التعامل معاه صعب .. بديت أنهار

[Royof]

والله ي حبيبتي

عشت نفس حياتج بالضبط و المره غصب طيب تصير على هالبيئه وازيدج بعد ماكو بيت خوالج عمامج رفيجاتج حدج بيت اهلج .. الله يعينج اصبري وبتعودين على هالوضع اللي صج يجيب الضيق والهم

 

[baa6aa]

انا نفسج .. كنت عايشه ببيتنا ملكة و ريلي النقيض تماااااااااااااااااااااااااااااااااااااااااااااااااااما
اهلي جم مرة يتناجرون وياي ان ليش ما اتيين و ان ييت مشيت مبجر ..
بس كل يوم اروح الداوم وعقبها قاعده بالبيت .. من رحت عنده صارلي 6 اشهر طلعت مرتين بس مرة افنيوز مع رفيجاتي و مرة ستاربكس الجمعيه متخيله
او اني اروح مع امي او ابوي بشرط اهمة يمروني او اهوة يوصلني .. غير جذي حاطة لساني بحلجي و ساكته
الله يعينا بس

 

[هدوووشه]

الله يعينك

 

[M!SS.LOBY]

الله يعينج

حشا سجن غير زواج هذا
ولا ناوي عليج بيذبحج الله يهديه يبيج تتعبين نفسيا بالنسبة لج صدمة وطقه عالرأس قووويه وشئ مو متعوده عليه

اقووول لا تسكتين كلمي احد من أهلج يتفاهم معاه ويناقشه ويقول حقه هذي زوجتك مو جاريه تبي تحشرها ولا شقصدك يعني بنتنا منحرفه ما تطلع بروحها ليه عيونها زايغه ولا ما تعرف السنع والاصول ولا بأسلوبك هذا يعني بتحفظ عليها وين قاعدين
وبنتا معززه ومكرمه وما تعودت عالتعامل هذا اذا بيئتكم جذي هذي مو غلطتنا


لا تطوفين حقه قاعد يمشيج عالنظام معين ومدروس ويقيسج ويختبرج ترضين او لا نظام ما يلهسج من البدايه
خليه يتعدل مادام انتم في بداية الزواج لا يتعود

عقلية ريلج واضحة يحب المرأة اللي تقعد بالبيت اللي ما تفتهم شئ غير مطورة عشان ياخذ راحته ابو الشباب

 

[mrs.abk]

ما أقدر أقول لج مع الوقت بيتغير لأن الرياييل أفاقهم مختلفة عننا وحبهم للتجديد صعب ..

حاولي تدخلين له من المداخل اللي يحبها .. زوجي ما كان يطيق شيء اسمه كوفي .. الحين في كل طلعة نمر كوفي ونتونس فيه لأنه اكتشف اني احب نوع قهوة غريب عليه (متعود ع الكابتشينو) وأحب أنواع كيك يديدة ..

والشيء الثاني كنت أعزمه على مطاعم .. وأمد بوز

أقول له بالحرف أريد أروح الجمعية .. لو قال ليش اقول له ناقصتني أغراض خاصة ( أقصد فوط صحية) قال لي بييب لج قلت له ( محشوم فديتك .. أنا أعزك عن تفاهات الحريم .. خلها علي ) وبالفعل صرت أروح الجمعية أييب غريضاتي وعقب قمت أتسوق للبيت أحيانا

عن الشغالة لأني بروحي فانا عندي شغالة .. علشان بنوووتي

من الامور المفيدة الطلعة ويا أخوي .. أطلب من ريلي أروح مكان مرة أو اثنين والثالثة أقول له بروح مع اخوي أو مع امي

لا تجبرينه هو يطلعج عطيه خيارات ثانية ..

 

[لذه السكر]

دامج باول زواج عجنيه مثل ماتحبين !

كل ماتشوفينه قولي له بروح الجمعية وبشتري اغراض
واذا جابلج الاغراض قولي لا موهذا قصدي وطنقري
وعصبي عليه بس بضحك ، سوي روحج تضحكين ، عشان يوديج معاه !

والسوق قوليله بكشخ لك ، نازل موديل جديد ابي البسه لك
ودني السوق ابشتري ،،> انا اكلمج بسرعه بس بعطيج الفكرة والاسلوب عليج ، عوديه ع الدلع


وعودييييييه قولي اغراضي احب اشتريهم بروحي !


