التجمع الثاني لطالبات { كـلـيـة الـحـقـوق ] جامعة الكويت . حياكم الله

[رمز الترف]

ليز

العام دكتوري كان يخلينا نداوم

خميس اي و خميس لا


مالي خلق اداوم الخميس ما تسوى اطق درب على محاظرة :/

العام كنت اداوم الخميس لان عندي اصول بعد

لو على مادة وحدة جان سكبت بقاعة بحث و ما داومت خخخخخخخخخخخ

 

[رمز الترف]

Miss^_^CoOoL

جدولها اووووووكي

ولو اني ما انصح بدكتور عبدالمنعم
يعني اذا قدرتي انتي لا تاخذين عنده

مادري كللللللللش ما عجبني مع احترامي له


الشرح : بالنسبة لي ما كنت افهم كللللللللللللللللللللش !!
امبيه مره حضرت عند د.المطيري و الله شرحه توووووب فهمت فهمت عدلللللللللللللللللللللللللللللللللل حتى بالفاينل حط سؤال حليته عدل بسبة شرح دكتور بدر


ما يعرف يدير الكلاس : و هذا اهم شييييييييي عندي
يعني اوكي ادري ان البنات حوسة و ازعاج
بس مهما كان المفروض يشد حييييييييييييل
صج انه كان يعصب بس عصبيته تضحك !!!! خخخخخخخخخخخخخخخ
امبيه الكلاس ازعاج و حوسه و عادي ناس تدش و ناس تطلع
و صوت البيبي يرن رن عادي الوضع :/

يمكن هذا السبب اللي ما خلاني افهم


الامتحانات : حلوة نوعا ما
التصحيح : ما عجبني !!! حيل يدقققققققققققققق
التأخير : عادي تدشين متأخر
البونص : قالي يمكن ازيدكم درجتين
و قال للشباب جدامي اخر السنة يمكن ازيدكم درجة درجتين اذا شفت ان درجاتكم مو اوكي

و اخر السنة قلت له دكتور في بونص
قال كل سنة و انتي طيبة لووووووووووول مفيش ولا حاااااااااااااااقه
مع ان الدرجات ما كانت ذاك الزود مقانة بدرجات د.زغلول و د.بدر

الغياب : ياخذ اول بأول و اخر السنة قالنا سووا بحث و اشيل الغياب عنكم

عموما ما انصح فيه دكتور بدر افضل منه


و كل وحدة لها وجهة نظر يمكن يعجبج

 

[Lays BL.ketchup]

ليز

العام دكتوري كان يخلينا نداوم

خميس اي و خميس لا


مالي خلق اداوم الخميس ما تسوى اطق درب على محاظرة :/

العام كنت اداوم الخميس لان عندي اصول بعد

لو على مادة وحدة جان سكبت بقاعة بحث و ما داومت خخخخخخخخخخخ

اي لان دكتورج كان دكتوري بالتدريب العملي هههههههه
بس والله عطاني درجة عاليه الحمدلله - وطيب مو شديد وكان يتناقش معانا بمواضيع عامه مرات وتعجبني وجهة نظره ماشاءالله عليه شاطر

حتى اذكر اول محاضره لنا كنت ماره صوب الكلاس انطر الدكتور - رايحه راده وكان في طالب واقف عند باب الكلاس
وانا احوس راايحه رااده واقول بقلبي :شفيه الدكتور طول ؟






طلع




الدكتور



اهو



اللي



واقف



عند



باب



الكلاس :krkrkr:






شكله صغير ماشاءالله ما توقعته ان اهو الدكتور - اشوا اني ما قلت كلمه مني ولا مناك :krkrkr:

 

[رمز الترف]

اي بنات صج دام اني فاضيه الحين انا وعدت بقيم دكاترة سنة اولى عشان الحبايب المستجدين يستفيدون
اصول خذيت عند الدكتور الصيرفي حسب كلامه قال خلاص ما راح ادرس بجامعة الكويت يعني ماله داعي اقيمه بس خوش دكتور و الله ذهببببببببببببببببه
شريعه ابراهيم السبيعي عجييييييييييييييب و انصح فيه و بقوووووووووووووووة و اعتقد اغلب بنات التجمع سبقوني و قيموه ماله داعي اكرر الكلام باختصار عجيب و بس
اقتصاد د.عبدالمنعم توني قيمته بالرد اللي طاف
قاعة بحث د.فواز الجدعي ما راح اقيمه لوووول لان كلاسنا كان حده حده حده شوووويه و اخاف اقيمه و يجكني لان حافظ البنات حفظ مثل ما قلت كنا شويه .. باختصار ماااااااااا انصح فيه بقاعة بحث
تاريخ قانون د.خالد الهندياني عجيب و الدكتور ذهبه بس حسافة يدرس هالمادة لانها صج صج صج ما تنبلع مهما اوصف ما تتتخيلون كلها حففففففظ و مو اي حفظ .. حفظ يدوخ و الله تصدعين :/ و الفاينل كان صعب بصراااااحة كلش ما انصح فيها .. عندكم حقوق انسان او علم اجرام ..

