التجمع الثاني .. مسافرات امريكا 2009 ... حياكم

[alhayen]

alhayen

اي سافرت على اليونايتد من الكويت لين واشنطن وتالي لي اورلاندو .. الطيران وايد مريح وزين .. هالمره قلت باجرب الدلتا .. سألت واحد يصير لنا يدرس اهناك عنها قالي ممتازه والحين مايروح ويرد الا عليها فقلت اجرب مو خسرانه شي :eh_s(6):
​

حجزتوا التذاكر ولا للحين ؟ واذا حجزتوا جم طلع عليكم سعر الـ adult و الـ child ؟

ومشكووورة رووونا وماقصرتي وان شاء الله تروحون وتستانسون

حبوبة بغيت اسـئلج عن اورلاندو شلون التسوق هناك في محلات انا ابيهم حق اليهال هل القى في اورلاندو تسوق حلو حق اليهال ؟ وممكن مبلغ 1000دينار اشتري اللي ابيه من ملابس حقهم ؟
انا قلت بخصص مبلغ معين حق ملابس عيالي وفي بالي جم شغله لهم من هناك شايفتهم على النت ..
وممكن مصرف جم يكفينه يعني الاكل

( الغدا - العشا - الخرابيط اللي بين الوجبات تدرين اليهال لازم ابي برد ابي كاكاو ابي بطاط << هذي الخرابيط ) وعيالي مو كبار الله يحفظهم واحد 5 سنوات والثانية سنتين ماكملت )

وطبعا احنا الكبار 3 انا وزوحي والخدامة .. ممكن 1500 دينار تكفي ؟

احنا حاطين ميزانية بحدود الـ 7000 دينار حق كل شي ..زين ولا حده حده ؟

التذاكر + السكن + السيارة = 2850 دينار​

*

 

[rawona]

alhayen


حبيبتي اورلاندو رخيصه بالمعيشه مو غاليه "اقصد برخيصه " مو مثل اوروبا وولايات ثانيه مثل نيويورك وكاليفورنيا يعني انشالله تكفيكم


تدرين العام صرفنا 1500 دينار من اكل وخرابيط واغراض جمعيه وبنزين وتأمين سياره وتذاكر العاب وكفتنا الحمدلله لا وريلي رجع ب 300 دولار صرفهم كويتي بالمطار اول مارجعنا!!

لا ما اقولج بعد احنا مقتصدين لا والله عادي يعني مطاعم حلوه مثل ريد لوبستر + اولف غاردن+ تشيز كيك فاكتوري + تشيليز + بهاما بريز يعني كل يوم وترك تقريبا

باجي الايام يا فاست فود او ناكل بيتزا اذا كنا بالمول ويعني هالسوالف .. اهم شي اغراض الجمعيه اروح اول يوم اييب كل اللي ابيه

ريوقنا يوميا بالشقه واحرص انتريق عدل واشبع اليهال علشان غدانا يكون متأخر شوي _اهو غدا واهو عشا) بس والله اغلب الايام انرد يواعه فاسوي لليهال بليل شوربه او عيش مشخول او نجتس او توست وجبن او معكرونيه او اي شي بس او ناخذ من دومينوز بيتزا واحنا راجعين الشقه

تذاكر الحدايق غاليه بس والله استانسنا خذينا تذكرة ديزني ال4 حدايق ل7 ايام
واليونيفيرسال الحديقتين ل7 ايام

والسوق روعه .. في بالاوت لت محلات يهال وايد مثل oilily , gap, gymboree, tommy kids, ralph laurine, heartstring, carter, guess,

وفي بعد محلات الماركات اللي بالاوت لت فيها قسم لليهال اللي اهم neiman marcus, sakes 5th avenue

وبالمولات تحصلين بعد ملابس لليهال في macys, dillards, neiman marcus, sakes 5th avenue, juicy coutor, zara, bloombirg, nordstrom

و1000 حق عيالج الاثنين يكفي ويزيد بعد ولا تنسين محلات ديزني بيأذونج عليها

بس شوفي مافي لبس كشخه يعني اغلب شي الستايل العملي واللي يصلح للزوارات العائليه بس مو للاعياد الا اذا حصلتي شي بمحلات الماركات يسوى
فلا تحاتين
​

 

