البيوت أسرار ؟؟ من قال؟؟

[Beauty is Me]

واي كتبت الموضوع وانمسح


خل اتذكر شكتبت



قووووووووه بنااااااااااااتوووووووووووو

طبعا شكرا حق اللي دزولي رسايل يسألون عني ++++>فهمتو النغزة؟؟


شدعوه بنات

محد سأل عني

اهيء اهيء

:eh_s(2):

:eh_s(2):


:eh_s(11):

:eh_s(11):

:eh_s(11):


يلا مو مشكله
اكبر وانسى


:denya:


انزين اليوم عندي موضوع ختييييييييييييييييييييييييير بين قوسين ((خطيييييييييييير))

_03BA:


تعودنا بالمنتدى نقرى مواضيع وحده تشتكي من زوجها طليقها حماها حماتها ام ريلها زوجه عم رفيجه رفيجتها +++++> الكويت صغيره لووووول


السؤااااااااااااااال الأول : علل ما يلي ((فصلت عليكم ))

يقولون البيوت أسرار

صح؟؟!


انزين هل بمواضيعنا بالمنتدى احنا قاعدين نفشي سر من أسرار بيوتنا ؟

خصوصا انه مواضيعنا ما يدرون عنها ازواجنا وغيره من ضحايانا




السؤال الثاااااااااااااااااااااااااااااااااااااني



شنو بيكون موقفج لو لقيتي موضوع وحده قاعده تشتكي منج فيه مثلا حماتج وكاتبه فيه المشكله حرف حرف كلمه كلمه خزه خزه


شنو بيكون احسااااااااااسج؟

وردة فعلج مابي ردة الفعل(( المنتداوية ))
لأ لأ ابي ردة الفعل الواقعيه




انا بجاوب السؤال الأول

صراحتن وان كان هالشي ما احب اعترف فيه بس بقول اي نعم اعتبره افشاء للسر


والسؤال الثاااني
راح اخذ موقف منهااا واذا تكرر ممكن اوقفها عند حدها بالحياه الواقعيه واقولها عندج شي تعالي كلميني مو تنشرين الخبر بالكويت كلهاا



وكعادتي الحميدة أقول

مابي :23_asmilies-com: بليز



وأتمنى الصراحة التامة حبيت أعرف وجهات النظر

:gathering:




:bye22:
​

 

[Beauty is Me]

up حقي

 

[iLLuMinaTion]

شكرا

 

[ELFAD3Ah]

عدل كلامج
بس في بنات مالهم احد يشكوله ولااحد يسمعهم ويواسيهم ويعطيهم حلول غير هالمنتدى
صج مو حلو الوحده تطلع اسرارها بس في بنات مايلامون من حر ماينسون
اب لعيونج

 

[Beauty is Me]

شكرااا ام حمني همن وجهة نظر غابت عن بالي والله نبهتيني عليهااا يسلمو حبوبه

 

[( المـلاك )]

شوفي حبيبتي
من رايي

انه بعض المواضيع فعلا فيها افشاء لاسرار البيوت
تلقينها تقول كلللل شييي بالتفصيييل الممل
حركة حركة لمسة لمسة همسة همسة كل شي كل شي
تحسسنا نتابع فلم يعني هالشي غلط وعيب و فيه افشاء

اما البعض تلقين مواضيعها مجرد اسأله او مجرد عرض مشكلة بصورة سريعه يعني يكفي انه المضمون مفهوم
و في اللي يبي مساعده وطريقته بالحوار راقيه ومافيها اي تفاصيل حياتها الشخصيه

اوكي كلنا بشر و كلنا محتاجين للنصيحه و احنا هني كلنا خوات و نتعلم من بعض و نساعد بعض
و مثل ما ذكرتوا في بنات مالهم احد يسألونه والمنتدى بيتهم الثاني ،، اوكي اوكي كله صح
بس طريقة كتابة المواضيع وسرد التفاصيل تختلف و لازم تهتمون بشغله انه التفاصيل ماتنذكر كلها
المضمون اللي يوصل للسالفه يكفي ، لا تخدشون الحياء ولا تفشون الاسرار ،
غير انه عيب ، هذا شي ما يجوز حبايبي

بالنسبة للسؤال الثاني ،
الجواب راح يكون اني باخذ منها موقف بايخ
و بحط ببالي انها حجاية و راعية مشاكل و فضيحه و ما ينحط بحلجها شي و نظام كوونا وووو
وماراح احتك فيها ابد و اتحاشاها كثر ما اقدر
لانه لو اهي ما كتبت الموضوع بتفاصيله ، يعني راح نرد للسؤال الاول ، انها ما افشت اسرار البيوت واحترمت الموضوع
بس انها تطلع عكس جذي يعني الفئة السلبية بالنسبة للسؤال الاول فشي طبيعي ردة الفعل بتكون عكسية .

