التجمع الثاني .. مسافرات امريكا 2009 ... حياكم

[digital]

ام البنين زوجي ما يحب الاختلاط

ما عندى خيارات يا مدرسه يا قعده بالبيت والتدريس الكل يخرعنى منه يقولولى المدرسه سجن نسااااائي

عشان جذى انا قااااعده

 

[المستبــده]

فوول
قصدج ريلي متأثر بأفلام الرعب
كل اثنين يروحون جزيره بروحهم ما يرجعون ديرتهم لووووووووووول

ميسوره
والله قاعده افكرر بس انا اكره الزحمه والحين اكيد الصالون ناس فوق ناس

سماسم
ريلي مو يدرس مخلص الحمدلله
هذي دوره تأسيسيه في فرنسا لانه كان دارس بفرنسا فلازم ياخذ الدوره بفرنساا
وان شاء الله بروحله اول 10 اذا الله كتب
اهو راح يدور شقه زينه وبأجر سياره وتالي انا الحقه
وانا الله يسلمج دورة ريلي مشكله
يعني انا الحين بروحله بس شهر واحد ترى
والسبب انه دورته مو دوام عادي يروح الصبح ويرجع الظهر لا يودونهم غابات اسبوع او اكثر وجذي
فما يقدر ياخذني طول السفره معاه
وهذي معاناتي
ولا فراق الريل كلشششش مو حلوو
ان شاء الله ما تشوفينه ولا تشوفه اي متزوجه
وعلى الجزيره
اي اهو حاط اباله انه عشان نسبح بالبحر بروحنا محد معانا ونسوي اللي نبي وبكيفنا
بس تبين الصج
شووي تفكير ريلي احسن من ريلج عل اقل ريلي يبي جزيره احسن من صحرا لوووووووووووووووول
بس تدرين شنو اللي صج يغثثثث
لمن يختار ريلج منطقه مو شي وايون ناس يشجعونه
لووووووووووووول

 

[المستبــده]

ديجتال
لووووووووووووول
ريلي يدرس بفرنساا مو امريكا
لوو امريكا جان انا قبله انطره بالطياره

 

[digital]

اى اى اى اى اى اى من عذذذذذذذذذر


استغفر الله فرنسا قمة الكآآآآآآآآآآبه الله يعينه

فرنسا كافى عليهه 10 ايام بالكثير اسبوعين

 

[المستبــده]

اي والله صاجه ما فيها شي
غير الشانز وهمن اشوفه عادي
يعني امريكا احلىىىىى بواييد

 

[ميسوره]

اشلونكم بنات

سماسم قريت كلامج لي حرف حرف والبدليات طوفتها بس المهم اني فهمت بسئلج وين سكنتي لأورلاندو وبجم بعيد عن ديزني وعن انترناشيونال رايف

ام البنين الله يخليج لعيالج انا مره مسئولي بالدوام قالي بوديني خدمه المواطن لمدة اسبوع يقولي علشان تعرفين الشغل على اصوله
لاني مدلعه بالدوام
انا مو عارفه شنو ابي علشان جذيه ضايق خلقي ومخي مقفل ومعتفسه
وبسئلج عن لوس انجلوس ابي فندق يكون قريب من مولات مطاعم لاني بقعد فيها بالروحه وبالرده من هاواي يعني يوم او يومين
شنو تنصحيني فيه

العسوله مرت ريلها اشلونج الحين الصالونات بالعكس مو زحمه قبل العيد بأسبوع تبلش الزحمه وزيادة الاسعار



بنات الي تعرف فندق بواشنطن حلو وموقعه زين تقولي عفيه لاني مو عارفه شنو اختار
انا بودي على m ستريت او الجورج تاون وزوجي يقولي خلينا عند البيت الابيض مردنا لتسوق
نبي نخليها تمشي وهي راح تكون اول محطه لنا بأمريكا

 

[مشمشة رمانة]

هااااي بنات شخباركم

 