[rawona]

اي نسيت اقولج مو تروحين تشترين اشياء غاليه حيل وتقولين ماتكفي الفلوس؟ لانها اكيد ماراح تكفي اذا كنتي بتشترين اشياء غاليه .. انا قصدي لبناتي اغلب مشترواتي لهم من الاوت لت او عليهم سيل بس العام ما حصلت اشياء وايد حلوه وكانوا منزلين تشكيله يديده خذيتلهم منها يعني اذا لقيتي يديد حلو وداش خاطرج اخذيه على طول وهم ترى الاوت لت تحصلين فيه شغلات حلوه وخصوصا في محلات مو عندنا مثل جمبري وفي محل حلو بعد بالمول Jack & Jaine هم حلو .. مره خذيت لبنتي الصغيره بدله كامله للعيد اول العام كان عليها سيل .. الجاكيت بروحه كان سعره قبل السيل ب 38$ غير البلوزه والبرمودا مالتها والكبوس والشوز تخيلي يعني البدله كانت بتطلع علي تقريبا من غير خصم ب 180$ تخيلي خذيتها كلها ب 38$ يعني بسعر الجاكيت الاصلي بروحه!! يعني بالكويتي تقريبا اطلعت علي ب 13 دينار وكانت الوانها تهبل بصراحه .. وبنتي الثانيه ماحصلتلها شي الا في نيمن ماركوس بس ماكانت بالسيل ولاني كنت ابيها للعيد وحلوه طلع علي نفنوفها بس ب 65 دينار


​

 

[semaasem]

alhayen

ماشالله تبارك الرحمن عليكم بألف عافية وانشالله تستانسون وتتهنون فيها يارب

 

[semaasem]

وااااي روونه شوقتيني على السووووق ياربي اخاف فلوسي ماتكفي انا بيمع من الحين لي السفرة ياربي ماعرف امسك نفسي يعني بعد شوي بطلع اتغدى وروحات وييات وسينما ومطاعم وتدرين بعد ندش السوق مانبي شي نطلع بكل شي
بسسسس خلاااااص بحاول أدخر وايمع ماني شارية شي لييييي السفرة (اخاف صج) بس بحاول على كثر مااقدر الصراحة مابي اقصر على نفسي هناك ابي استانس روونه يعني اللي عرفته منج الحين اني مااشتري من نيويورك اشتري من اورلاندو ارخص صح؟ لاني قلت بالرجعه ببمر نيويورك حق الشوبنق بس اذا اغلى مابي اخذ من اورلاندو

 

[rawona]

وااااي روونه شوقتيني على السووووق ياربي اخاف فلوسي ماتكفي انا بيمع من الحين لي السفرة ياربي ماعرف امسك نفسي يعني بعد شوي بطلع اتغدى وروحات وييات وسينما ومطاعم وتدرين بعد ندش السوق مانبي شي نطلع بكل شي
بسسسس خلاااااص بحاول أدخر وايمع ماني شارية شي لييييي السفرة (اخاف صج) بس بحاول على كثر مااقدر الصراحة مابي اقصر على نفسي هناك ابي استانس روونه يعني اللي عرفته منج الحين اني مااشتري من نيويورك اشتري من اورلاندو ارخص صح؟ لاني قلت بالرجعه ببمر نيويورك حق الشوبنق بس اذا اغلى مابي اخذ من اورلاندو

نيويورك غاليه حبيبتي بس اذا مصممه تشترين منها كيفج مو مسؤوليتي :eh_s(6):

شوفي انا ماراح اتحجى .. بس باعطيج اياها من الحين "بتطلعين من اورلاندو مفلسه" لوووووول لانج ماراح تقاومين السوق اهناك وبتروحين نيويورك وبتحسين انج فقيــــــــــــــــــــــره لووول وبطالعين بالباترينات وتقولي "ابي .. ابي.." :dddds:

واذا عاد مريتي الاوت لت بنيويورك بتتحسرين على عمرج وبتقولين ابي جنطه متروسه فلوووووووووس واصرف منها من غير حساااااااااااب هيهيهي ..


