التجمع الثاني .. مسافرات امريكا 2009 ... حياكم

[فول وطعميه]

الله يسهل دربج ام عزوز:eh_s(17): انتم السابقون ونحن اللاحقون ان شاء الله:icon30:

 

[Simply_The_Best]

هـلا والله .... الله يسهـل عليـكم و تـوصلون بالسـلامـة

 

[buffy]

بنات اشلونكم شخباركم
انا غاطه عنكم من زمان بس انا من الاكثر المتابعين لكم
انا ان شاء الله بسافر بتاريخ 9\7 يوم الخميس بليل
ادعولي عسى الله يسهل علينا السفر

 

[ورد وكادي]

أبشرج باركيلي شرينا جي بي اس قارمن نفس اللي عندكم وتوني رادة من سيز آند ديزرت شريناه

بس مصيبه عطونا اياه خالي شاحن البيت تشترينه 10 دنانير ولا ماكو مو موجود عندهم يقولون بعد اسبوع ممكن يوصل

والكفر بعد ب10 دنانير قلنا خلوه لكم نشوف لنا واحد من هناك احسن يعني ماكو كل شي معاه لازم تشترينه

خذينا فيه خريطة اوروبا وامريكا وقلنا بعدين متى ماردينا نضيف الخليج مو محتاجينه الحين اهم شي نبيه حق السفرة


بسسسسسسسسس بنات بسكم مو كل شوي تطلعون لي بشي يديد اشتريه ترى فلست لووول:eh_s(1):

مبروك وعليج بألف عافيه

اي صح زوجي ماخذه بدون شاحن البيت بس شحن السياره يقول ما منه فايده

 

[alhayen]

الله يسهل دربج ام عزوز:eh_s(17): انتم السابقون ونحن اللاحقون ان شاء الله:icon30:

ويسهل دربكم حبيبتي متى سفرتكم ؟ وجنه بتروحون كلفورنيا صح ؟

احنا بنروح اورلاندو حق الخيسه ..

بس واااايد احاتي الدرب اول مرة اسافر سفرة سمته وحدة لما رحنا استراليا نزلنا ترانزيت في تايلند وبعدين كملنا الله يعيننا بروحي اخاف من الطيارة :eh_s(6):

بس مافي احلا من الاتكال على رب العالمين والله ويانا ... >> رايحه اجاهد حشى

:tomato2:​

 

[alhayen]

هـلا والله .... الله يسهـل عليـكم و تـوصلون بالسـلامـة

هلا فيج سمبلي لاكشري ياعسل ويسهل عليكم حبيبتي يمكن ماتعرفيني بالعرب المسافرون لكن توقيعي

نفس التوقيع يعني راح تعرفيني من غير ما اقول لج

وكنت احوس وايد في بوابة المانيا والنمسا والسنة قلبت امريكا :eh_s(6):

وطبعا منتظرين تقريرج بعد ماترجعون بالسلامة على احر من الجمر

موفقين حبيبتي والله يبعد عنكم كل شر ​

 

[alhayen]

بنات اشلونكم شخباركم
انا غاطه عنكم من زمان بس انا من الاكثر المتابعين لكم
انا ان شاء الله بسافر بتاريخ 9\7 يوم الخميس بليل
ادعولي عسى الله يسهل علينا السفر

ياكثرنا احنا الغاطين لووووووول ...

واو انتوا بعدنا باسبوع بس ولا احلى ذكرى يوم زواجنا يوم سفرتكم احتفلوا عنا بالطيارة:eh_s(6):

الله يسهل اموركم ويوفقكم ويبعد عنكم شر كل شي ...

تمنياتي لكم بسفرة سعيدة ،،

 

[buffy]

ياكثرنا احنا الغاطين لووووووول ...

واو انتوا بعدنا باسبوع بس ولا احلى ذكرى يوم زواجنا يوم سفرتكم احتفلوا عنا بالطيارة

الله يسهل امورمكم ويوفقكم ويبعد عنكم شر كل شي ...

