~ التجهيز من دبي ~

[كويتية222]

ربي يسر امورج ويوفقج والاخوات ماقصروا

 

[قدساوية 99]

روحي القرية العالمية تسكر تاريخ 3/3 استغلي عطلة العيد الوطني اخر شي يسوون تنزيلات وعروض عجييبة لاتطوفج والمجمعات الحلوة دبي مول الامارات مول / ستي سنتر مردف / الغرير ساعاته عجيبه/ الأوت لت وبالنسبة للعبي مجمع ابو الهيل وفيه تحت محل عطور تعبئة فرنسية وبنص السعر اللي موجود بالكويت أنا عبالي تعبئة الامارات سألت قالولي لا تعبئة فرنسية حتى مكتوب على العطر نفسه مو الكرتون أخذي العطورات الفرنسية منه

 

[قلآيد حب]

آنفاسك دخون / عطور عربيه وبخور .. روعه
عبي / بو الهيل ودبي مول تحت
الذهب / عندهم سوق الذهب أسعارهم اوكي بس نادر ماتلقين شي راقي
جواتي وشنط وإكسسوارات / دبي مول
فساتين / البستان
الماركات تلقينهم في دبي والامارات مول
القريه العآلميه / إكسسوارات في القسم اللبناني وتلقين بخور وعود في القسم الإماراتي

وآممم مآفي محلات معينه كل مايعجبج محل إدخلي لآ تخلين بخآطرج هههه !

إن شاء الله آكون سآعدتج بشي = )

 

[ياناسينا]

اذا تبين عبايات روحي ابوالهيل مركز قديم بس حلو في عبايات على الموضة
واذا تبين ملافع شيفون ولا كريب عندج سوق مرشد في سوق اسمه عكاظ داخله محل بابو وابوطاهر للملافع تاخذينهم ب30 درهم واهني يبيعونهم ب10 دنانير
واذا تبين بخور للغرف ومرشات مري سوق نايف ومركز منال
واذا تبين شنط تقليد تهبلللل درجة اولى عندج سوق الكرامة شنط مارك جيكوب و كلوي وميوميو بس تقليد نظيف بس لازم تقوليله عشان يوديج فوق المحل لانه ممنوع

 

[Tom ♥ Jerry]

.

الصيني
امارات مول
دبي مول
سيتي سنتر

هذول الي اعرفهم

 

[~MANARY~]

هلا والله بنات

انا سمعت بسوق الكرامه وكنت بسألكم عنه
اللي عرفته ان المكان موحش ما تروحين له بروحج من غير رجال بس انشالله حاطته باللسته ضروري أمره

وبالنسبة للقريه العالميه تقولون بتسكر شهر 3 .. شقصدكم يعني خلاص نووو موور القريه العالميه p; ؟ ولا بتفتح مره ثانيه ؟

ومشكووريييييييين ردودكم تشرح الصدر

واللي عندها خبره بعد تفيدنا ما ننحرمش

 

[Ghaima]

عندكم بنات برج الامارات او الامارات مول فيه محلات الماركة كلها وفوق في محل انجل ليدي مادري شسمه عندهم ملافع وعبي تهببببببببببببل تهببببببل حرام يطوفج بتجهيزي خذيت منهم ملافع وايد

وهم سيتي سنتر انا سكنت في الفندق واتسوق تحت عجييييب عجيييييب كل شي عندهم

وروحي مثل ما قالو لج البنات اسواق دبي مول تهبل وكبييير

وترا سيتي سنتر فيه اثنين واحد كبير وثاني اصغر انا رحت لهم اثنيناتهم روحي حق مردف سيتي سنتر واسئلي عن محل بخور ياس يهبببببل عندهم غراش عود كشخه وثقيلة وتبرق شريت منهم غراش وعطور وبخور اسئلي عن عطر ياس ريلي داخ عليه شريت اثنين وكميته حيل شوية تحسفت اني ما شريت اكثر بصراحة الحين يحن علي اشتريه

وهمن عندج سوق مرشد حلووو حق الخام انا خذيت لي جم خامة من هناك وكاسرتهم يهبلون حيل وفي حق عرايس خامات محدده خذيت لي جم شغله من هناك

اي وسيتي سنتر في محلات حناين المعروفة عندهم عبايات حلوة وملافع ماركات انا ماخذة روبرتو كفالي من عندهم كلمن يسألني عنه كشششخه وذرب حده بنات خالاتي ينو عليه وراحت وحده شرت نفسه

عندج اسواق نايف والقرية وغيره وايد اهم شي شوفي البخور والعبايات والخام عندهم شي راقي حيل

 

[ذات الهمة العالية]

للرفع

 

[Nannyberry]

حبيبتي افتري بدبي مول وتشوفين فيه كل الي سالتي عنه، في جناط وعبي وساعات و ملابس و كلللل شي

الله يهنيج

 

[dubai girl]

بحط لج الاسواق الرخيصه :
سوق نايف
مركز المنال
سوق مرشد - سوق الذهب
سوق الكرامه
السوق الصيني
مصانع عجمان
السوق الجديم في الشارجه


المراكز النص نص

الريف مول
الواحه


الهاي هاي هههه
دبي مول
مول الامارات
برجمان
سيتي سنتر مردف
ديره سيتي سنتر
فيستفال سيتي

والاكثر من الهاي هاي ههه
ابراج الامارات وفي وحده ذكرته فوق
وذكرت محل عبي بس ع فكره محد يفصل عنده
الحين موديلاته جديمه ..

عندج بوهيل والصراحه نحن نفصل عند الحريم
حتى عبي بوهيل الي متخبلين عليهم نحن نشوفهم عاديات الحين
بالمقارنه مع مصممات العبي .. بس لازم حد يدل دبي عدل

 

[خجل~]

آب الموضوع جداً مفيد ~

لي روحةة ان شاء االله

 

[miss xs]

تكفوووون الي بتروح دبي بوصيها على عطوووور واعطيها فلوووسهم

انصحج روحي محل انفاسك دخون ( محل عطووور روعه اخذي منه عطر انفاسك سكر )
وروحي محل ارض الزعفران ( محل عطوور واخذي منه عطر زينه الشرق حلوو حق البيت تتعطرين في وعطر محاسن رخييييص ما يوصل 3 دنانيير بس يهببببببببببل )