هذا احنا يالحريم نمووت على السوق .. فانتي خلي لج مبلغ كويس يعني اذا شفتي شي بنيويورك وعجبج تقدرين تاخذينه بس صج السوق لا يقاوم اهناك .. ونصيحتي مسكي نفسج وقللي طلعاتج اذا صج تبين اتيمعين لا تصيرين مثلي مره ..

كنت باسافر وكل شهر اقول الشهر الياي ايمع لين مابقى على السفره الا 4 اشهر!! ياحسرتي ماقدرت ايمع الا 800 تقريبا بعد يمكن اقل لووول ورحت اهناك بغيت اموووووووووووت لووول والله لوما الكريديت كارد جان تعقدت.. وصممت بالمره اللي وراها اروح راهيه ورحت ب2000 حسيت نفسي "ملكه" لووول لا بعد قمت اسلف هيهي
​

 

[مشمشة رمانة]

هلا مشمشه شلونج؟؟؟


شلون البنيات؟؟ شلون الاجواء عندكم؟؟ للحين "تو الناس على الحجز"؟ ..

بنات الاسعار ارتفعت شوي مو؟ امس قاعده اجيك سعر تأجير السيارات ارتفع عن قبل وايد يعني اذا كانت السياره بالاسبوع 299$ صارت الحين 345$ طبعا من غير تاكس او تأمين

تهقون يردون ينزلون عقب موسم الصيف؟ والدولار ارتفع :0bee2e8d89:
1$ = 0.2925

والله شكلها امريكا ملت من كثر ما انحن وانتحلطمت واخر شي رفعوا الدولار وغلوا الاسعار علشان يفتكون من شرنا :eh_s(1):

​

هلافيج يالغالية ...

والبنيات بخير بعد عمري اليوم طعمتهم حق الروضة يكسرون الخاطر ....

والاجواء على حطة ايدج مثل امس واللي قبلة ..

انا شاطة عمري في النت والبحث جاري على قدمٍ وساق <مادري صح <<

علشان جذي ضحكت على كلامج عن الريايل الللي زوجتة تتعب وتشتط وتالي يمكن يعجب ويمكن لا

:dddds:

 

[rawona]

هلافيج يالغالية ...

والبنيات بخير بعد عمري اليوم طعمتهم حق الروضة يكسرون الخاطر ....

والاجواء على حطة ايدج مثل امس واللي قبلة ..

انا شاطة عمري في النت والبحث جاري على قدمٍ وساق <مادري صح <<

علشان جذي ضحكت على كلامج عن الريايل الللي زوجتة تتعب وتشتط وتالي يمكن يعجب ويمكن لا

:dddds:

يالله ماعليه .. هذا حال المرا والريال منذ الأزل <<< اشفينا انا وياج قلبنا نحوي :eh_s(6):

ومايشوفون شر الاميرات
​

 

[مشمشة رمانة]

يالله ماعليه .. هذا حال المرا والريال منذ الأزل <<< اشفينا انا وياج قلبنا نحوي :eh_s(6):

ومايشوفون شر الاميرات
​

:dddds:من اللي فينا قلبنا نحوي ....

وشر مايييج حبييبتي

 

[مشمشة رمانة]

alhayen


حبيبتي اورلاندو رخيصه بالمعيشه مو غاليه "اقصد برخيصه " مو مثل اوروبا وولايات ثانيه مثل نيويورك وكاليفورنيا يعني انشالله تكفيكم


تدرين العام صرفنا 1500 دينار من اكل وخرابيط واغراض جمعيه وبنزين وتأمين سياره وتذاكر العاب وكفتنا الحمدلله لا وريلي رجع ب 300 دولار صرفهم كويتي بالمطار اول مارجعنا!!

لا ما اقولج بعد احنا مقتصدين لا والله عادي يعني مطاعم حلوه مثل ريد لوبستر + اولف غاردن+ تشيز كيك فاكتوري + تشيليز + بهاما بريز يعني كل يوم وترك تقريبا

باجي الايام يا فاست فود او ناكل بيتزا اذا كنا بالمول ويعني هالسوالف .. اهم شي اغراض الجمعيه اروح اول يوم اييب كل اللي ابيه

ريوقنا يوميا بالشقه واحرص انتريق عدل واشبع اليهال علشان غدانا يكون متأخر شوي _اهو غدا واهو عشا) بس والله اغلب الايام انرد يواعه فاسوي لليهال بليل شوربه او عيش مشخول او نجتس او توست وجبن او معكرونيه او اي شي بس او ناخذ من دومينوز بيتزا واحنا راجعين الشقه