[مشمشة رمانة]

اشلونكم بنات

سماسم قريت كلامج لي حرف حرف والبدليات طوفتها بس المهم اني فهمت بسئلج وين سكنتي لأورلاندو وبجم بعيد عن ديزني وعن انترناشيونال رايف

ام البنين الله يخليج لعيالج انا مره مسئولي بالدوام قالي بوديني خدمه المواطن لمدة اسبوع يقولي علشان تعرفين الشغل على اصوله
لاني مدلعه بالدوام
انا مو عارفه شنو ابي علشان جذيه ضايق خلقي ومخي مقفل ومعتفسه
وبسئلج عن لوس انجلوس ابي فندق يكون قريب من مولات مطاعم لاني بقعد فيها بالروحه وبالرده من هاواي يعني يوم او يومين
شنو تنصحيني فيه

العسوله مرت ريلها اشلونج الحين الصالونات بالعكس مو زحمه قبل العيد بأسبوع تبلش الزحمه وزيادة الاسعار



بنات الي تعرف فندق بواشنطن حلو وموقعه زين تقولي عفيه لاني مو عارفه شنو اختار
انا بودي على m ستريت او الجورج تاون وزوجي يقولي خلينا عند البيت الابيض مردنا لتسوق
نبي نخليها تمشي وهي راح تكون اول محطه لنا بأمريكا

هلا فيج ميسورة شخبارج ..

ام البنين اعذريني على اللقافة بس حاشتني حكة ولا زم ارد على ميسورة ههييهيهي :tomato2:

اذا بتقعدين بس ليلة في لوس انجلس انصحج تقعدين في الروديو درايف فية فندق وااايد حلو واذا تبين اسمة باجر امر وايبة لج واييبلج بعد السايت مالهم حتى تحجزين واذا تبين نحجزلج حبيبتي ترة بالخدمة وفي عندج بعد الانتر كونتننتال يمة مجمع الصنشري وااايد حلو انتي شوفي وقوليلي بس نصيحتي اذا بس يوم واحد قعدي بالروديو درايف وراح تدعينلي ا شاء الله ..

 

[مشمشة رمانة]

ميسورة سالت زوجي عن اسم الفندق اللي بروديو درايف اسمة بفرلي ووول شاير

 

[منورة الكويتية]

اشلونكم بنات

سماسم قريت كلامج لي حرف حرف والبدليات طوفتها بس المهم اني فهمت بسئلج وين سكنتي لأورلاندو وبجم بعيد عن ديزني وعن انترناشيونال رايف

ام البنين الله يخليج لعيالج انا مره مسئولي بالدوام قالي بوديني خدمه المواطن لمدة اسبوع يقولي علشان تعرفين الشغل على اصوله
لاني مدلعه بالدوام
انا مو عارفه شنو ابي علشان جذيه ضايق خلقي ومخي مقفل ومعتفسه
وبسئلج عن لوس انجلوس ابي فندق يكون قريب من مولات مطاعم لاني بقعد فيها بالروحه وبالرده من هاواي يعني يوم او يومين
شنو تنصحيني فيه

العسوله مرت ريلها اشلونج الحين الصالونات بالعكس مو زحمه قبل العيد بأسبوع تبلش الزحمه وزيادة الاسعار



بنات الي تعرف فندق بواشنطن حلو وموقعه زين تقولي عفيه لاني مو عارفه شنو اختار
انا بودي على m ستريت او الجورج تاون وزوجي يقولي خلينا عند البيت الابيض مردنا لتسوق
نبي نخليها تمشي وهي راح تكون اول محطه لنا بأمريكا

ميسووورة كلش مانصحج بواشنطن لانها مليقه ومافيها شيئ كلششششششش
الا البيت الابيض شتبون فيه
واذا مصممين بتقعدون فيها سكني بالام ستريت شيقعدكم صوب البيت الابيض
الا اذا بتقهوون ويا اوباما وميشيل لووول