تمنياتي لكم بسفرة سعيدة ،،

ما قصرتي وان شاء الله راح اذكرج
ويسها علينا وعليكم السفر

 

[فول وطعميه]

سفرتنا 7-7 وإحنا راح ننزل ترانزيت في قطر بس بعدين سنه وحده لي هيوستن يعني 16 ساعه وآنا معاي ولدي عمره سنتين واختي معاها بنتها وعمرها سنه يعني راح نصفق بالطياره :ggdw: بعدين راح نروح كاليفورنيا 21-7 ............ليش انتو ما راح تنزلون ترانزيت؟؟؟؟؟.............ما عندج سالفه تخافبن من الطياره جنج اختي توكلي على الله

 

[Simply_The_Best]

هلا فيج سمبلي لاكشري ياعسل ويسهل عليكم حبيبتي يمكن ماتعرفيني بالعرب المسافرون لكن توقيعي

نفس التوقيع يعني راح تعرفيني من غير ما اقول لج

وكنت احوس وايد في بوابة المانيا والنمسا والسنة قلبت امريكا :eh_s(6):

وطبعا منتظرين تقريرج بعد ماترجعون بالسلامة على احر من الجمر

موفقين حبيبتي والله يبعد عنكم كل شر ​

مشكـورة بعـد روحـي ....... بس يـتـروالي هالسنـة بسوي تقرير صغيـرونـو و يمكن لا ... يالله أجـابل اليهـال .. إنتـي سويلنـا تقريـر .... و إحنـا المتفرجيـن هالمـرة ... طـاح حيلي و أنـا بالصيـن ... كل دقيقـة أصـور .. و اشكبـر تقريـري و اشطـوله ! و لا حتـى مشـرف الـبوابـة يدخـل و يتشكر ... الصـراحـة تحسفت على تقرير الصيـن ... بس بـوابة أمريكـا مشرفهـا روعـــــــــــــة .. صـج غيـر ... و بعـديـن بـوابـة أمريكـا متـروسة تقارير و كـل واحـد يقـول الزود و الـزيـن ! عنـدي

 

[Simply_The_Best]

سفرتنا 7-7 وإحنا راح ننزل ترانزيت في قطر بس بعدين سنه وحده لي هيوستن يعني 16 ساعه وآنا معاي ولدي عمره سنتين واختي معاها بنتها وعمرها سنه يعني راح نصفق بالطياره :ggdw: بعدين راح نروح كاليفورنيا 21-7 ............ليش انتو ما راح تنزلون ترانزيت؟؟؟؟؟.............ما عندج سالفه تخافبن من الطياره جنج اختي توكلي على الله

إنتـوا رايحين حــق أزواجكـم ؟ فـولـة ... الله يعينكـم على الدرب الطـويـل مع اليهـال .. صغـار ... الله يهديـهم لكم

 

[alhayen]

منو سفرتها هاليومين باجر ولا اللي عقبه ختقولنه شنو زهبت شنو سوت

انا سفرتي عقب باجر :eh_s(2): وحدي متدودها مادري ليش مع ا ني كل سنة اسافر بس لأول مرة اروح امريكا

اهم شي اللي زهبته بس للحين ماحطيته بالجنطة وان شاء الله ما انسى سجادة الصلاة والقرآن كل ما اتذكر احطهم

ارجع انسى بس الحين ان شاء الله بقوم احطهم ... وطبعا الملابس :eh_s(6): والشامبو وكريم الحماية ضد الشمس

عدة البديكير .. ابرة وخيوط .. مقص عنونو .. ادوية .. معقم .. اعواد اذون .. قطن .. لزقات جروح ..

ماجله( ناوين نطبخ لأنه مأجرين فيللا ) ..

الجوازات <<لا تعليق:dddds: >> التذاكر.. اوراق مهمة طابعتها من المنتدى ..

جنطة كروس احتياط غير اللي بلبسها .. شاحن التلفون للسيارة والبيت .. اقلام بالجنطة اللي معاي ..

كاكاوات وخرابيط حق الطيارة .. البوك المخفي اللي ينلبس تحت الملابس للفلوس ..

ممممم بنات ذكروني اذا ناسية شي اخاف في اشياء ماحطيتها وتكون ضرورية :gr4uu:​

 

[فول وطعميه]

سمبلي حبيبتي إحنا مع ازواجنا بس ولي عافيج وجودهم وعدمه واحد :rgewrg: خو كل شي على راسنا تدرين:23_asmilies-com:

 

[فول وطعميه]

حبيبتي ام عزوز لا تنسين الشراشف والفوط وترى اذا نسيتي شي عندهم هناك جمعيتهم تارجت وول مارت كل شي فيهم لا تحاتين

 

[SoSo88]

من وين نشتري هذا البوك المخفي واشلون طريقته؟

 