 

[رمز الترف]

ليز كااااااااااااااااااااااااااااااااااااك نفس الشي صار معاي
لان بالسستم كنت مسجله قاعة بحث عند د.العتيبي
فجأة دش علينا طالب بالكلاس :/
انا قلت يمكن هالطالب اللي يضبط اللابتوب حق الدكتور و جذي كااااااااااك
و تم ساكت ما يتكلم :/
ينطر البنات يدخلون

انا انصدمت
تالي استوعبت انهم بدلوا دكتورنا و حطوا لنا هالدكتور


اي اهوا طيب بس سوا فينا كذا حركة و انا خصووووووووووووووووووووووووووووووووصا

 

[~.ąvȍƈaȚ.~]

رمز الترف

اييييي والله صااجه بكل حرف عن د.عبدالمنعم اهوا صج طيوب و حبوب و محترم
بسس صج ماا كنت افهم منه ولا شي اقعد ألعب بالايبود و الا اسولف بالتلفون لان اصلا ما كنت احضر الا عشان الحضور :\

و مادري انتي أي شعبة بس اكيد تعرفين قائمة....... << اسم البنيه مابي اكتبه لووول يحليلها



ليزز

يهدااج شديايته منتفه مادري مقلية مادري مشوية شكلج يوعانه لوووول

 

[رمز الترف]

باجي دستوري ما قيمته كنت ماخذه عند د.صالح العقيلي
الحضور : يقدس الحضور وياخذه كل محاضرة و ممنوع تدشين بعده على طول تنطردين
الشرح : توووووووووووووووووووووووووووووووووووووووووووووب و الله شرحه عجييب و يربط الامثلة بالواقع يعني تطلعين من المحاضرة انتي صامة المنهج
الهوموركات : عطانا اثنين و كان واحد منهم صعب شوي بصراحة .. بس اتوقع عطى الكل فل مارك بس المهم تسلمينه مو المهم شنو كاتبه لان كان صععععععب نوعا ما
البونص : اخر السنة زاد الكل درجتين بونص
التعامل : طيب و راقي
الامتحانات : مادري شنو اقول اول امتحان كان زوين بس صدمنا سيدة بقضية شطولها و احنا داومنا شهر 10 و المدتيرم كان تقريبا بداية شهر 11 :/
يعني بسم الله ما تعودنا عالحقوق ولا عالقضايا و سيدة جك بم قضية شطوووووووووووووووولها
.. الثاني كان سخيييييييييييييييييييييييف الثالث كان الموت الحمر :/
و الله مأساة الثاااااااااااااااااااااااااااااااااالث حده حده صعب انا عندي الفاينل كان اسهللللللللللل حده من امتحانه

التصحيح : متقلب :/
اول امتحانين بصراحة تصحيح زفت
اخر امتحان الصعب كان التصحيح خيااااااااااااالي عجيب حده .. حيل حلو


و سلامتكم و تعيشون

 

[رمز الترف]

افوكات
لوووووووول اي تذكرتها يحليلها
تبين الصج انا اكره شي عندي الدكتور اللي ما يعرف يدير الكلاس :/
قلنا ازعاج بس مو لي هالدرجة
الوضع مزري لي أقصى درجة

يعني مو طاقين درب و نداوم من صباح الله خير عشان بس حضور !! نبي نفهم بعد
>> كنت متأزمة لان اول محاضرة اهوا و بعد محاضرته بريك ساعتين لو انام ابركلي لان حضوري مامنه فايدة لووووووول
و الله اداوم و اتحسف لا شرح و فوق هذا ازعاج من صباح الله خير :/


عشان جذي ما خذيت عنده بترول هالسنة
مع انه الحق ينقال حبووووب وطيب

 

[أبتسامة]

بنااااااااااااااات

ترى سحبو الجداول للي مسجلين امس لان كاتبين بتويتر
إن صار خلل في النظام والمواعيد مثل مااهي بشهر 9 ماتغيرت
2010 = 21/9/2011
2009= 20/9/2011
2008=18/9/2011

