التوائم كيسين منفصلين والمشيمه واحده .. افيدووووني !!!

[NODA 2]

شكلا فيج ابنيه وصبي سبحان الله اذا منفضلين يكون جنسين متخلفين بس اذا نفس الجيس يكون جنس واحد حكمت رب العالمين
ان ما يجمع البنت والولد بمكان واحد الله يسهل عليج

 

[joojoo.f]

سبحان الله ،،

والله نفسي في بنت وولد بس الله العالم

انا سويت سونار واحد بين انه ولد والثاني اللي تحت مابين

وقالت اخر الشهر بتأكد لي جنسهم

انا ماهمني الجنس اللي من الله حياه الله.

افكر في المشيمه هل فعلا يتغذا واحد على حساب الثاني رغم انهم منفصلين

 

[joojoo.f]

اعوذ بكلمات الله التامه من شر كل شيطان وهامه وكل عين لامه

،،،،،،،،،،،،،،،،

مافي وحده صار لها مثلي بنات ؟؟

 

[Violetta]

والله يا حبيبتي محد يرد خصوصا بالتوم نصيحه خلج مع دكتورنج
الله يثبت حمل الجميع و يسهل علينا

 

[Miss Chanel]

عسسسسى ربي يقومج بالسلامه
ويقر عينج بشوفتهم يارب

 

[ام التوأأم]

هلا اختي
بقولك انا بحتفل بعد عشر ايام تقريبا بحفله ميلاد بنتي وولدي التوأم
اول مواليدي
ربي يحفظهم لي ويشفي لي بنتي
اختي لازم لازم تجيبين لك شغاله تساعدك انا قدمت على شغاله وانا في الشهر الخامس
وجتني فلبينيه مو مسلمه وقتها كانت قربت ولادتي ورجعتها من المطار مع اني طالبه مسلمه
ماتضمنين شغاله مو مسلمه في بيتك خصوصا معاك مواليد لازم نأسسهم صح على الاسلام
جبتهم في الشهر الثامن وتعبت من ناحية الشغالات الين ربي سخر لي بنت الحلال شغاله اندونيسيه وكان اعمار اولادي 3 شهور
والا يومك هذا ربي يسعدها مرتاحه منها لأنك ماراح تقدرين بدون شغاله الا اذا كان احد يساعدك
من ناحية الحمل بتوأم انا تعبت كثير
لأن جسمي نحيفه شوي اول ماكنت في الثاني قالت لي الدكتوره احتمال واحد يعيش والثاني لا
واكيد الثاني كانت بنتي لانها انولدت كيلو وشوي ههههههههههه اخوها اخذ غذائها
وعندها مشكله حاليا بس انا راضيه ومتفائله خير
دايما ارقي نفسك وارقي الي في بطنك
والله ثم والله يااختي ماكنت ناويه اعلم انهم توأم بس كنت اتعب واتنوم بالمستشفى كثير وكانت زيارات من اهل زوجي كثيره الين اكتشفو الامر..وقتها مسكت ام زوجي وقلت ياعمتي انتبهي تقولي لأحد لدرء العين
لان عايلتهم مافيها توأم ولا اي عايله عندنا
قالت ابد ابد مابعلم
والله يابنات من الشهر الخامس والناس تتصل من كل مكان يباركون لي على التوأم وانا تكدرت خوفاً على الي في بطني
سلفاتي بدأو ينشرون وعمتي الله يسعدها بدأت تعلم الناس من فرحتها لولدها وهي على نياتها اصلا
وحلفت بعدها مااعلم وش نوع الي في بطني الين اولد
وقبل مااولد بعشرين يوم جاني خبر ان البنت فيها مشكله وقالي الدكتور بنتك قبل ماكن فيها المشكله المشكله طلعت قريب
اه يابنات اه بس مشكله في المخ ربي يشفيها
سبحان الله حلمت وانا في الشهر الخامس بعد ماانتشر خبر حملي بتوأم حلمت بحلم ماانساه طوال حياتي
حلمت اني جايبه اولادي واعمارهم سنتين وان ولدي يلعب طبيعي شكله وبنتي تلعب بس عندها عين والعين الثانيه مو موجوده
وكأنها ناقصه وانا في الحلم اقول ابوها فلان بن فلان راح يسفرها ويعالجها برا
لما فسرت الحلم عند شيخ بعد ولادتي قال ان بنتك مصابه بعين وراح تسافرون تعالجونها
وفعلا سافرنا للأردن ندور استشاره......لازلت اعاني من ناحيتها بس احبها..ماتمشي الآن بس تجلس ولاتتكلم
وجودهم حلو مره بالحياه بس ادعولي ان ربي يشفيها ويصبر قلبي المووجوع خصوصا ان بعدني في بداية حياتي
انصحك اختي انك ترقين نفسك وترقين الي في بطنك
هذا قصتي واي استفسار انا موجوده

 

[ام التوأأم]

اختي قلت لك وضعي مو عشان اخوفك لا والله
علشان انصحك تقرأين على نفسك وعلى الي في بطنك
وانصحك علشان مسؤلية التوأم تحتاجين ال شغاله
دعواتك لبنتي ولي لأن احتمال بنتس تتشافى
بنات انا سعوديه وافتخر كمان اني اكون معاكم واكون بينكم

 

[أم وليد الشمري]

أهم شي نفسيتج لا تحاتين حبيبتي
وان شا الله تشوفينهم بحضنج سليمين معافين
أعرف وحدة من العايله جي والحين كا ما فيهم الا العافيه
بس واحد أضعف من الثاني

 

[خيشة شكر@]

الله ياربي يتم عليج امييين وعلينا

 

[joojoo.f]

ام التوائم


الله يشفي بتتك ويخليهم لك اللهم امين

الخوف سبحان الله من الله غصب علي لكن ونعم بالله

ام وليد

خيشه سكر

مشكورين عالكلام الطيب

 

[حبيبيM]

ماشاءالله تباااارك الله... الله يحفظج ويحفظهم ياااارب

ياااارب يتمم عليج ويرزق كل من تتمنى ياااارب

 

[داريني]

الله يتمم عليج انا نفس وضعج حملت بتوأم كيسين و مشيمة وحدة و بنوتات وطبعا يصيرون توأم متطابق والحمدالله لا تحاتين بس ديري بالج و كل شهر راجعي و انشالله تولدين بسلامة

 

[joojoo.f]

الله يطمنك حبيبتي فعلا قل لن يصيبنا الا ماكتبه الله لنا


توكلت على القوي القهار

مشكورين بنات