واذا ما كان هني كلمي امج عن الموضوع وقولي لها السالفة

واذا جاء دقي ع امج قدامه !

وقوليله امي تبي تكلمك
وخلي امج تعزمه ع الغدا ، وروحي شوفي امج ،خليج حلقة وصل بينه وبين اهلج عشان اذا بغيتي تشوفينهم مايمانع


كلمي اخوانج بالموضوع بس بدووووون ماايحس هو، خلي علاقة اخوانج معاه قوية ، قوليلهم خليكم ربع وجذي


^^ كل الهدف من موضوعي انج تدخلينه حياة اهلج ، خليه واحد من العايلة وخلي روحتج لأهلج اسبوعية ! حببيه بأهلج عشان مايمانع ..


ونفس ماقلت لج تعودي ع الدلع بس بينج وبينه لا تبينين لاهله اي شي !




وسالفة الخدامة لا جبتي الظنا ان شالله اكيد بيجيب لج



#دعواتك

عجبني كلامها واهلج لهم دوووور لازم يكلمونه .. شلون رضيتي تهدين السياقه والوظيفه ؟؟

حبيبتي تره هذي راح تصير حياتج لي جدااام تبينها تظل جذي ؟؟؟ دخلي اهلج لازم يكلمونه

موحياة هذي .. ابدي بالمناسبات عزميه مطاعم واذا ما رضه قوليله اهلي عازمينه نغير جو مايبون غدا بالبيت

وانا مع اللي تقول طلللعي بروحج راح تتغير وااايد اشياء

 

[لوولوو_88]

بعد عمري يا مس .. يا رب انها فتره و يتغير

نصيحه لج لا ترضخين .. ردي ناقشي و تحجي و طلبي و قولي .. مهما صارت مشاكل . . لازم تغيرينه و تعودينه بللي تقدرين عليه ..

حرام مو عيشه ابد .. و يا رب يغير حالج للافضل و يسخر زوجج لج و يهديه

 

[زوجة عزيز]

بوو الله يعينج تفاهمي معاه لو اتطلعين معا اهلج او صديقاتج اهم شي تغيرين جو مومعقوله تتطبعين بطبع اهله

 

[BubbLe87]

الله يعينج
شي اييب الهم و يضيق الخلق
الله يفرجها عليج
صج اللي يشوف مصيبة غيرة تهون عليه مصيبته
الحمدلله على كل حال

 

[BubbLe87]

الله يعينج
شي اييب الهم و يضيق الخلق
الله يفرجها عليج
صج اللي يشوف مصيبة غيرة تهون عليه مصيبته
الحمدلله على كل حال

 

[الأوركيد~]

الله يفرجها علييج يا رب

 

[حكآية قلب]

انا ماااااروح بيت اهلي الا الجمعهو جم ساعه اقعد معاهم

ممنووووع الطلعاات كلش


الله يخلي الدوام اللي يونسني


ولعلمج انا اداوم ععشان اصررررف

والله الطلعات بس بالعيد


عااااادي وعايشششين ناس يتكلمون بمطاعم و اسواق وانا مادري شسالفه
اللي خابرته يوم تجهيزي


نصبرررررر عشان الظنا اللي بينا

وياليت بس جذي شكاااااك و يقولي كلام يعور القلب

شرايج بزوج يقول انتي تطلعين !!

انتي احد يكلمج !!


اقعدي و خليه يصرررررف عليج

و اطلبي منه طلبات قولي ابي ملابس و اترسي ثلاجتج و اهلكي بالصرف


ان شالله يتغيرووووون


من بنات الحرام حسبي الله عليهم

من الفسق متزوجة وتكلم 10 و تواعد 5 و عيالها بالبيت وزوجهاا ياغفل لك الله

 

[ميريام فارسQ8]

من صجه هذا ترى حرام يحكرج بالبيت مجابله اربع طوف اصلا ماله حق يسوي جذي لو انا منج جان ينيت وبعدين حسسني ان للحين عايشين بالستينات حتى الريايل هذيج الايام ماكانوا معقدين هدرجه. وبعدين شكو يحرمج من الشغل شبيصير لج إذا اشتغلتي خو انتي تبين تكدين على نفسج بعد... انتي كلميه بالهداوه وحاولي تغيرين من طبعه .... الله يكون بعونج