​

 

[أبتسامة]

بنات
عندي سؤال الحين الجدول اللي بالسستم
شلون اعرف اذا هاذي شعبة بنات ولا شباب ؟؟​

 

[مس روبنز]

اخدم دينك وشارك بالتصويت للأسف الدين والاخلاق والأدب والحشمه، تحتاج إلى تصويت
لا تقل صوتي لن يؤثر بل ربما يكون الفارق صوت واحد
هذا هو رابط التصويت على قانون منع الاختلاط
صوت حتى تعطي قانون منع الاختلاط شعبيه كبيرة وحتى لا يلغى


http://alwatan.kuwait.tt/polls.aspx?GrpId=76

وصلتني هالرساله ورحت طيران أصوت ولا بالغلط حطيت ضد منع الاختلاط راسي مفتر من الصدمه​

 

[L a w y e R]

عفوا اختي

في قسم اسلامي وفي قسم اخر للجامعه

مارضى اي احد يكون وصي علي وعلى غيري

لا الشرع ولا القانون ولا الدستور يسمح ، اهلنا تخرجوا في ظل التعليم المشترك

وماصار شي ، ربونا احسن تربيه ولله الحمد

والسموحه يعني .. كلمن يرى الناس بعين طبعه

اللي حاط فباله ان البنات بيتحرشون ، او حاطين فبالهم ان الشباب بيتحرشون هذا نتيجة تفكيرهم المريض

.

اخدم دينك وشارك بالتصويت للأسف الدين والاخلاق والأدب والحشمه، تحتاج إلى تصويت

سو اللي يصوت ضد القانون ومع الغاءه ، مو ديّن ولامحتشم وقليل ادب ؟؟؟

الناس شفطوا علينا وراحوا وحنا ليلحين مكانك راوح بسبة هالتفكير

لاتاخذين كلامي على محمل شخصي انا ماعرفج ولابيني وبينج شي ، بس طقيتي الباب وهذا الجواب لان لي حق ابداء رايي

 

[~.ąvȍƈaȚ.~]

مس روبنز

اللحين الدين و الحشمة و الاخلاق ما راح تصير الا بمنع الاختلاط ؟! شي عجيب

للعلم ان وايد كليات فيها شعب مختلطة و ما سمعنا تجاوزات فيها...أي تجاوزات و احنا بمكان أكاديمي محترم ؟! اعتقد كل واحد يخاف على سمعته و على وضعه في الجامعة !!

انا مو مع القانون و لا ضده...بس شوفة عيني شعب شباب فيها مليون كرسي فاضي و البنات كلهم مسكرين و يتأخرون بالتخرج بسبة هالشي هذا حجي ؟!

و لو كان الغاء قانون منع الاختلاط اهوا حل حق وايد مشاكل فأنا كـ طالبة بالجامعة ارحب فيه و خصوصا لي كنت أنا و الا احد من اهلي تأثر و ما انقبل بالجامعة بسبة المنع...

و اهلنا كلهم تخرجوا و قاعاتهم كانت مختلطة لا و كان المستوى الاخلاقي احسن من اللحين اللي مانعين فيه !! و يت عالجامعة اللحين ؟! كافي ان بنشتغل بعدين بمكان مختلط

اللي مو مستعد يدخل عياله بمكان فيه اختلاط خلاص يمنعهم من الجامعة و يقعدهم بالبيت احسن مو يفرض رايه على غيره

شوفوا الغرب شلون يتعاملون مع بعض بالجامعات و بكل رقي و شوفوا مخرجاتهم مع انهم مختلطين على قولتكم...ماكو مقارنة اصلا !!

و اذا بنصوت نصوت حسب قناعاتنا مو قناعات غيرنا

_______________________________________________________


ابتسامة & رمز الترف

يا فرررررحة ما تمت لوووول اهئ اهئ :'(

 

[SKY--NA]

ابتسامه

زين طمنتيني خيتي لان السستم اساسا مايفتح عندي

شكرا

 

[شوق والدمعه]

اخدم دينك وشارك بالتصويت للأسف الدين والاخلاق والأدب والحشمه، تحتاج إلى تصويت

سو اللي يصوت ضد القانون ومع الغاءه ، مو ديّن ولامحتشم وقليل ادب ؟؟؟

الناس شفطوا علينا وراحوا وحنا ليلحين مكانك راوح بسبة هالتفكير

لاتاخذين كلامي على محمل شخصي انا ماعرفج ولابيني وبينج شي ، بس طقيتي الباب وهذا الجواب لان لي حق ابداء رايي [/quote]




