التجمع الثاني .. مسافرات امريكا 2009 ... حياكم

[galaxy]

انا متاكده اليوم بعد جيكت حطوا نفس التاريخ وشوفوا


انا عن طريق النت

 

[galaxy]

semaasem الدلتا داااااااااايركت من الكويت لى اتلانتا 15 ساعه

اليونايتد داااايركت من الكويت لى واشنطن 14 ساعه

ليش ما تحجزين على الكويتيه دايركت من الكويت لى واشنطن احسن من انكم تنزلون ترانزيت بقطر


وهذا رقم الدلتا
22257924


من باب التعبث جربت تاريخ 30-6 والرده ب 30-7 كويت اتلانتا اتلانتا كويت التذكره ب 276 ديناااااااااااااااااااار

شفتي ديجتال السعر؟؟؟

يعني كلامي صح؟

 

[galaxy]

276هم زيييييييييييييييييييييييييييييييييييييين

 

[digital]

ترى يعتمد على الايام

فى ايام رخيصه وايام غاليه

 

[galaxy]

ترى يعتمد على الايام

فى ايام رخيصه وايام غاليه

اشلون ديجتال؟؟ مافهمت؟؟؟

بالنسبة لي هذا وقت سفرتي المفروض


بس الاسعار وايد زينه؟؟ توقعين اذا دقيت تلفون يطلع نفس السعر؟؟؟

 

[digital]

اشلون ديجتال؟؟ مافهمت؟؟؟

بالنسبة لي هذا وقت سفرتي المفروض


بس الاسعار وايد زينه؟؟ توقعين اذا دقيت تلفون يطلع نفس السعر؟؟؟

لالالالالا اسعااارج وايد ززززينه

semaasem جربت وطلع لهه اغلى علشان جذى اقولهه فى ايام غاليه وايام ارخص

 

[galaxy]

اها

خلها تجرب نفس الوقت الي حطيته انا

 

[rawona]

بنات عندي سؤال اذا ابي اروح 3 ولايات وابي بكج كامل سيارة وفنادق وتذاكر عن طريق موقع اكسبيديا او ياهو شلون الطريقة لان مايطلع لي بكج الا حق ولاية او ولايتين اذا 3 مايصير بليز ابي الطريقة روووووووووووووونة مساعدتج؟؟؟؟؟؟؟؟؟؟؟؟؟؟؟؟؟؟؟

هلا حبوبه سوري على التأخير بالرد بس انشغلت شوي وكانت عندنا جم مناسبه ولهينا بعد صالونات وشعر ولبس لووول والله يديم افراحنا وافراحكم اللهم امين

بالنسبه للباكيج مايصير اكثر من ولايتين وهالشغله صارت معاي انا ما احجز باكيج ولايتين لانه اغلى ما احجز من اكسبيديا باكيج كامل الا لمنطقه وحده اريح لي

تقدرين تحجزين الطيران بروح والسكن بروح والسياره بروح او تحجزين باكيج لولايتين وتحجزين للولايه الثانيه طيران وسكن بروح


يعني مثلا كويت - نيويورك- اورلاندو - كويت

وتحطين التواريخ الجيك ان والاوت للفنادق بس تاريخ الرجعه تأخرينه يعني مثلا رجعتج بتاريخ 4 الشهر مثلا تخلين الجيك اوت من فندق اورلاندو قبلها يعني مثلا يوم 26 من الشهر اللي قبله وتحجزين داخلي للولايه الثالثه روحه ورده وتالي اطيرين على الرحله الرئيسيه مادري اذا قدرت اوصلج الفكره بس انا انصح انج تحجزين كل شي بروح ارخص ومو شرط من اكسبيديا من سايتات ثانيه .. موفقه
​

بنات جم يوم تنصحوني في لاس فيغاس ....؟
اسبوعين كافي ولا واييد عليها ...!!
وشنو اقرب ولاية حقها لانة بناخذ سيارة وبنفتر ...

