التوائم كيسين منفصلين والمشيمه واحده .. افيدووووني !!!

[joojoo.f]

مرحبا بنات شلونكم

سؤالي يالغاليات انا حامل ماشاء الله لاحول ولا قوة إلا بالله بتوائم

ودخلت الرابع من اسبوع الدكتوره قالت لي انهم كيسين منفصلين بس

المشيمه واحده ....

اللي صار لها مثلي ياريت تطمني خايفه يتغذا واحد على حساب واحد

،،،،،،،

رحت للدكتوره عشان ارتاح ورجعت شايله هم اكثر ..

الله يسعدكم افيدوني .

 

[كوكي العسل]

والله ماعندي فكرة اختي

بس لا تحاتين ان شاء الله يكون وضعهم ونموهم تمام يارب :yaaaaaarb:

 

[ام عفاف الكويت]

يعني توام متشابهه وحمل طبيعي
واحتمال جنس واحد
بس كل واحد جيس يغذيه ويحميه
كل واحد بروحه بس

 

[ام عفاف الكويت]

ونسيت اقولج ربي يتمم عليج ويحفظهم لج يارب

 

[joojoo.f]

الله يسعدكم عالرد

لكن مافي احتمال لاسمح الله انه واحد يتغذا

من دم الثاني

مرررره خايفه مدري ليه

 

[ام عفاف الكويت]

لاياحياتي
انتي اهتمي بغذائج والحليب والاكل المفيد
والفيتامينات

 

[joojoo.f]

الله يسعدك ويطمن بالك على ولدك وترجعون قريب يارب

والله كلامك يريح لكن ذابحتني الهواجيس

 

[ام عفاف الكويت]

لاتخلين الوسواس يسيطر
استمتعي بكل لحظه اطفالج في بطنج
بحملهم وحركتهم ورقي نفسج
وداري امورج بالكتمان
وربي يسهل عليج حملهم وولادتهم وتربيتهم
ودعواتج لي بالتوائم الصالحه

 

[joojoo.f]

الله يرزقك التوأم تامين الخلقه حسنين المظهر يبرون بوالديهم يارب

والله انا ماقلت حتى لامي ماعندنا توائم في بيتنا لكن من اهل زوجي فيه

وحابه تكون مفاجاه لها وفي نفس الوقت مابيها تشيل هم

 

[ام عفاف الكويت]

ان شا الله مافي هم
وبالنسبه للتوائم صج تعب وشقي بس لازم احد يساعدج
قبل ولادتج بلغي امج ان مو حابه الحين
والراحه الراحه الراحه
ونااااامي كثر ماتقدرين قبل الولاده لانه بعد الولاده مافي نوووووم

 

[Q.8.h.2]

الله يرزقك التوأم تامين الخلقه حسنين المظهر يبرون بوالديهم يارب

والله انا ماقلت حتى لامي ماعندنا توائم في بيتنا لكن من اهل زوجي فيه

وحابه تكون مفاجاه لها وفي نفس الوقت مابيها تشيل هم

ما شاء الله تبارك الله وربي يتمم عليج بصحه وعافيه

انا مرت حماي حملت بتوائم لين اخر الشهور بطنها مو طبيعي بالحجم مبين ان فيها توام بس في ناس سبحان الله بطنهم كبير مع ان ياهل واحد فقلت لها مره فلانه شكلج فيج توام قالت جان زين والله الله يعين يحليلها بعد سنين حملتت فيهم ومن خوفها ماتقول وبنفس الوقت ماتجذب لو ندقق بكلامها ماجذبت قالت جان زين هههههههههههه الله يحفظهم لها يارب
وفعلا مثل ما قالت اختي ام عفاف كل امورها بالكتمان احيانا تنام بالمستشفى وهم ماتقول حماي كان يقول راحت بيت اهلها عشان محد يحاتي ويشك وولدت الحمد بالسلامه

الله يتمم عليج يارب ولاتنسين ترقين نفسج وعيالج ان شاء الله اذا يبتيهم بالسلامه ان شاء الله

 

[عالمي المجنون]

الله يسهل عليج

ويحفظهم لج

 

[&موناليزا&]

الله يهون عليج

واي استفسار انا حاضره؟

 

[هيبة الطاووس]

الله يقومج بالسلامه يارب ويخليهم لج

واحمدي الله انهم منفصلين لأن مرات اذا جيس واحد ممكن يتلاصقون

ماكو الا الخير يارب
وحطي ايدج على بطنج وسوي التسبيحات لتغذيتهم

 

[joojoo.f]

الله يطمنكم ويهدي سركم ويعطي كل وحده ماتتمناه

وربي ريحتوني بكلامكم

عاد تصدقون خواتي يقولون لي في الرابع وتتهولييين كنك في السادس اقول في خاطري والله ماتدرووون ايش فيني

اللهم يتمم ويسهل حملهم ووضعهم بصحه وعافيه

 

[Violetta]

حبيبتي متى سمعتي نبضهم مع بعض و الا بينهم جم يوم?
الله يسهل عليج و تشوفينهم يارب

 

[ملاك 2011]

حبيبتي الله يتمم عليج لا تحاتين بنات عمي جذي كانو تؤم من مشيمه وحده يطلعون نسخت بعض ماتفرقين بينهم مشالله الله يتمم عليج يارب وتشوفينهم بصحه وعافيه

 

[joojoo.f]

ڤيوليتا مافهمت سؤالك كيف بينهم كم يوم

اهي تحط الجهاز على كل واحد لحاله بسم الله عليهم وتاخذ قياساته ونبضه

بس اللي تحت احسه اقل حركه من اللي فوق وشايله همه
......
ملاااك

الله يسعدك عالدعوه الحلوه ،،، الله يهدي بالي واشوفهم قدامي بصحه وعافيه وياك وجميع المسلمين

 

[Violetta]

الله يسهل عليج لا تشيلين هم انشالله يكونون بخير
انا سويت سونار واحد اكبر من الثاني و واحد فيه نبض و الثاني لا
فقلت يمكن لان واحد اكبر من الثاني و الثاني صغير رغم ان الدكتوره قالت ماعتقد يعيش و الله كريم

 

[joojoo.f]

ادعي ربك انه يثبته بخير وصحه والله يكتب لن

اللي فيه الخير ،،،،

خوفتيني فوق مانا خايفه