[alhayen]

سفرتنا 7-7 وإحنا راح ننزل ترانزيت في قطر بس بعدين سنه وحده لي هيوستن يعني 16 ساعه وآنا معاي ولدي عمره سنتين واختي معاها بنتها وعمرها سنه يعني راح نصفق بالطياره :ggdw: بعدين راح نروح كاليفورنيا 21-7 ............ليش انتو ما راح تنزلون ترانزيت؟؟؟؟؟.............ما عندج سالفه تخافبن من الطياره جنج اختي توكلي على الله

لوووووووووووووووول وانا بصفق وياكم معاي بنتي اسم الله عليها ماكملت سنتين و ولدي عمره خمس سنين الله يحفظه ورفيجتي معاها عيالها واحد 4سنين ونص وبنتها 3سنين ونص الله يحفظهم ورفيجتي الثانية معاها ولدها 3 سنين الله يحفظهم ويهديهم بالطيارة وما يخلوننا نصفق :dddds:

لا والله ماراح ننزل ترانزيت الكويت ثم >>>>>>>>>>>>>>>>>>>> واشنطن

من بعدها حطيت كل هالاهم ينقطع نفسي لما اقول من الكويت لـ وااااااااااااااااااااااااااااااااااشنطن سمته وحدة

وبعدها ترانزيت بمطار واشنظن 5 ساعات :eh_s(1):

وبعدين ساعتين لاورلاندو يعني شكلنا بنوصل الفيلا متليشين :eh_s(1):​

 

[alhayen]

مشكـورة بعـد روحـي ....... بس يـتـروالي هالسنـة بسوي تقرير صغيـرونـو و يمكن لا ... يالله أجـابل اليهـال .. إنتـي سويلنـا تقريـر .... و إحنـا المتفرجيـن هالمـرة ... طـاح حيلي و أنـا بالصيـن ... كل دقيقـة أصـور .. و اشكبـر تقريـري و اشطـوله ! و لا حتـى مشـرف الـبوابـة يدخـل و يتشكر ... الصـراحـة تحسفت على تقرير الصيـن ... بس بـوابة أمريكـا مشرفهـا روعـــــــــــــة .. صـج غيـر ... و بعـديـن بـوابـة أمريكـا متـروسة تقارير و كـل واحـد يقـول الزود و الـزيـن ! عنـدي

تصدقين ماشفت تقريرج ان شاء الله بشوفه و مشرف بوابة امريكا ممتاز مايبيله كلام..

بس لا تقولين صحيح في تقارير رهيبة لكن ماتتفوق على تقريرج يمكن تتساوى معاه

لكن لحد الآن ماتفوق اي تقرير على تقريرج وتقرير المشرف والمفاجآة

راااااااااااااااااااااائع بمعنى الكلمة

واهو من التقارير اللي شجعتني على امريكا بعد مع تقريرج وان شاء الله يكون عندج وقت

وتحطين التقرير الرهيب اللي بيكسر البوابة تكسر

وان شاء الله احط تقرير اذا رجعت بس ماراح يكون بمستوى تقريرج ​

 

[فول وطعميه]

آنا ما قتلج إن هذا ولدي الصغير وعندي ولد عمره 4سنين والثاني 6سنين واختي عندها غير بنتها ولدها وعمره 5 سنين الله يحفظهم ويهديهم على قولتج وما يخلونا نصفق :ggdw: .........................عاد اختي كانت نفس رحلتكم بس من الكويت لي نيويورك ترانزيت بعدين هيوستن بس اهم شسوو باتو ليله بمطار نيويورك فجذي ريحو شوي

 

[alhayen]

من وين نشتري هذا البوك المخفي واشلون طريقته؟

من مركز سلطان او من حول العالم اللي بالافنيوز تلقينهم انا خذيت ماركت travel blue تعلقين الخيط على رقبتج وتحطين البوك داخل ملابسج الداخلية وبس
وهذا شكله :​

 

[alhayen]

حبيبتي ام عزوز لا تنسين الشراشف والفوط وترى اذا نسيتي شي عندهم هناك جمعيتهم تارجت وول مارت كل شي فيهم لا تحاتين

اي صح نسيت الشراشف قايلة اليوم بروح اشتريهم الله يذكرج بالشهادة ...

وياللا بنات بروح اصلي وانام ... تصبحون على خير اشوفكم باجر ​