البنت يدشها هوا ؟

[Eva-SS]

السلام عليكم

انا خايفه من شي


احس مرات انه داشني هوا انا بنت مو متزوجه توني صغيرة مستغربه من الهوا شنو السبب

مممم يمكن صح لبسي قصير بالبيت وهو المكيف بارد بس شسوي يعني لازم اتستر عشان ما يدشني هوا ؟


بعدين شنو اسوي عشان اتفادى هالنقطة

وشلون اعتني بنفسي وقت الدورة بحكم اني بنت ؟ انا ماخذ ادوية واعشاب كلش كلش ماعرف هالسوالف بس رفيجتي بالكلية مره كنا طالعين وهي تدري علي الدورة طلبنا من مطعم جان اطلب ببسي :ggdw: بس بدون ثلج قالت لي انتي خبله لااااا لاااا اشربي حليب قلت نو وي لو شنو ماحب الحليب

المهم اضطريت اكل بدون ما اشرب شي بس اذكر قالتلي اذ رجعتي البيت حطي تمر مع رشاد لازم اول ايام الدورة جذي شوفي شلون بينفعج وبتدعين لي
وصج حسيت انه نظفني عدل

قولوا شنو بعد يصلح البنت تسويه وقت الدورة

 

[بنت الناس]

حزة الدوره وخري عن الحوامض و عن الاشياء البارده

 

[um jojo]

و لا انا اذكر من كنت بنت و تييني الدورة ما اكل شي معين و لا اسوي شي عادي امارس حياتي الطبيعيه بس اللهم البس فلات عشان ظهري شوي يعورني , و من ناحيت اللبس اي اذكر انه اول يوم البس بجامه دافيه و اشرب اشياء دافيه من شوربات و شاي اخضر و هلسوالف بس رشاد و حلبه و مادري شنو لا هذا حق الوالده اشدعوه مالا داعي
و اذا حسيتي ابرد في منطقة بطنج حدي مطارة ماي عليه

 

[أمة2006]

عيشي حياتج طبيعية

بس حزة الدورة ماله داعي القصير اقصاه اسبوع وعالاقل الايام الأولى لبسي بيجامات طويلة ودفي بطنج وشربي دوافي

ولعبي رياضة شوي ترى اهي اللي توخر عوار الدورة

 

[SnowdroP]

شوفي-حبوبه

سويتلج سيرش من- النت

هذا-النظام-اسمه-نظام-فيافي-للدوره-وللنفاس

اثناء الحيض عليك تجنبي الأتي:


الجوع الشديد(يعني رجيم يوقف) او التخمة الزائدة
الأكلات اللزجة مثل الملوخية, الباميا,البصل الاخضر,القرع,الشمام ,البطيخ
الحوامض خاصه الليمون, لاباس بأكل برتقاله في اليوم ولكن بعد الشبع ( لاتكن حامضه )
الأيسكريم,الجوامد بشكل عام
تعريض القدمين للماء او المشي حافية على البلاط البارد او الأستحمام بكثرة
المحافظة على النظافة اليومية
تجنب(المشروبات الغازية)
حمل الأشياء الثقيلة او سحبها وهذا لايمنع الحركه والعمل بل على العكس اعملى الأشياء السهله وتحركي لكن لاتجهدي نفسك فوق طاقتها
العنب الحامض والرمان والكيوي والاناناس والمنجا
ممنوع الرياضه العنيفه اثناء الدوره

(((أول 3 أيام)):

في الصباح وعلى الريق تأخذين مع هذا السفوف ( اللهوم ) بعد جمع نباتاته وطحنها وتأخذين منه 2.م.ك
{ كوب حلبه+ نصف كوب حبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب

بعد ذلك تتناولين التالي:
تمر معبوط(وياليت تكون عجوه) + م.ك. سمن غنم او زبدة يطبخ على نار هادئه لمدة 10 دقائق ثم يضاف إليه حب الرشاد وهو ناشف بدون غسيل.

أتمنى الفائده للجميع​

 

[بحر الرمال]

الهوا عادي بس مايكون على طول
لان قبل الدوره بفتره عنق الرحم يتوسع شوي فمرات اذا تقلبتي بالفراش او قمتي فجأه تحسين دش هوا
بس هالشي مو كل يوم مرررات و عادي طبيعي لاتوسوسين

 

[بناتي حبيباتي]

عليج بالسوائل الحاااره وابتعدي عن السؤال البااادره وخصوصا الايس كريم

وكثري من الشوربات بكل انواعها وطبعا الحوامض ممنوعه

ولا تاخذين حبوب الصداع لأنها تجلط الدم وتحبسه داخل الرحم ( للبنت والمتزوجه طبعا )

ولا تعرضين نفسج للبرد والسنترال تدفي على قد ما تقدين ولبسي دلاااق احسن لج

واذا تحسين بالام الدوره حطي مطارة ماي حار على بطنج وظهرج

 

[نواااال]

والله ماادري بس كلامج مو داخل عقلي ماادري احس انج مو بنت ولد

 

[بنت الارسنال]

مشكوووورين استفدت

 

[my_size]

عن نفسي ما اسوي شي اظل على هدومي القصيره الخفيفه و حافيه بعد !!!!
بس اكثر شرب حليب حار بدارسين ولا اروح سينابون

 

[سمار الشمس]

مادري احس البنت مو المفروض تاكل شي بس تبتعد عن الغازات

 

[3washa81]

وخري عن الحوامض والكاكاو والبرد

 

[حمام شاقني فنه]

اشلون يدش هوا ابيه لا يكون يصير شي ترى غشيمه انا

 

[بشه المنفشه]

الهوا اللي يدش مو هذا ما غيره اللي يسوي مغص جنه روحج بتطلع إلا شوي ؟

وايد يحوشني وانا بعد بنت


لأني أنام بشورتات والسنترال فوق راسي ولا بعد مرات أبدع .. أتسبح وكلي أقطر ماي وبعدين ألبس بجامة النوم واشخري تحت السنترال

وكله يحوشني مغص يقطعني تقطع تقولين ولادة شوي عليه بس ما أتوب .. عوار شي مو طبيعي ما أقدر اوقف على ريولي أصلاً !!!

عساكم ما تشوفونه

 

[Eva-SS]

مشكورين بنات

واللي قالت إني صبي .. شكو بالله صبي بيسأل عن هالشغلات

صج غباء