التجـــــــــــمع الثــالــــث **لكليـــــــة الدراســــــــــات التجـــــــــاريه**

[dяέἆᶆ qûếếἦ]

يمكن 12 الظهر
اذا مكتوب مساءاً يعني الظهر .. واذا كاتبين صباحاً يعني بليل
مو شرط تضيفين مواد اذا انتي مسجله فوق المسموح لج ممكن تغيرين المجموعه والدكتور ! دشي شوفي يمكن يبطلون لج شعب

مادري وين عقلي وانا اكتب الاستفسار هذاا والله انج صاجه بس الظاهر كان فيني شيئ خخخخخومشكووره ماقصرتي

 

[dяέἆᶆ qûếếἦ]

شفت وحده تسأل عن استاد يعقوب الكندري

عاد قعدت اتذكر واسولف مع رفيجتي بالمسن عنه وعن محاظراته قبل :eh_s(6):

كنا نخاف منه ههههههههههه


واشوف الاغلبيه يقولون يهبل وزين !

انا ماراح اتكلم عن امتحاناته ولا درجاته .. لانه زين من هالناحيه وخصوصا اذا كلمتوه
امحاناته حلوه مو صعبه ودرجاته عاديه اشوفها .. يعني يعطيج حقج ..

بس بتكلم عن نظامه وطريقته ( وانا فيني هذره ترى )

اهو استاذ كبير بالعمر يحب يهاوش ويصارخ ويزف ( تحسون ان تقرون قصه ههههههههه )

اذكر اول محاظره - طبعا بعد اسبوعين من الدوامات داوم - دش علينا ومعصب سألته بنت : استاذ نجيب كتاب ولالا ؟
جان يصرخ بوجهاا موشغلج وانا كيفي ( والله اني تخرعت ليش جذي يصرخ لو انا مكان البنت جان بجيت )
المهم ماعطانا خبر قال كيفي انا الحين اقولكم ماابي كتاب و الاسبوع الياي عاد اقرر آنا كيفي

ومره بنت دق تلفونها وماكان سايلنت ..
قعد نص ساعه بالضبط والله ان خلصت المحاظره واهو يزف فيها ويصارخ
وانا اكسر تلفونج والله ما يهمني اكسره جدامج !!
وبالأخير بعد ما خلص زف
قعد يتأسف منها .. انا اسف والله مو قصدي يمكن عصبت عليج سوري مو قصدي لوووول
ياحليله بسرعه يقلب


ولا مره داشه انا ورفيجتي محاظرتنا واهو كان عنده محاظره قبلنا وقاعد بالقاعه
وفجأه يقولي انتي 4
عاد انا : لا
امبلا انتي عندي بالمحاظره اعرفج اعرفكم كلكم
معانا ولا مو معانا ؟
انا : امبلا صح معاكم
اي خلاص انتي رقم 4
درسي درسي انا بروح اشم هوا بمكتبي 5 دقايق وبيي وراح احرجج درسي درسي !!!
انا ما فهمت ! بس من الخرعه قعدت احفظ لي جم تعريف
المهم بدت المحاظره وقلت اشوى نسى يسألنا
فجأه قال يلا انتي 4 عرفي الأمه ؟
عبالج نسيت ؟ آنــا ما أنسى
انا حافظته بس من الخرعه نسيته .. بس قلت اول التعريف صح
جان يقولي درسي درسي مره ثانيه احرجج والله !!

واهو يشرح يأشر على بنت عشان تجاوب .. البنت ما بمديها تبطل حلجها تجاوب
الا حرك اصبعه على بنت ثانيه لووول
يقول كيفي انا اغير بسرعه انتوا خليكم منتبهين لصبعي !!


وكله يقول انا اعتز بالحظور .. اهم شي عندي الحظور
واهو اصلا كله غايب خصوصا الخميس
ومره قعد ياخذ الغياب وطوف اسمي !
بعد ما خلص قلت له ما قلت اسمي
قال : شسمج ؟ قلت : اسمي
قال امبلا قلته وقلتي نعم انتي شنو ما تسمعين !!!

اوكي يعني ما اسمع ! انا ما اسمع شلون يعني قلت لك نعم !!!