هلا مشمشه شوفي بالنسبه حق لاس فيغاس حاره بالصيف ومو مال تطولين فيها الا اذا حاطه في بالج تحضرين عروض السيرك والماجيك والميزيكال شو وتروحين رحله الهوفر دام والغراند كانيون يبيلج على الاقل في هالحاله اسبوع مو اكثر واذا ما تبين تحضرين عروض 3 او 4 ايام كافي اقرب ولايه كاليفورنيا وتقدرون تمرون على مناطقها سان دييغو سان فرانسيسكو ولوس انجلوس هذيل المناطق الرئيسيه ومروا بطريجكم على الاماكن الثانيه ​

ريونا .......ما عرفت اي جناط تقصدين ...؟؟؟؟

و من وين اقدر اشتريهم ........؟؟؟؟

والله عجبتني سالفة احط جناط لاني وايد احاتي الوزن......:eh_s(6):

لووول اشراقه هالجناط ما تلقينهم الا بامريكا لووووووووول اهم طريقتهم هاندباغات كباااااااار يشيلون وخفاف وما يصير فيهم وزن وتلاقينهم بوول مارت او محلات الجناط اهناك اكيد في منهم بالكويت مره شفت بمركز سلطان بس انا عن نفسي خذيتهم من بره 3 من امريكا و 2 من لندن وقمت كل ما اسافر اصفطهم واحطهم بالجناط واطلعهم اهناك واعبيهم لوول وبس ​

روونه انا قريت انك ناويه تشترين بيت اهناك وانا بعد ناويه

وهالسنه الأسعار وايد نازله بسبب الازمه الاقتصاديه

انا عندي موقع وقاعده اشيك علي الاسعار في تاكساس الفلل تتراوح بين 25000 دينار وال 50000 يعني بلاش

هذا الموقع

http://www.realtor.com

هلا فيج حبوبه ويشرفنا وجودج بينا .. مشكوره على الموقع وصج خاطري اشتري بيت اهناك وانشالله الله يسهلها وما يندرى والله متى نشتري مو حاطين في بالنا الحين بس بالمستقبل انشالله ​

 

[rawona]

هاااااااااااااااااااي بنوتاااات اشلونكم ..!!
انا بسافر امريكا هالسنه مع اهلي وهذي اول سفره لي وابيكم تنصحوني وين اروووح ... وحاليا بس بنروح فلوريدا.. وسفره كلها شهر..!!

اهلين حبوبه .. الله يهنيكم بسفرتكم انشالله وتروحون وتستانسون .. اورلاندو ونيسه للعايله وشهر بيمر بسرعه ماراح تحسون فيه بس مدامكم رايحيم رايحين مروا على ميامي جم يوم ترى تبعد عن اورلاندو بس 4 ساعات بالسياره والطريج حلو ومنها تغيير ​

قوووووووووووووووة بنات


ولهت عليكم

شخباركم؟؟


اشراقه شخبارج؟شصار على اجازة الحكومة؟؟

انا اجازته 5\7 علشان جذيه وقفت تنقيب عن السفرة


ورجعت الحين ادور وافتش


روانا اخبارج؟؟؟؟


وشسالفه الجناط؟؟؟


وشدي حيلج روانا معاي الحين


انا لقيت حجز على الدلتا من 25\6 اللى 20\7 ب 302 الشخص


اعتقد السعر وااااااااااااااايد حلو؟؟؟


ولا شرايج؟؟؟

هلا غاليكسي شلونج؟؟ الجناط توني كاتبه عنهم لوول اقري الرد اللي فوق

وبالنسبه للسعر ممتاااااااااااااااااااز ولو قالتلي 380 دينار هم ممتاز لووول لان اليونايتد اغلى من الدلتا وارخص شي حجزته عندهم 420 دينار ..


وبعد لا تنسين الحزة شهر 7 اغلى من شهر 6 فاذا عزمتوا خلاص توكلي على الله وحجزي لان السعر ما يتطوف بصراحه ..