تذاكر الحدايق غاليه بس والله استانسنا خذينا تذكرة ديزني ال4 حدايق ل7 ايام
واليونيفيرسال الحديقتين ل7 ايام

والسوق روعه .. في بالاوت لت محلات يهال وايد مثل oilily , gap, gymboree, tommy kids, ralph laurine, heartstring, carter, guess,

وفي بعد محلات الماركات اللي بالاوت لت فيها قسم لليهال اللي اهم neiman marcus, sakes 5th avenue

وبالمولات تحصلين بعد ملابس لليهال في macys, dillards, neiman marcus, sakes 5th avenue, juicy coutor, zara, bloombirg, nordstrom

و1000 حق عيالج الاثنين يكفي ويزيد بعد ولا تنسين محلات ديزني بيأذونج عليها

بس شوفي مافي لبس كشخه يعني اغلب شي الستايل العملي واللي يصلح للزوارات العائليه بس مو للاعياد الا اذا حصلتي شي بمحلات الماركات يسوى
فلا تحاتين
​

بغيت اسالج عن هلملات ..؟

احصل فيهم تجهيز مواليد

واذا مافيهم شنو المحلات اللي ممكن احصل عندهم تجهيز حلو

وعلية القيمة وسوالفة غريبة شوي ....؟

 

[مشمشة رمانة]

تصحيح <<< >>>>> هلمحلات ..؟

 

[semaasem]

روون الحين انتي ماقصرتي عطيتينا نبذة عن السوق هناك بس ذكرتي انتذاكر الحدايق هناك غالية قلتي انكم خذيتوا تذاكر ديزني واليونيفيرسال حق7ايام يعني اسبوع بس ماذكرتي السعر؟؟؟ اذا ابي حقي انا وزوجي وولدي 5 سنوات

مشمشة انا سامعة ان تجهيز المواليد عندهم اينننن بس ماعندي فكرة عن المحلات والاسعار انشالله خبيرتنا ماتقصر

الله يعيني يبلي ميزانية انا اذا بونس نفسي اقول انا مورايحة اتسوق احنا رايحين نستانس كل شي عندنا بالكويت (اخاف صج) بس هذا كلامي وقت التفلس لاني مورايحة على ميزانية راهية يعني حده حده هو كافي الصوايغ بس تهد الحيل ولا تعالي حوسي دوري وهذا بس اهلي واهله بس وايدين وماقدر مااشتري لهم انزين شنو نشتري صوايغ من امريكا

 

[طوق البنفسج]

تجمعكم يحرض من قلب على امريكا بس للاسف ماكو وقت

 

[rawona]

بغيت اسالج عن هلملات ..؟

احصل فيهم تجهيز مواليد

واذا مافيهم شنو المحلات اللي ممكن احصل عندهم تجهيز حلو

وعلية القيمة وسوالفة غريبة شوي ....؟

اي حبوبه كل المحلات اللي ذكرتها فيها حق مواليد والاسعار والكوليكشن على حسب الموسم بس غالبا تحصلين اشياء حلوه وتشوق ..

وفي محلات toys r us او babies r us عندهم شغل للمواليد وملابس واغراض للبيبي تشوق ..
​

روون الحين انتي ماقصرتي عطيتينا نبذة عن السوق هناك بس ذكرتي انتذاكر الحدايق هناك غالية قلتي انكم خذيتوا تذاكر ديزني واليونيفيرسال حق7ايام يعني اسبوع بس ماذكرتي السعر؟؟؟ اذا ابي حقي انا وزوجي وولدي 5 سنوات

مشمشة انا سامعة ان تجهيز المواليد عندهم اينننن بس ماعندي فكرة عن المحلات والاسعار انشالله خبيرتنا ماتقصر

الله يعيني يبلي ميزانية انا اذا بونس نفسي اقول انا مورايحة اتسوق احنا رايحين نستانس كل شي عندنا بالكويت (اخاف صج) بس هذا كلامي وقت التفلس لاني مورايحة على ميزانية راهية يعني حده حده هو كافي الصوايغ بس تهد الحيل ولا تعالي حوسي دوري وهذا بس اهلي واهله بس وايدين وماقدر مااشتري لهم انزين شنو نشتري صوايغ من امريكا

انا خذيت تذاكرنا من الفندق كانوا مسوين عرض ارخص من البوابه بس مو وايد انا وريلي و بنتي تذاكرنا ب 786$ دولار .. بنتي الصغيره free اليهال اقل من 3 سنوات يدشون ابلاش

وتذاكر اليونيفيرسال ميتين وشي دولار وحجزت العرض من سايت اليونيفيرسال نفسه ..

