التسريحه

[nonti]

شلونكم بنات ......
افيدوني شلون ارتب اشيائي على التسريحه ......
احطها بعلب او سلال ....ومن وين اييبهم
اذا عندكم صور ابي اشوووووف
ولكم جزيل الشكر :d

 

[كلي تفاؤل]

مشاركة: التسريحه

والله انا عندي سلال مجكنمة وحلوة للتسريحة حاطة فيهم شغلي بس ودي اغييير خاصة ان بنتي قامت تحووووس بشغلي..
فـ طرى على بالى الآرفف البلاستيك المجكنمة اللى تنباع بالأسواق الشعبيه ناويه احط الحمر مثلا برف والشدو برف وهكذا ..لآن حجمها حلو ما ياخذ مساحة كبيرة ...

 

[نجمه*]

مشاركة: التسريحه

تقدرين تستفيدين من العلب الفاضيه اللي عندج وتحطين فيهم اصباغ الاظافر او الحمر

وفي سلات بالسواق الشعبيه حلووووووه وتفيدج حق الشباصات والمشووووط

 

[نطوووعه]

مشاركة: التسريحه

والله انا استخدم علب ايكيا حق المكياج مقسمين وشحلووهم حاطتهم بالادراج و التسريحه ماعليها الا الكلونيات اشوة ترتبت عن قبل

 

[نسايم ليل]

مشاركة: التسريحه

اذا حابه شغلات فنتق حق التسريحه في ام سارا تسوي علب حلوه حق ترتيب التسريحه حتى عندها صور

على مااعتقد اهي بالرحاب

 

[الكشخه]

مشاركة: التسريحه

ام سارا لحقونا فيها الله يجزاكم خير

 

[الحياة]

مشاركة: التسريحه

انا حاطه مكياجي وشباصاتي واكسسواراتي وساعاتي ومشوطي كلهم بالارفف مالوت التسريحه...

وفوق التسريحة حاطه كيماتي صافتهم صف والعطورات يمهم وبس تقريبا..

بس شكلي بييب الارفف البلاستيكيه احسن وانظم واحطهم فوق على التسريحة واحط فيها كريماتي الصغار والاشياء التناتيف الصغيرة اللي على التسريحة

 

[نسايم ليل]

مشاركة: التسريحه

سوري على التأخير ورقمها 7957451

 

[nahar_rawi]

مشاركة: التسريحه

انا استخدم سلال خشب ب100 فلس حق الاشياء الصغيرة مثل ساعات زوجي ، مشوط ،اقلام التحديد والكحل والماسكرا أما المكياج في الصناديق المقسمة من الاسواق الشعبية بالاضافة الي سلال ايكيا المسمة داخل الادراج ، اما العطورات والكريمات حاطتهم بسلال بلاستيك من الاسواق الشعبية ايضا بالحجم الي تبينة ، وكل اللي قلتلج عليه مزينته بشرياط وورد وخرز بنفسجي الي اهو لون غرفتي وصايريين كأنهم طقم كامل وشكلهم مرتب وضاف الحوسة الي كانت على الميز تواليت

 

[nahar_rawi]

مشاركة: التسريحه

ونسيت ماقلتلج في نقطة مهمة ان الشباصات لااااااااااااااا تحطينهم فوق الميزتواليت لانهم يسببون الفوضي حطيهم بالدرج والشباصات الصغير حطيهم بعلب مسكرة عسان تقدرين تحصلين عليهم بسرعة ( مثل ما انا اسوي )

 

[aku]

مشاركة: التسريحه

بقولكم شنو سويت حطيت تحف من لاند مارك على التسريحة وكل شيء من مكياج وشباصات حطيتة بالادراج بعلب0000000000000وشكرا

 

[New Mum]

مشاركة: التسريحه

أنا طفارتي اشوف شي على التسريحه ما احب الدثره ...
فتشوفين كل يراره فيها شي .. اليراره الأولي فيها تراجيي مقسمين على حسب اللون حاطتهم بقوطي ايكيا عرفتيه اللي بسكشن اليهال الشفاف المقسم هذا ... واليراره الثانيه حاطه فيها ميك اب في نفس القوطي الشفاف مال القفاش هم مال ايكيا الحمر يم بعض و الماسكرا و هكذا ..واليراره الثالثه فيها القلوب و الخرابيط اللي ما تخلص ... وتحت بالكبت الأولي شباصاتي و شباصات بنتي و اغراض المنكير مالتي و الأصباغ و ما شابه الخ الخ و الكبت الأخير فيه كلونياتنا و البخور و اللوشنز ... وكان الله غفور رحيم

 

[om yousif]

السلام عليكم جميعا , والله انا حاطة مثل صينية خشب حاطة فيها العطورات والكريمات ,,, وهم حاطة سلال صغار ملونة ,, كلهم ماخذتهم من دايسو....

 

[حبنا الله عليه]

أنا مرتبه كل شغلي بجناط صغيرونه اللي دايم يقدمونها المراكز هدايا

وحاطتهم بالترتيب بالأدراج يعني جناط للأكسسوارات وجناط الميك اب وجناط الشبابيص المستخدمه واللي مومستخدمه بجناط بروح وجذي

بس اللي مخليته بره المبخر وعلب البخور والعطور و المعطرات والشغلات اللي استخدمهم دوووم وابيهم بسرعه