التجمع الثالث لطالبات { كـلـيـة الـحـقـوق ] جامعة الكويت . حياكم الله

[~.ąvȍƈaȚ.~]

ارتفع ضغطي

حسبي الله و نعم الوكيل


نو كومنت

 

[فز^الخفوق]

اي الحمدلله تم

 

[حقـوق]

الحمدالله سجلت .. وجدولى مثل ماابي .. بس العيفــان ماقدرت اسجل عنده
واخذت عند محمد فاضل .. شرايكم فيه بنات .. زين ولا اسحب الماده واسجلها بالباي فورس عند العيــفان !!؟؟
وبسأل بعد عن ناصر الشمري لاحوال شخصيه احد يعرفه !!!...
بليز بنات ردو .. عشان اغير

 

[kwt-oo]

بالتوفيق للبنات اللي يسجلون :yaaaaaarb:

واللي سجلوا بشروا منو خذيتوا عنده ؟؟
ان شاء الله الجدول مثل ماكنتوا تبون ؟​

 

[حقـوق]

انا تسجيلي كان 10:30 .. واخروني 10 دقايق بعد
يعني سجلت 11 الا ثلث ..
والحمدالله الشعب مبطله بس شعبه العيفان كانت مسكره
مع محمد سامي .. وانا ماكنت حاطه بحسبتي محمد سامي لان
وقته كلش ماقدر عليه ..
والحين اسأل البنات عن محمد فاضل .. في احد يعرفه
اهو وناصر الشمري .. لان من امس وانا اسأل عن ناصر
وراجعت الردود الى قبل محد متكلم عنه ..
ساعدوني

 

[روح الغلا]

حقوـوق

يمدحون ناصر الشمري لاتحاتين
د.فاضل << ما ادري فيه اللي يمدحونه وفي اللي يذمونه

 

[شوق والدمعه]

افوكات حبيتي والله شفيج ياقلبي
قولي اللهم اجرني في مصيبتي واخلفلي خيرا منها

بقولج شي في دكتور استذبحنه عليه انا ورفيجاتي وتخيلي وسجلت انا عنده ورفيجتي ماتت الا تسجل عندددده كلمت حتي ناس من برا

بالاخير تدرين شنو صار

الدكتور الي اهي خذت عنده كان واااااااااااااااااااااااااااو لدرجه ماتتصورين والي انا اخذت عنده كان جدا عادي بالشرح مو ذاك الزود والدرجات كانت عاديه جدااا يعني ما زادنا حيل اللهم يمكن درجتين
وامتحاناته كانت صعبه

اما الي خخذت عنده رفيجتي تخيلي يقولها جم تبين زياده!!

الخللاااااااااااااااااااصه من كلمي

الخيره فيما اختاره الله

*************









بنات بغيت اسال اجراءات سنه ٤ منو احسن العيفان ولا النويبت ردو علي بليز شلون طريقه شرح والدرجاااااااااااااااااااااااااات عقب ٣ المعدل خلاص بح مافيه حيل

 

[~.ąvȍƈaȚ.~]

شوق والدمعة

مادري شقول بس انقهرت قهر اليوم

بس بدا التسجيل اول دقيقه راح فجأه 13 مقعد من شعبه نويت اسجلها اول شي عشان الدوس

تنح السستم معاي ما فتح الا عقب ثلث ساعه و فوق بعد !!

فتحت الا الشعب اللي ماشيه معاي مسكره !!


احوال الشعبه الوحيدة اللي مغلقة اللي تمشي مع جدولي الباجي كلهم تعارض حتى شعب د.اقبال اللي مو نازلين بالسستم تعارض معاي

و جزاء كلهم تعارض الا دكتور معين ما ابيه

الله يعينا

و انا احاتي البايفورس يعفسولي جدولي لأن وايد سمعت ان ممكن يعفسولج جدولج و يسحبون و يضيفون على كيفهم

و اصلا مادري شلون طريقة البايفورس

اللي اعرفه ان الغلط من الجامعة اللي خلتنا نسجل كلنا من بعض


عالعموم الحمدلله على كل حال جدولي احسن من غيري

و انشالله خيير

 

[miss_mazajyh]

اللي اسألت عن دكتور ناصر اذا احوال لا تحاتين كل دكاترتهم نفس الشي زينين



فاضل انا ما انصح فيه اخر شي تتوهقين بالفاينل
بس في بنات يحبونه ويرتاحون له
بس يمكن اهون من غيره



بنات اللي عاجبها جدولها تخليه ولاتخربطه وتروح الباي فورس عشان ماده
حاولي تقتنعين فيه
لان شكثر بنات يخربطون لهم جداولهم
ورفيجتي صارت فيها مع انها كانت قبل تسجيلي
بس راحت الباي فورس وعفسوه لها
وصاروا دكاترتي اللي اخترتهم احسن من دكاترتها

ف ديروا بالكم من هالشغله




امبيييه ودي امشي الوقت لي وقت تسجيلي :/

الله يسترر

 

[~.ąvȍƈaȚ.~]

مس مزاجية

لا تخرعيني على سالفة البايفورس

بروحي مكتأبة و خايفه و وراي ألف شغله

 

