التوحد والعدوانية

[الصابرة المحتسبة]

بصراحة يالصابرة انا جربت المبدعين ولكن ما اعجبتني عقب ما راح احسن مدرس فيها انتقل لمدرسة الخليفة
وانا لما رحت لتخرجهم انصدمت تقولين داشة كباريية كلة رقص الابلات اللبنانيات .
واحس اني مرتاحة حيل من مدرستة الحالية لان على اتصال دائم بالمدرسة.

خلااااص عيل تمي على مدرسته وشوفي اخصائي تعديل السلوك
جربتي تسألين الأستاذ أحمد البرماوي اللي بقسمنا

 

[المستغفرة 74]

هذي فكرة ما فكرت فيها
الله يجزاج خير يالصابرة

 

[المستغفرة 74]

قوة اختي

انا اخوي جذي عمره 11 سنة وصاير عدواني طبعا اهوا عندهم داون واكتشفنا مؤخرا بس ان عنده توحد لان الصراحة ما كان احد يعرف هالحالة النفسية

طبعا ما تعالج وحالته قاعدة تتفاقم

اخر شي اخدناله تحويل للطب النفسي بيعطونه مهدئ

ان شاء الله بعد اسبوعين ارد عليج اقولج شنو عطوه

الله يصبرك ويصبر امي حالتهم صعبة والعصبية زايدة الطين بلة

الله يجزاج خير
وعسى الله يشفي اخوج ويريح قلب امج

 

[المستغفرة 74]

السلام عليكم

الله يكون بعونج أختي وربي يآجرج ويرفع حظج بالدنيا والآخرة
أنا مالي خبرة كبيرة في هالمجال
بس من أساليب العلاج إنج ما تتعاملين مع ابنج لوحدج
لازم الكل يشترك معاج
أطفال التوحد لهم عالم خاص
لازم تدمجينهم بعالمج وتخلينهم ينخرطون معاكم
إنج تسويين له كل اللي يحتاجه بروحج ما يطلعه من عزلته
خل اخوانه وخواته وأبوه وكل من يشترك معاج ويحسون بالمسؤولية


النقطة الثانية
ترى أطفال التوحد يتوقعون إنج راح تقرين أفكارهم
خصوصاً إنهم ما يستخدمون لغة للتخاطب والتواصل
فيمكن الولد يحتاج شي إنتي ما تعرفينه
عشان جذي يدخل في نوبات الغضب

برامج تعديل السلوك أنسب حل
ومن كل قلبي أدعي لج بالصبر والثبات

اللة يجزاج خير ويرزقج بالذرية الصالحة
بالنسبة للتعاون الاسرة لله الحمد الكل متعاون وحاس بالمشكلة
واشكرج عالنصيحة الغالية

 

[المستغفرة 74]

ياقلبي الله يشفيه ويهدي بالج

يابعد عمري الله يجزاج خير
والله يسمع منج يارب

 

[الصابرة المحتسبة]

بشريني عن ضروووي الحلو

 

[حرم الحوت]

عسى الله يخليلكم عييلكم ان شاءالله بس بنات بقيت اعرف شنو التوحد ما عمري سمعته ؟؟؟؟؟؟

 

[المستغفرة 74]

بشريني عن ضروووي الحلو

ياهلا وغلا بالغالية
والله لج وحشة
اللة يسلمج ويخلييلج عيالج
الحمدلله ضروي بخير والحين انا معطلة ومتفرغتلة ليل ونهار .
واهو الحين صديقي الصدوق إمجابلني 24 ساعه .عسى دوم جدام عيني (فديتة):friends:
الله يجزاج خير عالسؤال .:hjy5jewf:

 

[المستغفرة 74]

عسى الله يخليلكم عييلكم ان شاءالله بس بنات بقيت اعرف شنو التوحد ما عمري سمعته ؟؟؟؟؟؟

هلا فيج ياقلبي انا اكثر وحدة متابعه مواضيعج المفيدة .ويشرفني اني اجاوب على سؤالج
التوحد هو عبارة عن اعاقة ذهنية .والتوحدي يفقد القدرة على الاتصال والتواصل مع المجتمع الي حوالية.وبالنسبة لولدي ضاري عمرة الحين 12 سنة الله يعافية ويسعدة .يعاني من صفات التوحد .وما عنده القدرة على الكلام .بس لله الحمد يفهم الكلام ويستوعبة ولكن ما يقدر يعبر عن حاجاتة او آلامة .ويتوتر حيل اذا كان يحتاج او يعورة شيء ويقعد يبجي بهستيريا لان حاس انة وحيد ومحد فاهمة او حاس فية .لان ما عندة القدرة على التواصل .



