التجمع الثالث لطالبات { كـلـيـة الـحـقـوق ] جامعة الكويت . حياكم الله

[امبراطورية الزين]

صباح الخير لوير
بسالج يقولون ادله اختياري فيها تكدش وايد صج وعقود مدنيه 2 الي يدرسها عبد الرسول اختياري اسهل صج

 

[امبراطورية الزين]

الحين ضعت بعرف منو اسهل اختياري ادله ولا عقود 2 عند عبد الرسول
الجدول كلش مايبي يضبط والعربي مانزلوه ليلحين

 

[امبراطورية الزين]

منو يعرف ليش تسجيلنا صار الخميس بدل الاحد وليلحين مادزولنا مسجات

 

[L a w y e R]

صباح الخير لوير
بسالج يقولون ادله اختياري فيها تكدش وايد صج وعقود مدنيه 2 الي يدرسها عبد الرسول اختياري اسهل صج

صباح النوور

للامانه ماااااادري وماعرف الا 2 ماخذين ادله وكانوا وايد حابينها

وكلش ماعرف احد ماخذ ماخذ عقود

اللي اعرفهم كلهم تامين او تحكيم خاص

التسجيل يقال انه من العماده واليوم كلمت وحده من بنات الجمعيه والظليمه شينه قالت الاولويه للخريجات بكل المواد

عاد مايندره ، نشوف يوم التسجيل وبالباي فورس ، انا وحده كلش مالي مقاقة نطره بزين

بسرعه اتعب وماتحمل الاجواء اللي هناك صحتي ماتسمح الصراحه

الله يسهل ويضبط الجدول يااااااااااااااااااااااااارب :yaaaaaarb:

بنات صج انا محتااجه دعائكم

هالسنه اهم سنه بالنسبه لي ، ادعولي الله يسهل اموري واتوفق انشالله ولكم مثل دعواتكم واحسن يارب

 

[L a w y e R]

تبارك الرحمن

توني الاحظ ان عدد مشاهدات الموضوع تجاوز الـ 5000 مشاهده

اللهم زد وبارك ، وانشالله الموضوع حقق الفايده المرجوه منه

الخوات اللي يشاركون معاي بالتجمع ، والخوات اللي يتابعون من بعيد لي بعيد

والخوات غير المسجلات بالمنتدى ، والاخوان الملاقيف اللي يتطمشون معنه المنتدى نسائي لوول

رجاء حار من كل قلبي .. مابي منكم الا الدعاء ، صج انا بامس الحاجه لدعائكم ..

الدعاء بظهر الغيب مستجاب باذن الله ، وانشالله لكم مثل دعواتكم واحسن منها

وشكرا لكم على متابعتكم للتجمع ولولاكم ماوصل تجمعنا لما هو عليه الآن ماشالله

.

فجأه .. حسيت اني ببجي لوووول

 

[روح الغلا]

تبارك الرحمن

توني الاحظ ان عدد مشاهدات الموضوع تجاوز الـ 5000 مشاهده

اللهم زد وبارك ، وانشالله الموضوع حقق الفايده المرجوه منه

الخوات اللي يشاركون معاي بالتجمع ، والخوات اللي يتابعون من بعيد لي بعيد

والخوات غير المسجلات بالمنتدى ، والاخوان الملاقيف اللي يتطمشون معنه المنتدى نسائي لوول

رجاء حار من كل قلبي .. مابي منكم الا الدعاء ، صج انا بامس الحاجه لدعائكم ..

الدعاء بظهر الغيب مستجاب باذن الله ، وانشالله لكم مثل دعواتكم واحسن منها

وشكرا لكم على متابعتكم للتجمع ولولاكم ماوصل تجمعنا لما هو عليه الآن ماشالله

.

فجأه .. حسيت اني ببجي لوووول

اي الحمدلله تجمعنــآا عــامر بالردود والمشاهدات :eh_s(22): اللهـم زد وبــآرك

والفـضل يرجع لج بعد الله سبحانه .. والله يعطيـج العآفيه على هالتجمع ..

