انا اشهد انها مكان مو مال دراسه كلش اول يوم داومت لاختبار الانجليزي
ما قدرت انزل الطاوله من كثر ما انا منقرفه من العلوج اللي ملزقه
والبلا من البنات
الحمامات شنو هذا وصاااااااخه حيل بنات قذرات بمعنى الكلمه
ما يعرفون يسحبون السيفون ولا يغطون اللي يقطونه من كلينكس وغيره وين قاعدين عيب ما تدري ان في احد بيدش وراها
ولا الكافتيريا الزباله كل ما هذا جايبين شركه ما ادري شنو ماهيتها ويعني هالسنه مغيرين
شوفوا العالم شوفوا الجامعات الثانيه كافيهات معروفه داخل كافتيريتهم مو احنا وطاولات زحمه وفوق مسكر ولي صارت 1 طردوا اللي قاعدين
شالسالفه بالله وين نقعد في ناس عندهم تاخير شلون يعني نقعد عالرصيف المكسر
والمسجد والاستراحه مكانهم حيل غلط المفروض المسجد اكبر والاستراحه مكانها بعيد عن المسجد لان الواحد حتى لما يصلي ما يقدر يركز من الاصوات والسوالف واللي متطبحات
غير الحضيره اللي بره الدكاتره يمرون وهذولي اصواتهم عاليه وضحك واللي منسدحه عيييب وربي عيب
واللي بتاكل تشيل اكلهها وخياسها وراهااا
الساعه 3 لا تشوفون الكليه المبنى الرئيسي وربي يخرع القطاوه بكل مكان واكل طاييح عند مبنى المسبح قبال الحديقه
وهوا والقراطيس تطير زباااااله والله
والمكتبه المفروض من 8 لي نهايه الدوام مبطله بس تصير 1 يصكرونها
شالمصخره بالله وين ندرس ولا شلون ناخذ مراجع
انا اقولهم يقعدون بالبيت احسن لهم لان اللي يشتغلون بالمكتبه ما منهم فايده لا نظام ولا ترتيب
الله يعين والله ما ادري متى بنروح للعارضيه
انا صراحه ما ابي اطلع من الشاميه لان كل شي قريب بس سلبياتها اكثر من ايجابياتها
فأفضل يطلعونا الحين او الكورس الجاي لان الوضع لا يحتمل
وسوري طولت بالكلام وتسلمين خليتيني افضفض