ديجيتال شخبارج؟؟ والله شكله الريزورت اللي كنتوا ساكنين فيه باورلاندو حلو .. ها مافي تطورات عن سفرة امريكا هالصيف؟؟ والا للحين على لبنان؟؟ :eh_s(6):


بالنسبه لي انا الحين الحكومه اطلعتلي بموااااااااال ثاني ... يقول اذا الله كتب لنا روحه بالكريسميس " وهم هذا مو اكيد" بنخلي اليهال بالكويت وانا قلبي مو مطاوعني اخليهم 3 اسابيع؟؟!! :tomato2:

عاد اهوا اليوم قاعد يسولف لهم ويكلمهم بيجس النبض يعني بيشوفهم شيقولون .. قالوله اي عادي يبه "لاث فيغاث" << يعني لاس فيغاس لوووووول مالت الكبااااااااار هيهيهي هذي بنتي الصغيره ام "اميتاااااااا" اهي اللي تكلمت وقالت " انا أأأأأأأأأأ اروح لاث فيغاث .. مو حلوه .. فيها حراميه انا بث اروح ديزني" لوووووووول


أأأأأأأأأأأأأأأأأأأأأ<<< أأأ لغير الناطقين بلغة بنتي يعني ما "ما اروح" لوووووول

جان يقولي ريلي شفتي؟؟ خلاص سهاله ضبطتج لووول وللحين مايندرى اذا في سفره اصلا او بنأجلها للسنه اليايه .. نطروا معاي وبنشوف بيبين اخر شي ​

 

[ام البنين2000]

شلونكم بنات ...روونه شلونك

انا راح يكون معاي بالسفره ولدي لصغير عمره راح يكون سنه وعشر شهور

لمي اجر سياره لازم يكون فيها كرسي سياره للأطفال ؟؟ ولا مو لازم (حسب قانون امريكا)



وشركات تأجير السيارات يأجرون كراسي ؟؟ ولا انا لازم اشتريلا واحد

 

[rawona]

شلونكم بنات ...روونه شلونك

انا راح يكون معاي بالسفره ولدي لصغير عمره راح يكون سنه وعشر شهور

لمي اجر سياره لازم يكون فيها كرسي سياره للأطفال ؟؟ ولا مو لازم (حسب قانون امريكا)



وشركات تأجير السيارات يأجرون كراسي ؟؟ ولا انا لازم اشتريلا واحد

اهم بقانونهم لازم الكار سيت وانا والله أأجره من اهناك من مكتب التأجير نفسه يأجرونه لج العام ليش حطيت تأمين شامل على السياره ما حسب لنا أجار الكار سيت يعني مأجرينه ابلاش .. واذا حسيتي انه اجار الكار سيت بيطلع عليكم غالي اشتري واحد من اهناك واخذيه وياج اذا رديتي ارخص لج .. ​

 

[ام البنين2000]

اهم بقانونهم لازم الكار سيت وانا والله أأجره من اهناك من مكتب التأجير نفسه يأجرونه لج العام ليش حطيت تأمين شامل على السياره ما حسب لنا أجار الكار سيت يعني مأجرينه ابلاش .. واذا حسيتي انه اجار الكار سيت بيطلع عليكم غالي اشتري واحد من اهناك واخذيه وياج اذا رديتي ارخص لج .. ​

مشكوره حبيبتي :eh_s(6):

 

[rawona]

حياج حبيبتي :eh_s(6):
​

 

[اشراقة الحياة]

جالكسي .......
والله اجازته ما توقعت...........بــــــس ريلي اقولي اطمني يعني حتى لو بتاخر مو اكثر من اسبوع انشاللله .........

ريونـــــــــــــــا
اممممم ........... يعني احوس بامريكا واعبي من هناك لوووول
الله يعين حكومتي عسا ما تستنزل هناك ....لووووول .......

بنوتات بدون استثناء اشلونكم..............؟؟؟؟؟؟؟؟؟؟

 

[Dant elq8]

مشكوره ريونا ما اتقصرين

 

[rawona]

جالكسي .......
والله اجازته ما توقعت...........بــــــس ريلي اقولي اطمني يعني حتى لو بتاخر مو اكثر من اسبوع انشاللله .........