ساعات بتلاقين بالمحلات والتور سنتر اعلانات تذاكر ديزني على 20$ للحديقه واسعار خيال وهالمكاتب تقولج انا اعطيج اول يومين بهالسعر والباجي بالسعر العادي او تقولج بس لج تذكرة يوم واحد بس بشرط انكم تحضرون بريزينتيشن في ريزورت معين مايجبرونكم تشترون شي بس تاخذون تور واذا عجبكم شي تشترون تايم شير بهالريزورت واذا ما عجبكم عادي هم يعطونكم التذاكر انا سويتها مره وكرهت عمري غصب اشتري؟؟ مابي.. اوقفو ابلعومي بس ما شريت منهم هيهيهي

هذا موقع ديزني http://disneyworld.disney.go.com/

وهذا السايت مال اليونيفيرسال وهم تقدرون تحجزون منه الفليكس تيكيت اللي تشمل 4 او 5 حدايق

http://www.universalorlando.com/


شوفو السايتات واخذو فكره عن اسعار التذاكر لانها تتغير من سنه لي سنه .. وساعات يسوون عروض

​

تجمعكم يحرض من قلب على امريكا بس للاسف ماكو وقت

انشالله تحصلج فرصه قريب ​

 

[مشمشة رمانة]

اي حبوبه كل المحلات اللي ذكرتها فيها حق مواليد والاسعار والكوليكشن على حسب الموسم بس غالبا تحصلين اشياء حلوه وتشوق ..

وفي محلات toys r us او babies r us عندهم شغل للمواليد وملابس واغراض للبيبي تشوق ..








انا خذيت تذاكرنا من الفندق كانوا مسوين عرض ارخص من البوابه بس مو وايد انا وريلي و بنتي تذاكرنا ب 786$ دولار .. بنتي الصغيره free اليهال اقل من 3 سنوات يدشون ابلاش

وتذاكر اليونيفيرسال ميتين وشي دولار وحجزت العرض من سايت اليونيفيرسال نفسه ..

ساعات بتلاقين بالمحلات والتور سنتر اعلانات تذاكر ديزني على 20$ للحديقه واسعار خيال وهالمكاتب تقولج انا اعطيج اول يومين بهالسعر والباجي بالسعر العادي او تقولج بس لج تذكرة يوم واحد بس بشرط انكم تحضرون بريزينتيشن في ريزورت معين مايجبرونكم تشترون شي بس تاخذون تور واذا عجبكم شي تشترون تايم شير بهالريزورت واذا ما عجبكم عادي هم يعطونكم التذاكر انا سويتها مره وكرهت عمري غصب اشتري؟؟ مابي.. اوقفو ابلعومي بس ما شريت منهم هيهيهي

هذا موقع ديزني http://disneyworld.disney.go.com/

وهذا السايت مال اليونيفيرسال وهم تقدرون تحجزون منه الفليكس تيكيت اللي تشمل 4 او 5 حدايق

http://www.universalorlando.com/


شوفو السايتات واخذو فكره عن اسعار التذاكر لانها تتغير من سنه لي سنه .. وساعات يسوون عروض









انشالله تحصلج فرصه قريب ​

بسألج عن الحدايق اللي في دزني اهم جم وحدة ..؟

وهل يسوا الواحد يروح لهم كلهم ....؟

وجم يوم تكفي حق دزني بس ...؟

هل اهي بحجم اللي في باريس ولا اكبر ..؟

اسالتي واييد ورسمية حيل عشتوصايرتلج كلش ..:dddds:

 

[rawona]

