التفكير راح يقتلني>>>>> ساعدوني

[رحيق الحياة]

صح هذا واحد جذاااااااااااب وحتى مبين من كلامه مو باله الزواج ابداااا
اما
العريس الي طق الباب لا تردينه استخيري ووافقي
الله يوفقج

 

[mimi_el3so0ola]

وليش يقط اللوم عليج ويحملج المسئوليه وههوو الريال وهوو اللي المفروض يتحرك !!
مو معقوله يتعذر بأهله .. وانتي شنوو ما عندج أهل يبون يشوفونج عروس ويفرحون فيج ؟؟؟
شنو هالأنانيه :\
يبا هذا ما يحبج .. هذا واحد ما يحب الا نفسه !
ونصيحتي لج : سوي مثله " حبي نفسج " وشوفي حياتج قلب ، ولا تسمحين له يحسسج بالخيانه لأنه قاعد يحاول يقط اللوم عليج عشان يحسسج بتأنيب الضمير ويطلع نفسه المسكين والوفي !!
لو كان جاد بكلامه يللا خل يطق الباب والا بس شاطر يبيع حجي ويملي راسج بجذباته

وانا اقولج ..
(اذا انتي كنتي متمسكة بكرامتج راح ترفضينه اهوو بدون تفكير وترضين بشخص ثاني يناسبج كشريك لحياتج ) !!

والله يكتب لج اللي فيه الخير حبيبتي ^__^ ربي يوفقج دنيا وآخره ،،

 

[نور زوجها]

من دووووووووووون تردد .... وافقي عاللي خاطبنج لانه ياي من الباب ... ​

ما ادري كيف للحين مصدقة هالياهل واسمحي لي عالكلمة 19 سنة .. فكري فيها يمكن ما يشتغل ومب مكون نفسه ويبي يعيش حياته.....​

طنشيه وتزوجي... لا تنتظرينه لأنه للاسف يبغي يتسلى...!!!!​

مع انج من البداية غلطي يوم عطيتيه المجال .... ​

لا يقص عليج ويضيع عمرج هالاشكال بس تبي تلعب....​

احتريييييييييييييييت منه خخخخخخخخخخ ​

 

[زيـــزو]

ياماماا يااحبيبتي اصحي احنا الحييين داشين 2012

وساالفة يحبني واحبه معشعشة بمخوووخناااااااااااا!!!!!!

ياااااااااقلبووو حكمي عقلج ولاتحكمييييييين عواااااااطفج..

كل بنت يمكن ينقص عليهاااااااا الا اللي مكبرة عقلهااااااااا

وواضح من قبل لا اكمل موضوووعج دريت وحسيت ان هاصبي جذاااااااب..

اللي يبي البنت مااايكلمهاااا قبل زوااجها ويعشمهاا عالفااااضي..

اللي يبي يروووح البيت ويخطب..

ابعدي عنه..

واستخيري للي متقدم وربي يوفقج..​

 

[أم توتو]

حبيبتي هذا اذا يبيج يجي يخطبج مو كل شوي له كلام اذا هذا اوله ينعاف تاليه والله يوفقج

 

[فـي ع ـيون خلـي]

هذا مراهق ما يفهم في الحياة شيء يبغى يلعب بس واضح اصلا


شوفي حياتك بعيد عنه

 

[باقي عمري]

اللي صارلي

شكرا لكل اللي ردوا علي
واتاخرت في الرد عليكم لان النفسية كانت زيرو ومغلقة
والله حسيتكم خواتي وخايفين علي وفتحتوا عيوني عدل

اللي صار
اهو كلم اهله ع كلام اخته بس اهله رفضوا يفتحون الموضوع لانه في اشياء كثيرة اهله مب راضيين عليه فيها واغلب اهله مقاطعهم لان ينصحونه وما يقدرون يبلون بنت نااس معاه وتصير مشاكل بهذا الزواج خاصه انه نسايبنا
وبعد ما سمع رايهم قالهم خلاص اصلا ما اريد اتزوج !!!!!!