 

[برنسس كاتي]

الصراحة اسستغرب من البنات الي مثلج
شلون ما كنتي تدرين قبل الزواج عن وضعه ووضع بيتهم ؟
وترا صج في بنات عايشين زي جذي
بس دام طبعهم جذي يتزوجون بنات متعودين ببيوت اهاليهم على هل نظام مو ياخذ بنت الناس الي تطلع وتروح ويحكرها :/
احس جدا صعب تغيرينه
الا لو تطلعون شقة بروجكم ويصير لكم نظام خاص فيكم بعيد عن تأثير الأهل

 

[رودي الطويرقي]

ي لططييييف!!!
الله يعينك ويجبرك عى مصابك ويهونها عليك
ويبدل حالكك للأحسن وللي انتي تبينه .

 

[cramela]

يا قلبي صلي علي النبي صلي الله عليه واله وصحبه وسلم
يا قلبي اللي صار صار وانتي زوجته الحين والريال ما قال شي غلط انتي فعلا ملكه حبيبته وام عياله تري صعب هالايام تلقين ريال زين واذا اهو كله زين بس هذي السالفه تقدرين تتعلمين الطباخ حملي شغلي وقتج عندج فكره اني انا ما اقدر اقعد علي الكرسي عندي اسم الله عليهم ثلاث صبيان واهتمامي فيهم ماخذ وقتي صدقيني اذا لا سمح الله تطلقتي ثعب تتزوجين ولا تنسين نظره المجتمع لهذي السالفه تدرين استخيري وشوفي شنو الله سبحانه يكتب لج بيت اهلج والنعم فيهم ما قصروا في تربيتج وتدللج بس في بيت الريل شي ثاني انا متزوجه صار لي 8 سنوات والله ياقلبي ذقت العذاب الوان والحمدلله الحين نوعا ما مرتاحه لاهيه بعيالي وبيتي واطلع واجي طبعا اذا صار عندج عيال رلح تقدرين تطلعين معاه اهو وعيالج اذا محتاجه اي شي انا مستعده اعطيج رقمي واعتبريني اختج وراح انصحج والله يهدي لج ويصلح لج امورج بس حطب في بالج ان وضعج عا ي مع العلم ان وضعي غيرج الله يهدي لج ويسخر لج

 

[Mrs.H]

صراحة ماقدر اعطيج حل لاني احترت خاصة ان البيئة كلها جذي فماعندي الا اني ادعيلج بان الله يسخره لج وييسر امورج

 

[ياهم لدي رب]

حبوبه كل شيء يجي بالتدريج
هلفتره لاتقاوينه حاولي اول شيء تكيبين حبه وثقته اهنيه راح تملكينه ويضرب بالعادات عرض الحائط عشانج

نصيحه لاتخربين احلى ايامكم صدقيني العناد وتمشين عكس تيارهم راح يجيبلج التعاسه ومااح توصلين للي تبينه صبري وكسبيه حبه حبه طلبي اللي تبينه
اذا حملتي بينيله التعب وانج بحاجه خادمه وخليج ذكيه قولي لا حشا ما اخلي خالتي امك اتقوم فيني ولا اخذ خدامتها لو دقيقه وتعذري بالخجل والسنع انه تستحين تخدمج وانتي طريحةالفراش
بعدين مع البيبي مشاويرج كثيره ومحتاجه سايق لمشاويرج وهكذا
يبيلج ذكاء وصبر

 

[ياهم لدي رب]

بعدين بقولج شيء لاتحطينفي بالج انج تعيسه وفي ضيقه وحكره دوري بجانب ايجابي بجذي زوجج اللي بوديج ويجيبك غيركاهي اللي تخدم زوجها وبيتها وزوجها هايت بره سهر وسفريات وغيره واغلب وقته وعاج ويغاز عليج ولو مافيه خير كان خلاج تتوضفين وطمع براتبج..اغلب الرجاجيل يدور الموضفهعشاناتساعده او عشان يفتك من مصروفها فحبوبه طالعي الجانب الايجابي مهما كان فيه سلبيات تتعسج


والدعاااااااااء يغير من حال الى اخر