ومره كان ياخذ الغياب جان يقول اسم بنت قالت له رفيجتها استاذ اهي قاعده ادور لها باركنق !؟
اهي قالت هالكلام جان يقعد يهاوش ويصارخ مو شغلي اهي ليش متأخره جان يت مبجر انا ما ادخل المتأخرات
وماراح ادخلها وقوليلها مره ثانيه تيي مبجر عشان ما تتأخر على المحاظره .. وماراح ادش المحاظره قوليلها لا تيي
ماراح ادخلها..
شوي الا البنت عند الباب قالها نعم ؟
جان ترد رفيجتها الي قالت له .. استاذ هذي فلانه الي كانت ادور باركنق
قال انتي فلانه ؟
قالت اي
قال اي دشي !!!
قالت : استاد سجلني حظور
قال : خلاص سجلتج
لووووووول


وفيه بنت كان ترجف من الخووف تتنافض مسكينه ..واهو كان يستغرب ودائما اذا جت تطلع من المحاظره تركض بسسرعه قبل لا يناديها ويقول لها انا ما اخوف تعالي
ههههههههههههه


ومره قبل الامتحان يعني بيسوي مراجعه اوكي
قال فيه وحده عندها سؤال بخصوص لامتحان ؟
قالت له بنت : استاد شنو اسئلة الامتحان فيه صح وغلط اختياري ولا كله مقالي ؟
قالها : مو شغلج آنا كيفي احط اختياري مقالي كيفي ( بصراخ كالعاده )
البنت مسكينه انصدمت وسكتت


وبالامتحان عاد

شنو يلعب فينا لعب حشى شطرنج احنا عنده مو طالبات ..
والله ما يمديني احل سؤال واحد الا صرخ علي انتي قومي قومي تعالي اهني .. اوكي
ودقيقتين الا جا قومي قومي روحي مناك
وقال لنا الي تخلص تقلب ورقتها وتطلع .. انا نسيت اقلب ورقتي !
وبطلع الا يناديني شحقه ما قلبتي ورقتج ؟
انا : نسيت
نسيتي ها ناقصه درجه يلا طلعي طلعي ( بصراخ طبعا)

والمحاظره الي بعد الامتحان ..
دش علينا ومعصبببب حده شنو هذا شالدرجات ؟ تلعبون انتوا ؟ ليش ما تدرسون ؟ انا اوريكم
وقعد يزف ويصارخ ويهاوش ومزفتين بالامتحان وانا عادي عندي ما يهمني لو اسقط الصف كله عادي
وبتشتكون ؟ روحوا اشتكوا .. انا ابيكم تشتكون
( احنا ساكتين ومحد يتكلم من الخرعه)
جان يقول حق بنت ساكته البنت مسكينه
يقولها زعلتي ؟
البنت : سكاته
جان يقول : احسسسن بالطقاق انا ابيج تزعلين
لوووولالمهم بعد الزف خلصت المحاظره ..
جان تسأله بنت : استاد متى توزع الامتحانات
قال: تو النااس ما صلحتهم انا مواعد الشباب اني اصلح اوراقهم قبلكم يعني تو النااس مو الحين ..

:tongue22:

هههههههههههه اجل تزفنا من اليوم وسقطتنا وخليتنا فاشلات اخر شي ما صلحتهم !!!



ولا الفاينل

كان امتحانا بصالة الألعاب
الوقت بدا والاستاد ما جا لي الحين والشعب الثانيه قعدوا يمتحنون واحنا ننطر
وطووول
والاساتذه الي بصالة الالعاب يسألون عنه ؟ ويدقدقون تلفونات
وضياءالغانم تقولنا لا تحاتون الحين استاد يعقوب بيي
واشوف الي يمي بالشعبه الثانيه تمتحن علاقات عامه وصلت الصفحه الرابعه واهو توه ماجا
واحنا نبي نمتحن مبجر عشان نطلع عندنا امتحان ثاني وبندرس
ولا الاستاد دااش ببرود حده هههههههه معاه كوفي واوراق الامتحان ويقعد ساعه يصبح الاساتده بالخير
واستانسنا قلنا واخيراً بنمتحن :eh_s(9):
طبعاً قعد يلعب فينا شطرنج لازم كالعاده يعني
قلب اماكنا كلنا .. وحتى وانا امتحان يصرخ علي ويقول قومي اقولج قومي ( زين بقوم والله .. ما يعطي فرصه ) تخيلوا قمت
حرك الكرسي ورده مكانه بالضبط هههههههههههههه يعني والله مو عارفه شالفايده من هالحركه الا انه يضيع وقتنا :denya:


وحتى الكورسات الي بعده ساعات يكون امتحاني بصالة الألعاب واشوفه لحد الحين يسوي نفس الحركه بالبنات
يعني انا امتحن واوصل الصفحه السادسه واهو لحد الحين ما وزع اوراق الامتحان على شعبته بس قاعد ويصارخ عليهم
ويهددهم ويحرك بكراسيهم مرا يمين ومرا شمال مساكين ..

وبعد مره كنت امتحن اصول تسويق عند ساره الحوطي بصال الالعاب وكان فيه امتحان اداره حكوميه عند يعقوب الكندري
المهم احنا قاعدين فمان الله نمتحن واستاذتنا واقفه علينا ..
واستاذ يعقوب بس قاعد ويصارخ بطالباته وكل ساع مقوم وحده من مكانها ويهدد بهالبنات
شوي
الا جا عند شعبتنا ويهاوش ويصارخ على البنات وقومي انتي قومي روحي قعدي مناك
وساره الحوطي تقوله ليش ؟ شسالفه ؟
يقولها انتي يديده اهني ما تعرفين هههههههههههههه
ويقعد يهاوش فينا ويزف واستاذتنا ساكته ومنصدمه !
بعد ما خلص جا عند الاستاده ويتأسف هههههههههههه كالعاده ياحليله
انا اسف وسوري مو قصدي واذا تدخلت بس انتي ما تعرفينهم انتي يديده اهني انا بساعدج براقب طالباتي وطالباتج لوووول



يعني اهو صج حليل وطيب ولما اتذكر سوالفه ومحاظراته اضحك
بس صراحه كنت احظر محاظراته وانا متوتره حدي ومتخرعه ما تسوى علي ماده ماخذتها



بنات الي عادي عندها الصراخ والهواش بس المهم تاخذ درجه زينه تاخذ عنده
والي خوافه نفسي لا تاااخذ :eh_s(2):​

ههههههههههههههههههههههههههههههههههههههههههههههههههههههههههههههههههههههههه ياخذ ابليسج نوووكيته مت مت ضحك لو انا عنده كاشته اصلا ولا ساحبتها مايناسبني كلش ماتسوة علي ماده لا ودبلوم اخذ هت هت ولا اخذه اشوى ان مادته مو مقرره علي

 

[catwiti]

بناات انا محاسبه
منو خذت محاسبة تأمين؟؟
سهله ولا صعبه؟
وشرايكم بالمحاسبه الخاصه أ او ب اسهل من محاسبة التأمين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[dяέἆᶆ qûếếἦ]

بنااااااااات منو احسن دكتور يدرس (مدخل لدراسه القانون)

بليييييييييييييييييييييييييييز ردوااا علي ولا اطنشووووون ضروري

يوسف الانصاري / سعاد الطراروة
واعتقد الباجي ززينين بس
بعدي عن سحر الرفاعي وحليمة بلال للامانه محد عطاني هالماده منهم بس هذا الي اسمعه والانصاري جربته بقانون تحكيم زين .. والي عطاني الماده مشعل الحمود مو شي بس اذا انتي تدسين اول باول اخذي عنده

 

[يرخصلك كل غالي]

بناات انا كنت ماخذه ماده تخصصية اختيارية وسقطت فيها بس ماعدتها خذيت ماده ثانية ونجحت فيها

لما جيكت ع ورقة التخصص
عدد الوحدات المجتازة 0 عدد الوحدات المتبقية 3

شلوون يعني لازم اعيدهاااااااااا

لانه هذا اخر كورس لي اخاف ما اتخرج :|

بلييييييز لي تعرف تفيدني

وللي تعرف رقم بنت بالقوائم تعطيني

 