وعندج سوق تايسون هذا التوب هناك في اثنينه واحد ماركات وواحد عادي
ولايطوفج مطعم ايراني اسمه شمشيري حوالين تايسون

 

[ام البنين2000]

ديجيتال والله زين اتسوين التدريس ما ينبغه وقعدت البيت عندي اهون مني اكون مدرسه

ميسوره شوفي حبيبتي لوس انجلس كبيره مو نفس اورلاندو يعني انت لازم اتحددين اللي تبين اتشوفينه بهاليومين يعني اذا تبين بحر عندج صوب اللونج بيتش ونيو بورت وسانتا مونيكا ما انصح فيها لأن فيها وااايد هوملس ما عجبتني حق السكن واذا تبين ديزني عندج انهايم واذا تبين اليونيفيرسال عندج هوليوود وممشمشه ما قصرت عطتج اغلي سوق في لوس انجلس بس صح الرودييو درايف حلو بس وااايد غالي وفي يمه مجمع ذا غروف ومجمع بفرلي هيلز انت قرري المنطقه وبعدين دوري الفندق اللي يناسبج وانا دايما افضل فنادق ماريوت بالسفر

مشموشه ومنوره وين غطيتو قاعدين انحاتيكم انا وسماسم علبالنا ولتو انت ومنوره الله يسهل عليكم يارب وتولدون بالسلامه

 

[منورة الكويتية]

انا ومشمشه لمن الحين صامدين لووول
انا اذا ماياني طلق وولدت بيولدوني طلق صناعي تاريخ 9-9-09 شرايكم بالتاريخ كشخه صح
وناطرة الفررج وان شاء الله امي بتيني عقبها بيوميين
تكفون لاتخلونا من دعواتكم الطيبه بهالشهر الفضيل
انتو بشرو عنكم

 

[ام البنين2000]

واااي حبيبتي منوره صج ونستيني يوم قلتي انه امج بتييج ما ادري ليش احاتيج انت ومشمشه بس اذا امج وياج ان شاء الله بترتاحين والله يقومكم بالسلامه يارب انو الاثنين

 

[منورة الكويتية]

بعد قلبي ام البنين والله امي ماقررت الا باخر لحظة وصج فاجأوني لمن قالو بتيي
والحمدلله لك يارب صج ييتها بتشيل عني واييد وبتخفف عني وتونسني

 

[ميسوره]

مشمشه ومنوره بنات امريكا اشلونكم انا لو ادري سؤالي بتطلعون لي واشوفكم جان من زمان كتبت ههههههههههه
غطيتوا عنا

هلا فيج ميسورة شخبارج ..

ام البنين اعذريني على اللقافة بس حاشتني حكة ولا زم ارد على ميسورة ههييهيهي :tomato2:

اذا بتقعدين بس ليلة في لوس انجلس انصحج تقعدين في الروديو درايف فية فندق وااايد حلو واذا تبين اسمة باجر امر وايبة لج واييبلج بعد السايت مالهم حتى تحجزين واذا تبين نحجزلج حبيبتي ترة بالخدمة وفي عندج بعد الانتر كونتننتال يمة مجمع الصنشري وااايد حلو انتي شوفي وقوليلي بس نصيحتي اذا بس يوم واحد قعدي بالروديو درايف وراح تدعينلي ا شاء الله ..