[Lays BL.ketchup]

قوه ليز بسالج بم انج ماخذه عقود كانت زينه دراستها وجبتي 90يعني انا خاطري اخذها قاعده افكر فيها وبادله رايج الماده زينه اذا درست عدل اجيب زين:yaaaaaarb:

الله يقوييج امبراطوره :eh_s(7):
اتوقع طافج ردي هذا :

في بنت سألت عن د عادل بهبهاني :
خوووووووش دكتور طيب ويعطي البونص جدامج ويقولج شنو كانت غلطتج بالامتحان

وفي وحده سألت عن اختياري مقاولة (عقود 2) سنه رابعه :
اذا عند د عبدالرسول اخذيها وانتي مغمضه - ماده سهله ومباشره والدكتور غني عن التعريف
الكتاب حيل ضعيف وكل مدتيرم 50صفحه - الكميه كلها بالفاينل ماتطلع 100 صفحه
وطلعت منها بA قولوا ما شاء الله


وفي وحده سألت عن د انور الفزيع :
ما انصح فيه نهائياً وقطعاً وبتاتاً

فبالنسبه لي ما اتوقع كنت راح القى اسهل منها :eh_s(7):

 

[~.ąvȍƈaȚ.~]

بصرااااااااااحه نظااام التسجيل بجامعة الكويت لا يعلى عليييه


فجأة و انا اسجل حق رفيجتي اشوف الجدول غييير موولية شسالفة ؟!

اثاري خلل النظام العجيب مالهم مدخلني على أكاونت صبي وعليييه لووول زين ما سحبت جدوله و لعبت بحسبته و كاتبين يرجى مراجعة عمادة القبول و التسجيل بعد


صج صج أثبتوا ان اللي صاير مهزلـــــه

 

[noufUS]

بنات معلق وباقي لي مادتين ما سجلت شسوي مو من صجهم صرنا 2012 وللحين متخلفين

 

[noufUS]

اللي مخترع النظام ومستانس فيه حددددددده ذكي

 

[Lays BL.ketchup]

افوكات

لا تضيفين عند دكتور ماتبينه

نطري اول يوم دوامات - وفزي من صباح الله خير

ونطري عند باب الدكاتره اللي بتسجلين عندهم

واذا بتروحين باجر يكون احسن بعد

واخذي منهم ورقة (لا مانع)

وركض على قاعة الام تي سي يسجلونج بالشعبه حتى لو كانت مسكره :eh_s(7):

 

[kwt-oo]

** عقود مدنية
( ممدوح السيد )
( انور الفزيع )

** اداري
( عبدالمنعم )
( ابراهيم الحمود )
( المعاطي )
( بدر بجاد )

** قاعة بحث
( الصليلي )
( مرضي العنزي )
( بدر ماجد المطيري )
( عبدالله الرميضي )
( رشيد العنزي )
( مشاعل الهاجري )
( فايز الظفيري )
( فواز الجدعي )
( موسى رزيق )


بنات مو افضل دكتور لكل مادة

سويت الجدول بس محتارة بخصوص هالمواد

وبخصوص قاعة بحث انقرصت العام :eh_s(4): اهي مادة وحدتين والمفروض A بس البعض يبي شغل وعيدي البحث وهذا غلط اربع مرات رديت فيه :eh_s(11): > قصة حياتها
ابي منو افضل دكتور بينهم من ناحية الشرح والدرجات

ناطرتكم حقوقيات :eh_s(17):​

 

[~.ąvȍƈaȚ.~]

ليز

يعني تهقين اروح باجر ؟؟!

لأني ولا مره سجلت بايفورس فما اعرف شلون و شسالفه

انشالله ياارب يرضى

بس احوال ما راح اقدر لأن مادري وينه اصلا و ماكو الا شعبته اللي تلبق مع جدوولي


الله يستر

 

[~.ąvȍƈaȚ.~]

اي و قبل ما انسى

صالة زين موجودين اللحين ؟؟ يعني بالعادة

لأن بايفورسنا يوم الاثنين :\ !! اخاف ما يسجلوني

 

[noufUS]

بنات اذا خلص وقتي واهو معلق وباقي لي مواد ماسجلتهم شسوي؟؟

 

[Lays BL.ketchup]

kwt-oo

** عقود مدنية
( ممدوح السيد )
( انور الفزيع )

ما اعرف عن د.ممدوح
بس ما انصح بالدكتور انور نهائياً وقطعاً وبتاتاً واشدد على هالعباره

** اداري
( عبدالمنعم )
( ابراهيم الحمود )
( المعاطي )
( بدر بجاد )

من كلام البنات د.بدر بجاد احسنهم لكن شخصيا ما جربته
والمعاطي جربته باختياري سنه اولى الدكتور عادي والشرح عادي والدرجات انتي وجهدج - بس ما اعتبره سئ

** قاعة بحث
( الصليلي )
( مرضي العنزي )
( بدر ماجد المطيري )
( عبدالله الرميضي )
( رشيد العنزي )
( مشاعل الهاجري )
( فايز الظفيري )
( فواز الجدعي )
( موسى رزيق )

ماجربتهم بقاعة بحث

موفقه ان شاء الله :eh_s(7):
​