التقاعد الطبي للمعاقين

["بوح الجروووح"]

بنات واللي يعافيكم ابيكم تساعدوني بخصوص التقاعد الطبي انا جددت الشهادة وقدمت على ساعتين للعمل الحمدلله .اشلون اقدم للتقاعد من وين ابتدى بالضبط اروح للتأمينات او للهيئه لمعاقين اعاقتي بسيطه دائمه حركي واللي ماتعرف ترفع الموضوع بليز

 

[مباركيه]

حياج الله ....

انا بقولج على اللي سويته ...اول شي تروحين لشؤون الموظفين في الوزارة اللي تشتغلين فيها

وتاخذين تقرير بسنوات العمل ...وتحويل منهم الى المجلس الطبي ويعطونج تحويل علشان يسون لج

فحص في مستشفى العظام في الصليبيخات ويشوفون نسبة اعاقتج اذا فوق الخمسين بالمائة

وسنين الخدمة فوق العشر سنين وطبيعة عملج فيها حركة وتعب لج يقررون التقاعد المبكر

واخر مشوار للتأمينات ...هي السالفة مو سهلة ...وانا من رايي اذا انتي بعدج صغيرة


ولا عندج مسؤلية بيت وزوج وعيال خليج بالوظيفة احسن لج .....وأسفة على الطوالة بس حبيت افيدج


وفكري عدل قبل لا تاخذين اي قرار بالتقاعد ....والله يوفقج

 

["بوح الجروووح"]

شوفي انا العشر سنين خلصتهم ومتزوجه وعندي الله يخليهم .انامساعد مهندس نكرف ونطلع مواقع بره عندي شلل كن شديد بعد العمليه الحمدلله وسط .عندي ملف علاج طبيعي وسويت لجنه الحركي وظلموني وعطوني ٢٠% بسيطه دائمه بدون واسطه وما رحت عقبها ولاسويت تظلم ولاشي التهيت عبا بعمليه وجذي اقدر اعيد اللجنه ووين؟بالحركي او بابن سينا لان العمليه بابن سينا واعاني من صرع واسفه اني طولت ومشكوره ياقلبي على الرد​

 

[مباركيه]

الحمد الله يا عزيزتي وعسى ربي يعطيج الصحة والعافية ويخليلج عيالج


هما اكيد بيسون لج لجنة جديدة واخذي معاج كل التقارير اللي عندج سواء

كان العلاج بالكويت او بالخارج وودي معاج كل الاشعات ان وجد وان شاء الله

تتيسر امورج واللجنة تكون في مستشفى العظام في منطقة الصليبيخات .

 

["بوح الجروووح"]

يعني اسوي تظلم؟لان شهادتي لها ٣سنوات جديده .واسفه على كثر الاسئله بس والله حايسه مادري شسوي وشكرا مقدما​

 

[مباركيه]

أي شهادة تقصدين!

اذا قصدج شهادة الاعاقة والله ما عندي فكرة بالنسبة للتقاعد


بس انا لما قدمت على التقاعد الطبي ما سألوني عن الشهادة سولي لجنة ثانية


وثالثة هو الشي فيه تعب شوية وروحة وردة الشغلة مو سهلة بس حاولي


والله يسهلها عليج ...

 

["بوح الجروووح"]

مشكورة ياحياتي وماقصرتي الله يعيني على الدوخه