التجمع الثالث لطالبات { كـلـيـة الـحـقـوق ] جامعة الكويت . حياكم الله

[miss disaster]

افوكات

خوش انشوفج عيل بالتزامات و بترول
ولا انا دولي ثقل الساعه 10


مس ديزاستر
واااي اناا بعد نسبتي 80 و نص تسجيلي الساعه 12
وكانت مفتووحه توني بسجل جان تسكر
خوش انا وياج بماليه
وانا وانتي و افوكات بالتزامات مع بعض


سكاينا
لا انا احوال 11
بس معاج دولي ثقل 10


فز الخفوق
معاج انا وانتي و سكاينا دوولي ثقل 10

ابتسامه
مو معاج بشي :X


دازي
انا نفسسج مسجله التزامات هثيم
والحين يقولون مشعل زين
كلهم يناسبووني الوقت فمادري

لووير
الله يسسسهل عليج و تسجلين افضل الدكاتره و احسن الاوقات يارب

امبيه تخيلي ماليه سجلت عند د.فيصل و لا فجأه يقولي استثناء من التسجيل فما تسجلت بالشعبه :eh_s(1):
انزين انا سجلت شهالنحاسه :rgewrg: كنت شوي و اكسر اللاب :bbbiu:

يلا عيل نشوفج

 

[شوق والدمعه]

امبيه متضااااااااايقه سجلت عند مبارك النويبت ومحد مدحه ؟ ليش مو زين يعني

 

[شوق والدمعه]

بنات

اب

اب


اب

 

[شوق والدمعه]

انزين بنات سعيد اسماعليل حق اجراءات شلونه؟؟؟؟؟؟
ردو بليز

 

[F.L.O.N.A]

بنات سنة رابعه ..

احسن شي بدولي خاص محمد الجارالله ووراه صباح اليوسف ... عبد السلام موشي بدع فينا بدولي عاااام
هالمرة دولي خاااص و6 وحداااات يااااوييييلي لا يحوشك

 

[m111]

الله يسسهل عالكل انشالله بالتسجيل

شوق والدمعه حتى انا عند النويبت يقولون زين بس ماتفهمين عليه المهم درجاات

وسعيد اسماعيل سمعت انه زين و يراعي و حقاني


بنات .................. تحكيم خاص عبيد و لا فلسفه قانون موسى رزيق؟؟؟
تللي عندها اي معلومة لاتبخل علي محتاره جدا:bbbiu:

 

[F.L.O.N.A]

شووووووق يقووولون سعيد اسماعيل طيب بس ممل

هههههه يعني انتي شوفي مستعدة تتحملينه وتتحملين ملل مقابل طيبته ؟؟؟ :q

 

[m111]

فلونة ماطريتي احمد السمدان ؟؟

 

[F.L.O.N.A]

امانة ما عرفه احمد السمدااان شلوونه زين ؟؟

احول عنده ؟

 

[F.L.O.N.A]

بنات سعيد اسماعيل والا نويبت ؟؟

ماعرف نويبت ؟

 

[F.L.O.N.A]

انا جدولي يتعارض بدولي خاص مع الجار الله وصباح اليوسف عندي يا السمدان يا عبدالسلام ؟؟؟؟

شتنصحووني ؟؟

 

[فز^الخفوق]

اب



اب

 

[F.L.O.N.A]

بنات
ممكن سؤال ليش الكل مايبي زكي السليمي؟؟
قسما بالله بدون لا افكر سجلت عنده لان اولت العام كل البنات خذوا اعمال السنة 40 عنده انا رحت شفت درجه صديقتي والا ما شالله الشعبه كلها 40 واللي نص ونص ما قل عن 35

منو اياد سعد الله اول مرة اسمع فيه ؟

 

[Lays BL.ketchup]

كلية الحقوق لي الحين مو بالحسبه :eh_s(4):

 

[Lays BL.ketchup]

بنات
ممكن سؤال ليش الكل مايبي زكي السليمي؟؟
قسما بالله بدون لا افكر سجلت عنده لان اولت العام كل البنات خذوا اعمال السنة 40 عنده انا رحت شفت درجه صديقتي والا ما شالله الشعبه كلها 40 واللي نص ونص ما قل عن 35

منو اياد سعد الله اول مرة اسمع فيه ؟

د.اياد كان يدرس بحري
والعام درس تجاري 2
خوش دكتور من ناحية الامتحانات والدرجات وشعبته اكثر شعبه خذت A ماشاءالله
وشرحه مثل الكتاب
د.زكي زين بس اللي تحصل عند د.اياد احسن :eh_s(7):

 

[F.L.O.N.A]

ليز بالنسبه حق بحري منو احسن الرشود والا اسيل الفضاله؟؟

انا امدحوولي الرشود وايد

 

[F.L.O.N.A]

اللي يسالون عن دكاترة سنة ثالثة ..

بقولكم تجربتي مع كل اللي درسوني وكل المواد ..

