 وكلفتنا السفره 10 ايام 9 كواللمبور ويوم جنتنج من الى 1500 وكنا صج صج راهين غدى وعشى مطاعم عربيه تكاسي وقهاوي شريتلي جنطه مع بوكها وجوتيها عزج الله من بونيا وشريت جناط تقليد ماركه يمكن 20 جنطه شريت عطورات 2 وشريت اندرويرز وشريت نظارتين شميات هذا مشترياتي بالضبط

انتي شوفي روحي على الخطوط السيريلانكيه والللللللللله انها زينه اهي تابعه للايماراتيه بس ترا ريحه الركاب شوي بايخه هذا صار بالرده اما بالروحه لا وسكنو فندق رويال بنتنج بشارع العرب 4 نجوم وريوقه يممممممممممممم وسعره حلوو واتوقع الحين كل شي غلى زيديلج 200 او 300 والله يوفقج حبيبتي

 

[dalprincess]

جم يوم بتقعدين ... اعتقد راح تكفيج لان التذاكر 500 والسكن اذا 10 ايام يبيلج 300 لي 400 اذا فندق 5 نجوم .... والمصروف اليوومي رخيص يعني التكاسي وايد رخيصه والمطاعم وعاد الي يزيد خليه حق السوق بس راح يكفيج تتسوقين بس لاتقربين صوب الماركات وسوقهم كله حلو تقريبا اكثره موجود بشارع العرف تلاقينهم مجمعات مثل بي بي بلازا وسونق ونق ووايد بعد مو ذاكرتهم بس عموما تكفيج الفلوس روحي واستانسي واذا تقدرين تزيدينهم احسن وبالسلامه انشالله

 

[العطر 87]

شوفي حبوبه انا وزوجي سافرنا بال 2005 وكلفتنا السفره 10 ايام 9 كواللمبور ويوم جنتنج من الى 1500 وكنا صج صج راهين غدى وعشى مطاعم عربيه تكاسي وقهاوي شريتلي جنطه مع بوكها وجوتيها عزج الله من بونيا وشريت جناط تقليد ماركه يمكن 20 جنطه شريت عطورات 2 وشريت اندرويرز وشريت نظارتين شميات هذا مشترياتي بالضبط

انتي شوفي روحي على الخطوط السيريلانكيه والللللللللله انها زينه اهي تابعه للايماراتيه بس ترا ريحه الركاب شوي بايخه هذا صار بالرده اما بالروحه لا وسكنو فندق رويال بنتنج بشارع العرب 4 نجوم وريوقه يممممممممممممم وسعره حلوو واتوقع الحين كل شي غلى زيديلج 200 او 300 والله يوفقج حبيبتي

مشكوره جبيبتي ماقصرتي يعطيج العافيه بس صج جوهم حار ورطوبه ؟؟

 

[العطر 87]

جم يوم بتقعدين ... اعتقد راح تكفيج لان التذاكر 500 والسكن اذا 10 ايام يبيلج 300 لي 400 اذا فندق 5 نجوم .... والمصروف اليوومي رخيص يعني التكاسي وايد رخيصه والمطاعم وعاد الي يزيد خليه حق السوق بس راح يكفيج تتسوقين بس لاتقربين صوب الماركات وسوقهم كله حلو تقريبا اكثره موجود بشارع العرف تلاقينهم مجمعات مثل بي بي بلازا وسونق ونق ووايد بعد مو ذاكرتهم بس عموما تكفيج الفلوس روحي واستانسي واذا تقدرين تزيدينهم احسن وبالسلامه انشالله

مشكوره حبيبتي على مرورج وعلى المعلومات ...بس شكلي بهون عن ماليزيا خايفه مايكفينا ونتوهق بس شكلي بروح دوله عربيه بس وين؟؟؟؟؟ماادري

 

[نــوف]

والله ستفدت من الموضوع
مشكورين

 

[dalprincess]

مشكوره حبيبتي على مرورج وعلى المعلومات ...بس شكلي بهون عن ماليزيا خايفه مايكفينا ونتوهق بس شكلي بروح دوله عربيه بس وين؟؟؟؟؟ماادري

لا حبيبتي روحي مليزيا احسن ترى الدول العربيه تكلفج اكثر انا مجربه ... مليزيا رخيصه وحتى فنادقها رخيصه

 

[<Miss ROoSe >]