ريونـــــــــــــــا
اممممم ........... يعني احوس بامريكا واعبي من هناك لوووول
الله يعين حكومتي عسا ما تستنزل هناك ....لووووول .......

بنوتات بدون استثناء اشلونكم..............؟؟؟؟؟؟؟؟؟؟

اشراقه كل وحده راحت امريكا اكيد مرت على هالجناط لووول لان صج صج مريحين ويشيلووووووووون ..

واي العام كنت اشحنهم جناط وتكرمون جواتي وبواكه وملابس وعطورات وكريمات وبلاوي وكنت حاطه ايدي على قلبي خفت يطلع علينا وزن ويتعدى ال50 باوند بس الحمدلله اثقل وحده فيهم كانت 49.5 لووووول حده حده بس والله شالت وانقذتني وبالشيله اخف من الجناط العاديه ..


وترى موجودين بكل مكان بالجمعيات وبالاوت لت وماركات مختلفه بس الفكره وحده "هاندباغ" كبير .. جربيهم ماراح تحبين غيرهم خاصة لما تيين تسافرين مره ثانيه وتروحين بجنطتين عاديين بس داخلهم مصفطه هالجناط السحريه وماتدرين شلون بالرده يصيرون 6 او 8 جناط لوول صج كويتيين ماكو فايده!!

بس جد والله بنات انا يعني مو مينونه سوق وعادي لو اسافر اماكن ثانيه ودول ثانيه السوق مو بالدرجه الاولى عندي لاني وايد احب السياحه والسفر واعشق الاماكن التاريخيه والطبيعه فلما اروح اوروبا او شرق اسيا مشترواتي عاديه جدا يعني اذا مريت على شي وعجبني خذيته

بس بامريكا غير!! بامريكا اتعنى للسوق!! اخصص له وقت كامل وساعات والله تمر علي ايام ميته من التعب من اللويه والفراره بهالحدايق والالعاب بس بالرده اجيك ساعتي الاقي ان باجي على تسكيرة الاوت لت ساعتين اروح سيده للسوق وماجني ميته من التعب قبل شوي لوول كل شي اهناك يغري بالذات اسعارهم تخليج غصب تشترين!! يالله انشالله بتروحين بنفسج وبتشوفين :wqedqw:

​

مشكوره ريونا ما اتقصرين

العفو حبوبه ماسويت شي :balo:
​

 

[rawona]

ديجيتال شخبارج؟؟ جنج كاشته فيني ماتردين علي :bbbiu:


بنات كلكم شلونكم؟؟ جالكسي حجزتي والا للحين؟؟

بياض شلون النادي؟؟ عاشوا رشيقات امريكا


اشراقه الدبدوبه شيدي حيلج يالله وضعفي قبل الروحه علشان تشترين على كيفيج من اهناك يالله وانا وياج بعد صارلي جم يوم اممممممممم والله مو جم يوم من امس بديت اروح الممشى والله يتمم علي ارادتي انشالله :fun22:
​

 

[digital]

روونه شلونج شخبارج

قلت حق زوجي على اسعار التذاكر الرخيصه على دلتا تشووووووووووق بس يختى الميزانيه مهكعه هالسنه كلش بسبب الازمه الماليه ان شاء الله على السنه اليايه

 

[rawona]

روونه شلونج شخبارج

قلت حق زوجي على اسعار التذاكر الرخيصه على دلتا تشووووووووووق بس يختى الميزانيه مهكعه هالسنه كلش بسبب الازمه الماليه ان شاء الله على السنه اليايه

يالله ماضاقت الا فرجت .. وانشالله تتسهل الامور .. وعلى قولتهم امريكا مو طايره :hearting: لاحقين عليها انشالله ..