اشكـرج واشكر كل بنت ساعدتني وساعدت خواتي :eh_s(7): ومنهم حبيبتـنآا أفووـوي الله يوفقهـآا وين ماراحت :eh_s(22)::eh_s(7):

الله يوـوفقج يالويــر ويسهــل دربج :hjy5jewf:

واستمـــرـروا

 

[taylee]

^^
^


ههههههههههـ يحليلج لــوير عسل والله ..

الله يوفقـــــج و يسهـــل عليــــج يَ ربْ :yaaaaaarb:​

 

[taylee]

شلون ينقصون منج ماده بسنه ثانيه ؟ مافهمت سؤالج

بس عموما اذا شلتي اصول مايصير تاخذين التزامات بثانيه

وتسجيلج عادي مع دفعتج وحزة التسجيل سجلي الماده اللي بتشيلينها

يعنــي إحنا الحد الاقصى 8 مواد نسجلها فاكيد بنقصون ماده ، و انــا ودي اشيــل دستوري معـــاي

انزيــن الماده إلي راح ينقصونهــا مني متى راح أدرسهـــا ؟!! :eh_s(10):

أتمنى إنــج فهمتيـني :&

 

[L a w y e R]

اي الحمدلله تجمعنــآا عــامر بالردود والمشاهدات :eh_s(22): اللهـم زد وبــآرك

والفـضل يرجع لج بعد الله سبحانه .. والله يعطيـج العآفيه على هالتجمع ..

اشكـرج واشكر كل بنت ساعدتني وساعدت خواتي :eh_s(7): ومنهم حبيبتـنآا أفووـوي الله يوفقهـآا وين ماراحت :eh_s(22)::eh_s(7):

الله يوـوفقج يالويــر ويسهــل دربج :hjy5jewf:

واستمـــرـروا

بعد عمري مشكوره والله يعافيج

مابي الا الاجر :eh_s(7):

موفقين كلكم يارب

 

[L a w y e R]

يعنــي إحنا الحد الاقصى 8 مواد نسجلها فاكيد بنقصون ماده ، و انــا ودي اشيــل دستوري معـــاي

انزيــن الماده إلي راح ينقصونهــا مني متى راح أدرسهـــا ؟!! :eh_s(10):

أتمنى إنــج فهمتيـني :&

شوفي انا مابي افتي

بس الـ 8 مواد مالت الخطه بس

يعني بس تخلصين من مواد الخطه اتوقع عادي تسجلين بعد مواد ، عرفتي ؟

وهم سئلي فيها التوجيه والارشاد احسن

ودستوري عادي سجليها بنفس اليوم وتدرسينها بسنه ثانيه مع مواد ثانيه لانها مو مسبق لاي ماده

يعني عادي تاخذينها مع كل مواد ثانيه ، عكس اصول قانون تكون مسبق حق التزامات

.

عموما باذن الله انا هالاسبوع رايحه الكليه بستفسر عن الـ 8 مواد شنو موضوعهم بالضبط

هل اهم محددينهم سلفا بحيث ان الطالب مايقدر ياخذ اكثر من 8 مواد بالسنه

او 8 بس حق خطة البحث وعادي يسجل بغيرهم ؟

 

[eva beach]

روح الغلا

حبيبتي اجمعيييين يارب

***


حدكم لووويه ماشالله هههههههههههه والله ماقريت الردود حدي اخر صفحه

يالله الله يعييييينكم ويوفقكم يااااااااااااااااااارب

ولا تحاتووووون اذا ماضبط الجدول الي تبووونه .. الخيره فيما اختاره الله

سبحان الله مرات يكون احسسسسن مليووون مرررره من لو كنتي محصله الدكتور الي تبينه

فتوكلوووا على الله وشدووووا الهمه وفااالكم طيب

موفقين

 

[~.ąvȍƈaȚ.~]

