التواليت ( التسريحه )

[منوره]

مرحبا بنوتات 00
السلام عليكم

ياليت تساعدوني يا بنات بافكاركم الحلوه وتقولون شلون ترتبون الميك اب و الاكسسوارات و العطور على التواليت وابغى منكم افكار لديكور التواليت 00 وشنو الشي الي ماتستغنين عنه في تواليتك ؟؟

 

[^SwEeTa^]

رد : التواليت ( التسريحه )

هلا و الله بمنوره

بالنسبة لتسريحتي ..

فيها 4 يرارات 2 صغار و 2 كبار ..الصغار حاطه فيهم المشوطه و الشباصات و كل شي يتعلق بالشعر .. و الثانية فيها العطورات اللي ما استعملها و اغلبها يكون طيب و دهن عود .. و الكبار وحده منهم حاطه فيها أشياء ما تتصل ببعضها .. يعني كوكتيل .. و الاخيره فيها كريمات الصنفره و وياهم اشياء وايد بعد ..

اما التوب .. حاطه على اليمين .. عندي جنطة مكياج كبيره .. و علبه صغيره فيها الملاقط و المقاريض .. و حاطه ست كامل لتعطير الجسم بعد الحمام عباره عن بخاخ جسم و كريمين واحد منهم كبير و زيت مساج .. طبعا هالطقم ما استغنى عنه كلش كلش .. و على اليسار عطوراتي و عطورات زوجي و البخور .. مصففتهم على شكل مثلث مائل قاعدته ناحية المنظره (يعني شكل مثلث مقلوب ) ..

و مزينه التسريحه بفازه صغيره فيها ورد مجفف و علبة على شكل صدفة و بوكيه ورد صغير توه يايبينه حقي اشحلاته عليه ثلاث دببه صغار و كل دب شايل ورده .. و بس هذا كل شي

 

[منوره]

رد : التواليت ( التسريحه )

شكرا

 

[^SwEeTa^]

رد : التواليت ( التسريحه )

العفو

 

[^^دموع الكويت^^]

رد : التواليت ( التسريحه )

هلا وغلا

خوش موضوع

بالنسبة لي حاطة المكياج كله بجنطة كبيرة مخصصة للمكياج اللي تكون مقسمة

والشباصات حاطتهم بسلال والعطورات حاطة بس الأشياء الي استعملها والباقي داخل والكريمات تكون على التسريحة والزايد هم يكون داخل يعني بس الاشياء المهمة تكون على التسريحة وتنحط بشكل مرتب ..


مشكورة على الموضوع الحلو

 

[& مياسة &]

مشاركة: التواليت ( التسريحه )

صراحة موضوع راااااااااااااايق ويستحق الرفع !
بس وين افكاركم بنات ؟
عطوووووووووونا مما أعطاكم الله

 

[جوري الكويت]

مشاركة: التواليت ( التسريحه )

مكياجي احطه في جنطه ميك اب فور ايفر ...
والمكياج اللي على التسريحه احطه في الصندوق بو أدراج صغيره اللي بلوازم العائله ,,

الصراحه أحسن طريقه و ما يتعب لمن أدور على شي

 

[اعييز]

مشاركة: التواليت ( التسريحه )

شوفي يالغاليه .. بالنسبة للميكب مابيج تخترعين بس عندي يراره كامله

وشريت من ايكيا العلب البلاستيك الكبار عند قسم اليهال .. طبعا واحد مايكفي .. شريت أثنين وشكله الثالث بالطريج وايد ضف لي شغلي .. والأشيا اللي ماتنحط بالعلب مثل بودرات الجسم والسفنج معاهم ..

ويرارة عناية ونظافه .. هذي الله يسلمج عباره عن يرارة تخزين ، يعني سوالف الكلنكسات الصغيره اللي حق الجنطه والكوتكس والكيرفري وعلب بلاستيك ملوت بو 100 حق الخلطات وبونيهات ومعجون وفرش .. احتياطاً لموجة الكسل اللي تييني
وهم فيها الصنفرة مالت بدي شوب واكسجين الجسم واكسجيني العادي والفازلين العود ...

والتواليت خليته بس حق الكلونيات والسن بلوك واللوشن اليومي ..

امممم والاكسسوارات حاطتهم باليرارات الصغار ملوت ايكيا ..