معااااااااااااااااااااااااااااج بهنقطه الف بالاميه يا لويررررررررررررررر

 

[Lays BL.ketchup]

يالحقوقيات - انتوا المفروض دارسين شي اسمه (سد الذرائع)

عارفه انكم ماخذين الموضوع بحسن نيه - لمصلحة الدراسه

لكن مو كل البنات مثلي ومثلكم - ولا كل الشباب مثل اخواني واخوانكم

في ناس اذا حطيتها بمحيط الاختلاط يتمادون - شخصيا كنت ازور رفيجاتي بالعلوم الاداريه ونقعد بالطاولات اللي بره

والاقي بنات يسولفون ويضحكون مع الشباب جدامنا - سوالفهم كلها عندنا وجان زين تسر

اذا كنتي تقدرين تمسكين نفسج وتحترمين نفسج ترا مو كل الناس مثلج - فمن باب اولى نمنع الاختلاط كوقائية

ومن جانب الفطره السليمه البنت غالبا ترتاح وسط البنات اكثر من الرجال

الكلام يجرح مرات - لكن اللي تتعطر وتترصص وتتمكيج بنظر تعاليم الدين مو ملتزمه - ما بالكم باللي تقعد بالكلاس بهالمواصفات ويمها شباب ؟ وبصفه يوووووميه

فكري بمصلحة اختج الصغيره او اخوج الصغير او بنتج او وولدج مستقبلا - اكيد تتمنين لهم بيئه سليمه

وشخصيا لو عزلنا الدين عن الموضوع - انا انحرج من الدكتور ! ما بالكم بالشباب اللي يمي ؟

وانتوا شايفين الوضع عقب ما تخلص المحاضره - البنات طق مطاقق صوب الباب - هالوقت شباب معانا ويزاحمونا بالدخله والطلعه ماتدرين شنو ممكن يصير وماتدرين منو منهم مريض نفسي

الغرب بتقدمهم وعلمهم على عيني وراسي - لكن بالمقابل ماكو طالب عندهم ما عنده GirlFriend - او طالبه حامل من الBoyFriend - هذا غير البارتي والبار والحشيش - والخافي اعظم

ليش ما نقلدهم بعدد الطلبه في كل قاعه ؟ قاعاتهم الدراسيه ما تقل عن 200 كرسي !!!!!! والطلبه المسجلين غالبا مايزيد عددهم عن 30 الى 40

ليش ندعوا الى الاختلاط كحل بدال ما ندعوا الى جامعه يديده وقاعات اكبر ؟ ليش لازم انحكر بقاعة مافيها الا 60 كرسي مع شباب ؟ احنا بالوضع الحالي وكوعي داش بخصر اللي يمي من الضيج - شبصير لو القاعه مختلطه ؟

ترا قبل 40 سنه الجامعيين اساسا عددهم قليل والناس عارفين بعضهم - والماضي موجود عشان نتعظ منه مو عشان نتمسك فيه

احنا كويتيين والله منعم علينا الحمدلله - نستحق افضل الجامعات وافضل المستشفيات
ميزانية الدوله تسمح لجامعات جديده باضعاف اضعاف مساحة الكليات الحاليه

واذا كان البناء يطول - ترا المباني الجاهزه وايده - الدوله تقدر اتأجرها كحل مؤقت

اذا احنا ولله الحمد متربين احسن تربيه - في غيرها مو متربين نهائيا - فليش الواحد يعرض نفسه واسرته لمواقف ما تسر ؟

تخاذل الدوله ما يعفيها من انها تبني جامعه يديده - الاختلاط كحل هو عذر اقبح من ذنب

والحمدلله كلنا مخالطين رياييل من اهلنا ومن قرايبنا - اللي تتوظف مو مقطوطه بجزيره بروحها

لا تتنازلون عن حقكم بجامعه يديده - ولا تدورون اقل الحلول فعالية - اللي يبي التقدم والتطور يسعاله بأغلى الاثمان مو ارخصها :eh_s(17):

 

[روح الغلا]

لا فض فوك يا ليز :eh_s(7): معـاج بكـل كلمه قلتيها ..