يا حياتي مشكوره والله العالم اني ادعيلج انتي ومنوره
الله يسهل عليكم وييسر امركم ويرزقكم الذره الصالحه يارب

ميسووورة كلش مانصحج بواشنطن لانها مليقه ومافيها شيئ كلششششششش
الا البيت الابيض شتبون فيه
واذا مصممين بتقعدون فيها سكني بالام ستريت شيقعدكم صوب البيت الابيض
الا اذا بتقهوون ويا اوباما وميشيل لووول

وعندج سوق تايسون هذا التوب هناك في اثنينه واحد ماركات وواحد عادي
ولايطوفج مطعم ايراني اسمه شمشيري حوالين تايسون

حبيبت قلبي منوره مشكوره
يعني برايج اتقهوى ويا اوباما بحديقه البيت الابيض علشان سيدا الجزيره عالهواء مباشر
وسوق تايسون قريت عنه ومسجلته عندي بس اسمه يضحكني :eh_s(6):
انا الي اعرفه مطعم شمشيري بالإم ستريت

ديجيتال والله زين اتسوين التدريس ما ينبغه وقعدت البيت عندي اهون مني اكون مدرسه

ميسوره شوفي حبيبتي لوس انجلس كبيره مو نفس اورلاندو يعني انت لازم اتحددين اللي تبين اتشوفينه بهاليومين يعني اذا تبين بحر عندج صوب اللونج بيتش ونيو بورت وسانتا مونيكا ما انصح فيها لأن فيها وااايد هوملس ما عجبتني حق السكن واذا تبين ديزني عندج انهايم واذا تبين اليونيفيرسال عندج هوليوود وممشمشه ما قصرت عطتج اغلي سوق في لوس انجلس بس صح الرودييو درايف حلو بس وااايد غالي وفي يمه مجمع ذا غروف ومجمع بفرلي هيلز انت قرري المنطقه وبعدين دوري الفندق اللي يناسبج وانا دايما افضل فنادق ماريوت بالسفر

مشموشه ومنوره وين غطيتو قاعدين انحاتيكم انا وسماسم علبالنا ولتو انت ومنوره الله يسهل عليكم يارب وتولدون بالسلامه

حبيبتي ام البنين صح كلامج ما اقدر افر لوس انجلوس بيومين بس انا اقدر اخلي الرحله ترانزيت
بس القصد من لوس انجلوس اني اريح جسمي من تعب الطياره ودزني واليونيفيرسال وهم السوق حاطه بالي باورلاندو
بس وين هولييود اي صوب بلوس انجلوس
وانا كنت حاطه بالي فندق قريب من المطار

 

[ام البنين2000]

حبيبتي ميسوره اذا حاطه ببالج تكونين يم المطار خليج علي هوليوود او الرودييو درايف مثل ما قالت لج مشمشه او بفرلي هيلز هذير كلهم يم بعد وقراب حق المطار واذا قعتي بهالمناطق لا تنسين تروحين تور يورونج بيوت الممثلين وشارع الرودييو وبفرلي هلز كلها وااايد حلو التور ويونس روحوله ... وما تنسين بعد تروحين عند السينما الصينيه راح تشوفين بصمات الممثلين يم السينما ومناك في اكشاك ما لوت التور

 

[semaasem]

السلاااااااااااموووو عليكووووووم


صباح الدوامات يا عسولات


ماشاء الله متقمعين عند النبي



ام البنين

ماشاء الله عيالج يهبلون اسم الله عليهم واساميهم تينن الله يحفظهم ويخليهم لج ان شاء الله وتفرحين فيهم لابسين البشت يارب

مممم شوفي انا تقريبا حسب خبرتي المتواضعة حللت شخصيتج (علميا) طبعا ماني ساحرة اسم الله علي عرفت فيج جزء كبير بس بقى الجزء

الصغير بس اللي عرفته عنج انج شخصية (شمالية ) بس باقي الجزء الثاني ان شاء الله مع الوقت اعرفه



ديجيتال


شوفي تونا بالسيارة نسولف انا وزوجي عن هالموضوع لاني مالي خلق اسوق اليوم مخليته يوصلني كيفي بتدلع على ريلي صايمه لوول

المهم قاعد يقول لو انا اخلص ارتباطاتي (اللي ماتخلص طبعا) من قروض وغيره اخليج تقعدين في البيت بس لما فكر فيها بالصج ماقدر