[مي مي الرويشد]

والله مادري حيااتي ..؟؟

يارب البنات يفيدوونج


بنات انا تخصص محاسبه .. ماتدرون جم وحده يبوون عشان آخذ ميدااني .؟ موجنه 45 .؟

 

[مي مي الرويشد]

صج بنات مختبر 10 الي بمبنى 3 وووويييييين صاير .؟ مليت وانا ادوره ذااك اليووم

 

[zizio0o]

بنك
ذرتيني فيه يحليله اهوه جذي طبعه
بس مااكر كان يصارخ صج يزف من داخله يتغشمر بس جدامنا جنه من صجه
ولوول وطاري الكتاب صح كان يقولنا انا كيفي اذا بقولكم تيبون يبوا
وبالاخير عطانا مذكرات,,ولا لما يشرح وبيسأل سؤال يدش بأخلاق البنيه الينات الي كانو يقعدون جدام يتوترون واايد يلصق فيهم
لووول قاموا يقعدون ورا لووووول
ومحاضراته امبيه ماتدرين شالسالفه جنج قاعده بدوانية يدخل مواضيع مالها شغل ومرات يكون جرئ بس الحلو فيه يتأسف<<بعد شنوو لوول
وبالفانيل نفس الحركة الظاهر يعيدها كل سنه
دايما يقوم البنات ,,ويدش متأخر واحنا مخترعين حالتنا حاله مايميدنا ومادري شنو
بس معاه حق ,,امتحانه يكون صح وخطأ
انصح ابينات ياخذون عنده درجاته حلوة وامتحاناته سهله
ووايد مايداوم يريحج
اخذوا عنده <<اسويله دعاية ;p

 

[شيطووونه]

بناااااااااااات تكفوووووووون وحده ترد علي سهيله حمد زينه ؟؟؟؟ مالت معالجة نصووص متقدم ضوروري ردوا

 

[مي مي الرويشد]

والله مااعرفها .؟

بس قسم المعالجة كلهم طيبييييين ويسااعدوون

 

[Q8 EL 5ajolah Q8]

مشكووووووووره رفيلوووو

 

[DLOOLA]

بنات شهاده اللي بياخذ معالج نصووص اخذو عند عاليه العمر روووووووووووووووووعه هالاستاذه ربي يوفقها انا ماكان مجموع درجاتي يوصلني امتياز كنت جيد جدا
بس حاجيتها وعطتني امتياز قلت لها اني خريجه وعطتني والحين تخرجت الحمدلله كلمه تهبل شوي عليها وموفقين

 

[sweet-kamelia]

up
up
up
up
up

 

[انثى اسطورية]

موفقييييين ان شا الله تجـآريـآت ...

 

[مطيريه فزاعه]

الله يوفقنا ويعدي هالكورس على خير

 

[ana_q8]

قوه بنات ابي اعرفك رايكم بأساتذتي ..

محاسبة تكاليف ....عبدالعزيز العصيمي
مقدمة في الحاسب الآلي...... زهرة سلامين
معالجة نصوص انجليزي ... دانه الصانع
لغة انجليزية ......... فريده عابدين
ميكانيكا سيارات ...... بشار الزوير

بلييز بنات ردو علي لا تطنشوني

 

[همس العدسه]

بتداااااوموون الاسبووع الياي

مالي خلق

 

[lailosh]

اي بنداوم بعد لي متى بنقعد خخخ

وعن يعقوب الكندري ترى حرام اشكره يتغشمر احنا بالمحاظره عارفين له لان اكثر البنات ماخذين عنده ولما يعصب طاااف بالعكس نضحك لان يعصب وفجاه يرد يضحك معانا ويقول اتغشمر والله حبوووب ماشفت استاذ مثله كلش وجان زين يدرس مواد بعد كله باخذ عنده واهم شي يعطي درجاات ابلاااش

 

[عالية المستوى]

بنات شرايكم ناصر العنزي علاقات عامه؟؟؟؟؟؟؟بليز ردووو على

 

[شيطووونه]

شكراا مي مي والي ردوا حبايبي الله يعدي هالكورس على خير :27d66a9c24b146327bf