هلا حبيبتى
بالنسبة لماليزيا أنا رايحة لها كذا مرة
حددى بأى تاريخ بتروحين ؟ وجم شخص ؟ وجم حاطة فى بالج مصرف ؟
وأنا من عيونى أحطلج الاسعار وأفضل الاماكن للتسوق وأفضل الفنادق القريبة من السوق
:tek:​

 

[العطر 87]

هلا حبيبتى
بالنسبة لماليزيا أنا رايحة لها كذا مرة
حددى بأى تاريخ بتروحين ؟ وجم شخص ؟ وجم حاطة فى بالج مصرف ؟
وأنا من عيونى أحطلج الاسعار وأفضل الاماكن للتسوق وأفضل الفنادق القريبة من السوق
:tek:​

اول شي حبيبتي اشكرج على مرورج...23/ 6 وانا وزوجي بس وعلى المصروف اللي معانا كله 1800 دك ما ادري اذا بتكفينا تذاكر وسكن وتسوق...واذا عندج خبره بتركيا فيديني وشاكرتلج حبيبتي والمشكله زوجي يحن علي نروح اندونيسيا بس خايفه اغامر فيها اخاف مو وناسه

 

[العطر 87]

لا حبيبتي روحي مليزيا احسن ترى الدول العربيه تكلفج اكثر انا مجربه ... مليزيا رخيصه وحتى فنادقها رخيصه

اشكرج على المرور حبوبه ماقصرتي ريحتيني لان كنت احاتي حييييييييييل

 

[<Miss ROoSe >]

اول شي حبيبتي اشكرج على مرورج...23/ 6 وانا وزوجي بس وعلى المصروف اللي معانا كله 1800 دك ما ادري اذا بتكفينا تذاكر وسكن وتسوق...واذا عندج خبره بتركيا فيديني وشاكرتلج حبيبتي والمشكله زوجي يحن علي نروح اندونيسيا بس خايفه اغامر فيها اخاف مو وناسه

هلا والله ياقلبى
بالنسبة للمصروف 1800 حلويييييييييييييين تكفيج انتى وزوجك
لكن
بدون تذاكر وسكن
يعنى عزلى حق التذاكر والفندق على جنب وخليلج 1500 حق مصرف وتسوق
يعنى راح تتسوقين وانتى مرتاحة وتقعدج اسبوعين بعد بماليزيا
:dddds:
ولا تحاتين ترى ماليزيا مو غالية مثل ما تتصورين فيها الرخيص والحلو وفيها الغالى من ماركات
واذا عزمتى على السفرة عطينى خبر عشان أعطيج اسماء الفنادق الزينة والاماكن السياحية اللى تنفع حق (شهر عسل )
والله انج ماراح تخسرين اذا رحتيلها لأنها واااااااااااايد حلوة وخاصة اذا كنتى انتى وزوجك بس
يعنى رحلة سوبر .........؟
لووووووووووووووووووووول
اما عن تركيا والله مارحت لها بس حماتى راحت الصيف اللى طاف واااايد تمدحها بس ما تمدح شعبها وااايد تضايقت منهم
بمعنى أصح احنا يالكويتيات ما يعجبنا أحد ينزر بويهنا وهناك الله خير اذا ماعجبه صاحب المحل مكاسرج بالسوق طردج برة المحل
:eh_s(14)::eh_s(14):
وهم بعد اندونسيا مارحت لها بس بنت خالى رايحة تقول واااايد حلوة ورخيصة يعنى البيجامات تلاقينهم برخص التراب بالافلاس!!!
بس مانصحج تروحين لها الله يكافينا شر هالديرة كله فياضانات
وانتى على راحتج يالغالية
:tek:​

 

[La6oF]

انا رايحه لماليزيا واندونيسيا وتركيا ..



كل دوله أحسن من الثانيه ..


بس أنصحج باندونيسيا لأنهاا دوله ما توقعت انها تكوون جذي ..


والقرار الاول والاخير لج ..


اذا تبين اي شي .. قولي

 

[العطر 87]

:aha:

انا رايحه لماليزيا واندونيسيا وتركيا ..



كل دوله أحسن من الثانيه ..


بس أنصحج باندونيسيا لأنهاا دوله ما توقعت انها تكوون جذي ..


والقرار الاول والاخير لج ..