وتقبلوا رايي

 

[احساس شفه]

يسلموو حبيبتي

 

[ميمي بنك]

قرقرة حريييييم ههههههه
لازم تتشكى من اي شي
ومحد يعرف احد حتى لما يكون الموضوع
مشابه لحدث صار ؟؟؟

 

[Pippa]

،​

اممم بصراحه افشاء اسرار من قلب ​

يعني كتبي اشياء تخصج بس بحدود ! مو تعمقين هذي اسرارج انتي محد له خص فيج​

وبالنسبه للي تقول فضفضه في ترليون طريقه تفضفضين فيها يعني تقدرين تكتبين بورقه بعدين تشقينها محد درى عنج​

مواهني يمكن احد يعرفج و يستهزئ في مشكلتج ​

يسلمو ​

 

[مولاي الفرج]

اي افشاء للسر بس مرات الوحده من كثر كابته بقلبها تكتب

يعني مو كل شي المفروض تقوله

اما السؤال الثاني اللي فهمته اذا وحده كاتبه عني؟؟

لاوالله ماحقد عليها اراجع نفسي يمكن انا غلطانه واذا موغلطانه اطوف ياما انظلمنا عادي

 

[Beauty is Me]

يسلموووو اللي قالو رايهم وناطره الكل يبدي راااايه حتى لو معارضين

 

[زوجة عزيز]

عدل كلامج
بس في بنات مالهم احد يشكوله ولااحد يسمعهم ويواسيهم ويعطيهم حلول غير هالمنتدى
صج مو حلو الوحده تطلع اسرارها بس في بنات مايلامون من حر ماينسون
اب لعيونج

عدل كلامها :eh_s(15)::eh_s(15)::eh_s(15)::eh_s(15):

 

[FeShinGoOo]

ماتوقع انه افشاء اسرار لان محد يعرفني لا انا ولا زوجي ولا اهله اتوقع انه نوع من الفضفضه خصوصا اني شخصيه غامضه للبنات ومايعرفون مني الا الكلام الي يقرونه اهني ..

اذا شفت موضوع وحسيته عني اكيد ماراح اقدر اتصرف او اسوي شي او اكلم البنت واحاسبها لانها ماذكرت اسمي ..
فبأي عين بروح اقولها متكلمه عني ..؟؟
يمكن اقرالها الموضوع جدامها او اسولفلها عن القصه مثلا اقولها اتصدقين قريت موضوع بمنتدى فلاني وكانت قصته كيت وكيت وكيت طبعا اذا كان فيه جذب وافتراء علي اما اذا كانت كاتبته بظمير وصادقه بكل حرف بحاول افهم كلامها واشوف الموضوع من نظرتها اهي وبالعكس راح ارتاح لما اعرف نظرتها حقي ورايها فيني ..
هاذا راي بصراحه

 

[سوسن1980]

حريم نحب نتكلم مانصبر

 

[منو انت]

مااعتقد لان مافي احد يعرفها ودايم لما يكتبون شي يبون ردود تنفعهم بمشاكلهم مع ازواجهم او حتى حمولتهم صج في بنات مالها احد ينفعها او تكون عندها مشكله ماتبي قريب منها يعرفها

 

[pusy cat]

انا مجهوله واللي اتكلم عنهم مجهولين

واللي اكلمهم مجهولين

بدال ما افضفض لاهلي او صديقاتي اللي يعتبر افشاء اسرار وممكن اتحسف بيوم من الايام

افش خلقي بالمنتدى

بس هم مو زين التفاصيل *

 

[Beauty is Me]

امممممممممممممم لحد الحين ردودكم اقنعتني

بس مرات الوحده تحط ((شوفو ليلتي الرومانسيه))
((شوفو هديتي لريلي))

((شوفو داري عقب التزيين))

ومرات يقولون التفاصيل الحميمه اللي تصير اللي مالها داعي يعني اتوقع هالشي ماهو فضفضه

انا مو ضد الوحده تحط اشياء تعلم فيها البنات شنو يلبسون وشلون يتزينون بس ((بصفه عامه)) ماله داعي تسرد خصوصيات حياتها

خصوصا انه المنتدى حتى الشباب يدخلونه يجيكون عالمواضيع مره دازين واتساب عن موضوع هني ((تتمنين زوجج يموت او يتزوج عليج)) وقالوا اغلب الحريم قالو يموت ولا يتزوج لوووووووووول

يعني عادي واحد ملقوف يدخل مواضيع وممكن يقارن هالشي ويلقى مرته كاتبه خصوصيات ليلتهم هني وهاتي يا مشاكل

فاحترسو بنات مو كل شي ينقال

 

[تبطي عظم!]

انا مع ام ابيها ~

 

[اميره1980]

بالنسبه للسؤال الاول ما اعتبره افشاء للاسرار الا اذا وحدة كتبت بالتفصيل حيل و هذا ما يجوز
اما السؤال الثاني مو من حقها انها تتهمني بشغلة جذي و يمكن اكون مظلومة
بس الحمدلله بالنسبه لي حمواتي كبار بالسن ما يعرفون حق النت خير شر لوووووووووووول و الحمدلله زينين وياي

 

[Vous jamais]

صاجه فيه بنات يكتبون تفاصيل دقيقة يعني معقولة محد يعرفهم من القصة ؟

هذا علاوة ان المنتدى كل الكويت مشتركة فيه ههههه