ويلست ادعي ربي يظهرلي شي يبين لي ع حقيقته عشان اقدر انساه ع طول والحمد لله صار شي يخليني اعرف كثر شو اهو حقير وظهر ع حقيقته وبعد قعد يجذب ويتبلى علي اني انا تكلمت عليه وهاللي خلاه يقول خلاص ما اريد اتزوج بعد ما عرف اني عرفت موقفه هذا
وطرش صورة بنت ما ادري من وين مطلعها وقال انا قلتلج راح اخذ احلى عنج وهذي معاي من 3 سنوات وما تخلت عني عشان خطيب وانتي عبالج اجمل بنت وما راح تذليني ع زواج!!!!!!!
رديت عليه الصراحة راح احسدها عالحب اللي خلاك عقب 3 سنوات تخونها وتكلمني !!!!



احب ابشركم خواتي
انا فكرت بموضوع الخطيب و ان شاء الله اهله راح ايون ع اخر الاسبوع ادعولي بالتوفيق معاه اذا كان خير لي

 

[عمر السنين]

شوفي حياتج و توبي الى الله من هالعلاقه عشان الله يرزقج بالصالح اللي يسعدج
مو مهم الزواج المهم التوفيق
محد يستاهل تخسرين حياتج عشانه

 

[دلع العتبان]

ياقلبي قلبج ليش النطره ولد عمج مثلا ولا من العايله اقصاه بعيد يعني ماراح تخسرين حب جميل كان بينكم وراح يربط عوايل

النصيب الحلو اذا جا ماارافضه دام مافيه اي عيب وحرام ترفضين اصلا قوليله ياولد الناس انا مااضل طول حياتي بي بي حياه هالمراهقين وين قاعدين صار الزواج بالتلفونات والله حاله

ربي يهديج ويسخرج الخيره بامرج يارب

 

[باقي عمري]

أختي مس روبنز
ما ادري ليش تكرر الموضوع:eh_s(10):
حتى انا بالبداية انصدمت لما قريت الردود غير عن الردود اللي قبل قريتهم بس خيرة لي اشوف ردود من خواتي اكثر
بس لقيت الموضوع الثاني بالصفحات اللي ورا
وهذي مني لج :eh_s(17):

 

[حبي حيآاآتي ّ]

شوفي ياقلبي أول شئ خانك وسامحتيه مدري كيف صراحه هذا أول غلط وثاني شئ يقولك الفاظ وسخه خير ان شاء الله وين الاحترام ؟؟اهم شئ الاحترام قبل الحب وش ابغى فيه اذا مايحترمني ونصيحتي لك انا صراحه من كلامك عنه ماارتحت له حسيت انه يلعب والله اعلم انتي استخيري واذا ارتحتي تزوجي ولاتفكرين فيه لو يبغاك كان تحرك سوى شئ .. سوري اذا غلطت

 

[Beauty is Me]

واحد ما يحترمج

مستسهلج واسفه عالكلمه

مستسهل الكلمه الشينه

كافي انه مو داش من الباب


هاذا زواج مو لعبه

انا اقول خليه عنج

شغله جذب بجذب

الله راح يعوضج باللي احسن منه


يداري خاطرج

 

[NjoOo]

استخيري وتوكلي على الله وتزوجي والا العلاقه هذي ماوراها الا الذنوب والمشاكل

 

[روعة المنظر]

اصغر منج ومستواه الدراسي مادري وين واصل الاخ ..

أكييييد لاتنطرييين من صجج أنتي مبين عليه جذاب اشكرا

 

[Kocheko]

لا تضيعين عمرج

 

[أعشقه]

عاد المشكله تعرفين اسلوبه وهو يماطل معك واصغر منك
فكري صح اخذي الي جالك من الباب مو يتعذر لك وبدى يغلط عليك وانتي ترجعين له ومدري ايش
مايبي لها تفكير او تستشرين حد اذا اهلك يشفون انه يناسب لك خذيه وبس