اممممممممم انا قلت حق اشراقه نطري لين احجز تالي ابطل التجمع بس اهيا اصرت اني ابطل التجمع مبجر واخر شي انا مو مسافره بالصيف ويمكن بعد بالكريسميس مو اكيد .. بس يستاهلوووووووووون كويتيات وحتى لو ماكنت باسافر كنت بابطل هالتجمع anyway


بصراحه بصراحه .. هالتجمع ماشالله كثر احبابي ووالله مو عن شي ولاهو نفاق ولا تملق على قولتهم ولازيف .. رسايل البنات لي بالخاص وبالايميل ..

وسوالفهم بهالتجمع اللي حلى بمشاركاتهم وسوالفهم ومعلوماتهم كلهم بدون استثناء حتى لو هي ماشاركت الا بكلمه "يعطيكم العافيه" كلكم مشكورين وماقصرتوا

وبصراحه اخجلتوني بمديحكم وبمحبتكم ودعاويكم الحلوه وانتوا والله تستاهلون كل خير

شكرا لكل وحده فادتني بمعلومه وبسالفه ولكل وحده طولت بالها معاي وساعدتني .. جد والله معني ما اعرفكم ولا تعرفوني بس والله تشرفت بمعرفة كل وحده فيكم وكسبتكم صديقات وخوات والله يديم علينا محبتنا يالكويتيات :wqedqw:


مشرفاتنا بعد ما قصروا ولهم كل الشكر والتقدير .. والله ساعات اضحك على عمري .. ماعمري اهتميت لا بمنتدى ولا احب سوالف المنتديات .. واول معرفتي بمنتدى كويتيات كنت "قارئه" فقط والحين صج احسن اني من هالمنتدى وفيه!! مديرة المنتدى ما قصرت " بنت الكويت" على هالمجهود الرائع لا اهي ولا المشرفات العزيزات وعساهم كلهم على القوه منتدى كامل ماشالله ومفيد جداً للمراه الكويتيه.. حلوه مشاركات عضواته وصراحتهم والتزامهم بقوانين هالمنتدى الحلو اللي كل ماله يرقى برقي عضواته ..

يمكن هالكلام "حده داش عرض" بس والله يقرقع بقلبي من زمان ويزيد مع كل رساله القاها بالخاص وكل دعوه حلوه اسمعها منكم لاني احس صج غمرتوني بمحبتكم مع اني صج صج صج ماسويت شي!! وحالي من حالكم اعرف اللي اعرفه واسأل عن اللي ما اعرفه واتعامل معاكم على طبيعتي .. وترى الناس للناس .. مثل ما يقولون ومافيها شي لي تساعدنا وتعاونا مو بس قصدي على سوالف سفر والا ما سفر بكل شي والله .. شي مو يديد علينا يالكويتيات والواحد اذا عرف شغله ويقدر يفيد فيها غيره ليش لا؟ هالشي موجود بدينا وبعاداتنا وتقاليدنا ومو غريب على اهل الكويت ..


مشكورين كلكم عضوات المنتدى الحلو .. ومشكورين يالزائرين ياللي زدتوني فخر وسجلتوا بالمنتدى بس علشان تبعثولي رساله شكر وتدعولي بالخير!! مشكورين كلكم وماقصرتوا يا اهل الخليج ومن لا يشكر الناس لا يشكر الله .. وبس مهما كتبت ماراح اقول كل اللي بخاطري :e3:


:eh_s(7):


​

 

[اشراقة الحياة]

اللله ريونا اللله ياحلووووو الي قريته .....
انتي بعد ما قصرتي معانا كلنا .......

المهم ..... ...

اشلونج ضعفتي ولا بعد ..........؟؟؟؟؟
ريونا خل اخرب عليج اردتج ؟؟؟؟
حسافة ريونا تضعفين وراها حمال جنا ما كو فايده <<<<< وحده نحيسه بتصير رشيقه بروحها ....لوووووول

انا الحين صرت 66 وانتي ......
بنات تبون احطلكم ريجيمي ......؟؟؟؟؟......ترى حده عجيب...