بسألج عن الحدايق اللي في دزني اهم جم وحدة ..؟

وهل يسوا الواحد يروح لهم كلهم ....؟

وجم يوم تكفي حق دزني بس ...؟

هل اهي بحجم اللي في باريس ولا اكبر ..؟

اسالتي واييد ورسمية حيل عشتوصايرتلج كلش ..:dddds:

شوفي حدايق والت ديزني اللي باورلاندو تتكون من 4 حدايق رئيسية <<< لا اطوفين ولا وحده منهم كل وحده احلى من الثانيه هذيل لازم تشوفينهم

وعندج حديقتين مائية << مارحت لهم

وعندج الداون تاون <<< ما تدفعين للدخله مثل شارع فيه محلات ديزني وفيرجن وهالسوالف حلو للتمشي

بس تقدرين توفرين بالتذكره اذا تحبين يعني تروحين حديقتين باليوم الواحد << ما انصح فيها لان الحدايق كبيره وماراح يمديج وهالشي تقدرين تسوينه بانج تحجزين تذكره 2 days - hopper ticket الهوبر هذي يعني تقدرين تنتقلين من حديقة لي الثانيه بنفس اليوم وطبعا تكون اغلى شوي

اما اذا اخترتي تذكرة ام 4 ايام لا تاخذينها هوبر اخذيها عادي << للتوفير وروحي كل حديقة بيوم

انا شوي اطلعت تذاكرنا غاليه لان مختارين الهوبر مع انه ولا مره رحنا حديقتين بيوم "مامدانا" واصلا ماخذين 7 ايام بس مادري اشفيه ريلي ما انتبه لهالنقطه فماعليه نتعلم للمرات اليايه والا جان موفرين 150$ :eh_s(6):


ماراح اقولج اذا ديزني اورلاندو اكبر من ديزني فرنسا لانج بتروحين انشالله وبتشوفين انه مافي مجال للمقارنه بينهم :ada:

​

 

[rawona]

Hollywood Disney

Epcot


Animal Kingdom


Magic Kingdom







هذيل اهم حدايق ديزني الرئيسية وتقدرين ادشين الموقع مالهم وتشوفين الالعاب والعروض الموجوده بكل حديقة واذا حابه تشوفين شغله معينه اخذي اسم الاتراكشن وحطيه بالyou tube وشوفي العرض وانشالله يعجبج ​

 

[semaasem]

روووونة الصراحة انتي عسل انتي روووعة على شرحج ووساعة صدرج

مشكوووووورة روونه ومقصرتي على الشرح والتفصيل بس ممكن تقولين لنا بالدور اي حديقة ندخلها قبل وتقولين لنا عن التذاكر اللي تخليج ماتنطرين بالدور وشنو الالعاب اللي تسوى والالعاب اللي موذاك الزود علشان الوقت مايساعدنا وشرايج انا سمعت ان الداون تاون احلى شي تروحين له بالليل علشان يسوون عروض فيه والعاب نارية وهالسوالف نبي تفصيل اكثر ماعليه دوخناج بالاسئلة ومافهمت سالفة الهوبر اللي طافتكم علشان ماتطوفنا ونستفيد منها

 

[rawona]

روووونة الصراحة انتي عسل انتي روووعة على شرحج ووساعة صدرج

مشكوووووورة روونه ومقصرتي على الشرح والتفصيل بس ممكن تقولين لنا بالدور اي حديقة ندخلها قبل وتقولين لنا عن التذاكر اللي تخليج ماتنطرين بالدور وشنو الالعاب اللي تسوى والالعاب اللي موذاك الزود علشان الوقت مايساعدنا وشرايج انا سمعت ان الداون تاون احلى شي تروحين له بالليل علشان يسوون عروض فيه والعاب نارية وهالسوالف نبي تفصيل اكثر ماعليه دوخناج بالاسئلة ومافهمت سالفة الهوبر اللي طافتكم علشان ماتطوفنا ونستفيد منها

شوفي انا ياهل اكثر من عيالي لوووول

احلى حديقة عندي magic kingdom اللي فيها قصر سنديريلا ..

اممممممم في عرض يسوونه على خشبة مسرح القصر له مواعيد اول ما ادشون الحديقة اخذي الخريطو وورقة العروض علشان تجيكين على مواعيد العرض وما يطوفج شي تبين تشوفينه

العرض اسمه Dreams come true مادري شاسمه بالضبط بس يقدمه ميكي وميني ومعاهم الاميرات وبيتر بان وربعه
امبيه الالعاب وايد نسيتهم لوول باقولج اياهم وانتي جيكي باي حديقة يكونون ..