1- مرافعات - عبيد المطيري :
كان اسوأ ااختيار لي بالكليه كلللللها ، صج صج تحسفت على هالاختيار مع ان اول السنة كنت مستانسة مني ومنغرة باسلوبه وشرحه << للامانة يفهم بس ما يمديج تنوتين معاه وامتحاناته كلها من النوت يعني اذا ما نوتي راحت عليج ...
وعالفاينل خلانا نحضر محاضرات اضافية طووووول السنة وقبل الفاينل واخر شي ما ياب ولا شي من اللي قاله وياب اسئلة تعجيزية لي درجه ان (150 طالب وطالبه تكميلي بمرافعات واغلبهم طلبة عبيد ) ...

2- جزاء خاص - فيصل الكندري :
هالدكتوووووور ما يوفيه الكلام ... اروع دكتور مر علي شرح وتعامل وامتحاناته متوسطة مو صعبه ولا سهله اذا حضرتي ونوتي معاه ضمني ال40 والفاينل بعد ... جد جد الله يعطيه العافية ولو كان منزل سنة رابعه ما ترددت واخذت عنده .

3- تجاري 1 - علي بوعباس :
كشرح يشرح نفس الكتاب بس اذا نوتي معاه يكون اختصااااار احسن من الكتاب واذاا انتبهتي بالكلاس ونوتي ضمني عنده 40 مع انه مايطلع عن الكتاب بس شرحه مختصر ويفهم اكثر من الكتاب والحمد لله اخذت عنده a ..

4- عقود - خالد الضفيري :
كدكتور كان زين وشرحه حلو وامتحاناته مو صعبه بس للاسف بالفاينل (المؤجل ) حطلنا الامتحان انور الفزيع وبددددددع فينا بس دكتور خالد وااااااايد زين كشرح وامتحانات بس ما يحب الغياب كللللللللش وما يعطي بونص .

5- تشريعات عمل - عبد الرحمن الرضوان :
كشرح مو شي ولا امتحانات بس يعطي ويساعد وااااايد محد اخذ اقل من 30 عنده .

6- اداري - محمد عبداللطيف المعاطي :
اسوأ اختيااااااااار مع ان كان وايد طيييييب قبل واانا ماخذه عنده باولى وثانية بس بثالثة كسر فينا كسسرة مو صج والسبة البنات ما يحب احد ياذيه بالكلاس اذا ما التزمتوا معاااه يااااااويلكم الشر يعم عالشعبة كلها .

7- ميراث - احمد الكردي - نايف العجمي :
الاثنيييييييين واااااايد زينين وعطونا درجات حلللللللللوة والفاينل حييييييل ساعدونا والقريدات تفتح النفس 100

 

[L a w y e R]

مساء الخير

لله الحمد والمنه سجلت وجدولي الحمدلله زين

بس باجيلي مادتين بالباي فورس والله يسهل انشالله

.

اياد انا ما انصح فيه معنه رفيجاتي واااايد حابينه وطيروه لي السما

بس سبحان الله الدكتور يفرق من شخص لي الثاني ، سو من ناحيتي مادري ماحبيته

.

السمدان ايضا ما انصح فيه ، طيب اوكي بس ماكان متعاون مع الطالبات للاسف والله يذكر المعيده بالخير

اهي اللي تعبت معانا واقنعته يزيد الكل اخر السنه واي احبها

 

[L a w y e R]

فلونه

بحري انا افضل الرشود على اسيل

بسبة الموقف اللي صار بالفاينل للاسف :/

.

وضيقتي خلقي على عبيد تدرين حنا بعد سوا فينا هالحركه

قبل الفاينل سوالنا مراجعه بجمعية المحامين بس ماياب منها شي بالامتحان

بس تبارك الرحمن ماشالله يبنا فيها قريدات وايد حلوه ، يعني درجاتنا كانت اعلى من جزاء وباجي المواد ماشالله

بس يلا خيييره انشالله

 

[F.L.O.N.A]

هلا هلا لوووووووير ... نورتي

انا نفسج باقيلي مادتين بالباي فورس انشالله ...

وبالنسبه لبحري انا افضل الرشود لان الناس اللي مدحولي ياه ثقة ونفسي نوعا ما لان الدكتور يختلف من طالب لي طالب ... واسيل رفيجتي كانت عندها العام تقول اول السنة زييينة وحليوة وبعدين صارت نحيسة شوي وماخذت عندها درجه معنها شاااطرة وتحضر ..

ودولي خاص انا سمعت واااايد ان محمد الجارالله زين بسس ما حصلت عنده ، وللاسف جدولي يتعارض مع كل الشعب ملوت دولي الا شعبة عبدالسلام العنزي ومغلقه بعد .<<< قبل كنت واااااايد اشوفه انسان محترم وخوش دكتور وشرحه تمام ومازلت عند رايي فيه بس بصراحه خايفه منه بعد اللي صار بدولي عاااام خصوصا ان دولي خاص 6 وحدات مو شوية