في مرة قريت تعريف عن التوحد في كتاب ناسية اسمة وعجبني حييل التوضيح لان صج خلاني احس في التوحدي:
الشخص التوحدي هو عبارة عن شخص جالس في كابينة قطار وهذي الكابينة مغلقة الابواب والنوافذ ويشاهد الناس الخارج القطارولدية احساس انهم بعيدين عنه ولا يسمعونة ولا يسمعهم .والناس الذين خارج القطار هم اهلة الي يعيشون معاه .صج ماساه الله يعينهم .:yaaaaaarb:

وسلامتج حبيبتي

 

[احب الزين]

السلام عليكم اختي الحبيبه الله يشافي وليدج انشالله انا انصحج انج تسوين له حجامه والله يااختي انه راح يتحسن باذن الله خصوصا هالايام هذي ايام سنه الحجامه اقصد 17و19و21من الشهر الهجري وانشالله راح يستفيد ويهدى وعسا ربي يشافي كل مريض يارب
ولاتنسين ان الدعاء يرد القضاء

 

[الصابرة المحتسبة]

عسى ربي يخليج له وعسى ربي يبلغج فيه اللهم آمين

 

[المستغفرة 74]

السلام عليكم اختي الحبيبه الله يشافي وليدج انشالله انا انصحج انج تسوين له حجامه والله يااختي انه راح يتحسن باذن الله خصوصا هالايام هذي ايام سنه الحجامه اقصد 17و19و21من الشهر الهجري وانشالله راح يستفيد ويهدى وعسا ربي يشافي كل مريض يارب
ولاتنسين ان الدعاء يرد القضاء

مشكوورة عالنصيحة
بس ما اقدر لاني اخاف علية من الالم ما تصدقين اذا شفتة يضحك احس الدنيا تضحكلي وقسما بالله اذا شفتة يبجي احس ان الدنيا ضيجة بعيني وودي ان الارض تنشق وتبلعني .
والله كريم قادر ان يشافية ويعافية .

 

[المستغفرة 74]

عسى ربي يخليج له وعسى ربي يبلغج فيه اللهم آمين

حياتي الله يجزاج خير يالغالية

 

[حوري2004]

مرحبا
عسى الله يفرج همنا اجمعين يا رب العالمين
يوم قلتي
ما تصدقين اذا شفتة يضحك احس الدنيا تضحكلي وقسما بالله اذا شفتة يبجي احس ان الدنيا ضيجة بعيني وودي ان الارض تنشق وتبلعني .
والله كريم قادر ان يشافية ويعافية
والله جنج تتكلمين بلساني جد ذابحني غلاه فديته واخوه معذبني بالغيره منه
واسئل الله العظيم ان يشفيه هو وجميع عيالنا

 

[المستغفرة 74]

مرحبا
عسى الله يفرج همنا اجمعين يا رب العالمين
يوم قلتي
ما تصدقين اذا شفتة يضحك احس الدنيا تضحكلي وقسما بالله اذا شفتة يبجي احس ان الدنيا ضيجة بعيني وودي ان الارض تنشق وتبلعني .
والله كريم قادر ان يشافية ويعافية
والله جنج تتكلمين بلساني جد ذابحني غلاه فديته واخوه معذبني بالغيره منه
واسئل الله العظيم ان يشفيه هو وجميع عيالنا

حبيبتي الله يشافي وليدج ويفرح قلبج فية. وديري بالج راعي شعور عيالج الثانيين واغرسي فية من الحين الحب لاخوة وحاولي تحسسينة انة اهو الافضل والي لازم يساعدج في اخوة المعاق .وان هذا اخوة محتاج لة وشوي شوي لما تشوفينة راح يهتم فية ويخاف علية مثلج بالضبط.عن تجربة .ودايما ادعي ان الله يسخرلة اخوانة والناس الطيبين .