ضروري احط لج لقطات من التواليت

 

[bnt q8 in usa]

مشاركة: التواليت ( التسريحه )

انا شاريه لي جناط مقسمه
الاولي حق الساعات والاكسسوارات وتتسكر طبعا ولها قفل
الثانيه حق المكياج وانا احط الحمر

والعطورات حاطتهم علي جنب والجنب الثاني الكريمات

الدهونات واطيب بعلبه مقسمه بالجرار
ويرار حق الشباصات داخل سله
باجي المكياج بجنطه وداخل الجرار

السنفره واللذي منه في تكرمون الحمام برف مخص لهم

 

[منورة]

مشاركة: التواليت ( التسريحه )

يا جماعة اللي كاتبة الموضوع مو انا شلون فية اسامي متشابة ؟؟؟؟؟؟؟؟

 

[زيـنـه]

مشاركة: التواليت ( التسريحه )

اهيا بالهاء و انتي بالتاء المربوطه

و على ترتيب التسريحه هذا الشي اللي ليومكم افكر بطريقة ارتب التسريحه فيها بدون ما يطلع كل القش عليها .. احس كل ما قلت الاشياء عليها كل ما صار ارتب

 

[سبائك]

مشاركة: التواليت ( التسريحه )

احسن شي حق ترتيب المكياج اهو الادراج الصغار النايلون

في منهم احجام

وانتي تقسمين مكياجج بكل درج تحطين شي

يعني درج للحمر.........والثاني للكحل والماسكرا وهكذا.............

 

[إشراق]

مشاركة: التواليت ( التسريحه )

ما شاء الله خوش موضوع ومابقى شئ أقوله الاخوات ماقصروا ماشاء الله
لكن عندي اضافة صغيرة
استفدت وايد الصراحة لما اشتريت من كليرز حامل الاقراط(التراشي)
بصراحة بالدرج انساهم اما على التسريحة اتشجع اغيرهم كل ما اغير ملابسي
لانهم جدامي ويعطون منظر حلو على التسريحة
وشكرا

 

[رفرف]

مشاركة: التواليت ( التسريحه )

الادراج حاطة فيها مشوطي وشباصاتي وكريمات الشعر والكريمات العادية واللوشنات والسشوار ... تقريبا كلشي بالادراج ...


المكياج حاطته ب3 علب كبار اللي من دايسو اتصير شفافة وجنها جنطة ...
العطور اليدد او اللي ماستخدمهم وايد حاطتهم بصندوق شكله حلو

اما فوق التسريحة حاطة عطرين اللي استخدمهم على طول .. فازتين وحدة حاطة فيها اقلام التحديد والكحل والثانية فيها فرش المكياج هذول حاطتهم على جنب ..
سلة صغيرونة فيها مشطي اللي استخدمه على طول وكريم الحماية ودهن عود ..
وعلبة صغيرونة فضة حاطة فيها البخور ...

امممممممممممم شنو بعد .
ظن بس جذي

 

[[ . . Jee Jee . . ]]

مشاركة: التواليت ( التسريحه )

لول منورة ضحكتيني ليش مخترعه ؟ احس فيج ساعات احط مواضيع وانسى
بس طلعتوا توم منورة ومنوره


الموضوع حيل حلو وانا شخصياً استفدت من ردود البنات .. خاصة اعييز وسويتيه < ان ماخاب ظني الاسم صح نسااية


مملوحة .. شلون صاير شكله حامل الاقراط .. ودي اشوفه :/

 

[@ دهن العود @]

مشاركة: التواليت ( التسريحه )

انا عن نفسى ناثره ورد مجفف على التواليت وجايبه قطعة زجاج بحجم التواليت وحطيتها فوق الورد
وبالنسبه للمكياج الكبير وانا ماشالله مكياجى يفتح صالون.... حاطتهم بصناديق مبيته بالدروج مالت التواليت
وحاطه على التواليت عطوراتى وكريماتى وعطورات وكريمات زوجى على شكل ثمانيه من اول الزاويه لغايه النص ونفس الشى على الصوب الثانى
وحاطه على الزاويه اليمين طبق اللى يكون مرتفع وحاطه فيه ورد مجفف وحاطه فوقه كل كريماتى اليوميه الميلك والتونيك والحمايه وهالشغلات
وحاطه على الزاويه اليسار الستاند ابو ارفف وحاطه فيه المسكارات والمحددات والاى لاينر والملمعات
وبالنص حاطه كره زجاجيه حاطه داخلها احجار ملونه وسلاسل ومنزاتها على طاولة التواليت
اكيد الحين بتقولون عفيسه بس بالعكس منظره رهييييييييييييييب عالطبيعه والكل قلدنى

 

[سبائك]

مشاركة: التواليت ( التسريحه )

ماشاءالله عليج يا @ دهن العود @ شكلها تسريحتج فنتق والله
بس سعال اذا بتريدي....انتي توج متزوجه صح؟؟؟؟؟؟؟
يعني ما عندج ايادي خفيه تنثر لج اغراضج على كبر الدار وتعفس التسريحه وتقلبها لج رأسا على عقب صح!!!!

 

[@ دهن العود @]

مشاركة: التواليت ( التسريحه )

ههههههههههه
يعنى مو جديده ولا قديمه

 

[ام عوض]

مشاركة: التواليت ( التسريحه )

لو فيه صور

را يصير موضوع رهيب

 

[سبائك]

مشاركة: التواليت ( التسريحه )

لو فيه صور

را يصير موضوع رهيب

صاجه والله يا وخيتي حاولوا تصورون يابنات

خاصه دهن العود شوقتني اشوف تسريحتها بقلدها خخخخخخخخخخ