التهاب البول(وانتم بكرامه)

[العجميه سبشل]

مسااااء الخير \صباااح الخير


باختصار
انا وحده مااشرب ماي واجد وهذي اكبر مشكله عندي يعني لو يمر يومين مااشرب ماي عادي عندي
لين جاني التهاب بالبول وانتم بكرامه

بصراحه اذاني وماصار ليلي ليل ولا نهاري نهار
جتني حكه قويه في شيسموووونه
اهني رحت الطبيب وسوولي تحاليل
وقالولي فيج بكتيريا
عطوني مضاد حيوي قوي

بس المشكله!!!!!!!!!!!

خفت الحكه شوووووووووووووويه بس


وثاني شي صارت المنطقه طبقه بيضه كأنه راشتها بملح


اللي عندها خبره بهالموضوع تفيدني شنو اسوي حدي تعبت
صارلي شهر وانا تعبانه

 

[برنسيسة الشمال]

حبوبه معروف التهاب البول للحريم يسبب التهاب بالمهبل
عشان جذي حافظي على نظافه المنطقه وتوضي بمره وملح شطوف روعه
وكثري من الماي وفي شغله لالتهاب البول انج تشربين مغلي البقدونس عن تجربه 7 ايام

 

[العجميه سبشل]

ياحياتي مشكورة
ماتدرين شكثر اعاني

 

[ســتارز]

الله يشفيج صج شي يضيق الخلق ويحطم النفسية

حاولي من تقعدين الصبح تشربين كوب ماي نص بارد ونص من الفلتر

وبعد الريوق وبالعصر تخيلي تمسكين الكوب وكأنج تشربين كوفي ومع الايام تعودين وتنحل مشاكلج باذن الله

 

[العجميه سبشل]

احاول بس بيني وبين الماي عداوه
واذا شربت ماي لازم يكون ماي صحه مع ان الدكاترة امنعوني من ماي الصحه كثرتة موزينه

 

[Miss Cherry]

امبيه لا بهالحر لازم تشربين الماي

اصلا حتى بشرتج تتغير اذا كنتي تشربين ماي عدل وتغذيتج زينه

لالتهاب سمعت قصب السكر زين و الخضره الخضرا وحافظي على النظافة .. بس لا تحرصين على المضادات تضر اكثر من انها تنفع

 

[ريحانة الجبل]

السلام عليكم ورحمة الله وبركاته .
يالغالية ، الله سبحانه وتعالى قال في كتابه العظيم ( وجعلنا من الماء كل شيء حي ) كــــل شـــــي ، يعني خلايا جسمك كلها ومن ضمنها الخلايا في الجهاز البولي والتناسلي محتاجة لماء صافي مو عصير و بيبسي وشاي وما أدري شنو - ماء صافي صافي من الفلتر عادي ، ليش عشان ما ندخل في مشاكل اصغرها اللي عندك ، لأن قلة الماء تسبب حصى في الكلي ، امساك ، خلل في الدورة الدموية لكافة اعضاء الجسم الحيوية ، وفي حالتك ممكن الله لا يقول تتطور الى التهاب في الجهاز التناسلي الداخلي وتؤثر على الانجاب ..
انا بنتي صادفها هذه المشكلة ومن خلال خبرتي عالجتها بالتالي :
1 - تاخذين بطل ماء صحة الكبير وتفرغينه من الماي وتعبينه ماء مصفى عادي وتخلينه على تسريحتك او في الصالة يعني في اي مكان تتواجدين في أكثر ، وتغصبين نفسك تخلصينه قبل ما ينتهي اليوم ( الانسان الطبيعي يحتاج على الاقل ثمانية اكواب ماء يومياً).
2 - تاكلين علبة روب يومياُ واذا تقدرين علبتين لان الروب يعتبر مضاد حيوي طبيعي ، بس ديري بالك من الامساك.
3 - حاولين تقللين من الحلويات والسكريات والتي تعتبر عامل مساعد للفطريات .
4 - تبولي وانت بكرامة اكثر من الطبيعي يعني تخليى ان المثانة جدامك وكل شوي فرغيها مو الا تنطرين جرس الانذار ، ليش عشان تطردين اكبر عدد من الفطريات والجراثيم بسرعة من جسمك .
5 - ملابس الداخلية تكون من قطن وبدليهم اكثر من مرة وما في مانع تستعملين الحفاظات اليومية بس النوع اللي ما يكون عليه طبقة ( النسيجاف ) يعني تكون الطبقة الخارجية قطن .
6 - مسكي نفسك على قد ما تقدرين عن الحك والهرش حتى لما تغسلين بسرعة وقومي .
7- ممكن تستعملين الماء اللي في شوي خلي للغسيل .
8- ما أدري الدكتورة عطتك مراهم ولا لاً ، بس انصحلك بمرهم الفاكورت هو يحرق اول ما تحطينه وبعدين تروح الحرقة بس وايد زين .
9 - اذا متزوجة الاحسن توقفين الجماع عشان الفطريات لا تنتقل لزوجك وبعدين ترجع لك وتعيشون في دوامة :eh_s(16):
10 - بس كافي شني طولتها واهي قصيرة , :ch12:
سلامات وما تشوفين شر

 

[العجميه سبشل]

مشكورة يالغاليه

شوفي فوق ما انا عدوة الماي على كثر مااحب الحلويات

بس بحاول اشرب ماي واقلل حلويات وراح اكل روب

والدكتورة بس عطتني مضاد حيوي ماعطتني اي مرهم

بس عندي كريم سودو قاعده الحين اجربه

 

[Pepsi Cola]

روحي الصيدليه في دوا علبته بيضه وغطاه اخضر والحبوب دوائر صغار لونهم اصفر اهم حبوب الزنجبيل ينظفون المسالك البوليه ويخففون آلام الاتهاب مع الاستمرار يروح باذن الله، حاولي تشربين لو نص بطل ماي او ربع كبدايه شوي شوي لين تتعودين وماتشوفين شر

 

[العجميه سبشل]

الشر مايجيج

انا جربت الفاكورت مثل ماقالت ريحانه الجبل
وشوي خف العوار الله يجزاها خير
وبنطر يومين اذا مراح
اشوف الحبوب هذي

 

[المسك22]

اختى عندى سر خطيييير======الحل هووووووو========الروب يعني الزبادى اكلي علبة كاملة مثل الايس كريم

ترى الروب يقضى على البكتيريا اللى بالجسم وراح تحسين بانج احسن بعد يومين او ثلاث ايام ===اما البياض اللي مضايقج روحى للدكتور

واسالي عن كريم كيناكومب ترى لازم وصفة طبيب وان سمحلج فيه ترى هذاا الكريم ررروووعة
===انشاءاللة افدتج

 

[يوآش يوآش]

ماتشوفين شر

 

[**اطيب قلب**]

انصحج بشرب مغلي حبه البركه(سويده)
و الله يشفيج

 

[نوريه بالشكلاته]

انصحك عن تجربه بشرب الشمر

ملعقه مع كوب ماء مغلي اتركيها عشر دقايق

واشربيها قبل الاكل مدة اسبوع وشوفي انشاء اله تدعيلي

الله يشافيك

 

[بنك بااستا]

الله يعنيج انا صار فيني توه والله متعب