شوفي انا مابي اقعد بالبيت بس ابي اجازة بمرتب لمدة 12 شهر بالسنة بسسسسسسس

بس الصراحة زين تسوين قعدي ببيتج معززة مكرمة جابلي بيتج وريلج وعيالج واهتمي بروحج طلعي واستانسي وفرفشي وعيشي احسن عيشة

ولا مذلة التربية وسوالفها على فكرة انا اقول هالكلام لان اللي حواليني كلهم مدرسات بس شي يعوض شي هم عندهم خوش عطلة حاسدتهم

عليها ومناشبتهم فيها لووول



مرت ريلها


زين تسوين روحيله ومنها تغيرون جو ولا تشوفين الجانب المظلم في الموضوع فكري بالمستقبل وبالفايدة اللي بترد عليكم من عقب هالدورة

والصبر والفراق وحتى بفرنسا شوفيها من ناحية حلوة ترى هم تقدرون تروحون ديزني وتستانسون ولا كافي بعد القعدة بالشانزليزيه والسوالف

الحلوة ترد الروح هالجو الحلو اللي يهف عليكم يعني فكري بالامور الايجابية والله يوفقه ان شاء الله ويرده لج بالسلامة

وبالنسبة حق الجزيرة أنصحج تحققين حلمه وتاخذون لكم جزيرة برايفت بس لكم وانصحج بتايلند ولا ماليزيا بس انا أفضل تايلند صوب يوكيت

احنا كنا بناخذ بس الجو خلانا نهون وتقدرين هناك طبعا تاخذين راحتج عالاخر وتحققين حلمه مسكين عقب هالدورة يستاهل فكري فيها



منورة ومشمشة


احنا قلنا يمكن ولدتوا والله انا وماماتي ام البنين نحاتيكم عاد طمنونا عليكم لا ولدتوا خلونا ننفسكم



ميسورة

ضحكتيني لوووول على سالفة تايسون

 

[ام البنين2000]

سمسومه حبيبتي الله يسلمج ويخلي عيالج وتفرحين فيهم

بس بسألج شوني يعني شخصيه شماليه لووول

 

[semaasem]

ميسورة


فتحي عيونج زين شوفي اللي تقوله لج ام البنين لاني بعدين بدال لا اتعبها بروحها معاي اسألكم انتوا الثنتين وتخففين عنها

وبالنسبة حق هاواي شوفي اذا تنصحيني فيها ولا لأ فتحي عيونج فيها زين جم يوم بتقعدين فيها؟

بالنسبة لأورلاندو انا سكنت بالشيراتون فيستانا ريزورت والصراحة كان رووووعة ويهبل طبعا شيراتون غني عن التعريف وراح احط لج

الصور ان شاء الله بس انا بالدوام الحين وموقعه حلو كل شي يمنا 7 الفن- سوبر ماركت- محطة بانزين- ستاربكس يمممي-دانكن دونت-سي

سيز بيتزا-.....وداخله فيه بعد سوبرماركت فيها atm وكل شي طبعا راح اذكر لج التفاصيل خو تعرفيني انا مثل ما احب اخذ من غيري احب

اعطي غيري لاني احب دايما اللي تعطيني المعلومة والشرح بأدق التفاصيل (الحجي لج يا جارة) كللش مو نغزة لووول

 

[ام البنين2000]

لووووول سماسم اهم شي ميسوره تفتح عيونها زين
سمعتي ميسوره فتحي عيونج زين وانت بهاواي :tongue22:

اي صج ميسوره انا رفيج ريلي راح هاواي يقول في لعبه وايد حلوه لعبها مع بنته اللعبه اهي يحطونج بقفص ويقطونج بالبحر ويا سمك القرش والقرش يدور حوالين القفص يبي يحاول يدش بس ما يقدر ويصورونج وانت غايصه بالبحر والقرش حواليج
لا طوفينها مغامره حلوه سويها مع ريلج

انا ان شاء الله اذا الله كتبلي هاواي بغوص ويا ريلي