التلقيح الصناعي

[JuJu]

السلام عليكم بنات ..
عندي سؤال حق كل البنات اللي سوو تلقيح صناعي و حملو منه , هل تم الحمل ؟
عندكم عيال من التلقيح الصناعي ؟
واجهتكم مشاكل اثناء الحمل ؟
هل اهو نفس الحمل الطبيعي ؟
(انا الحمدلله مرتيين نجح معاي بس الله ما كتب انه يتمون )
ودي اعرف تجاربكم ..



(ربي لا تذرني فردا و انت خير الوارثيين يا رحيم يا رحيم يل رحيم)

 

[ايمان80]

هلا والله اختي
صراحة ماعندي فكرة عن هالموضوع
بس عندي سؤال؟؟وين سويتي التلقيح الصناعي عند اي دكتور لان ناوية اسوي الشهر الياي اذا الله ماكتب لي هالشهر

 

[مبدعة]

انا بنت عمي مسويه تلقيح صناعي و اهو عادي نفس الحمل الطبيعي بس الفرق انهم اهما يحطون السائل في شي نفس الابره و يعطونج اياه عن طريق المهبل

و الحمدلله ما عانت من مشاكل كلش و اعتقد كانت تاخذ ابر مثبته

 

[تمر حنا]

اي والله ياليت الي سوت تشرحينا شلون بالضبط وجم يوم نامت بالمستشفى وتقول لنا كل شي ومشكرين سلفا

 

[أحلى عيون]

انا سويت 12 مره تلقيح صناعي وما صار معاي الا الحمدلله على كل حال مره وحده ورزقت فيها ببنتي الله يخليها لي يارب


بالنسبه للاسئله تاخذ الحيوان المنوي ويصفونه وينقونه بعد ماااخذتي كورس كامل من الابر وتنشيط المبايض وبعد التفجير تقعدين يومين وبعدين تروحين للمستشفى


وبعد ما ينقونه ويصفون الحيوانات المنويه تنامين على ظهرج وبعدين يجيبون الحيوانات المنويه داخل ابره وانبوب طويل وتقعد الدكتوره تدخل الانبوب ليما تحسين بوخزه باحد المبايض

وبعديها تنامين سااعتين على الاقل على ظهرج ويحطون تحتج شي يرفع المأخره

وبعدين يقولون لج لمده يومين فيه جماع وبعد اسبوعين اذا قبل موعد التحليل نزلت الدوره يعني العمليه فشلت واذا بعد الموعد المحدد للتحليل ما نزلت مبروك وحامل



انا قعدت فوق الموعد المحدد 3 ايام و لا نزلت الدوره واتصلوا فيني المستشفى وكانت تقولي السستر اكيد انتي حامل اقول لها لا يبا مااحس بشي تقولي تو الناس بس حللي وفعلا يوم حللت الحمدلله عرفت اني حامل


وهذا كل شي

 

[كويتيه مذهله 87]

والله الي اعرفه ان التلقيح الصناعي اذا حملتي فيه مثل الحمل الطبيعي بس طريقته ان السائل يحطونه بابرة ومايصير جماع طبيعي

انا كنت بسويه عند د ناهده العلي بس وقت العمليه ريلي كان مريض وقالت خلووها طبيعي
واختي سوته عند د فوزيه القطان وحملت ماشالله

 

[فوفه]

انا سويته ثلاث مرات اول مره نجح بس للأسف كان الحمل ضعيف ونزل وما كملت شهر والشهر اللي بعده سويت مره ثانيه وفشل ونزلت الدوره باليوم التاسع من التلقيح ووقفت علاج لفتره وكررت التجربه للمره الثالثه وحملت ولكن الله ما كتب ونزل بالشهر الثاني .. ادعوووووولي ان احمل بالتلقيح الرابع[/b]