اذا تبين اي شي .. قولي

حبوبه اشكرج على مرورج بعرف اندونيسيا تسوى الواحد يروح لها لان ما اعرف شي عنها وخايفه اروح يضيق خلقي انتي اي منطقه رحتي وشلون التعامل معاهم ويتكلمون عربي وشنو الاشياء الحلوه فيها ويعطيج العافيه واهي احلى من ماليزيا ؟؟

 

[shrooq]

في فندق بشارع العرب اسمه kl plaza هذا ثلاث نجوم وزين عادي وليلته 28

 

[La6oF]

العفوو انا اول ما قال ابو بنروح اندونيسيا قاعده اتطنز واقول شنو بنروح نييب خدامات لووووووولز
بس لما رحت اندونيسيا ما توقعتها وقعدنا فيها حوالي شهر


اول شي رحنا منطقه فوق الجبل اسمها .. بونشاك ..


وسكنا بفيلا قيمتها باليوووم 30 دينار بس فيلا ولا اروع من طابقين .. واهم شي الطبيعه ..

الطابق الاول .. صاله وحمام وغرفتين ..
والطابق الثاني .. غرفتين وحمامين .. وبعد صاله .. وبلكووونه ..


وبره حديقه اكبر من البيت ..

وهاذي صور من الحديقه ..

وبعد هالاسبووع ردينا لجاكرتا .. وسكنا بفندق اسمه السون ..

وكان الحجز مع الريووق

وهذا صوره للفندق :

وبعدين فره بالاسواق واهي .. << اسعاااااارهم حدهاااا رخيصه ..

اول شي .. منقا دوا ..

تلقين فيه كل اللي تبينه وبالماركاات بعد ..

ثاني شي .. سوق اسمه شي وبو خماس << مو ذاكره اسمه ..

هذااا شنووو عجيييب بس طحناا عليييه بعد ..

ثالث شي .. بلازا اتريوووم << وهذا يم الشقق اللي ساكنين فيها كل ما ضاق خلقج انزلي وروحيله

والله قاعده اعصر مخي اني اتذكر بس مو قادره << السفره صارلها سنتين ..



ان شاء الله اكون افدتج ..

 

[<Miss ROoSe >]

السلام عليكم بنات اشلونكم انشاء الله تكونون بخير
:ggdw:
آسفة كتير على التأخير
كنت مواعدة البنات انى راح أنزل لهم شرح وافى عن كوالالمبور(ماليزيا)
واليوم أنا حاضرة لأى سؤال تآمرون عليه
بالنسبة للجو ================ صيفى رطب نسبيا.
طبيعة الشعب================ معظمهم يدينون بالاسلام وهم عادة على درجة عالية من الاخلاق والثقافة والتعامل الطيب فهم شعب ودود.
بالنسبة للفنادق راح أعطييكم اسماء الفنادق اللى سكنت فيهم ومنهم:
فندق كراون بلازا موتيرا - فندق استانا - فندق شنغريلا - فندق برينس
أما بالنسبة للأسواق الشعبية والمولات فهى موجودة بكل أرجاء ماليزيا
ومن المولات المشهورة :
KLCC - ماينز وندرلاند
سوجو - سوناى وانج بلازا
لوت تن - ستار هيل
ويلد - صن واى بيراميد
كى ال بلازا - امبانج بارك
ذى مول - تايمز سكوير
بى بى بلازا - لويات بلازا
أمبى بلازا
ومن الاسواق الشعبية:
الصناعات اليدوية - سوق تشوكيت الشعبى
سوق ميادين محمد - السوق الصينى - سوق المسجد الهندى
ومن الاماكن الترفيهية بماليزيا:
مدينة ألعاب صن واى لاغون - ماينز وندرلاند - جنتنغ هايلاند - بوكيت تينجى - منتجع أفاموسا - تايمز سكوير
ديسا بارك - ينابيع بيداس - باتو باهات - ملاهى شاه علم - بوكيت ميراه

والسلام ختام
واذا فيه أى استفسار آنا حاضرة للطيبين
:tek:​

 

[a7la_3emya]

لا ما اعتقد يكفي انا وززجي رحنا العام تذاكرنا مع الفندق طلع 1200 ...

ومصرفنا كان 1000 دينار هذا غير الفيزا والماستر لان سوقهم حلو وكل رحله يبيلج تدفعين تذاكر دخول وغيرها ...

وعلى فكره هذا بس كان حق 10 أيام رحنا ...

 

[Samurai]

يكفي انشالله .. انا كلفتني شامل كل شئ وفنادق 5 نجوم .. 1400
لمدة 10 أيام

لطوف .. شلون اندونيسيا.. والله بخاطري اروحلها .. وخصوصا جزيرة بالي .. وشنو الاماكن البارده عندهم