في لعبة علاء الدين - دومبو - ويني ذا بو - اتز أ سمول وورلد- بيتر بان- سنو وايت- وفي كهف بحري تقعد فيها اريل the little mermaid تصور مع اليهال وتوقع لهم وفي قسم toon مادري شنو فيه خيمة كبيره تلتقين فيها بالشخصيات ملوت ديزني وفيها بيت ميني ماوس وبيت ميكي ماوس وبيت غوفي .. وسوالف تشوق لليهال

اممممممم وفي قسم فيه عرض غنائي للطيور وفي لعبة البايرتس اوف ذا كاريبين حلوه وامممممممم وفي لعبة "بيت الرعب" للكبار

وفي العاب رولر كوستر splash mountine, light mountine وواحد ثاني بعد نسيت اسمه

وعندج حديقة animal kingdom وايد حلوه وتونس واليهال بيستانسون فيها

عندج السفاري حلوه - وعرض الطيور وعرض بوكاهانتس - ولعبة ايفيرست - والقسم الاسيوي حلو بعد والقسم الافريقي وشخصيات تيمون وبومبا وليلو وستيش وامممم وايد شغلات ومطعم الرين فورست حلو بعد وعرض تيمون وبومبا مو طبيعي وعرض نيمو ميوزيكال شو ولعبة النمله الصغيره تشوق

حديقة disney hollywood

فيها عرض بيوتي اند ذا بيست على المسرح - وعرض ليتل ميرميد - واممم عرض سيارات السباق - وفيها لعبة تور اوف تيرور- وامممم عرض انديانا جونز - وعروض متنوعه عن الخدع في الافلام السينمائية وفي عرض ختامي روعه اسمه فانتاسيا ..

وحديقة الابكوت epcot

تنقسم لقسمين .. قسم المستقبل فيه لعبة القبه "تطور العلم عبر العصور" روعه ولعبة نيمو وتيرتل توك .. وتوي ستوري جنها بالهوليوود ديزني اممم ولعبة sorinحلوه بعد ووايد العاب والله .. والقسم الدولي اهو القسم الثاني فيه دول مختلفه كل دوله ادشينها تلاقين فيها عروض ومطاعم ومحلات تبيع منتجات هالدوله وفيها العاب خاصه بهالدوله روعه

والدول اللي اذكرها المكسيك - اليابان- الصين- ايطاليا- النيرويج- فرنسا- لندن- كندا- امريكا- المغرب - ايرلاندا- ووايد دول

ومثلا تلاقين بكل دولة الشخصيات اللي تمثلها من ديزني

المغرب - علاء الدين وربعه
لندن- بيتر بان - ويني ذا بو
فرنسا- بيوتي اند ذا بيست
المانيا- سنو وايت
وهكذا .. للاسف ما اقدر اقولج شاللي تروحين له وشاللي اطوفينه لانها كلها صج صج تستحق تشوفينها كلها ..

التذاكر مالت ديزني تشمل خدمة الفاست باس لاستعمال مره وحده بس للعبه

يعني اذا تبين تركبين ايفيريست وعليها زحمه اخذي موعد عن طريق اجهزة الفاست باس اللي يم اللعبه تحطين تذكرتج وتطلع لج ورقة بالموعد مثلا تعالي بين الساعه 4-5 وتاخذين تذكرتج وتروحين تتمشين وتلعبين واذا يا موعد اللعبه تروحين توقفين بخط الفاست باس وتورينهم ورقة الموعد وتركبين اللعبه من غير نطره وايد وبس

اتمنى تكون اوصلت ....

عيشتيني الاجواااااااااااء اهنااااااااااااااااااك ... :krkrkr:
​

 

[مشمشة رمانة]

يسعدلي مساكم .. كويتيات وحلوات ...

روونة دخلت على موضوعج مال اورلاندو2007

في قسم السياحة المصورة او مادري شسمة

بصراحة يشجع من قلب على اورلاندوودزني..

ومثل ماقلتي شكلها احلى من اليورو دزني بوااايد ... والله اعلم .