الله يسـامح اللي دخــل مشكلة القبـول بقــانون منع الاختلاط ..
لو صج مشكلة القبول كان السبب منها عدم الاختلاط .. جان حلو مشكلة مصافط السيارات
اللي اشوف فيها اختلاط ولكن اهم بيثيرون مشكله منع الاختلاط بأي طريقه عشان ننسى المشكله الأســاسية ..
بس بصراحه وزارة التربيه كل مالها واتصير اردى ومع انها من الوزارات الحساسه بالدوله
يعني دوله شكبرها شعرضها مافي الا جامعه حكوميه وحده :eh_s(1): ليش ماتفادوا هالمشكله من زمان مايدرون ان الاجيال القادمه في ازدياد ؟؟ بصراحه يبيلنا وزير قادر انه يمسك هالمكان ومو اي وزير بعد..
يعني جامعة الشداديه هذي كنت اسمع فيها وانا بالمتوسط يمكن 2004 يعني صارلها 7 سنين :eh_s(4): لو ناطحة سحاب عاد .. حتى ناطحة سحاب تنبني بسنه << قويه ههه
شوفوا برج خليفة :hjy5jewf: ترى بدوا يبنونه 2004 يعني مع الاشدادية وخلص هيكله ب2009 وافتتحوه 2010 << شوفوا وين وصلوا واحنا لحد الحين نسأل وين هالشداديه ؟؟
الله كريم

وأصلن اهم من زمان مو عاجبهم قانون منع الاختلاط مع انه اتوقع قانون ممتاز :ggdw:
واتمنى ان مايلغونه ..

 

[L a w y e R]

ليز حبيبتي انا معاج

شور لازم يصير في اهتمام بالمنشآت التعليميه ولازم يبنون صروح اكاديميه يديده

بس مو معنى كلامي يسوون الف مبنى بحجة منع الاختلاط والبوق على ودانه على قولتهم !!

اصلا والله فشله مباني للبنات واخرى للشباب ، ووين ؟ بالجامعه ؟ بارقى صرح اكاديمي ؟

.

صدقيني البنت او الشاب المتربيين صح وحاطين الله واهلهم ودراستهم بين عيونهم مستحيل يطيحون بالغلط

واللي تلبس واترصص باللبس وتسبح بالعطر من رداها وردى اهلها وتربيتها ال......

هالشي مايسمح لاحد انه يحكم على كل البنات الجامعيات بهالطريقه

حتى بكلية الشريعه في بلاوي ، لاتحكمون عالاداريه والا الجامعات الخاصه ولا الحقوق مثلا !!!

سو الفساد بكل مكان بس كله يعتمد عالشخص وتربيته والبيئه اللي يه منها ...

ليش بعض المتخلفين حاطين فبالهم ان الاختلاط = زنا وفساد وحمل سفاح استغفر الله !!!

طيب اللي بالجامعه مو اهلكم ؟ خواتكم واخوانكم وبناتكم ؟؟؟

وبعض النواب اللي بالقومه والقعده شادين حيلهم منعوا الاختلاط لانه اساس المنكرات !

ليش طرشوا عيالهم للدراسه بره ؟ مابي احدد او اسمي شخص بعينه لان اصحاب اللحايا المزيفه معروفين

عشان اخر شي يطلع لي سفيه ويقول .. انا طرشت ولدي بره بس ولدي راشد

ياسلام عليك ، ولدك ملاك وعيال الكويت عيال حرام مثلا ؟؟؟ والا اهو فطحل زمانه وطلبة جامعة الكويت فشله يايين حق الخرابيط ؟؟؟

الكل يدري ليش وشلون اقر هالقانون ... لا للوصايه على طلبة الكويت

اشتطيت ادري بس معذوره ، يضيق خلقي وتصك فيني الدنيا لما اشوف التافهين بالكويت يبوقووون ويخربون سمعة الديره ويلهون الناس بهالسوالف بحجة الاسلام والعادات والتقاليد !!!!

 

[روح الغلا]

للعــلم في كليـات وجامعات بأمريكا وكندا كثيره مافيها اختلاط
ومتخرجينا منها روؤساء دول بعد
وبعدين يعني إذا كان في أكثر من مبنى للشباب والبنات مافي رُقي أكاديمي ؟؟؟؟؟

 

[L a w y e R]

مايدرسون مع بعض

بس يشتغلون مع بعض ؟

شهالمنطق ؟؟؟

وعلى فرض ان مايبون وظايف مختلطه

انشالله مايبنون وزارات للحريم واخرى للرياييل مثل ماتفضل احد البلغاء بالمجلس

الاختلاط بكل مكان بس الشخص المتربي اهو اللي يفرض احترامه عالكل