لوير & taylee

بدش عررض ادري

بس الـ8 مواد بس حق خطة التسجيل مو التسجيل نفسه لأن لو تفجون السحب و الاضافة لاحظوا تحت الحد الأعلى للوحدات المسجلة 50 مادري شكثر <<< بما معناه ناسيه شمكتوب بالضبط

يعني بالنسبة لسنة ثانية 38 وحده جنه لنا و نقدر نسجل لي 50 وحده عاد تقسمونها مثل ما تبون ( مواد لغات - اعادة) اللي اهياا


و سوري عالمداخله :$


لوير
عسى الله يفتحهاا عليج و يوفقج و ينولج اللي ابالج آميين


افووي
عااش من شافج

 

[eva beach]

افوكات

عاشت ايامج

 

[eva beach]

وددددي اسوووولف تصدقووون !!!!

بس المشكله ماعندي سالفه !! مادري شقوووول !! هههههههههههههههههههههههههههههه

شلوونكم بس ؟ لووووول

انا امانه وصراحه وبكل ثقه واريحيه ووطنيه اقووووول ... اشتقت حق الكليه @@

شكووووو مادري صججججج شررررييييره وتبددددع فيناااا بس يا نااااس يا هوووووووووو احبهاااااااااااااااااااااااااا :**

افففففييييييييه الحب مشكله

 

[نوووفووو]

السلام عليكم
يعطيكم العافيه بنات
بغيت جدول سنه رابعه ياليت تحطونه ..
وتحطون لي مادة قانون دستوري منو منزلها وعدد الشعب والساعات والايام والدكتور < لأني بعيد هالماده عشان ارفع معدلي فيها
وبكون شاكرتلكم ...


بالتوفيق جميعاً​

 

[حقـوق]

بنات محمد سامي هو محمد عبدالصادق ..؟؟
لان دوورت بالجدول محمد سامي التزامات ماكو ؟؟؟

 

[ZynaH-Q8]

اي محمد سامي اسمه محمد سامي عبدالصادق انصحج فيه بقووووه حده عجيب وطيب

 

[a n w a r]

بنات انا احاتي بالتسجيل اخاف ما الحق اسجل الي ابالي
معدلي 89 اتهقون اقدر اخذ الي ابيه

 

[على النيه!]

السلام عليكم

مبروك ع التجمع اليديد ومنها للاعلى ( صج اني ما اشارك بس اتابعكم وانتو دليلي للحقوق
فديتكم *

عن اذنكم بتحلطم اشوي على جمعيتنا

بخصوص التسجيل ان شاء لله ما يبدعون فينا
مابقا شي ع التسجيل واهما يقولون مو ثابت الجدول؟ ! متا يمدينه نتحرا عن الدكاتره ونسئل ونضبط امورنا
وبعدين شنو يوزعون الجدول بالكليه نلعب لبيده احنا @@ حطوه بالسستم الدايخ ولا دزوه مسجات بي سي اي شي !!ترا الدنيا تطورت منو يوزع اوراق الحين !!

وشعب الفرنسي 6 و 7 المغرب !! ان شاء الله مو نداوم 8 ونرد 6 المغرب
صراحه اذا هذا وقت الشعب مو مناسب كلش @@

وبعدين

شنو افضل طريقة للتسجيل انروح زين ولا نسجل بالبيت ؟ < سنه ثانيه وعليميه حدي

وان شااء الله ماتحوشني محاضره الساعه 8 وأتأزم نفسيا بالزحمه

وبس
يعطيكم العافيه والله يوفقكم

 

[أحلى زمان]

على النيه ..

عليكم السلام

و بخصوص التسجيل كلنا نتحلطم على هالسالفه

لا من وقت و لا من ترتيب التسجيل و الالويه

و بالنسبه حق التسجيل بس المستجدين يسجلون بالام تي سي p:

انتي لازم تسجلين بالنت

و ضبطلي لج جدول من الحين عشان يسهل عليج يوم التسجيل